ذنـيـنـي Burger

السلام عليكم و رحمة الله و بركاته


من كمن يوم و انا في خاطري اسوي همبرغر منزلي طازج
فـ قلت خلني ادور عن الوصفة الصحيحة لخلطة الهمبرغر من خلال المواقع الامريكية بما انه هالاكله من اختصاصهم.


البرغر اكلة امريكية جداً و انتشرت في جميع انحاء العالم بشكل كبير جدا, يعني ما اعتقد انه يمر علينا اسبوع بدون ما نكون كلنا همبرغر سواء من ماكدونالد او برغر كينج او هارديز ,, او من بعض الاماكن الافضل مثل فيدريكرز او فرايديز و ما ننسى جوني روكيتس.
أغلبنا مل من الهمبرغر و صار شي عادي في حياتنا و ما يعتبره تجربه جديده, اذا كنتوا تؤيدون هذا الكلام أقولكم انه كلامكم غلط!
لأنه الهمبرغر اكلة تقدرون اتطورونها و تألفون فيها على كيفكم بالضبط مثل البيتزا
و كل مره بتاكلونها على اساس انها اكلة يديدة بس اهم شي هو انكم تتعلمون الطريقة الصحيحه لأعداد البرغر منزليا و بعدين بعلمكم كيف تقدرون تألفون وصفات يديده للبرغر

الطريقة الصحيحه لأعداد اقراص البرغر هي:

لحم مفروم طازج و يفضل انه يكون فيه نسبة من الشحم
القليل من الملح
القليل من الفلفل الابيض او الاسود
القليل من البصل المفروم بشكل نااااااااااعم
بياض بيض عسب يتماسك اللحم

طبعا انا ما حددت لكم كمية الملح و الفلفل لأنها مسألة ذوق شخصي
وتختلف من شخص الى آخر

- يخلط اللحم بباقي المكونات و يقسم الى كور بحجم متساوي و بعد ذالك يتم تحويلها الى اقراص بسماكه لا تزيد عن 3 ارباع انش و ما تقل عن نص انش
- تسخن المقلاة ((( بدون زيت ))) و يتم وضع البرغر عليها و يطبخ على نار هادئة لمده 4-6 دقائق لكل جهة بدون تقليب
- بعد ان تنتهون من طبخ البرغر لأربع دقائق لكل جهة قوموا بقلبه لدقيقة واحده لكل جهة مره اخرى



بهذا بنكون خلصنا البرغر و بيكون جاهز للتقديم وكل واحد يحط في سندويجته الي يبغي
جبن, خس, طماطم, مخلل خيار, تباسكو, كاتشاب, ماستارد, مايونيز .... الخ

===========================================
===========================================




الحين دور البرغر اليديد الي سويته امس و يسمى pizza burger
و كان الذ برغر كلته في حياتي ( طبعا بالنسبه لي شخصيا )


يتم تحضير اللحم بنفس الطريقة السابقه لكن يضاف الى اللحم القليل من الزعتر المجفف
و بعض مكونات البيتزا مثل الفلفل الاخضر, المشروم, الزيتون الاسود, البصل و اي شي تحبون في البيتزا ممكن تستخدمونه
ولازم يكون عندنا صلصة البيتزا و جبن موزريلا و شيدار و بابيروني لأضافتهم في النهاية

بالنسبة لي حطيت مع اللحم فلفل اخضر و بصل و خلطتهم وياه بالاضافة الى الزعتر المجفف.
http://upload.bindubai.com/download/.../burger010.jpg

بالنسبة للطريقة:

شويت البرغر بنفس الطريقة السابقه, لمده اربع دقائق لكل جهة

http://upload.bindubai.com/download/.../burger014.jpg

و يوم وصلت للتقليب لمده دقيقه لكل جهة ضفت عليه صلصة البيتزا و خليته لمده دقيقة
و بعدين قلبته للجهة الاخرى و ضفت كمية اخرى للجهة الثانية

و خلصنا منه



لتحضير السندويج

نقص الصمون الى نصفين نضع على النصف الاول شريحه جبن موزوريلا و بابيروني
و على النصف الثاني شيدار,
نضع شريحه اللحم على الخبزة و نضيف عليها القليل من صلصة البيتزا و بيكون عندكم برغر لذييييييييذ ولا يقاوم

http://upload.bindubai.com/download/.../burger011.jpg

ان شاء الله تكون الوصفة عيبتكم


جميع الحقوق البرغرية و الفكريه و التأليفيه و الكتابية تعود لأخوكم ذنيني :a034:

شكله لذيذ p=
بالعافيــه ومشكور عالوصفه ^_^

امممم لذيييذ

خلاص ان شاء الله اليوم بجربها =)

الســـلام عليـــكم..

بصراحه.. تســـــــــلم ايدك

صدق صدق شكلها يشهي..! وبروحي من امس مشتهيه برغر..

..

فـ الحين انا قررت.. جان يينا في العيد امشيرف.. جهزلي بارسل لو سمحت :14:

..

والله يبالنا ندخل المطبخ شوي.. :k_special2:

اقتباس:

---

و يوم وصلت للتقليب لمده دقيقه لكل جهة ضفت عليه صلصة البيتزا و خليته لمده دقيقة

---

شو هي الصلصه ؟؟

..


و سؤال :

حطيت الخضره و البصل و يا اللحم و عقب وديته يفرمونه ؟؟

يبالنا نجرب ،،

ماشالله عليك أخويه ،، الخلطة شكلها وايد لذيذة ..

تشكرات ^ ^

هذا هوووووووو ؟؟!!


والله العظيم طلع شييييييي

ما توقعت هههههههههههههه

اوه شي غريب وعجيب
تسلم ايدك شيف ناصر .. وبالهنا والشفا لول

شمعة امل

يالله راوينا شطارتج و جربيه.. بتدعين لي ( او بتدعين علي ) لول



أوتار القلب

شدي حيلج


شوق القلوب


الخضرة قطعيها بروحج قطع صغااااااااااار و اخلطيها باللحم المفروم

http://upload.bindubai.com/download/.../burger005.jpg

في الصورة ما كنت ضايف كل شي,,
بس اعتقد انها عطتج فكره عن الطريقه :biggrin:

و بالنسبة للصلصة,,
انا استخدمت صلصة جاهزة اشتريتها من كارفور
بتحصلين العلالي و كيمبال و كذا نوع

يوعتني باجر الباربكيو وباجر بجرب طريقتك وبشوف يدعون علي ولا يدعون لي

عيل خلاااااااااص نباك تسويهاا حقنااااا يوم بنشوووفكم خخخخخ

يمــــ:inlove: ـــــي يمـــــــ:inlove: ـــــــــي يمــــــــــ:inlove: ـــــــــي شكله يشهّـــي

لو سمحت شيف ناصــر ممكن تسوي لي واحد عالعشا ===> عشان أمدحك:4:

إن شا الله وبإذن الله وبحول الله في هالكمن يوم بكون داشه المطبخ ومسوتنه :a0360:

مشكووور ذنيني على الوصفه العجيـــبـــه :thumbup1: ...

والله ماتوقعت تستوي عدله عندك

شي شي

عقبال ما اخوانا يتعلمون ويسون حق عمرهم بدال مايتشرطون ^_^

يبالنا نجربها بس متى الله يعلم في يوم ما او في سنه ما ^_^

يا ناصر.. حطلنا الصور كلللهم.. انحب التفاصيل احنا :icecream:

انزين ...ما جربت تشويهم في الشوايه..؟؟ ولا احسن مثل ما انت سويت ؟

وهالصلصه.. ما احترقت و هي ع الضو ؟
..


ان شاء الله اتشجع و اسويهم..

:11:

الله شـوو هـ الحررركـاات نـصووررر
أسمـييك مـب هـين بـن عمـي
وشكــلـه الصـراحـه عجـييب ومغررري
يبالنـااا :icecream:

تسلمون تسلمون على التشجيع
ان شاء الله بحط لكم انواع ثانية من البرغر مع الايام خخخخخ

شوق القلوب
بصراحه ما جربت اسويه في الشواية

ان شاء الله قريبا


و عن الصلصة, ما بتحترق لأنج ما بتخلينها اكثر من دقيقه لكل جهة,

ما شاء الله عليــك ، فنـان

مثل هالبرغـر كنا ناخذه من لحام يسويه بنفس الطريقة .. وصدق كان لا يقاوم

بس للأسف الايام والأماكن حالت بينا وبين ذاك اللحام ..

بحـاول أجرب طريقتـك منزليااااا ، وتسلم يدينـك يا اخوي..

قمت افكر اني افتح مطعم همبرقرات خخخخخ

وانا اقول شسالفه برغر ذنيني لي يطرونه لووول

صدق شكله لذيذ يبالي اجربه

.
.
لا حول ولا قوة إلا بالله
هالاكل ترا يمتــن
:glare:
بس ثانكس شيف نصور
.
.

نجحت العملية ويايه =)
http://www.5aial.net/up/folder1/5aial_yhZLCzClwt.jpg

طلع لذييييييييييييييذ ^ ^

روعه ان شاء الله بجربه...يا سلام عليك يا ناصر طلعت مب هين...طلعات البر خلتك الشيف ناصر

يعت واليوم كافـــــــر .. لول ..
أخاف أروح المطـــــــــــبخ في هالوقت ..
بنجربـــهاا .. وبنقولك النتيجة ..

ا ل غ ل ا
طلعتي شاطره

بس عندي لج طريقة احسن للجبن

بمجرد انج اتشلين الهمبرغر من على النار حطي عليه شريحة الجبن,, بتذوب بحرارة البرغر و بتكون الذ ;)


هيه صح عندي تصحيح لمعلومه


انا كتبت انه الهمبرغر لازم يكون سمكه بين انج و 3 ارباع انج

المفروض انه يكون بين نص انج و 3 ارباع انج




عدلت الوصفة في الموضوع الاساسي

توه اكتشفت انه لغتي العربية وايد ركييييكه في الكتابه,,

غربلات المدارس الي تعلمنا فيها

^ خلاص يا ذنيني .. صرت شيف الواحات .. بتريا كتابك للطبخ

وأنا أقول ليش طلع البرقر مالي دب خخخخ ،، فكرت أخليه أقل من أنش ،، عقب قلت لا ما يخصني ،، بخليه مثل ما قال ذنيني ..

على العموم ثانكس again

ماشاء الله مواهب ذنيني انا كل اللي اعرف اسويه شاي و قهوة حاولت فيوم اقلي بيض وما ضبط للاسف بس يوم برجع الامارات بخلي الوالدة و الخدامة يعلموني و يشرحون ل التقنية

بسم الله الرحمن الرحيم ..

ما اقول غير ماشاء الله عليك يا بونصره ..

الصراحه روعه واللي مب شيء ف موضوعك بأنك يوعيتني مع اني من ساعه متعشي ! ..

تسلم هالأيد النشيطه وليتني حرمه جان خذتك :4: ..

سوالف طولي بعمرك وعمر والديك إن شاء الله ..

يوعاااانه :fa36:
بجربها بس ما عرف متى

ما شاء الله عليك:a036:

http://upload.bindubai.com/download/...-oasis-New.gif

ماشاءالله عليك ،، طلعت هب هيـّن :icecream:
وحلاته الشي يوم يكون صنع منزلي

:

يعلــه بالعافيــه =)

http://upload.bindubai.com/download/...-oasis-New.gif

الثعلب الرمادي

ان شاء الله بتتعلم كيف يسوون بيض,,
الطريقة سهلة جدا و تحتاج الى تكنيك بسيط في قلب البيضة و ممكن كذلك تقطع البيض بدال ما تجلبه و هالطريقة في نظري احسن

===========

ألم ترى

هههههههه
الله يقطع ابليسك,, انا الي بكون محظوظ لأنه عندي زوجه حنون شراتك لوول :tounge:


===========

مزن هتان

جربي و بتدعين لي :h_6abakhah:

===========

طير الغرام

اكيد حلات الشي يوم يكون مصنوع في البيت,,
و الذ اكل هو الي الواحد يتعب عليه,, حتى لو مب شي, بيتم في نظره احسن اكل :fa46:

يـوعــــــــــــــــــــا نـــــــــــــــه
مشتهـيـه هالهمبـرجـر
:fa54:
بسير اطبخ

السلام عليكم..

و اخيرا حصلته..

جان حد طلع عاليومين بوصيهم ع اللحم.. و صلصه البيتزا

عافان الله .. جان حد يخلي في خاطره اكله من ٣ سنين !!!

اشترينا اللحم المفروم من ايام على اساس خلطة البرغر مايندرى متى بنسويه

وأخيرا سوينا البرجر ، الطعم أوكي بس الشكل مايشجع الصراحه ،،