حرية شخصية

سلام عليكم :pullhair:

ما اعرف كيف ابدأ او شو أقول .. مقهورة :a058:

ابا اضرب المديرة جي :fa32:

انا اقول لو يسوون لنا يونيفورم موحد للمدرسات يكون افضل ..

الله يسلمكم المديرة هدت كل المعلمات و ما يت إلا علي أنا ..

و تقول لي : فلانة .. الله يسلمج .. اعرف انج صغيرة و عايشة حياتج .. لكن .. حطي الشيلة ع راسج و انتي في الصف .. و المكياج اللي ع ويهج خففيه او لا تحطينه .. اعرف انج بعدج صغيرة .. لكن .. الملابس اللي لابستنهم غيريه .. انتي معلمة و المعلمة قدوة ... و غير جي يوم انج تكشخين وايد و تكونين حلوة زيادة عن اللزوم الطالبات ما راح يركزون ع الشرح .. كله بيلسون يطالعون ويهج و ملابسج و اكسسواراتج و طبعا هذا غلط ..

:d010: ... تغصصت ... يعني تتحكم حتى بملابسي!!!!!!

قلت لها : يا أبلة .. انا مكياج اللهم جحال و روج ... و النقطة الثانية انا ما البس شي غلط .. و الأهم من هذا كله هاي حرية شخصية و انا حرة بلبسي...

لكن بالمنطق .. بالله عليكم .. انا ادرس اولاد!!! هذيله بنات .. و بالعكس المعلمة الأنيقة و مظهرها جميل يتقبلها الطلاب اكثر من اي معلم آخر ... و شو هالمنطق انه اونهم ما بيركزون!! عيل جان ما نجحوا عندي ولا شو رايكم؟؟؟ و كيف انها هدت كله المعلمات و ما يت إلا علي أنا ..


مقهوووورة و متغصصة :d010:

:d010:

ههههههههههههههههههههههههه هه ضحّكتني مديرتكم

يعني تباج تلبسين شرا ما يلبسن البنــات مثلا ؟ ، ولا تباج تلبسين تنورة سادة وبلوزة ساده ؟
عافانا الله تراكم كلكم إنـــاااااث وماشي بينكم أولاد

قولي لها : اللي تبا تدرس وتهتم في دراستها ما بيغلبها شي ولا بتيلس تتطالع لبسي في الــ45 دقيقه المخصصه للدراسه
و الله جميــل يحب الجمــال ،عشان جذه ما أقدر أهمل شكلي عشان خاطر البنات

ذكّرتيني بأخصائيتنا يوم كنت في ثاني ثانوي ظهّرتني من الطابور عشان تسألني ليش متجحله ؟ ====> يعني ما شافت حد غيري ؟ ، والبنــات اللي راسمــات عيونهن من الخاطر موول ما قالت لهن شي
قلت لها : والله إني مب متجحله من الاسبوع اللي طــاف ، قالت لي : عيل عيونج جذه طبيعيــه ؟! ==> وكان ويهها غادي جذه لوووول :eek:
قهرتني جان أقول لها : أبله إذا عندج أي ملاحظه مهمه قولي لي عنها أو كلمي أميه واستأذنت عنها وروّحت


وأبلة الديــن كانت تهددنا : أونه اللي ما بتحط الوقايه على راسها بنقصها 5 درجات ===> جنه بيننا أولاد :fa44: ...

هههههههههههههههههه قصايد غلا ضحكتيني .. ويهالمواقف ..

إي بناتي يقولون لي جي : معلمة ليش نحط الشيل ع راسنا دام انه نحن في الصف و ما شي اولاد؟؟

قلت لهم : ما ادري؟؟؟

بس الغصة انه كيف جي !! يعني تركت كله المعلمات ... و يت علي !! بس حاطة جحال!!

هلا هلا وعليكم السلام والرحمه

اختي لاضيقين بعمرج ولاهم يحزنون قوليلها تبيني اغير سيري كلمي كل المدرسات مب بس يايتني انا

طبعا بالهدااوه من دون صريخ ولا زعيق
:d014:


والسموحه

الدمعة الحزينه

انا نسيت و ما نبهتها على هالنقطة .. ان شي مدرسات مكياج كامل ما شاء الله ... بس ما ادري هدت العالم كله و يتني ..

و المشكلة و هي تكلمني قاعدة تتمسح فيني هههههههههه ... بشعري و لبسي و نظارتي

قهرتني والله .. حتى لو قالت حق كل المدرسات ... انا بس قاعدة افكر انه هاي حرية شخصية مب استعباد لبسي ها و لا تلبسين ها!!

حدها من ناحية العملية و بس .. اما تتعدى حدودها لين حريتي الشخصية مصختها ترا!! ولا انا غلطانة؟؟؟

اممم صح ومب صح

وانا ما ابى افتح علي ابواب انا غنى عنها

بس اختيه يمكن هي اتشوف شي انتي ما اتشووفينه والعكس صحيح يعني ماعرف كيف احس ان السالفه ملخبطه

بس تبين نصيحتي البسيها وماعليج منها واتكلمت مثل ما قلت قوليلها شوفي المدرسات الثانيات

والسموووحه


الدمعة الحزينه

اممممم ...

يعني هي شو تشوف مثلا؟؟

تقول لي لازم تكونين قدوة !! اوكيه قدوة مثلا كيف؟؟ ليش انا شو سويت؟؟؟

هاي طبيعتي و انا جي منذ زمن غابر!!! و ما احب انها تمشيني على هواها!!! ألبس اللي يعجبني و بأسلوبي ... هاي حرية شخصية ومب انها تتحكم فيني!! و حتى و لو قالت لكل المعلمات لا تحطون مكياج .. انا بحط لأني حرة .. و الحمدلله محد معترض على شكلي إلا هي !!

بكل الأحوال يقولون : التطنيش ينفع هالأيام ^_^

هههه شي يـضحك صـراحـةً ,,

أحـيد عـلى أياام المـدارس الأبلـه اللي كـانت تـكشخ شويـه كـنا نستانـس بشوفتها واصلاً يكون شكلها وهيـئتهـا يفتحون النـفس بـعكس الأبلوات اللي اييوون وكـآبـه ويوهـم وطول الكورس نـفس الكندوره لول :ghostface:

ودامـج شرات ما قلتي جحال وروج واللبس بحدود المعقول وغير انـها مدرسـة بناات خلااص ما يحتاي للي قالتـه مـديرتـكم :fa44: ,,

اوونه البنات ما بينتبهون للدرس وخخخخخخخخخخخخخخخخخ ,, حشا اولاد مب بنات لول :pullhair:


انقههررت صدق منها لول :pullhair: :pullhair:

هههههههههههههه ...

قهر مو؟؟

لقافة اعوذ بالله ...

شكرا تنينة ع المساندة الوجدانية خخخ

اقتباس:

---

اوونه البنات ما بينتبهون للدرس وخخخخخخخخخخخخخخخخخ ,, حشا اولاد مب بنات لول :pullhair:

---

هههههههه

تدرين ليش ما ينتبهن

من مده سمعت وحده تقول لربيعتها عقب الحصه.. شفتي الأبله شقايل حاطه الآي شدو .. يوم برد البيت بجرب :tongue:

ولا الى يسيرين يسئلنها.. أبله من وين ماخذه شيلتج و عباتج .. أبله حلو خوارج :icecream:

يمكن عشان جيه قالت انهن ما بينتبهن

عالعموم يا نور الايمان.. انتي ما عليج منها دامنج ما غلطتي و قوليلها الى في خاطرج إذا ردت رمستج مره ثانيه

آي شدو!!:d010: ما احطه بس جحال ...

من ناحية انهم يسألون .. ما انكر هالشي .. يسألون عن كل شي و اي شي يخطر ف بالهم :icecream:

بس مب لدرجة انهم ما يركزون ع شرحي ويقعدون يبحلقون فيني!!!! حشا مب بنات اولاد هذيله :a058:

وحي قلم .. انا قررت جي .. ان طرت السالفة مرة ثانية بكيفها :pullhair:

أنا يوم قلت آي شدو أقصد الأبله الى حاطتنه مب انتي يا نور الايمان

عن تزعلين '(^_^)

السلام عليكم

عزيزتي :1: ...

كل شخص منا له حريته الشخصيه في اللبس والتعبير عن الرأي وحتى بالتعليق على المواضيع من وجهة نظره ...

ويمكن أحيانا هالردود إلي نشارك فيها ما تتوافق مع صاحب الموضوع ...

يعني حتى ولو حاولتي تقنعينه برايج ....بعد ما بيقتنع :pullhair:

يعني ...الحين المديره عدها وجهة نظر ... وعندها رؤيه من حيث القدوه للطالبات ..

صدقيني بهالمرحلة المراهقات وايد يتأثرن بمعلماتهن ...وأغلب تفكيرهن بالحصص عن لون الآيشدو..

أخضر لا لا أزرق ...لا لا أنا أقولكم إنه تركوازي لأنها دامجه لونين:tounge: مثال بسيط

البنات يقلدن هذا شيء أكيد ...وأغلب حديثهن بالبيوت عن أبله علانه إلي اطلع كشتها جدام الحارس

وأبله فلانه إلي منمصه حياتها ... والمشكله إنها مدرسة تربيه إسلاميه ...؟!

المشكله عزيزتي ...إنه المدرسه قدوه بكل تصرفاتها ...طريقة تعاملها ... ألفاظها ... واكيد تسمعين إنه بنت الثانويه معجبه بأبله فلانه وتهديها بكل المناسبات وتتصل فيها بكل الأوقات وتمسي عليها كل ليله...بعد هاي حريه شخصيه وما أقدر أقول شيء:a058:

س.. من المعلمات ... حضرت محاضرة يلقيها ص.. من الوافدين ... وهالميك أب الصارخ لفت نظر الطالبات أكثر من المحاضر....شكله متعود:tounge: ...والحجه تراه وافد ! :k_shock_1:

عزيزتي نور.... طبعا إنتي مستحيل تكونين من نماذج هالمدرسات إلي أتكلم عنهن ...بس هن موجودات بالواقع

يمكن وجهة نظر مديرتكم موضوعه عأساس إنها توجهكم ببداية الوظيفه لأنها أكيد شافت وعايشت أوضاع كثيره من المدرسات ....

يمكن شافت جانب ما شفتيه إنتي بنفسج ... سيري عدها وناقشيها بالموضوع ولا تقهرين بعمرج وااااايد ....

هلا اختي حلم الطفولة ..

كلامج صح 100%

و اتوقع نظرتها - الناظرة - توافق نظرتج .. و ما اخفيج ان الطالبات يركزون على هالأمور .. لكن سؤالي .. كيف تباني ألبس مثلا؟؟؟ و من ناحية المكياج .. مكياجي عادي!! هذا اللي اشوفه .. و انا سألت اكثر من معلمة .. شي المعارضة لاستايلي و شي الثانيات يشوفون لبسي عادي .. فأنا ما اعرف شو المفروض اسوي مثلا!!

لأني بشكل عام انا جي من سنوات .. و لكن مثل ما قلت ِ لازم انتبه ع سالفة انهم مراهقات .. و هاي النقطة انا غفلت عنها و تجاهلتها .. لأني اشوف الزم ما علي راحتي انا ! :m_afaker: يعني ألبس اللبس اللي يعجبني و بس ... يعني ما اشوف ف لبسي شي يخدش الحياء .. او ما شابه ذلك و العياذ بالله ..

فوق هذا كله انا محتارة .. سألت اهلي .. ما عارضوا ستايلي .. و لكن ما اعرف ..

عالعموم مشكورة ع المداخلة اختي

السلام عليكم

العفو عزيزتي نور

دامج معلمه هذا يحطج بمسؤوليه كبيره باعتبارج قدوه لتلميذاتج ...

ومهما كانت اختياراتج قبل الوظيفه فالحين لازم تحطين ببالج إنج كمعلمه قدوه أكثر من إنج انسانه عاديه ... يعني أسلوبنا بالتدريس لازم يكون مقيد أحيانا لاعتبارات كثيره بتكتشفينها بسنوات التدريس والخبره

ومثل ما قلتي إنه بمدرستج فيه المؤيدين والمعارضين .... يعني تاخذين الشيء إلي يناسبج وتستفيدين من خبرات البعض وربي يعينج عهالمسؤوليه العظيمة بالحياة ....

يعين الجميع ...

بحاول ان اكيف نفسي قدر المستطاع ..

وإن شاء الله يكون هالتكيف نحو الأفضل دايما ...

بالتوفيق أبله:)

شدني الموضوووع ::
أولا أختي غمضتيني الصراحــة .. بس بعد شكلها مديرتكم أسلوبها لبق في الكلام يعني ما احرجتج جدام حد شرات ما يسون غيرهــا ،،

في بدايــة ما داومت كلموني المدرسات اللي ويايه عن اللبس قالولي صح بدلج كلها من نوع الطبقات و جاكيتات بس المديرة عممت من كم سنه في هالمدرسة انه محد يلبس بدل و التزموا بالجلابيات .. انا عاد من النوع اللي ابدا ما يلبس جلابيات و لا عندي اصلا جلابيات .. :icecream:

مع الأيام لاحظت ان المعظم يلبس بدل .. و عذرت المديرة ووافقتها على وجهة نظرهــا لأنه بدل عن بدل تفرق .:fa44: . بدل فيها الضيج و الشفاف و هذا اصلا حرام ولو كان المجتمع مجتمع بنات .. صح ،، المعلمة قـدوة .. :1: 100% و بعد صدق ان البنات يدققن .. بناتي تمن فترة في البداية يسألوني من وين شاريه هاللبس لين ما تعودن ؟:a058: بس ما وصلت لدرجه السرحان لأنهن بيتعودن مع الوقت و بيعرفن ان في اكثر من ستايل للبس ،،

المهم .. قراري الأخير كان اني اتم بعباتي لأن المدرسة ما تخلا من أوليــاء الأمور و العاملين و لهنود و بيني و بينج أريح و العبي الحينه مكوده باستايلات مرتبة و أنيقــــة أكثر عن اللبس نفســه ،، :tongue:

موفقــه غناتي و لا تتغصصين و لا تنقهرين .. ما يرزى عليج و الله ..
تحياتي لج
طفلــة

اهلين اختي طفلة من هذا الزمان ..

المديرة اصلا مب لبقة مع احد!! بس صدف اني كنت بروحي و انا اصلا كنت رايحة لها ..

المهم .. فشاءت الأقدار انها تكلمني عن اللبس ..

و انا اصلا اتم بعباتي .. إلا اذا دق براسي ... و ان دق براسي اكون دارسة الموضوع!! يعني اللبس مب شفاف ولا أنه ضيج .. اصلا انا استحي ان البس جي!!!!!!

و بشكل عام انا نادرا ما اشيل العباة إلا ان كنت بالحجرة .. و كلامها والله مب منطقي .. لأنه شي مدرسات و الله يتمكيجن و يكشخن .. بس على قولة ربيعتي يمكن لأني اصغر مدرسة بالمدرسة !! و قريبة من عمر الطالبات .. و لكن حتى و لو .. انا حرة بلبسي ^_^ دام انه محتشم و ما فيه عيب و لا شو الراي ؟؟

ع العموم يزاج الله خير ع الطلة الحلوة

اسعدتيني ^_^

نور الايمان
وحليلج
انا احس بعض المديرات يتحكمن و يفرضن شخصياتهم خاصتا على المدرسات اليداد
اتعرفين شو تقول ماما حق المدرسات اليداد اول ما تبدا المديره و لا حد من المدرسات الي عندهم خبره يتحكمون
تقولهم قولوا ان شاء الله و عقب فكروا في الموضوع
و اذا عيبكم طبقوا و اذا لا طنشوا
و اذا كان الاسلوب مب حلوا سيري و رمسي الشخص و قوليله باسلوب (صح كلامج الي قلتيلي اياه هاك اليوم بس لا ترمسيني مره ثانيه جدام المدرسات لان يسببلي احراج) ها مثال يعني
مع العلم ماماتي الله يحفظها مدرسه من 25 و الحين اتقاعدت :)

أهلين يا فنجان يا قهوة ^_^

مو انا امشي على هالمنوال .. عيبني الكلام بسويه ما عيبني اكبر طاااف >_<

و هي ماسببت لي احراج not yet !!

لكني انزعجت من كلامها انها زختني انا من بين البقية الباقية من البشر!! رغم انهم مثلي ف ليش انا و مب هم !! هنا السؤال

ع عالعموم شكرا ع الطلة الحلوة اختي ^^

اقتباس:

---

المشاركة الأصلية كتبت بواسطة نور الإيمان

أهلين يا فنجان يا قهوة ^_^

مو انا امشي على هالمنوال .. عيبني الكلام بسويه ما عيبني اكبر طاااف >_<

و هي ماسببت لي احراج not yet !!

لكني انزعجت من كلامها انها زختني انا من بين البقية الباقية من البشر!! رغم انهم مثلي ف ليش انا و مب هم !! هنا السؤال

ع عالعموم شكرا ع الطلة الحلوة اختي ^^

---

لا انا بس ضربت مثال ما قلت انها احرجتج
هاي السالفه
و احسن شيء تتبعين هاي الطريقه
ادري الامر وايد يضتيق بس يمكن من معزتج عندها .. يوم كنت في المدرسه و المدرسه تحط علي ايلس اتحرطم و اسير عند المدرسه عشان ما اشيل في خاطري و عقب اغتابها او شيء جه
و قوللها اني اتضايقت .. و دوم المدرسات يقولون من معزتج عندنا :a049: اونه يراضوني