نقـاش ودي مـع الأعضـاء

السلام عليكم ..

"أعضاء الواحات"

بما إن بعض الأعضـاء مسوين حملـة ضد الإرهـاب قصدي ضد منـع فتح
جزء يديد لموضوع خرابيطي فقررت أنا المدعو الاسطوري
بفتح باب النقاش والحوار وتبادل الآراء
وتداولها بخصوص
مواضيع (الكوكتيل) أو (اليوميات) اللي ماتحمل مضمون ثابت ولكن هي
عبارة عن ملتقى جميع الصور سواء كانت إبداعية أو عادية
أو إذا كنا نقدر نقول عنها صور (مش
حالك) مب أكثر مع
إحترامـي للمبتدئيـن اللي أعتبر عمري واحـد منهم بس فكرة الصـورة
ومضمونها يعكسون صاحبهم وطبعا لاتنسون بإن الادارة
تاركه لكم موضوعين اللي همخرابيطي
خرابيطك و خيوط لنسيج
واحد بدون غلق عشان العضـو مايحس بضيق وانه محصـور بس في
التصوير الإبداعـي ومايقدر يشارك بأي صور ثانيـة بجانـب
محاولاته لإنتـاج صـور فيها ذوق وفـن من
خلال تجاربه وقراءاته وأفكاره
وحسـه الفنـي
:smile2:

أدري بأن موضوع خرابيطي خرابيطك عدد صفحاتـه وايـده والكل يحـس
ببطئ التصفح في الموضوع فإذا كان يرضيكم حذف ردود
السوالف اللي فيه مع بعض الصور اللي
تاخذ مساحه بدون ماتضيف
شي أنا ماعندي مانع أو إذا كنتوا تبون تشاركون في الموضوع الثاني
وتخلون هالموضوع كأرشيف لصوركم سنة 2006 أنا
ماعندي مشكله في الحالتين (حل من
الحلين والثالث محال) بس
نفتح مواضيع يديده مع وجود هالمواضيع وتصير الواحة كلها مواضيع من
هالنوع هالشي مايرضيني كمسؤول عن الواحة يعني مهما
كانوا الأعضاء (يفشون خلقهم) في هذي
المواضيع مب معناته
إنها كلها تصير بالطريقة هاي وكل مبتدئ لابد إنه يحـاول يطـور ويتعلـم
عشان يوصل للهـدف اللي في باله ولا ترا بيبقـى في
نفس المكان ولاتنسون بإن قطار
الحياة مايتريه حد !
:k_special2:

أتمنى كل واحد يقول اللي في خاطره ويعطينا رايه
وبنشوف شو راي الأغلبية ضمن حدود
المسموح به ورضاؤكم
هو هدفنا
:yes:

السموحه

الاســـطـــوري
أخوكم

انا من رايي

كل شخص ويعرف الي يسويه

يعني نحن هنيه مب يهال

الي يقولك والله هذا ما يستحي محطي هالشي

احسه كلام فارغ

وبس هذا الي بخاطري

يعني انا من رايي نفتح موضوعين وثلاثه وعشره بعد شو المشكله

بسم الله الرحمن الرحيم
:14:
هلا ب الأسطوري
انا مالي ف هالسوالف والكلام مش موجه لي اكيد
لكن نصيحتي لك بأنك تعاملهم بالحكمه
:thumbup1:
هالأعضاء يبون هاي الصفات وإن اتبعيتها ف صدقني بترتاح
حكمه
احترام
حب
وتكون متواصل معاهم ف إي وقت وكل وقت
يصير ردهم عليك ب إن شاء الله ع اي حال او اي قرار !
:smile:
والمعذره ع الأطاله

هـــــــلا ..

"بوزايد"

أحترم صراحتك ووجهة نظرك وصح كل واحد عقله في راسه بس ياخوي
لو في كل شي بنقول نحن فاهمين ومانحتاي قوانين
تحكمنا أو حد يحاسبنا ترا كل حد
بيمشي على
هواه ومزاجـه وبعديـن لو حد حط صـورة فيها خدش للحـياء أو ماشابـه
وخواتك في المنتدى بترضاها لهم ؟ أنا عن نفسـي
مارضاها وإذا كان صاحبها يشوف
إنها صورة إبداعية
يقـدر يشارك بها في المعـارض أو يحطهـا في أماكن ثانية فيها خبـراء
يعطونه رايهم فيها مب شرط يجبر عمره إنه يعرضها
هني إذا كانت القوانيـن ماتسمح
وبخصوص المواضيع
إذا صـارت 10 ترا محد بيتشجـع إنه يصـور وينافـس أحس بنعيـش في
جو فلكر صور وتعليق وكل واحد يصور شو عنده ويتفاخر
وتييك وحده تصور التقويم اللي نصه
عيش برياني والنص
الثاني سلطه يعني بدل ماترتفع الواحات بتوجـها وسياستـها نحو الإبداع
مثل ماهي متميـزة في باقـي الواحات وتنافس باقـي
المنتديـات بينزل مستواها وبيتراجع
وبعدين لو هالمواضيع
فيها هـدف أو الأعضاء يستفيـدون منها في المقابل ماعليه يعنـي هي
مجرد ترفيه لا أكثر من وجهـة نظري طبعا وكفايـه
الموضوعينيغطون الحاجه
وزياده بعد
ومابى حد يقـول إني متعصـب لرايي بس كلامـك ياخوي ما أقنعنـي
والواحة هاي أنا عايش فيها كمتصفح دايم من قبل
مايبـدأ إشتراكـي فـي الواحـات
والسموحه منك
:yes:

"ألم ترى"

ياخوي مابيني وبين حد عداوه وبعدين انا أحترم كل الأعضاء بدون إستثناء
بس إذا حد شايل في قلبه أو يحقد علي ترا كل واحد
وضميره وصح اني ماأتواصل وياهم
في مواضيعهـم
دايما بس أحاول أسوي اللي أقدر عليه وتراني مافرق بين عضو والثاني
مهما اختلفنا أو دار بينا حوار حاد وفي النهاية كلنا اخوان
وهذا مجرد منتدى اليوم يجمعنا
وباجر الله يعلم
وين نكون أحياء ولا أموات مب مكان يجمعنا للأبد وأهم شي الواحد يترك
ذكرى طيبه في المكان اللي يعيش فيه فترة وشاكر
لك نصايحك الثمينة ولا تقطع
واحتك الثانيه
:a070:

الاســـطـــوري
أخوكم

صـبااحـكم ورد وعـسل :14:

كلاامـك صحيح ياخـويه في كل نـقطه ذكـرتـها :thumbup1:

وعـني انا عـيبني هـالحـل

اقتباس:

---

أو إذا كنتوا تبون تشاركون في الموضوع الثاني
وتخلون هالموضوع كأرشيف لصوركم سنة 2006 أنا
ماعندي مشكله

---

وبسس انتهت المشكله لول :icecream: سوو أللي تنيينه قالت عليه وانت والخير رباعه :12:

ومجهود تشكر عليه ياخويه وما اتقصر :thumbup1:

موفج دووم :14:

هــــــــــلا ..

"تنينه"

قصدج صباح السهر والكسل بس جو الصبح غير من زمااااااان ماشفته ،،
بخصوص موضوع خيوط لنسيج واحد انتي اول شخص
يرشحه وهو يحمل نفس المضمون
وبالأساس هو بديل
لموضوع صور منثوره هنا اللي يتكون من جزئين وكانت له الاسبقيه
في نفس هذا الطرح ومابيختلف المضمون إذا تحولت
المشاركات هناك وبننتظر راي البقيه
وشاكر لج الحضور
:yes:

الاســـطـــوري
أخوكم

.
.

اقتباس:

---

ويتفاخر
وتييك وحده تصور التقويم اللي نصه
عيش برياني والنص
الثاني سلطه

---

والله ضحكتني من الخااااااااااطر
.
.
أحــسن شي نفتــح موضووع ثاني
ونفتك من الصدعه والعثره
:icecream:
.
.

أسطوريووه لول:icon_rr: انا اتـحراك تقصد انـه انخلي الموضوع الأولاني كـ أرشيف لـسنه 2006 وبتفتح موضوع يديـد بس نفس المضمون يعني خرابيطي خرابيطكم :fa46: ,,


يعني شرات ما قالت امواج نفتح مووضـوع ثـاني مالـه داعي أنييب مواضيـع نـسج عليها العنكبوت بـيته:ohboy: وانرد فيها بعد ما استوت من الأرشيف :icecream:


:11:

مرحبا ..

كلامك حلو

بس مثل ما قالوا شو الراي لو تفتح موضوع يديد وتغلق الأولي
فـ أول واحد بيكون مغلق من الأساس يعني ما بتستوي هالواحه كلها من هالمواضيع اللي ماتعيبكم

بيكون مغلق ومحد بيشارك فيه
واطرحوا موضوع واحد اللي هو ( الجزء الثاني )

لكن انه نيب موضوع مطروح من سنه ونخلي الاعضاء يشاركون فيه الحين مايستوي
لو يبون جان تموا يشاركون فيه للحين
بس لانهم موضوعين لنفس الفكره .. عسب جي

فـ انا اقول تغلقونهم
وتفتح موضوع يديد


وكان الله غفور رحيم

سلام

هــــــــــلا ..

"أمواج"

انتي من رايـج نفتـح موضوع ثانـي كجزء يديـد ،، انزين موضوع خيـوط
لنسيج واحد شفتيه وعرفتي شو مضمونه ؟ انتظـر
ردج عشان أكمل وياج النقاش وأفهم
رغبتج بالضبـط

"تنينه"

اللي فهمتـه من ردج الأول والثاني انج تبيـن موضوع يديد يحمل نفـس
الفكرة ،، انزين خيوط لنسيج واحد مب مستعمل وايد
وإذا تبين بغسله من داخل وبرع
وبلمعه وبقرطسه
وبسويه يديد (شو تبين بعد) وهو ماصار من الأرشيف بس الأعضاء ركزوا
على موضوع واحد وهو خرابيطي لأنهم انطرحوا في نفس
الفتـرة وحبوا تكـون الصور مجتمعـه
في مكان واحد
وإذا على التسميه خلوا صاحبته تطلب تغيير الإسم وبغيره لـ (خرابيطي
الجزء اليديد) يعني هل فكرتكم بإن يكون في موضوع
ثاني بنفس المضمون التصفح فيه
سريع ولا بس
تبون تاريـخ الموضـوع يكون يديـد ،، وين المشكلـه في خيوط لنسيـج
واحد ؟ فهميني شو هي رغبتج بالضبط عشان نشوف
راي الأغلبيـة وأهـم شي نناقـش
الموضوع حبه حبه

في إنتظاركم
:yes:

الاســـطـــوري
أخوكم

.
.
الحيــن إستــوعبت الموضووع
.
:fa46:

شووف يا الاسطووري
انا اشـــوف إنه تســـكرون موضووع مال الخرابيــط
و نســوي موضووع يديد مال خيوط لـ نسيج واحد
بصــراحه انا اشــوافه احــلى من خرابيــط يمكن لانه الاعضــأء خربووه بـ صور عبيطــه * لاحد يزعل*
:fa46:
.
فــ شو رايك نحط العيــن على * خيوط لــ نسيج واحد * . ؟!
أحــسه أحــلى
:a049:
.
.

أمواج

صح كلامج بس احس مستحيل الاعضاء ما بيحطون صور عبيطه
هاك الموضوع كان عليه ( إقبال ) بسبة انهم يقدرون يحطون أشيا تضحك وجي

فـ مادري احين

انا عايبتني فكرة أنه يكون الموضوع لكل الأعضاء وفيه صور حلوه
اللي هو خيوط لنسيج واحد

بس احس في ناس مايبون
عسب جي لازم يرضون الطرفين ..

اقتباس:

---

المشاركة الأصلية كتبت بواسطة الـيـاه

انا عايبتني فكرة أنه يكون الموضوع لكل الأعضاء وفيه صور حلوه
اللي هو خيوط لنسيج واحد

---

.
وانا بــعد ويــاج
:12:
.

مــن رايي تغلـقـون مـوضـووع خـرابيطـي وخـرابيطـكـم وتفتـحـون مـوضـوع يديد أو جـزء ثانــي .. :whistling:
وبالنسبــه للمـوضـووع الاخـير ( خـيوط لنسيـج واحـد ) مـا أشوف انـه فيـه اقـبال كـبير شرات مـوضـوع ( خرابيطـي..... ) ..

وشي ثاني اذا انغلـق الاول فـ خلاص ما بيشـاركـون الاعـضااء فيــه .. وبالتـالي ما بيتحـول القسـم لصـوور مالهـا معنـي .. !
واللي عنده شي فيه ابـداع أو تصـووير احترافـي .. أو غيره تـراه بيحـط مـوضـوع يديد .. ومـابيعرض الصوره في مـوضوع خرابيطـي وخـرابيـطكم .. :thumbup1:
وفي النـهـايـه يالاسطـوري تراه القرار راجـع لكـ واللي تـشوفـه أحـسن لهـذا القـسم توكـل واعتمـد عليـه ..

مـاعرف اذا اللي قلتـه يخـص السالفه أو لا :fa46:

هــــــــــلا ..

"الياه"

مرحبتين ،، أنا فاهم قصـدج بس شو العيـب في الموضوع اللي صار له
سنه يعني الأعضاء يوم بيشاركون بيشوفون الصفحة
الأولى متى تاريخها وعقب بيشاركون
يعني هو مب حليب
أو روب له تاريخ معيـن وعقب ينتهي ومحد يقرب صوبه ! وغير هذا الجزء
الثاني من خرابيطي اللي انتوا تبونه مطـروح من شهر
6 ومغلق ومافيه إلا رد واحد وتراه
يحمل تاريخ جديم
بعد يعني التاريـخ وراكم وراكم في كلا الحالتيـن وأنا للحين مب مقتنـع
بالرغبه هاي يعني ليش نمـزر الواحة مواضيع مغلقـه
غير مستهلكه مانبى نطبـق (مال
بلاش كثر منه)

"أمواج"

شوفـي مولاتـي (على قولة شخص الله يستر) الموضوعيـن يحملـون
نفـس المضمـون ومافي إختـلاف إلا في التسميـة
وبخصـوص الموضوع اليديـد حتى
لو حطينا العين عليه
منو بيرضى تنمسح ردوده أو صوره حتى لو كانت بالموبايل لأن كل واحد
بيحتج بصور غيره أو ردود غيره في حالة السوالف صح
بعض الصور تستاهل الثناء أو التعليق
أو الوقوف عندها بس
مب أخذ عطا ماينتهي يعني يت فترة قمت أمسح صفحات كلها سوالف
(يتحرون أعمارهم في المسنجر) وكلامج باخـذه بعين
الاعتبـار وبدرسـه وشكـرا علـى
الحماس والمرور

السموحه

الاسطوري

اوكي رد افتح موضوع خرابيطي الجزء الثاني اللي انغلق .. واغلق الموجود حاليا ً كـ ارشيف للصور شرات ما قلتو ..

لا بالعكس
كمن موضوع مغلق ما بيخرب شكل الواحات
في أشيا ثانيـه ممكن تخرب شكلها أهم من المواضيع المغلقه

اقتباس:

---

"تنينه"

اللي فهمتـه من ردج الأول والثاني انج تبيـن موضوع يديد يحمل نفـس
الفكرة ،، انزين خيوط لنسيج واحد مب مستعمل وايد
وإذا تبين بغسله من داخل وبرع
وبلمعه وبقرطسه
وبسويه يديد (شو تبين بعد) وهو ماصار من الأرشيف بس الأعضاء ركزوا
على موضوع واحد وهو خرابيطي لأنهم انطرحوا في نفس
الفتـرة وحبوا تكـون الصور مجتمعـه
في مكان واحد
وإذا على التسميه خلوا صاحبته تطلب تغيير الإسم وبغيره لـ (خرابيطي
الجزء اليديد) يعني هل فكرتكم بإن يكون في موضوع
ثاني بنفس المضمون التصفح فيه
سريع ولا بس
تبون تاريـخ الموضـوع يكون يديـد ،، وين المشكلـه في خيوط لنسيـج
واحد ؟ فهميني شو هي رغبتج بالضبط عشان نشوف
راي الأغلبيـة وأهـم شي نناقـش
الموضوع حبه حبه

---

رغـبتي يا طويل الـعمر انـه تفتحوون موضوع يديد ليش العبال واتيبون موضوع مـغبر وما كـان له اقبال واتردون الحيااه فـيه :Oo: وبعدين انـا جفت الموضوع ثلاثة ارباع الصـور مب ظاهـره :surrender: يعني ما أدري شو الحكمـه مـن انـه نبدأ فييه من أول ويديد ,,

حـطـوه مـوضوع يدييد ونفس العنوان بس جـزء ثاني وانتـهى :14: ما أدري ليش أحس مكبرين ومعقدين السالفه لول :a032:


والسموحه :14:

هــــــــلا ..

ليش تتحرون ان في اختلاف بين
الموضوعيـــن ؟
:fa44:

"الياه"

خيوط لـ نسيج واحد هو تكملة لـ صور منثوره هنا وخرابيطي يحمل
نفس المضمون ماعليكم من التسمياااات (موبايل ،
نقال ، جوال ، هاتف متحرك ،
هاتف خليوي)
في النهاية يعبرون عن شي واحد وهو مثله مثل خرابيطي
بس ماعرف وين تشوفون المشكله ،، عاد
الحين كيف أفهمكم بأي لغة
لازم أرمس
:a0360:

"أمواج"

من الحين تسوين لج حزب لا يكون تيمعينهم
عشان بيفيدونج وقت التصويت
للإنتخابات
:k_harhar1:

"قرموشه"

اوييه شو كاتبه تعالي بساسرج في اذنج لا يكون كنتي تقرين
مجله وعقب رديتي ترا ردج بعييييد ومايخصه
في الموضوع احنا نرمس في
موضوع ثاني
:a108:

لا لا عن تمسحين الرد كلامج في الموضوع بس انتي ماقريتي
كل الردود وردج يحمل نفس رغبة الجميع بس
انتوا مـب فاهمين علـي انا
شو أقصد
واتمنى ردي هذا واللي قبله يوضحون لكم الفكرة اللي أبى
أوصلها على الأقل ولا ترا بخلي آغا راعي
الدكان يفهمكم بطريقته
الخاصه
:k_harhar1:

السموحه

بس انت قلت :

أتمنى كل واحد يقول اللي في خاطره ويعطينا رايه
وبنشوف شو راي الأغلبية ضمن حدود

والاعضاء يبون موضوع يديد مثل ما تشوف , فـ خلاص ليش العقد الزايده
هذا رايهم ..

مايحتاي تطرح موضوع يديد اذا لهالدرجه غميضه هههه
افتح الموضوع اللي غلقته اللي هو خرابيطكم الجزء الثاني واغلق اللي انترس

وخلاص

أنا ماعندي مشكلـه في الحـل بس خلينا نصبـر كمن يوم ونشوف راي
الاغلبيه واللي يقهر اني كثر ما أشرح محد يفهم علي لأنهم
ما يقـرون كل الكـلاااااااااام فـ ألقـى ردود ما
يخصها في الحوار احس كأني
أرمـس يـابـانـي
:d010:

.
.
الاســطوري
إنته لو تكتب لنــا باللون الاســود بدال هالعرس اللي تســويه ومثلثــات
بنفــهم من أول كــلمه تكتبــها هذا إذا مافهمنــاك بدون ماتتكــلم
:fa46:
,
،
إنته تقصــد الســوالف اللي فالموضووع . ؟!
*لايكون حاذف شي من سوالفي ياويلك*:fa32:
.
.
اذا إنتــه تحاتي إنه نفــتح مواضيــع يديده والســوالف إتــــم ماتقــل
فــ أنـا أقــولك إنه لو فكــرت تفتــح مواضيــع يديده لازم تكون حازم ويــاهم
وتقبــض لك سوووط رفيـــع وتوقف عند باب الموضووع و اللي بيســولف تشخطــه على ظهره وبـ جيه بيحــرم يسـولف وبيحط الصــوره وهوو ســاكت
:fa44:
لا لا اســولف
بس موضووع من دوون تعليــقات مب شي يستوي يعني * أي شي *

الزبــده
تفتــح موضوووع يديد و الموضووع القبلي تغلــه من دون حذف ردوود
وإن شاء الله بنــخف سوالف فالمواضيع اليــايه
وشكر الله سعــيكم
وكان الله غفورا رحيــما
.
.

وكـان الله غفوراً رحـيماً :14:

اقتباس:

---

المشاركة الأصلية كتبت بواسطة تنينه

شو هاا اسطوريوووو مايفهم :pullhair: يشوف الاعضاء شو يبون ويرد يرمس عن شي ثاني :d014: ليش حاطينه مرافق ابى افهم مكانه ايمع كور في الفريج حده ,, :k_harhar1:

هذا اذا مب شي ثاني بعد بس بنصبر وبنشوف آخرتها وياه وشو بيسوي بس لو ينزلونه بيفكونا وبنرتاح من صدعة الراس ,, :bash:

:a032:

---

ماعليه ماتقدرون اللي يشتغل حقكم ويكرف ليل نهار بس
شوفوا إذا ماحذفت كل مواضيعكم
واحد ورا الثاني
:k_harhar1:

عيبني موضوعك .. والاحلى في كل شي انك بتاخذ راينا نحن:k_smile2:

في راايي هممم

تغلق كل المواضيع المترووسه .. وتفتح موضوع واحد يديد .. ب عنوان كلحد موافق عليه .. يتكون من صور اي كلام .. طبعا الاداره مابتحب هالشي لانه ضد القوانين:fa46: .. لكن .. الشي الى انتو ماتعرفونه .. انه يوم تخلون المبتدأ يصور اي شي تزرعون في * شو هالكلمه الى اباهااا .. نسيتهاا* همممم confidence نسيت شو هي بالعربي:surrender: .. المهم .. ومن هني يبدا يكون عنده الجرأه والرغبه انه يطور مهارته ويستوي برووفشنل.. ف هالمواضيع المتكونه من خرابيط في الاخير موضوع زين وهادف بطريقه غير ملحوظه =)


وبس
:fa46:

ههههههههههههههههههههههههه ههههههههه أسطوريووووه ويا الرااس الـحين انا كتبـت جي:a058:

بنجوف كيف تـحذف المواضيـع :tounge:


ياخويه والله ما اتـقصر وكلامـك وشرحـك ماشااء الله مكفي ومـوفي بس نـحن قلنـا رايـنا نبى موضوع يديـد وانـت مصـر تقنعنا بـرايك :icecream: يعني موضوع نـقاش ولا اقناع رأي لول :fa46:


وانـت أدرى بمصلحـة واحـتك وان شااء الله بـتسو كـل خير ياخويه يا أسطوريوه :12:

هــــــــــلا ..

"أمواج"

توني ادري ان مثل اللبيب بالاشارة يفهم ينطبق عليج ماخبريني قبل
وبخصوص لون الخط والعرس مايسوى شي جدام العرس
اللي سوولج إياه مابقى حد من المطربين
ماحضر مب انا حدي شعبان
عبدالرحيم ويغني
عن الجقاير وإسرائيل بس ،، انزين ندخل في صلب الموضوع بصراحه
ماذكر اشكثر الردود اللي حذفتها ولا هي ردود منو
من كثرها بس يمكن لج من الطيب
نصيب لا تحاتين لازم أحسب
حسابج مانسى
حــــــد
:k_harhar1:

بخصوص القوانين كل شي في وقته حلو ومانبى نتكلم عن هالموضوع
قبل ماننتهي من السالفه الاولى بس لازم بيكون في
تغيير طبعا مابنمع التعليق لأنه
شي أساسي
ولا ليش تنحط الصور إذا الواحد مابيعرف راي الاعضاء فيها بس يعني
بتعرفون كل شي عقب ولاتقطعين النقاش لين
ينتهي ترا بتنطرح افكار
ثانيه

"تنينه"

شو هالاقتباس اللي عندي ماحيدج جيه تحقديـن
على الاعضـاء وين راح المـدح اللي
في هاك الموضوع
:icecream:

"شمعة أمل"

مافي موضوع يحتاج غلق غير خرابيطي خرابيك الموجود حاليا وعندي انا
واصل الصفحه 49 وكل المواضيـع الثانيه مناسبـه وأنا
اقترحـت على الاعضـاء موضوعج
(خيوط لـ نسيج
واحد) لأنه هو أصلا الموضوع الأساسي المكمل لسلسلة مواضيع صور
منثوره وعندج الوصله تقدرين تشوفينه وكان ماشي عادي
بس وجود موضوعين بنفس المضمون خله
واحد منهم يوقف والثاني
يمشـي ودام ان هالموضـوع موجــود وحاليـا هو الصفحـه الثالثـه ليـش
ماتكملـون فيه دامـه ماأخذ حقـه مـن المشـاركـات
يعني مابنغلـق موضوع بس فيه
ثلاث صفحات إما
تشاركون فيه ولا شو لزمة نحذفه عيل وبعدني أنتظر الآراء اللي تقنعني
بخصـوص رفض هالموضـوع والعنـوان مايخصه يتغيـر
بضغطـة زر مب سالفـة صعبه يعني
أهم شي أقتنع
:k_special2:

السموحه

الاقتبـــاس دليـل ضدج أنا ماقلت شي من عنـدي كـل
شي واضح اسلوبج وطريقة كتابتج وخطج
ونفس الابتسامات يعني محد
بيشك فيني
:k_harhar1:

ههههه مب اسلوبي هـذا بس السمايلات يعني نفس الشي:k_harhar1:

اقتباس:

---

وبعدني أنتظر الآراء اللي تقنعني
بخصـوص رفض هالموضـوع والعنـوان مايخصه يتغيـر
بضغطـة زر مب سالفـة صعبه يعني
أهم شي أقتنع

---

أهـم شي شوووووو :icecream: نحن ما نبى نقنع حـد ولا شي بس حبينا انقـول رايـنا :14:

ووالسموحه ياخويه :12:

ههههههه الاسطوري
يعني انت تدفع شي يوم تفتح موضوع يديد .. لوول سوالف
بس جد والله

وااااايد متكدر لانك بتفتح موضوع يديد
ألا هو موضوع لوول

انت تبا راي الاعضاء وقالولك رايهم
ليش مصّر على رايك

لوول صدقج يااهوو تـرى الموضوع ببلاش p= ,,

ألاسـطوووري
:woot:

مـاكنت أقرا شي وحـياات ألبـك لوول
بس صـج انـزيين .. لييش مـعقـد السـالفــه واايـد
خـلاص افتـح مـوضـووع يديد وهـذا اغلــقه ..
وهــذا الحـل بـن عمـي !

:fa46:

انزين صح انتوا قلتوا آراءكم بس بعد لازم نصبر ونشوف ترا باقي الأعضاء
يمكن يبون يضيفون شي او يقولون رايهم فلا تستعيلون
ترا الموضوع حتى ما كمل يوم واحد
وبعدين أنا من 27
ساعــه
مب راقد ماحس بعمري متخدر ولا ادري شو اقول وعادي أفتح لكم 10
مواضيع وأثبتهم الحين وانا مادري فخلوني أروح أشحن
ويوم برد لحالتي الطبيعية بقرا وبرد
عليكم فنتلاقى على
خــيـــر
:a116:

السلام عليكم

يلا عيل نترياك بن عمي

روح اشحن عدل.. واشرب لك رد بل عشان تطلع لك جوانح

بس انا اشوف انه تغلق الموضوع هذا وتفتح موضوع نفسه وخلاص

والسلام عليكم ورحمة الله وبركاته =D

يالمشاهدين أنا في إنتظار آرائكم لا تستحون ترا مافي
حد غريب ولي عودة للردود الأخيره
في وقت ثاني
:14:

اقتباس:

---

المشاركة الأصلية كتبت بواسطة الاسطوري

يالمشاهدين أنا في إنتظار آرائكم لا تستحون ترا مافي
حد غريب

:14:

---

.
ياخي مستويه وايد اضحك على رمسـتك
:fa46:
.
.
المهــم انا قلت راي
ونتريا راي الباجيـن
وسـلملم *لاتخافون مب صادوه*
.
.

السلام عليكم

انا قريت الردود لكن تحت تأثير ضرب ولد اختيه:a058:
ف لو طلعت برع الحدود سووا ليه وااسطه ورجعوونيه:fa44:

الزبده
انا اقول عادي نكمل على موضوع الجديم خيوط لنسيج واحد
لأن كلهم نفس المحتوى
وش يعني لو كان من سنة سكتوووا <<<متى راح يرمسوون

والخراابيط يغلق ولايحذف:m_9afgah: للذكرى
وكان الله غفورا رحيما
بدل موضوع يديد وحاله
دام شي موضوع شرااته ليش نزيد عدد الموااضيع
بس موضوع الخيووط في ردود الصور مش شغااله<<حليل حالهم المعاشات ماعاشت لهم <<<
صح ان شي مش حلو,, لكن عااادي اشووفه ,,ياما تصير مع الصور اليديده

وسلامتكم
تسلم عالشورى
حيووه:m_9afgah:

السلام عليكم..

الله يعطيـــك العافيه يا الاسطــوري..

..

قريت نقاشكم كلـــه.. و في الاخير عرفت انك بتاخذ راي الاغلبيـــه..

و رايـي انـــك تفتح موضوع يـــــــــديـــــــد.. و تغلق الجديم..

..

بروحه اليديد.. بينعش المشاركيــــن.. و بيخليهم يشاركون بأفضل ما عندهم..

وكـــل يديد..مرغوب و محبـــوب

" اشحلاة الواحد يوم يكون راد من السوق و عنده اليديد " :fa51:

.
.

ادري انه في مواضيع بنفس المضمون و جديمه.. بس ليش الغبااار..!

افتح موضوع يديد.. يفــرّح الاعضــاء..

و سكّـــر مواضيع المنقوله اللي النفس تشمئز منها ! بدل ما كل يوم ينفتح لها موضوع يديد " تافهه و منقول " !! اسمحلي تراني اتنرفز من هالواحه موضوع الخرابيــــط.. أحلى بمليوون مره من مواضيع المنقوله كلها..

.
.

بروحه اليديد.. بينعش المشاركيــــن.. و بيخليهم يشاركون بأفضل ما عندهم..

أأيدج ^_^

هــــــــــلا ..

"تنينه"

حتى لو ببلاش شو يعني ترا الماي ببلاش عيل ليش
ماتخلونه في البيت يصب 24 ساعه
(ادري مايخصه)
:fa44:

"قرموشة"

رايح وصل بس تعالي ليش ماتقريـن أقري ترا القـراءه زينه تفيد وتعلم
وتثقف وتخلي وتنمي عند الشخص مهارات (شكلي طلعت
من الموضوع) أنا مب معقد السالفه ولا
شي بس هذا نقـاش
ولازم فيه
أخذ وعطى ولا جان سويت تصويت وفكيت عمري إذا سالفة أخذ راي
بس وبعدين هاي مب مشكله عشان ندور لها بس حبيت
الأعضـاء يشاركـون برايهـم ويساهمـون
في القرار عشان مايقولون
فلان وفـلان
:k_special2:

"خيال الحب"

لا ياخوي أنا كنت في وضع مايفيد وياه لا الردبول ولا غيره وبيني وبينك
رقدت أكثر من 14ساعه وعادي كنت بكمل لولا التلفون
رن ،، انزيـن دام هذا رايـك شوف لـي
هذا الموضـوع المغلـق
ينفع ولا لأ ؟؟

خرابيطي خرابيطك خرابيطج و خرابيطكم !!

"أمواج"

حياج في أي وقت ورايج وصل وواصلي
ويانا تراج متابعه جيده
:yes:

"هزاايم"

تبين واسطه وانتي من البدايه ورا الشبج مالج غير تعفدين
من فوقـه والبو شنـب بيقوم بالواجـب
في الجهة الثانيه
:a068:
ندخل في صلب الموضوع بخصوص الموضوع تراه يحمل نفس الموضوع
وأنا بعد مالقيت رد لإستفساري وكان الجواب اني ليش
مكبر الموضوع ومعقدنه وترا كل
شي ببلاش
وإذا على الـردود اللي ماتظهـر فيها الصور نقـدر نمسحهـا عشان يكون
شكله لايـق بس محد يبى يرمـس في الموضوع
ومانقدر نجبر حد ورايج وصل
الشيخـه

"شوق القلوب"

حلـو إذا بنشوف شي غيـر اللي نشوفه حاليـا في حالـة إنه يكون يديـد
هاي نقطـة إيجابيـة وتسر بس لمتى بيعتبرونـه يديد مرده
يصير جديم وتـرد حليمـه لعادتها الجديمـه
وإذا الاعضـاء يفرحـون
بالمواضيع اليديده كل اسبوع بنكسر واحد وبنفتح واحد بدالـه عشان محد
يزعـل بس بخصوص العنوان هـل تشوفين انه أوكيه مناسب
ولا يفضل انه يتغير ونشـوف عنـوان
ثاني بداله وعن
واحة الصور المنقولة هاي فيها مواضيع حلوه وفيها مواضيع (......) بس
في النهاية مسوايه للمنقول وعمر الموضوع يكون طويل
نسبيا لأن عدد المواضيع شويه فيتم
الموضوع في الصفحه
الاولى والمشاهدين ماشاءالله اشكثـرهم ومافـي قانون يخلينـا نحذف
هالمواضيـع إلا إذا بنشدد على المصدر والحين عرفت
ليش قلتي في أحد المواضيع تبين
تحذفين هالواحه !
:birgits_giggle:

"الياه"

أشوفج وايد متحمسه للموضوع اليديد ومتمسكه برايج بشده ومافي
مجال تغيرينـه وحلو إن الواحد يكون واثق من خطواتـه
وقراراتـه عشان يمشي ملك بغـض
النظـر عن هالموضـوع
وشو رايج فيه
:fa47:

ننتظر أعضاء أكثر يردون ، جنه الردود
بفلوس وانا مادري
:fa44:

الاســـطـــوري
أخوكم

http://oasis.bindubai.com/bin/showthread.php?t=31307

جميل وحلو ناقص انك تفتحه
الحمدالله اشوفك رضيت عليه .. لول وايد مستانسه انا

متمسكتبه وايد
بس مب لاني ابا افرض راي .. بس ابا اشوف شي يديد وفرررررش يخلي الاعضاء يتفاعلون وياه

^_^


ومشكور مقدما ً