انقاذ(صوت في التاير)

السلام عليكم


من 3 أسابيع تقريباً اسمع صوت غريب من برع ..على سرعة تقريباً 80 وطالع .. :d010: الصوت مب عالي وايد .. بس ينسمع في حالة الهدووء..

خذت السياره على الوكاله (اسميني ذالتنهم) خلوها يوم كامل ... وردوها عليه ...فحصوا التواير .. طلعت سليمه 100 % واساساً السياره يديده .. ومب ماشيه وايد .. حتى رسمة التاير باينه عدل ..

سقت السياره ... وسمعت الصوت مره ثانيه .. :fa43: كلمت الوكاله ... وخليتهم يسوقونها ...وسمعوا الصوت ... وقالوا ...صبري .. بنشوف وبنرد عليج خبر :k_santa_1: بس سوقي السياره وما فيها أي مشاكل إن شاء الله .. وإذا صار عليج شيء .. بنزورج في المستشفى وبنيبلج باتشي بعد :oh: :d010:

المهم .. طمني إنه توايرهالسياره بالذات ممكن تمشيني 35 كليو متر في حالة إنه التاير بنجر بدون أي مشاكل .. وإنه سبب الصوت رسمة التاير :m_9admah:

طبعاً ما اقتنعت بكلامه ..وخذت السياره عند الوكيل مال التواير :11: ليطمئن قلبي ... الوكيل فحص الميزانية ... وبعدين قرر يسويلي rotation حق التواير يعني يبدل أماكنهم .. :a032: استويت خبره ... وخذت السياره .. من عند الوكيل ...

رديت اسمع نفس الصوت :pullhair: يعني ماشيء فايده ...الليكزس اللي تتميز بالهدوء ..وإنه مووول ما نسمع فيها أي صوت ... بس صوت التواير اونه طبيعي في ال GS لانه نظام الأمان فيها وايد عالي على قولة الوكاله/ ووكيل التواير نفسه ..

ما أدري إذا حد عنده GS وعانى شراتي؟؟ أو عندكم خبرة في هالموضوع..

للعلم ولا مرة دعمت فيها ..خصوصاً الرصيف .. :a054: ودايماً أعاملها بكل لطف ...

السموحه

السلام عليـــكم


انا بعد اعااااااااانييي من هالمشكلـــــــــــــــــــــــــــــــــــــه واييييييييييييييييييد.. وما خليت كاراج ولا وكاله ما وديتها حقها.. حتى رحت دبي .. بس بعد ماشي فايده.. انا اشك في رنجات السياره مب مسوينها عدل ..

الله يعين

ربيعي عنده جي اس شراتج ،،
ويقولي يسمع صوت غريب في التواير ،،
يمكن عاد كل الجي اسات جيه ،،

الصوت من التواير . نقشة التاير وايد مهمه للهدوء و الثبات ..

سيروا خدمة الاطارات ف محطة الامارات و اسالوا عن تاير تويو اللي مسواي للهدوء .. هالتاير عجيب بصراحه .. مشكلته مب ثابت وايد .. بس الهدوء عجيب .. و التواير جيمتهن ل رنج 17 ممم 1800 تقريبا و لل18 اعتقد ب 2200

مساء الخير


ما شاء الله ما توقعت هالردود ..:1:


المهم ... أنا بخير ؟؟؟!! يعني هالشيء ما بيأثر على سلامة التواير ...


اخويه خيال الحب ... أنا فكرت اراسل شركة الكزس نفسها .. والحين يالسه ازهب الايميل ... وايد احب المشاكل صح ؟؟؟

لا جد يعني أول ما يبعون السياره ما يخبرونا شو بيستوي فيها .. أول شو الأشياء اللي ممكن من أصوات أو شيء ثاني.... الله يعين..

وبما إنه على قولة عاشق القلم ....كل الجي اسات جيه ..بنتحمل ...


اخويه شرجاوي ما شاء الله .. عليك ... خبرة في كل شيء وأول ما كتبت الموضوع توقعت ردك من أول الردود ....


اخواني ...تسلمون على ردكم ...وفي انتظار بقية الآراء ...


السموحه

يمكن في هالموديل من لكزس ...

غريب امرهم ...

يعني مافي سيارة تخلى ولو من عيب واحد

يوم الآدمي فيه عيوب لوووووووووول ..

على العموم شوفي شو بتسوين ..

يمكن من الرنقات.. لأنه الرنق يوم يكون عود يسوي رقله وأصوات

عشان جيه بعض السيايير الفخمه يحطولها رنقات صغار.. لو شكلهم مب ذاك الزود بس هدوء وراحه

فيه واحد اسمه الشامي.. يسوي ميزانيه ارضيه .. و تحل المشكله اذا كانت من الرنقات.. عندنا
الرنج كانت فيه رقله... وبالميزانيه اختفت

انتي تأكدي اكثر من هالصوت.. ولو كان السبب من الرنقات.. جربي الشامي ( بس لو ما نفع ما يخصني)

هييه الباارحـه كنــا سايريين صحـاارى وأبوويه عفـد عـلى الرصيييف مـن الزحمــه .. :fa46:
وبعدها بشوي ..سمعنــا صووت مـن التايـر بس بعد ما ودا الموتر الوكـااله طلعت التواااير سلييمـه
100% ! :k_wheelchair:

السلام عليكم

إختنا سبج بج

مثل ما قال أخوي شرجاوي, المشكله في التواير نفسها مب في الرنقات, لان الرنقات اتأثر بس على الميزانيه وال vibration

إذا حابه تتخلصين من الصوت,, اشتري لج تواير يديده نقشتها غير وهذي التواير بيعيهن ولأنهن يداد بييبن لج سعر حلو :smile:

بس نصيحتي في البدايه, سيري الوكاله مره ثانيه واسأليهم إذا عندهم تواير ثانيه للكزس بحيث إنج اتبادلينهم من دون ما تدفعين لهم شي,, لأن الصوت شي مزعج بالسياره وحاولي اتخوفينهم بإنج بتكتبين رسالة شكوى عليهم.. :doh:


هذيله ما يمشوون إلا بالعين الحمرا :d014:

السلام عليكم


صبحكم الله بالخير ... :a032:


اخويه المزوحي ... السياره الحمدلله من خذتها وأنا وايد مرتاحه من كل النواحي ..هدوء ..وراحه ولا صوت ...واهم شيء لا صرف بترول :11: بس هاي أول مشكله ...كل من عين وحده في دوامي كل يوم تحن وتزن ..... وخصوصاً إنه ارتفع سعر السياره تقريباً 20 ألف عن سعر الوقت اللي أنا خذتها ... :icecream: تسلم على ردك


اخويه ..اسهر معي ليله ....مب اتوقع من الرنقات لأنه مول ماشيء أي رقله في السياره ..بالعكس سواقتها مول ما اختلفت ... وسويت ميزانيه ...عند الوكيل يوكوهاما ... بس بعد الصوت لازال قائم ... :pullhair: شكراً على المساعده والرد...:tongue:


الغاليه ..قرموشه .... قولي حق ابوج عن التعفيدات على الرصيف .. :a058: خصوصاً إذا كان عنده فوريل ما دلع ... مب مال هالسوالف ...شرات النيسان .....بس احياناً الرصيف يكون في مكان غلط .. يخلينا بالغصب ندعمه :a018:

تسلمين على الرد غناتي والحمدلله إنه السياره سليمه ....


اخويه ..بوحميد ...

أول مره أعرف إنه ممكن نبيع تواير مستعمله :k_shock_1: خلاص بنزل موضوع في واحة التبادل التجاري وبحط صورة التواير ,,,والله شكلهم يداد ..والسياره مب ماشيه وايد ... اخاف تقول أبا عموله ..:fa43:

في الوكاله قالي لما بنبدل التواير بعد ما تمشي 50 ألف بنحط لج تاير عليه رسمه ثانيه ... برمسهم إذا بيبدلولي اياه الحين ..لأنه السياره وتوايرها بعدهم على الضمان ... :d014: والله صدقت إنهم ما ايون إلا بالعين الحمراء

تسلم بو حميد على ردك .. ومساعدتك ...


السموحه

سبج بج

خلاص عيل مب لازم اتبيعينهم لحد دام إن الوكاله قالت لج إنها بتغير لج التواير وبتحطي لج رسمه ثاانيه,,

بس قولي لهم إنج تبين الحين تواااير يديده لأن الصوت زاعجنج واايد ولا اشتكي عليهم وفوق هذا كله قولي لهم بعد ما توصل 50 ألف كيلو متر بتغيرين التواير مره ثانيه على حسب الضمان,,

هذا حقج يا سبووووج ولازم ما تسكتين عنه,, مثل ما قلت لج,, خذيهم بالعين الحمرا :a058:


العفو إختي :smile:

عندج عقد صيانه وياهم ؟؟؟

اذا ما عندج بيبدلون التواير بس بتدفعين وايد

سبيجة ... اقري على عمرج وعلى الموتر

والتواير .. فيهن صوت .. يمكن لانه الموتر سبورت !

وعليكم السلام والرحمة ،،،

غريبه هالمواتر اليداد . . . يعني البعض يتوفق فيهن والاخر مب محظوظ :fa45: ، انا اقووول من التواير أو من داخل التير أو الرتتق ( يمكن السفايف أو الدرام وييل )
بس انا واحد يمكن عندي خبره شوي في التواير لانه امبين فتره وفتره لازم ابدل التواير عشان دوووم اروح بوظبي وبالتالي انجبر ابدلهن لاني اسمع هالاصوات دووووم بسبب الخط أو حراره الشارع.

بس أنتي موترج يديد وفي اعتقادي ما اتمشين الموتر وايد ، بس غريبه هالصوت يظهر !!! :ohboy:

انقهر وايد :pullhair: يوم الوكاله ما يعرفون شو المشكله ؟؟؟ والله صدق قهر . . .


عالعموم ان شاء الله تلقين حل جذري في اقرب وقت



قايد الريم

السلام عليكم


سفرفر

هم بيبدلون التواير بس بعد خمسين ألف كيلو متر .. ومب ببلاش طبعاً :d010:

بس أنا سمعت إنه إذا السياره ما كملت 6 شهور وفي خلل في التواير يبدلونها بدون رسوم .. بس مب متأكده ... لازم اسألهم ..



اخويه شرجاوي


بصراحه ...ما اعرف عن شو تتكلم ... ممكن تشرح لي شو يعني عقد صيانه ؟؟؟ أنا خذت السياره تقريبا من 5 شهور ... بس اللي اعرفه مدامها ما كملت 100 ألف كيلو يعني على الضمان أو 3 سنوات ... بس شو يعني عقد صيانه ؟؟؟ تعرف عاد هالسوالف تخصصكم ؟؟؟ وياريت لو تفيدني كالعاده ,,, تسلم يا اخويه ..


اخويه ..المزوحي ...

والله اقرأ .. ليل نهار ..ويمكن من كثر ما اخاف على السياره جيه استوى .. :fa43:

ما ادري هل الجي اس تعتبر من السبورت ؟؟؟ اشوفهم ضربوا عليه ضربه مال التأمين ... :doh:


تسلم يا اخويه ..



اخويه ...قايد الريم


صدقك والله شيء وايد يقهر :d010: ما امشي فيه وايد ولا حتى أسرع ... إلا نادر ...

الله يسمع منك يا اخويه ....شاكره لك مؤازرتك وردك ... :smile:


السموحه

عقد صيانه يعني التجييكات ببلاش لين ما الموتر يوصل ل خمسين الف كيلو ولا 100 الف بس هذا عقد يعني بتدفعين فالبدايه على حسب الموتر .. الاستيشن 3800 و اللكزس اتوقع 4000 و شوي .. دامنج ما تعرفينه يعني بيبدلون التواير ب بيزات و بيقصونج قص .. بدلي التواير برع احسن

السلام عليكم



اخويه ...شرجاوي ...

ما كنت أعرف عن هالعقد ... وطبعاً هم ما خبروني ...:a058: سألت الوكيل عن سعر التواير وبالفعل طلع ارخص عن الوكاله .... بس حرام توايري يداد ...بشوف الوكيل إذا بيبدلني بتواير رسمتها غير ..وبياخذ توايري ... يمكن يستوي هالشيء :a032: لأنه جد مب متحلمه الصوت ... وحتى لو حد ركب ويايه يسمعه :d010: وعلى طول السياره بقراطيسها وتطلع صوت ,,,,, شو مسويه شو مهببه ... واتم اشرح السالفه من أول ويديد ... :h_waa:


أو يمكن اخلي سفير يبسط بسطه على الشارع ..ويبيع توايري ... :icecream:

تسلم يا شرجاوي ...

واتريا الأشخاص اللي عندهم جي اس ... إذا واجهتهم هالمشكله وحلوها ... :a052:


السموحه

اقتباس:

---

أو يمكن اخلي سفير يبسط بسطه على الشارع ..ويبيع توايري ...

---

إنزين أبيع توايرج بس سيارتج بتم من دون توااير يعني بتتشمين على الرنقات :birgits_giggle:

لازم أول تدفعين عسب تاخذين تواير يداد وبعدين ببســـط بسطتي وبحطي فيها توايرج :glare:

و بالمره جان حد عنده تواير حاب يبيعها تراني البسطه الحين ملزوم فيها من سبج بج :a058:

ما تقصر سفرفر ... بس

بتتشمين على الرنقات.. شو يعني ؟؟

هيه عاد وبعدين بدلي تواير ورنقات .... شاريه سياره موديل 1111 وحطبه مب موديل 2006

اقتباس:

---

بتتشمين على الرنقات

---

:a068:

أقصد بتتمشين على الرنقات :doh:

خذي تواير تويو احسن لج ... شي تواير مافيهن صوت ابدا .. بس يتحصلن ف محطة الامارات

ana kanat 3endy el gs 430 2007 wo ma kaan feeha 9oooot moleyah!!!!!

a'9ny enty 3endich el 6 cylinder

agoolich sha'3laah badly el towayer wo feky 3emrich

laich et9ad3een rasich weya el wekalah

السلام عليكم

سبج بج أنا سألت ربيعي عنده نفس السياره وقال امشي فيهم الحين ولما بيي الوقت اللي لازم اتغيريين التواير خذي لج ميشلان :smile:

عفوا