إكتشـف أيـن أنـا ؟

السلام عليكم ..

دام إن الإجازة عند بعض الأعضاء بدت قلت بحط لكم موضوع تتسلون فيه وهو عبارة عن إكتشاف
المكان اللي في الصورة وطبعا الفكرة بتكون عبارة عن طرح 3 صور كل كم
يوم (على حسب الإقبال) واللي يجاوب صح بيحصل
على نقاط كـ التالي :

صورة وحده (نقطتين)
صورتين (5 نقاط)
ثلاث صور (9 نقاط)

واللي يجاوب على الثلاثه صح له الصلاحيه إنه يطرح ثلاث صور يديده وانه يرد على
الاعضاء وانا بعطيهم النقاط حسب الاجابات طبعا مع
تدقيقكم للحسابات إذا حبيتوا
:icecream:

الشروط :
1- المشاركه بمناطق داخل الدولة فقط
2- المشاركه بصور واضحه
3- الرد في الموضوع نفسه
4- التخمين مره واحده
5- عدم تعديل الرد

*الاحقيقه بتكون للاجابات الثلاثه الصحيحه الأولى يعني اللي تنطرح قبل والباقين بس تزيد نقاطهم
*مافي حد أدنى أو أقصى لعدد النقاط ولا في جوايز للحين وإذا تغير شي بخبركم أول بأول
*كل الأعضاء يقدرون يشاركون بغض النظر عن النقاط وعددها وإذا كانت الصور صعبه بنسهلها
*الرجاء ثم الرجاء الإبتعاد عن السوالف في الموضوع والإكتفاء بالإجابه والتعليق في آن واحد

الصور بتدأ من ردي الثاني
خلكم جاهزين
:thumbup1:

الاســـطـــوري
أخوكم

الصورة الأولى

http://upload.bindubai.com/download/alos6oory/402.jpg

الصورة الثانية

http://upload.bindubai.com/download/alos6oory/837.jpg

الصورة الثالثة

http://upload.bindubai.com/download/alos6oory/1581.jpg

يالله شدوا حيلكم نبى نشوف شطارة الناس اللي تدل
الأماكن وترا الصور مب
صعبه

*الإجابة تعتبر صحيحه بمجرد ذكر إسم المنطقه أو إسم الشارع أو الإتجاه من وين لوين

موضوع حلوو
انا بجاوب ع الصوره الثانيه

حديقة حيوانات العين
ولي رجعه

الصوره الثالثه على ماعتقد

دبي العابر

صـبـاح الـخير :14:

مـوضـوع جـميل :fa35: بـس بـغيت أسـأل عـادي لو مثلاً أنـحط صـوره وحـده و لااء لاازم 3 صـور :wacko: ,,


وبالـنسبه لـصورك :biggrin: ,,

1_ دبي:k_icon9:

2_ العين:vampire:

3_ همممممم راس الخيمه :4:

الأولى
دبي (بر دبي)
الثانية
العين (zoo)
الثالثة
دبي (البداير)

مـوضوع حلـو

انـا اتريـا الصـور الثـانيه عـسب اجاوب ، لأنـهم جاوبـوا ع الصـور اللي فـوق

مـوفقيـــن

تسلم اخوي ع الموضووع

ونتريا الاجووبه والصوور اليديده


سلام

الدمعة الحزينه

هــــــــــلا ..
.
"خيال الحب"
.

يعيبني حماسك وباقي لك تخمين واحد لاتتأخر فيه يمكن يحالفك الحظ وتكون من الفايزين وأنا مابعلن

عن الإجابات الصحيحه إلا بعدما ألقى ردود كافيه بعد مده معقوله
وطبعا ماتقدر تغير إجاباتك

.

"تنينه"

.

اللي بيحط الصور هو الشخص اللي بيجاوب على الثلاثة صح وإذا طافت مده ومحد قدر يجاوب مع
المساعده طبعا تنزل النتايج ونفس الشخص يرد يحط صور أو أنا بحط
بداله في حالة إنه ماقدر هو يحط
وطبعا الصور لازم تكون مجموعه ثلاثيه عشان نقدر نعطي صاحب الإجابات الصحيحة أكثر عن
الباقين وتعالي يمكن انتي مافهمتي الطلب عدل وبعطيج فرصه
تعدلين في إجاباتج لأني ماطلبت
أسامي الإمارات على الأقل المناطق يعني الفرجان مثلا ام خنور بس جيه جوابج وايد عام
والإمارات كلها سبع يعني مافي مجال للتفكير وراحة حلاوة
الموضوع وشدي حيلج

.

"مزن هتان"

.

شكرا على المشاركه وبخصوص الإجابه الأولى شويه
عامه حاولي تخصصين أكثر
:k_icon9:

.

"مهابه"

.

حتى لو جابوا مب شرط كل الإجابات تكون صح وبعدين حتى لو صح
بتحصلين نقاط ومابتخسرين شي غير إنج
مابتحطين صور
:yes:

.

"الدمعة الحزينه"

.

شكرا على التواجد وننتظر
مشاركتج

.

الاســـطـــوري
أخوكم

عـن هالمثال لول p= انزين فهمت الحيـن شو الـسالفـه ^^".

إجاباتج عامه خصصيها أكثر أذكري اسم المنطقة يعني الفريج مب المدينة أو الإمارة لأنج جيه
ماحددتي المكان المطلوب بشكل واضح ومافيني باجر حد يجاوب
ويقول الشمالية مثلا
:a108:

هيه صح اللي يبى يجاوب ترا عنده للخميس العصر يعني اليوم وعقبها
بحاول أنزل النتايج والصور اليديده وهالمره
بسهل عليكم
:a036:

اقتباس:

---

المشاركة الأصلية كتبت بواسطة الاسطوري

إجاباتج عامه خصصيها أكثر أذكري اسم المنطقة يعني الفريج مب المدينة أو الإمارة لأنج جيه
ماحددتي المكان المطلوب بشكل واضح ومافيني باجر حد يجاوب
ويقول الشمالية مثلا
:a108:

---

:4: فـهــمت فهمت عـليـك :wacko: بس الـمشكلـه أني مـب حافظـه أسامي فرجـان غير فـرجان عـيمان :biggrin: ان شااء الله غيري يكتـشف ويعرف :vampire:


وااالثـموحـه :m_m7tar:

هــــــــــلا ..

"الأماكن"

الصورة الاولى : من الصفا لأحد أبراج أرقى كيلو متر مربع وأعترف إنها صعبه شويه

الصورة الثانية : مدخل حديقة الحيوانات في مدينة العين

الصورة الثالثة : درب حتا وتحديدا قبل البداير

"النتايج"

خيال الحب : الصورة الثانية صح والثالثة غلط = نقطتين

تنينه : الصورة الأولى والثانية شبه صح والثالثة غلط = 3 نقاط

مزن هتان : الصورة الأولى شبه صح والثانية والثالثة صح = 7 نقاط

وتعتبر مزن شبه فايزه لأن ماعندها إجابه غلط وبإمكانها إنها تحط الصور وأنا راسلتها وبنتظر
ردها وإذا ماحبت أو مب مجهزه شي أنا بنزل لكم الصور في أقرب وقت
وشكرا لكل من شارك وننتظر البقية في
الصور اليايه
:fa47:

الاســـطـــوري
أخوكم

الجزء (2)

الصورة الأولى

http://upload.bindubai.com/download/alos6oory/2461.jpg

الصورة الثانية

http://upload.bindubai.com/download/alos6oory/2431.jpg

الصورة الثالثة

http://upload.bindubai.com/download/alos6oory/2459.jpg

وأنا في إنتظار تخميناتكم على الصور ، والنقاط تزيد
حتى لو الإجابه شبه صح
:yes:

الأولى
دبي( نفق وافي)
الثانية
دبي (أم سقيم) :fa36:
الثالثة
------

تقول راح تسهل الصور :3:
تقوم تصعبها :4:

اقتباس:

---

المشاركة الأصلية كتبت بواسطة الاسطوري

الصورة الاولى : من الصفا لأحد أبراج أرقى كيلو متر مربع وأعترف إنها صعبه ]

---

لـــيــــش :k_mad_argue:

جاوبت عن الصوره الوحيده الى متأكده اني أعرفها :4:

الصفا.. عدال مبنى بترول الامارات.. عند المدرسه اليابانيه مب صح :biggrin:

الجزء الثاني:

1- النفق الى عدال لامسي .. يمكن :wacko:

2- حديقة ... "مادري أي حديقه :fa36:"

3- شكله هذا المستشفى الايراني :4:

..

هــــــــــلا ..

"مزن هتان"

حاولت أسهل بس ماعرفت شو اختار بالضبط وهذا اللي طلع وياي هالمره وبحاول في المرات
اليايه أغير الفكرة شويه وعن هالصور بسهلهم عليكم شويه ودام
اني بحط لهم توضيح بعطيكم مجال تعدلون
ردودكم إذا حبيتوا
:image005:

1- المكان متواصل ويه شارع الشيخ زايد
2- المكان قريب من شارع الوصل
3- قريب من مسيد جميرا

"وحي القلم"

بخصوص الصفا هي نفس المكان اللي انتي تطرينه
ويالله شدي حيلج تراني وضحت
لكم شويه
:14:

الاســـطـــوري
أخوكم

الصوره الاولى.. النفق الي عدال الوافـــي..

>>>طبعااا مب حافظين دبي عدل خخخخ

ووووووو

هالي عرفته

"خيال الحب"

ياخي نبى الشباب تزيد نقاطهم على البنات وعادي بطرش لك الأجوبه على
الخاص بس لاتخبر حد وتعال أنا ماشوف أي
جسر في الصورة
:k_harhar1:

هــــــــــلا ..

"الأماكن"

الصورة الأولى : النفق اللي عند لامسي بالإتجاه إلى جسر القرهود

الصورة الثانية : حديقة الوصل في البدع

الصورة الثالثة : تقاطع وجسر المشاة عند المستشفى الإيراني

"النتايج"

مزن هتان : الاولى صح والثانيه بحسبها نص = 4 + 7 = 11 نقطة

وحي القلم : الاولى صح والثانيه نص صح والثالثه صح = 7 نقاط

خيال الحب : الاولى صح = 2 + 2 = 4 نقاط

تنينه : ولا إجابه = 3 نقاط

تقريبا أقرب الإجابات كانت لـ وحي القلم وأنا رسالتها مع إنها مادخلت من كم يوم وإذا تأخرت راح أحط
لكم الصور باجر إن شاءالله وحبيت أنوه بان من الشروط عدم تعديل الرد وأقصد خيال
ومزن لأنكم عدلتوا وإذا كانت كلمه مب مشكله بس تغير الاجابه
بالكامل مابيخليكم تحصلون النقاط كامله
وللحين في الصداره
مزن
:thumbup1:

الاســـطـــوري
أخوكم

اسفه اخوي بـ شأن التعديل
على بالي عادي
:k_blush-anim-cl:
وتراي غيرت الاجابة الأولى
كنت حاطه ستي سنتر
اذا بتسحب جمن نقطه

لا تركز عـ بردبي
ما ادلها !!!!
حط لنا من ديره طشونه

الجزء (3)

الصورة الأولى

http://upload.bindubai.com/download/alos6oory/2643.jpg

الصورة الثانية

http://upload.bindubai.com/download/alos6oory/2697.jpg

الصورة الثالثة

http://upload.bindubai.com/download/alos6oory/2758.jpg

وإذا حسيتوا إن الصور صعبه خبروني
وبوضح لكم شويه
:yes:

الأولى
الشارجة (الخان)
الثانية
عيمان (ستي سنتر)
الثالثة
دبي ( باركات اماراتس مول)

الصوره 1
الشارجه

الصوره 2
عيمان - ستي سنتر

الصوره 3
باركنات امرتس مول

:14:

:

أشوف شادين حليكم ،، يالله في فرصة
للي حاب يشارك
:14:

انا ما عدلت الرد

بس بدلت جسر = نفق خخخخخخخخخخ


وجان نغش خخخخ

زين جييي حطلناا صور سهله خخخخ

1= الممزر
2= سيتي عيمان
3= امارات مول

1- انا مدري وين هالمنطقه بس ادري ان الماااي مااي الممزر "صح صح انزين لاتقوول غلط=q"
2- مااعرف
3- مواقف امارات مول

واخيرا حطيت صور اعرف اجااوب عليهم من متى وانا خااطري اشاارك
شكرا مابنسى لك هالشي "خخخخ"
مافي داعي تشكرين لووول
من الونااسه والله
يامرحبابي =q

هــــــــــلا ..

"الأماكن"

الصورة الأولى : كورنيش الممزر ولكن بنايات الشارجه تبين

الصورة الثانية : باركنات سيتي عيمان

الصورة الثالثة : باركنات مول الامارات

"النتايج"

مزن هتان : الاولى نص صح والثانيه والثالثه صح = 7 + 11 = 18 نقطة

خيال الروح : الاولى نص صح والثانيه والثالثه صح = 7 نقاط

خيال الحب : الثلاثه صح = 9 + 4 = 13 نقطة

هزاايم : الاولى والثالثه صح = 5 نقاط

وحي القلم : 7 نقاط

تنينه : 3 نقاط

خيال الوحيد اللي كانت إجاباته دقيقه وأشوفه شاد حيله حليله وصامد للحين جدام البنوتات
وراحننتظر رده إذا كان حاب يحط صور أو لأ وإذا مارد علي بنزل
الصور خلال يوم وشكرا لكل من تواصل
ولكل من شاهد
:yes:

الاســـطـــوري
أخوكم

انزين غيرو حطو بوظبي ^_^

هب دبي انا ميح في دبي

الجزء (4)

الصورة الأولى

http://upload.bindubai.com/download/alos6oory/712.jpg

الصورة الثانية

http://upload.bindubai.com/download/alos6oory/407.jpg

الصورة الثالثة

http://upload.bindubai.com/download/alos6oory/2813.jpg

وعاد هالمره سهلت لكم الصور وايد واعتبروا المشاركه
كـ بونس عشان تزيدون النقاط
:14:

الاســـطـــوري
أخوكم

1-العين بالتحديد غيري بيحدد:4: هب لازم تحسب
2- شارع الشيخ زاايد
3-الكورنيش-بوظبي

شطوره :fa47:
الدلووعه تعالي الصور اهدااء لج عسب تدخلين:a036:

http://upload.bindubai.com/download/...-oasis-New.gif

الموضوع حلوو الصراحه >> حق البطاليه شراتي :4:

:

بسم الله نبــدا

الصوره الأولى >> العين (( مبزره ))
الصوره الثانيه >> لا أفقه في دبي شيء :k_blush-anim-cl: مع إنيه كل اسبوع امر من هالدرب واناسايره السكن :14:
الصوره الثالثه >> كورنيش بوظبي صوب المارينا

http://upload.bindubai.com/download/...-oasis-New.gif

الأولى
العين (المبزره)
الثانيه
دبي (شارع زايد)

الصـور 1
العين - المبزره الخضرا ..

:14:

مرحباااااااااا

انزين

1- مبزره

2- طريج دبي العين>>>على ماعتقد بس هاا اشوف فيه نخل مممممممم


3- كورنيش بوظبي

هــــــــــلا ..

(الجزء 4)

"الأماكن"

الصورة الأولى : مبزره الخضرا في العين

الصورة الثانية : شارع الشيخ زايد عند الجسر الثاني

الصورة الثالثة : كورنيش بوظبي اليديد

"النتايج"

هزاايم : الصورة الأولى نص صح والثانية والثالثة صح = 7 + 5 = 12 نقطة

طير الغرام : الأولى والثالثة صح = 5 نقاط

مزن هتان : الأولى والثانية صح = 5 + 18 = 23 نقطة

خيال الروح : الأولى صح = 2 + 7 = 9 نقاط

خيال الحب : الأولى والثالثة صح والثانية غلط = 5 + 13 = 18 نقطة

وحي القلم : 7 نقاط

تنينه : 3 نقاط

الاخت هزاايم كانت إجاباتها الأقرب وراح ننتظر ردها إذا كانت حابه تحط صور أو لأ وللعلم ترا
الإجابات الغلط ماتنقصكم نقاط وحتى الغش مسموح به بس من الردود
اللي قبل مب عقب لأن تغيير الإجابه بعد
الطرح ممنوع
:a108:

الاســـطـــوري
أخوكم

الجزء (5)

الصورة الأولى

http://upload.bindubai.com/download/alos6oory/2849a.jpg

الصورة الثانية

http://upload.bindubai.com/download/alos6oory/3453a.jpg

الصورة الثالثة

http://upload.bindubai.com/download/alos6oory/3486a.jpg

الصور اللي ماتعرفونها حاولوا تخمنون حتى لو الأماكن
القريبة منها عشان تحصلون لو
كم من نقطة
:icecream:

الاســـطـــوري
أخوكم

الأولى
بوظبي
الثانيه
العين(شوارع العين ما اعرف
افرقم امبينهم)
الثالثه
دبي( ع اليمين قبل المخرج راح
يكون لامسي بلازا)

http://upload.bindubai.com/download/...-oasis-New.gif

الصوره الأولى >> كورنيش بوظبي عند لفة المارينا ،، وقصر الإمارات ظاهر بعد
الصوره الثانيه >> اممم اعتقد العين عند دوار الساعه (( اممم شي جيه لنه العين كلها دوارات :4: ))
الصوره الثالثه >> اممم دبي ماعرف وين بالضبط

:

http://upload.bindubai.com/download/...-oasis-New.gif