لكل شخص عايش في جميرا ولا أم سقيم ولا اي منطقه قريبه من هالمناطق

قفــــلو بيــبانكم


شي حراميه يالسين يصرقون فلوس وذهب وكل شييييي .. وبرووفشنااااااااال ... يدخلون غرفكم وانتو رقوود ويشلوون ذهبكم بدون ماتحسوون O_o .. ومركزيين على ام سقيم وجميرا وهالأمكــان:h_waa:

في اسبوع واحد صرقو من 3 مادري 6 بيوت:oh:


ف نصيحه مني .. قفلوو بيبانكم والدرايش والقراجات وكل شيييي .. وخشوو فلوسكم في أي مكان:a058:


انا اليوم انهزبت لاني مسويه دعايه لأبواكي في أرجاء البيت:ohboy: .. واذا الحراميه فكروو يدشون بيتنا اول شي بيصرقونه فلوسي:a058:



ف يعنييي ... كلكم الى عايشين في هالمناطق ... خشوو كل شييي *خصوصا الذهب والفلوس لأنه هالشيئين هم مركزين عليهم* :tounge:




وبس
قلت لازم اخبركم:1:

فـ بيوتكـم ومـافي أمـان..

الله المسـتعــان ، والحمدلله الذي عفـانـا

بس معقوله فـ دبي وللحيـن مازخوهم؟؟

شمـعه:
لاتسوين دعـايه لـ أبواكـج ، تراهـم مخططيـن يدخلـون بيتكـم لووول سوالف..

كيف يدخلون ..بدون محد يحس بهم..!!

ليش وين الشرطـــه؟!!

الله يعيينكـم :boxed:

:

نحـن في الشارجــه محـد يبانــا لوول:fa46:

نحن في ديره مب سالمين من السرقاااااات

هذا كله من المهرجان ماتم حد ما دش لبلاد

زاده ابويه حاشر الدنيا صكوا البيبان ثره شي صرقات .. وانا مادري .. :a058:

بعدهم مازخووهم لانه قلتلكم انهم بروفشناال

خلهم بس يوون فريجناااا وناطورنا بيراويهم العين الحمرا:fa32: صح انه يرقد وايد بس يعرف يزخ حراميه:k_santa_1: :police: في فريجنا الجديم زخ 3 :m_9afgah:
انا اروم ارقد بأمان .. استويت وايد طيبه ويا جلبتي عشان تتفيج وتحرس لأول مره في حياتها .. خوفي ينقزون في بيتنا من وراا .. وقفلت باب بلكونتي .. والباب الى عالسطح والبيبان والدرايش الباقيه امي قفلتهم:icecream:

بس باقي الناس؟؟ خصوصا الى بيتهم دااخل مخشوش في الفريج وفي الظلام:k_santa_1: .. شو بيسون؟:ohboy:

يوم شمعة امل بتقولكم بروفيشنال .. يعني لا تسألون كيف مانحس ..

عسب جيه قالوا بروفيشنال

يسوون لكم تنويم مغناطيسي .. ويكونون خفاف يدخلون يسرقون وانتوا مب قادرين تنطقووون

يالله شدوا حيلكم وقفلوا البيبااان

أوييييييييه .. شو هااا .. !!
وي الحمدلله نحن بعيـــــد ..
والله الدنيا صار ما فيـــــــــــــها أمان =) ..
على هواج شمعة أمل تحملي عااااااد >> " عاد هي شو بيرقدهاا الليلـــة " ..

اقتباس:

---

المشاركة الأصلية كتبت بواسطة المزوحي

يوم شمعة امل بتقولكم بروفيشنال .. يعني لا تسألون كيف مانحس ..

عسب جيه قالوا بروفيشنال

يسوون لكم تنويم مغناطيسي .. ويكونون خفاف يدخلون يسرقون وانتوا مب قادرين تنطقووون

يالله شدوا حيلكم وقفلوا البيبااان

---

لووووول
شكرااا

اقتباس:

---

المشاركة الأصلية كتبت بواسطة الشحية

أوييييييييه .. شو هااا .. !!
وي الحمدلله نحن بعيـــــد ..
والله الدنيا صار ما فيـــــــــــــها أمان =) ..
على هواج شمعة أمل تحملي عااااااد >> " عاد هي شو بيرقدهاا الليلـــة " ..

---

لول
عادي عادي
انا برقد:tounge:

والله خوففتيني

انا انسانه خوافة في هاي السوالف

اليوم مستحيل ارقد بروحي فالحجرة

صدق اني خوافة هم فدبي هب فبوظبي^_^

بس بعد اخاف

هاي السالفه سامعتنها
و قالولي بعد انهم هاي العصابه يحطون منوم في التكييف المركزي هع
و الله انهم

ههه يالله سترك الصراحه زياغ بس نحن متطمين عندي ناطوره تحرس البيت للصبح خخخخ

ديروا بالكم زين وخلكم مفتحين عيونكم عدل عن تنصرقون

وان شاء الله قريب بيبون اجلهم والبركه في شرطتنا الله يخليهم ذخر وسند لنا

اقتباس:

---

المشاركة الأصلية كتبت بواسطة فنجان قهوة

هاي السالفه سامعتنها
و قالولي بعد انهم هاي العصابه يحطون منوم في التكييف المركزي هع
و الله انهم

---

عاد هالسالفه اشاعه

هيييه امساات يقولولي
امييييي !!

جان اخاااااااااااف .. تحيدين هاذيج المره يوم شكينا ان في بيتكم حرامي وزغنا ..
هههه قلتلج قولي آخر وصيه ..


شكلي انا اللي بكتب وصيتي اليووووم لووول

بس اللي مخفف
ان شي كميرات

وجلاب
بس انتي شفتي كيف جلابي صغار .. شوته وحده بيموتهم الحرامي لول مايعضون

الله يعيين

شمعة امل شو هالاخبااااااااااااااااااااااااااااااااار ...
روعتيني ... الله يعينا بس ..

فنيان قهوة ...
انا الشتا عندي بدا فما اشغل المكيف .. فما بتنفع خطتهم ... خخخخخخخخخخخ

خخخخخخخخخخخخخخخ هيه احيد ذاك اليوم
مت من الزياغ كنت مستعده ادخل جلبتي البيت
هههههه تميت احوط بمكشه عشان اظرب الحرامي:d014: خخخخخخخ اياااام

نسيت أقولكم


تراهم بس يصرقون من بيوت حلوه


ذوقهم راقي:a058:

$$$$$$$$$$$$$$$$$$$

السلام عليكم ..

أكثر السرقات قبل تصير صوب جميرا الثالثه لأن الناس هناك ماتهتم
والمكان يساعد ظلام وشي وايد سكيك بس اليوم
حطوا ليتات في أكثر المناطق
والحمدلله صوبنا
هالسوالف قليله ومانسمع عن شي إلا في السنين مره وكفايه إن
الدوريات تمر جدام بيتنا كل فترة عشان يغيرون الحارس
في بيت الشيخ أو يوصلون له شي
وعن البيت شكله أبدا
مب مغري ولا يبين انهم بيحصلون فيه شي يمكن تلاقينهم يدخلون
بيتنا عشان يحطون لنا فلوس ويطلعون من الخرابيط
اللي بيشوفونها في الحوي والحمدلله
بيتنا مايفضى طول
السنه لازم فيه حد والاحتياطات طول السنه تشتغل ،، إذا وصلت
لج أخبار أو سمعتي شي يديد خبرينا عنه
عشان ناخذ الحيطه
والحذر
:k_special2:

الاســـطـــوري
أخوكم

و الى ما عندهم ناطور شو ايسوون :tongue: ؟!

.
.

:ghostface:

بسم الله

و الله أنا أول مره أسمع عن هالسالفه :k_shock_1:


(( مشكوره يا شمعة أمل ))

^
يقفلون بيبانهم من الخاطر خخخخخخ

وحي القلم .... عادي عزيزتي ... اقبضيلج مثل ملاس أم خماس والحرامي بروحه بيشرد :)

شمعه أمل ! هل كيف ترقدين فليل واحساس الحراميه موجود ! ربي يعينج صديقتي

حلم الطفوله.. أخافني يوم أشوفه.. :k_santa_1: من الزياغ أعطيه هو الملاس بدال ما أظربه :d014:

خلاص ما برمس عن هالسالفه عن تستوي صدق :tongue:

..

حلم الطفوله
تعرفين شو سوييت
خليت بوكي بالعماله على طاوله عند باب حجرتي .. واذا اختفى الصبح .. بعرف انه حرامي دش حجرتي .. بس يوم نشيت اليوم الصبح .. بوكي بعده في مكانه xD

نحن بيتنا دوم بيبانه مشرّعه خخخخخخخخ
ما ادري ليش ما نحب نقـّفـّل البيبان

شكلنا ما بنتأدب الين ما يدخل في بيتنا حرامي و يسرق كل كشارنا

البارحه راقدين و باب الحوي طلق و بيبان الفله مب مقفوله, يعني تعال يا حرامي شل كمن تلفزيون و مايكروويف و DVD و بوكين و كمن طقم و ساعتين او ثلاث ساعات و اظهر

زين انه اخويه العود وصل متأخر و قـفـّل البيبان خخخخخخخ

ذنيني خخخخخخخخخخخخخخخخخخخخخخخخ

الله ستررر وما سرقوك انته بعد خخخخخخخخخخ وين بحصل ذنيني شراتك^___*

نسيت اقولكم..

الحمدلله على نعمة الامان..

والله بلادنا احسن عن البلدان الثانيه..

والله يدومها يارب

ذنيني زين خبرتنا بس ناقص توصف لي وين حجرتك ووين تحط
الكاميرا بالضبط عشان تنش اليوم اللي بعده وما
تلقاها وعشان خاطرك بخلي لك
اللينس الصغيرون
:icecream:

اخوي الاسطوري ما يحتاي تخليه

طرشه صوبي خخخخخخخخخخخ

انته يوم بتتعزم تروح تسرق خبرني خخخ بنسرقه هو وشبريته خخخخ

خيال الحب شو تبى فيه إنت بس تعال وياي وبتحصل هوندا أكورد
شلها ماتغلى عليك وسيديات السوني أكيد في
الصالة نص لي ونص لك بس لا
تخبر حد خل السالفه
بيني وبينك
:k_harhar1:

بتســرقـــون ذنيني و شبريــــته !!

.. شو ناويـــن اتحنطونه ..! :doh:

لاتعــــــــــــ2007ـــــــ ــــــــليق

لوووول p=

:whistling:

أسوي عمري ما اسمع خخخخخ

=========

الأسطوري انته ييت بيتنا
و شفت كم أخو عندي ما شاء الله واحد يلعب كاراتيه و الثاني كان يلعب كونغ فو و واحد دخل ملاكمه لمده سنتين و طلع " بس المهارات بعدها موجود "

و أنا توأم سوبر مان :b050:

فـ لا تفكر تدخل :fa32: :a046: :bash: :a058:



:a018:

الـسلام عـليكم والرحـمــهـ ,,

أول مـره أسـمـع بهالـخـبر ياا حليلهم والله عيل أهل جميرا وأم سـقيم عايشين في رعـب :icecream:

ودام انـه 6 ما ادري 5 بيـوت أنـسرقت ومثل ما قلتي انه الحراميه محترفين(بروفشنال:tounge: ) لاازم ما يسكتـون عن القضيه والـ 82 مـرشـح من دبي للمجلس الوطـني خلـه يناقشون هالقضيه واتـكون من ضمن أوليات بـرامـجهم حيث ان الـمواطن وخدمتـه وراحـته هـو هدفهم :1: ,, وراح يحصـلون عـلى دعم اكيد من اهل جميرا وام السقيم والمناطق المهدده بالسرقه :doh:


الله يعيـنكم والله ويحفظ البلاد كلها من كل شـر :ghostface: ,,

ومشكوره شمـعه ع التوعيـه والتنبيه ^^". سويتي ألـلي عليج كـ مواطـنه صالحـه تخاف على اهل بلادها وممتلكاتـهم وأبواكـهم :a054:

ووالسموحه :g_aloof:

ذنينييي
عقب هالرد ماتوقع حد بيفكر يسرق منكم ههههههههه xD

تنينه
ان شاء الله يزخونهم ونفتك .. مليييت كل ما أبا فلوس لازم اسير حجرتي >_< تخلف .. لازم بوك واحد يكون على الطاوله عند الباب!!
ومشكوره صديقتي عالرد

بعدهم موجوديين!

واحد يشتغل حق ابويه انسرق من كم يوم وهو راقد .. سرقو من حرمته ذهب بقيمة 300 ألف
ربيعة أمي الى وايد وياها انسرقت البـــــارحه الحراميه دشو بيتها وهي راقده:k_shock_1:

بسم الله ... شو هالسالفه اللي كل يوم و اتزيد..

ويــنهم شرطة دبي..!

.
.

شمعتنا

اتحملــوا ع عمــــارك..

الله يكفيكم شرهم ان شا ءالله ..

سمعت عنهم.. يقولون في الفريج اللي مجابل فريجنا

ما عليه .. دومي سهران،، بترياهم لين يوصلون فريجنا وبزخهم خخخ

واذا صدق هالسالفه تراهم ما بيروحون بعيد،، الشرطة وراهم وبيطلعونهم