الضربة المدارية (ارجو المساعدة)

السلام عليكم ...

سأعود إلى المانيا بعد أيام قليلة و أفكر بشراء قرابة أربعمئة علبة سجائر من الإمارات لأن أسعار السجائر في آلمانيا مرتفعة جدا.

أعرف أحد الشبان من الإمارات يدرس الطب في المانيا و في احدى المرات أتى حدهم بقرابة الخمسين علبة سجائر و تم الإمساك به و أرغم على دفع ضرائب للجمارك و في مرة أخرى لم يتم الإمساك به و مضى بسلام ... للاسف الشديد انقطعت اخبار الرجل و لم اره حتى يومكم هذا فهو في احدى الولايات البعيدة و فاتني سؤاله عن مثل هذا الأمر.

سوف أدفع ثمن الأربعمئة علبة بكل سعادة و سرور و لكنني لن أكون مسرورا أبدا إذا ما أمسكت بي الجمارك في المانيا لأن الضريبة قد تكون مميتة.

هل يمكن أن يفلت كل هذا العدد من علب السجائر من قبضة الجمارك الالمانية و هل اذا اجبرت على دفع الضريبة هل ستكون الضريبة قاتلة.

آسف جدا لطرح مثل هذا الموضوع و لكن قوانين دول الاتحاد الاوروبي مشتركة تقريبا فسعر الضريبة في بريطانيا مثلا قد يقترب من سعر الضريبة في المانيا.

مثلا إذا وضعت كل علب السجائر في حقائب الشحن اوووه يالها من مسألة معقدة:k_no:

بسم الله الرحمن الرحيم ..

هلا اخوي الثعلب ..

الصراحه ما اقدر افيدك لئه اثم ف كل الاحوال مع اني مدخن ! ..

بس حبيت اتواجد ف طرحك واقولك صبحك الله بالخير ..

دمت بحفظ الله ..

هلا أخوي الله يصبحك بالخير ...

شو أقولك أخوي ألم ترى الوضع فعلا صعب في دول الاتحاد الأوروبي فالحكومات هناك جشعة و نصابة اونه عندهم حرية و رافعين أسعار الزقاير بشكل قذر و محولين حياة المدخنين لفقر مدقع و إذا مرض المدخن فلارم يشتري الدوا من فلوسه... يعني ما بقى له شي:3:

باكيت المارلبورو في الإمارات قيمته ستة دراهم و عندهم قيمته بثلاثين درهم هذي بنظري جريمة لا و غير هذا كل سنة يرفعون السعر هذي مب حرية.

لازم يكون في طريقة حتى الأغراض ما اطيح بيد الجمارك.

يا ليتني سألت هذاك الريال اكيد هو سأل فعنده خبرة كبيرة، بس عندي أمل إن واحد من الشباب اللي عندهم خبرة بالسفر و الزقاير و الضرائب في المنتدى يعطيني و لو جزء بسيط من المعلومات اللي عنده.

في الانتظار ...

بصــراحه I'm shocked
شكلك مهووس بالتدخيييـــن
الله يفكك منها

هذي بصراحة تجربة خطرة و عواقب الفشل فيها وخيمة.

شباب اللي مستحي يحط رد على الموضوع لأنه هالشي ممكن يسيء لصورته يطرش على الخاص و إذا قدر يفيدني بتكون خدمة ما بنساها له .. لو هو كان مكاني و ما يعرف شو يسوي و كنت أقدر أساعده ماكنت باخذ وقت طويل حتى أسوي هذا الشي.

مزايا ...

والله مب عارف بشو أرد عليج أختي .. هذي زقاير الواحد (محتاج) يدخنها و (لازم) يدفع فيها فلوس ... و أنا ما أريد أكمل سنة ثانية في ألمانيا و اشتري لي كل يوم باكيت بثلاثين درهم.

و مثل ما يقولون بالألماني Auf jeden Fall muss ich rauchen

في الانتطار

بصــراحه اخوي
انا أقدر اوفر لك شخص يوفر لك الكميه وهو يشتغل فالجماارك بعد
بس بصــراحه قلبي مايطاوعني اسوي هالشي

السلام عليكم

والله أحسن شيء سوته ألمانيا إنها فرضت هالضريبه :fa35:

إنته كريم بس والله ما تستاهل .... ربي ينسيك إياها :3:

الثعلب الرمادي .... ردي ليس تهجما على سجائرك ... هو أمنيه أن يحمي الله تعالي شبابنا من خطرها

أختي المشكلة مب في جمارك الإمارات المشكلة هي في جمارك المانيا لأني لو دخلت أكثر من عشرين باكيت فلازم أدفع ضريبة عن كل زقارة مب عن كل باكيت و كل باكيت فيه حوالي عشرين زقارة و الضريبة هذي اللي على الزقارة الوحدة قيمتها درهم واحد يعني لو اشتريت باكيت مارلبورو من الامارات بستة دراهم فلازم أرد أدفع عن الباكيت نفسه عشرين درهم كضريبة.

ما أصدق كل هالشباب الكبار و المتعلمين في المنتدى اللي مروا على الموضوع لا يدخنون و لا يعرفون حد يدخن.

فيج الخير أختي مزايا و شكرا لاهتمامج لكن موضوع مثل هذا لازم اتناقش فيه مع واحد عنده تجربة و خبرة للاسف بعد كم يوم بسافر و أنا حرقت دماغي بالتفكير حتى أطلع بأفضل طريقة حتى تنجح عملية الضربة المدارية The Orbital Hit.

لكن بدون معلومات احتمال فشل العملية كبير

http://ec1.images-amazon.com/images/...V59762536_.jpg

حلم الطفولة ...

سهل عليج تقولين هالكلام، بسبب نقص النيكوتين فجسمي صار النوم شي صعب جدا حتى هذي اللحطة صار لي يومين صاحي و ما قدرت أنام أكثر من ثلاث ساعات.

أنا أعرف إن الكلام اللي قاعد اكتبه الحين خطأ و اطلب السماح منج و من الأخت مزايا و من الأخت شمعة أمل و من باقي أعضاء المنتدى أنا فقدت الاتزان و صرت اكتب كلام مب لازم اكتبه ابدا.

في قلبي إحساس غريب مثل النار الملتهبة

الثعلب الرمادي

ممكن تفهمني شوي ؟ الحين إنته تارك التدخين بالإمارات عشان ترجع إدخن بألمانيا؟

يا أختي القصة مختلفة،

صعب جدا أشرح القصة لأنها وايد طويلة و معقدة و شخصية بعض الشي، لكن أنا توقفت عن التدخين في الإمارات لأن الوالدة ما تعرف إني أدخن و و ما أحب إيي يوم و تشوف الجقارة بحلجي لأن هالشي بيزعل الوالدة و أنا أحب أمي و ما اتمنى ايي يوم و تكون زعلانة بسببي.

كنت يوم بعد يوم اتمنى أرجع الإمارات و يوم رجعت ظهر التأثير السلبي لنقص النيكوتين و حول الإجازة لشي بشع الحين أتمنى أرجع لألمانيا بأسرع وقت ممكن حتى أرتاح من كل هالعذاب.

يا شباب ما يستوي جي أشارك في برنامج افتح قلبك يالله:k_no: اللي عنده معلومات عن الجمارك يكتبها و ما يكون عنيد و راسه يابس كلها أيام و راجع ألمانيا:k_blush-anim-cl:

اعرف مدخنين بس لما يسافرون ما ياخذون معاهم هالكميه من السجاير

ليش ما تاخذلك شيشه.. او مدواخ @___@>>>>صديق السووء خخخخ

وبمــا انك قطعتهـــا في الامارات.. حاول تدريجيا في المانيــا انك تخــف منهــا

10 صلووب في اليوم بدل الباكيــت ..

بقولك شي بس لاتفهمها اني اتمصخر عليك او شي.. يقولك الانسان الي يبغي يقطع التدخين يدوخ البيري
اكيد تعرف البيري هذا الي يدوخونه الهنود.. فلو حاولت تقطع التدخين ولو نويت انك تقطعه فجربه..

وفي لبااان النيكوتيـــن .. بعد زين.. بس حاااااااااااااااار وايـــد ..

والسموحه لو كان ردي مافيه اي فايده :)

حلوه هاي بيري هههه
حسبي الله ع ابليسك يا سعود
:vampire:
شكلي بجرب هاي الطريقه يوم من الأيام !

السلام عليكم

تدري يالثعلب الرمادي ... صعبه تلاقي هالأيام واحد شراتك يخاف على مشاعر أمه إذا اكتشفت إنه يدخن:fa35: ...

وعشان تفرح أمك أكثر وأكثر حاول إنك تخفف من التدخين .... الظاهر إنه إرادتك قويه وما بتغلبك سالفة ترك التدخين ... عالأقل عشان أمك وصحتك ...

ادري مالي خص ... بس بعد واجبي أنصح عل وعسى تفتك من السجاير والتفكير بسالفة الضريبه واحتمال إنه الوالده تدري وتضايج منك !

خلك قوى ما تهزك سجاير....

لا تزعل من حلم:3:

خيال الحب ..

الشيشة معقدة و تحتاج إعداد و هي غير عملية لطالب في كلية الهندسة لأن وضعية تدخين الشيشة و وضعية المذاكرة مختلفة و يمكن تحرق الشقة أو العمارة بالكامل و إذا كنت عربي فبيعتبرونها عملية ارهابية و اللي مادرى بيدري.

الشيشة لعبة للشياب و بنات السكن شوية بخار ماي و مواد مخمرة و شيشة سلوم اللي يدوخونها طالبات الامتياز في السكن هذي طعمها و ريحتها مثل حضن بتاني ما اتسبج من شهرين (ما جربته والله) جربت شيشة سلوم مرة وحدة و لا فكرت أعيد التجربة.

المدواخ و الدوخة المحلية يسوونها في عمان جنها حشيش بايلين فيه والله شي قذر و تطلع الريحة أول ما تولعه، بعدين الدوخة أحسها سامة و تغتصب الرئة من أول نفس إذا المارلبورو تاخذ الواحد فوق السحاب فالمدواخ يطلع الواحد خارج الغلاف الجوي للأرض لين ما يقدر يتنفس و يذبحه.

المدواخ عملي جدا و فيه توفير للفلوس بشكل كبير لكن ضرره أكبره و إذا ماكان يعجبك فانت مب مغصوب عليه.

المدخن اللي ما ياخذ معاه كمية كبيرة من الزقاير لها عدة تفسيرات .. ظروف شخص غير عن ظروف شخص ثاني و اللي مسافر للدراسة غير عن اللي مسافر للسياحة و لفترة قصيرة يعني الظروف تتحكم.

انشالله ما ايي هذاك اليوم اللي الاقي نفسي فيه ادخن البيري و اشرب جاهي مع الهنود (أي ني بو ري لي):k_blush-anim-cl:

ألم ترى ..

خيال الحب يبغيني أدخن البيري و تلوع جبدي (باباه وين بيت مال أنا):k_no:

حلم الطفوله ..

الإنسان العادي ما يقدر يفهم حقيقة مشاعر المدخن أو عمق معاناته لأنه ما يدخن فما يقدر يتصور
شو ممكن يسوي شوية دخان لو الشخص ما حصله لأسبوع أو اثنين لكني أقول لكل شخص عادي يبغي يعرف حقيقة المعاناة و يعيشها بدون ما يدخن جرب أحبس نفسك في غرفة بدون أثاث و بدون اضاءة و بدون ما يكون في أحد تتكلم معاه أو تسمعه و بدون ماي أو حتى أكل و بدون حمام و تم فيها أسبوع و تخيل كيف ممكن تكون نفسيتك، الزقارة هي حياة المدخن و إكسير حياته و بدونها هو مجرد حيوان طليق و أعمى، بعض المدخنين إذا توقفوا عن التدخين يصبهم إنهيار عصبي أو يفقدون أعصابهم بشكل كامل.

أفا عليج أختي حلم الطفوله نحن أخوان في المنتدى و ما نزعل من بعض.

شباب ..

انشالله بعد يومين بسافر و هذا هو ندائي الأخير للشباب الخبراء في الجمارك إذا ما تحب تكتب رد في الموضوع طرشه خاص و مثل ما يقول المثل اللي يستحي من بنت عمه ما ييب عيال.

في انتظاركم:icon_rr:

طلعو اصدقاء السوء طلعو XP