تأنيب الضمـــير :(

السلام عليــــــــكم

اليوم كنت يالس ويا اخواني وربعي ع البحر..

كنا قاعدين نشوي ونتحدّق

والمشكله انه وايد قطاو طلعولنا مادري من وين..؟

وكانو ياكلون عناا العومه الي يايبينها ويشردون..

فانا عصبت منهم..

وكنت اصيد ع الحصا.. فشفت واحد منهم اونه منخش صغير مب كبير.. ويبت اكبر حصايه وفريتها عليه.. بس ما مااات.. انخش تحت الحصاا.. وعقب اسمه يطلع صووت .. حسيت انه يتعذب:fa55: :d010: :fa43:

والله ندمـــــــــــــــــــــــــــــــــــت .. ولين الحين غامضني القطووو

:(

مع انه يوم كنا ناكل سمج شفته يمشي مره ثانيه:fa56: ,, رحت وعطيته سمجه بكبرها ياكلها

بس الحين اقول حرااام مسكين خليته يتألم

لانه الحصايه الي فريتها فيه اكبر عنه بعشر مرات ياحليله:(

اتخيل هالحصاه الي فريتها عليه اش كبر

حرام خليته يتعذب لو جتلته ع الاقل ريحته

السلام عليكم ..

ماحيد قلبك قاسي جيه ،، انا صح أعصب على القطاو وودي افتك منهم لأنهم يتريوني أغسل
السيارة عشان يتسدحون عليها وهي نظيفة ويخيسونها بس ماقدر أسوي
فيهم شي مبدأ الرأفة بالحيوان مايخليني ومرات
أزيغهـم وألعوزهـم
وبصراحه في ذمتك هالقطوه لو استوابها شي يعني حصاه صغيره تكفي بالغرض
ليش هالإجرام (خطر على بالي مجرم طريق) وان شاء الله
مايكون صار فيها شي والسمجه يمكن
نستها الموضوع
:image005:

الاســـطـــوري
أخوكم

خيالووووووه ما احيدك جاسي .. حليل المياو ..
عيل انا شو اقول ..القطو انخش في المكينه .. وانا الصبح دقيت سلف ومشيت :fa43:
طبعا امشي واسمع مياو ..مياو .. الله سلم وما مات القطو داخل .. رديت البيت .. وخذت موتر ابويه ..
وقالولي انه القطو حي ونزل من الموتر ..يعري :fa44:
بس صلحت الموتر بـ2000 .. عشان الحبيب قطع لي سيور المكينه .. ومادري بعد شو خرب :a058:

:pullhair:

:k_shock_1: الله أكـــبـــر على الإجرام :k_shock_1:

يالسّفــاااااح يا خيالوه ===> أسولف ويــااك لا تفرني بحصاه بعــد ، تراك هالأيام غادي غيــر أطفال الحجــارة :fa44:

بس صــدق والله حرام لو مــات تعرف إنك بتتحاسب عنه لأنك جتلته
مب المهم إذا كان قطو ولاّ إنسان المهم إنهــا روح

مرة ثانيــه لا تعيــدها خبالوه ولا تبخل على البـهـايـــم بالأكــل لأنك يوم تأكلهم هالشي يعتبر صــدقــه ، انته تروم تصيد لكن هو حليله رزقه عند ربــه ==> اللي يشوفه ياكله ...

حلييله الريال بروحه كاتب تأنيب ضميرومتلووم وانتوا يالسين اتزيدون عليييه لوول ,,

مـا علي خبيلووه ,, أحـس انا في قلب أي انسـان نـقطه سـوده تـظهر في أي وقت وفي أي لحظه غضب ويـترجم بــتصرف يكون طـائش يندم عـليه و يمكن يكون التصرف الشرير الوحيد ف حياتـه ويمكن يتكرر بس مب واايد,, ولـو كان انساان طـيب ,, ونـدمك يا خويـه دليل على طيبة قـلبك وانك ما كنت قاصد اتفرها بالحصاا ,, مـا علي حـصل خيير والله يشافي القطوه ان شااء الله ^^".

صـح انـي ما أدانييييييييييييي القطـااوه وأتروووع منهـن
بس حـرااام
=(

لا لا يا خبالوه

كيف ضميرك سمحلك تسوي جي بالقطو
و حتى لو عطيته سمجه عوده

يعني جنك عاطي واحد كف و عقب سرت تعتذرله
لا لا لا يا خيال الحب هالكلام مب عدل
لول

خياااال :doh:

كل هذا ومتأثـــر, والله إنك طـــيب وأطيب عن القطو نفسه :birgits_giggle:

خلاص حبووب دام إن القطو ما فيه شي عيل ليش ضميرك يأنبك :icecream:

بس اتصدق لو مات المفروض يحطونك مجــرم قطاوه في سما دبي :4:


عزيز وغالي وطيب بعد يا سعود :smile:

:a074:

اقتباس:

---

المشاركة الأصلية كتبت بواسطة ذنـيـنـي

لا لا يا خبالوه

كيف ضميرك سمحلك تسوي جي بالقطو
و حتى لو عطيته سمجه عوده

يعني جنك عاطي واحد كف و عقب سرت تعتذرله
لا لا لا يا خيال الحب هالكلام مب عدل
لول

---

مت من الضحك على ردك .. اونه جنه كف

انا تأنيب الضمير عندي دايما مع البشر مب الحيوانات

لكن مره وحده صار في حياتي .. إني كنت ارد بالموتر ريوس .. وقطوة بيت عمي يت تحت الموتر

وماشفتها .. ودستها .. تمت تتجلب .. تميت كم من يوم مارقدت .. لانها ماتت :(

اهم شي خذت لها هدية ... اللي هي السمجة

اتحمل غير هالمره

آآآآآآآآآآي أمييي شو بلاكم ع القطاو روحي اتروع منهم ...

البارحه شفت قطوه توها مدعومه ع الشارع كانت اترافس والله دمعت عيني المشكله انا اتروع من القطاو عشان جي ما قدرت حتى انزل واشلها اقل شي احطها ع الرصيف عن يعفصها واحد ثاني

خيالووووووووو ... يعني انت ما قدرت اتدور حصاه صغيرونه ع حجمه تفي بالغرض *_* لا تتضايج من الي صار وانسى الموضوع بس مره ثانيه لا اتعيدها لانه مهما صار هاييل حيوانات ما يفتهمون ...


وأنتـــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــوا ( أقصد الي يزيدونه ) خلاص الريال يبا حد يخفف عنه لا اتزيدونه ,, اولهم الاسطوري سويته مجرم قطاو ما يسوى عليه

مشـــــــكوورين على ردودكـــم الحلوه:fa42: ..


والي خذو الموضوع على انه مصخره.. فصدقوني انا مب حاط الموضوع اتمصخر او انه سوالف ..:)

بلاهم شباب الواحات كل يوم حد يعصب

حبيبي كله ولا زعلك سوالف فديتك

هلا والله

ماعصبت ولا شي:)

الصراحة القطاوه يقهرون مرات عسب جي يخلونك نفقد اعصابك

تعرف مره القطوه كانت مندسة فسيارت ابويه صوب المكينه وابويه يبا يظهرها
تخيل شو سوت به والله انها عضته فصبعى الكبير وعلى الظفر ومكان العضة تم اسود
جان ابويه يفلعها باللي جدامة ^_^

بس يله انت متلوم على ها الشي في ناس يظربون ويستانسون يوم يظربون الحيوانات وخاصة القطاوه

:d010: :fa43: والله حرام عليك إلي اسويه في البهايم والله حرام!!!


والله اتخيل هالحصاه الي فريتها عليه شوا كان كبرها

والله حرام خليته يتعذب وايد وايد..