هييييييييه يا [ زمن ] انته و اخوك عليّه و لين اليوم ما اعرف منو اخوك [ خخخ ]
الواحد كم بيستحمل ضغط الدراسه [ مب ضغط التواايـر اقصد الضغط النفسي ] اسبوع واحد ولازم انسلم كل شي فيه
و كل يوم نيلس فالكليه و نرجع بيوتنا ع ويه الفير [ و الفير من متى له ويه بعد ] مسطل ع الاخر اعذروني
و [ استحملوني طشونه ] و اللي ما يبا يقرا لا يلبس نظاره و يتعب روحه
كل اللي عليه انه [ يستريح ] ع الكراسي اللي في الحوي و القهوه بتوصله [ شو خص القهوه فالسالفه الحين ] لا تسالوني.
نكد و ضيج - ضيج و نكد [ اللي يريحكم ] وصلني مسج يقول:
في ظل الصراع المحموم بين الديمقراطيين و الجمهورين على مقاعد الكونغرس على خلفيه
السخط المتزايد تجاه سياسه الرئيس بوش في العراق، يبرز سؤال بالغ الأهميه:
شو ها البرد اللي يانا هالسنة ؟!
و لين الحين ابا اجاوب على السؤال بس مب عارف الاجابه [ عجيب امرك ].
حتى انته يا راعي [ الدوبي ] رفعت اسعارك
تكوي الكندوره الوحده ع ريالين و نص و كنت تكويهن ع ريال واحد [ قبل ]
انا سألته ليش رفعت السعر و زخيت [ الخيزرانه المحنايه ] اللي ع طرف السيت
عسب اذا قالي رافعين سعر [ البترول ] امرغه ابها، بس سلم من الضرب
لانه قالي ارباب سوي يرفع اجرا مال محل .. قلنا ما عليه [ مضطرين ] هالبشاكري
ما خلولي كندوره الا و حرقوها و المستفيد الوحيد هو [ العربي الممتاز ]
ركزوا على الخياط بس لازم [ انخق ] عن خاطرنا شويه
تقول ام كلثوم [ انت فين و الحب فيــن ] و يقول ميحد [ ويـن الوفـا ياهـل الوفـا ويــن ضـاع واتلاشـي مـثـل لـحـلام ]
شو القاسم المشترك بينهم ؟ و اللي يعرف له قوطي بيبسي خالي [ خالي ولا عمي ] ادري بايخه
الموقف اللي يرفع الضغط و يزيد الكوليسرول يوم حد يدخل عليك الحجره و يسكر [ المكيف ] و يطلع
و تنش و انته كااره عيشتك و تستوي [ المحقق كونان ] عسب تعرف منو سكره بس محد راضي يعترف !
بس مب مشكله اخطف على [ رجب ] و اشرب كرك يعدلك مزاجك و يخلي مخك [ يمخمخ ] شرات الخلق.
هذلوولا ربعي، هذا مشروبي [ باربيكان ] مادري ليش تنرفزني هالدعايه
ادري محد فهم شي من اللي كتبته لانه انا بعد مب فاهم وياكم [ كلنا فالهوى سوى ] لوول
اكتب و انا في مرحله الـ لا وعي، عين مسكره و العين الثانيه بعد مسكره.
و في الختام يقول الشاعر
اصون كرامتي من قبل حبي
فان النفس عندي فوق قلبي
رضيت هوانها فيما تقاسي
و ما اذلالها في الحب دابي
و ما هانت لغيرك في هواها
ولا ذلت لغيرك في التصبي
امووت و اعرف شو خص الابيات فالموضوع لول
و سلامتكم و كل واحد يروح بيته الحين
و zZzZzZz [ انقطع الارسال ]
:sleepy:
