المعرض السادس

السلام عليكم و رحمة الله و بركاته


اشكر كل من مر على المعرض الخامس و المعارض اللي قبلهم

اليوم ياينكم بالمعرض السادس

و انشالله انه هالمعرض ينال اعجابكم

اللوحة الاولى ... "سريالية" ... تعبير عن الطاقة المخزونة في النفس الهادية <<< يا ويلي
البعض افتكر انه بير نفط يحترق



http://img216.imageshack.us/img216/9...plosionml9.jpg

اللوحة الثانية و الثالثة بابين شفتهم في اسبانيا و حبيت اني ارسمهم

http://img223.imageshack.us/img223/7...ishdoormb9.jpg

http://img183.imageshack.us/img183/1059/46doorol6.jpg

هذي رسمة لحقل في اسبانيا ^_^
http://img65.imageshack.us/img65/4203/47fieldyz5.jpg

هذا الحقل من مخيلتي

http://img271.imageshack.us/img271/7346/48fieldxs8.jpg

شيبة من مخيلتي
http://img271.imageshack.us/img271/6...shaibahot4.jpg

منظر من "فانكوفر- كندا "
http://img271.imageshack.us/img271/7...ncouverhs5.jpg

هذي لوحة طلبت من بنت اختي لجمعية الارشاد " طفل يقرأ القرآن" من غير ملامح!!!
http://img218.imageshack.us/img218/7390/52quranjf0.jpg

اما عن هذي اللوحة فهي احد التجارب "التجريدية" و سميتها Fire in the Forest"
http://img281.imageshack.us/img281/693/abstractyg3.jpg

ارجو ان اللوحات تعجبكم وراح انتظر ردودكم

ما شاء الله علييييج أختي
والله روعه الرسمااات وااايد
عيبتني رسمة الشايب
الله يوفقج ان شاء الله

شكرا اخوي هواجيس مشتاق على المرور
وانا سعيد انه لوحة الشيبة عجبتك

و تسلملي

اخوك الريشة الزرقاء

ما شااء الله عليك مبدعنا دووم تمتعنا برسماتك الحلوووووه :fa35:


ربي يوفقك دووم :a070:



تسلم الانامل :thumbup1:

ما شا الله

روعه .. خصوصا رسمه الحقل الثانيه

وايد عيبتني

مشكور اخويه الريشه الزرقا

..

تنبيه

شكرا خيتوه على المرور الطيب

و انا سعيد ان اللوحات عجبوج

و انشالله القادم يعجبج بعد

اخوج الريشة الزرقاء

وحي القلم

مرورج الاروع

سعيد بتواجد في صفحات موضوعي

و سعيد انه لوحة الحقل عجبتج

و لا تحرمينا من هالطلة

السلام عليكم ورحمة الله وبركاته

هلا بالريشة الزرقاء نورتنا بلوحاتك كما اعتدنا وانا سعيد جداً بهالتقدم إلي اشوفه منك

أعتذر في بدايتي إني ما رديت على معارضك السابقة عشان كان باسوورد المنتدى ضايع

وكنت متوهق وما اروم ادخل الواحات لين ما وصلني الباسوورد اليوم من أخويه الكريم قائد المنتدى

بن دبي

و لوحاتك كما اعتدناها رائعة يا فنانا وصدقني قبل لا تعرضهم هني في هاي المعارض

ما اقص عليك قبل كم يوم كنت يالس اتأمل لوحاتك في البيسي عندي الصراحة جميلة جداً ...........


قبل كم يوم رديت من ألمانيا ... ويبت ويايه كتب حلوة مال الرسم

وأن شالله إذا ييت دبي ذكرني بروييك إياهم ... وبتصلبك إن شالله خلال هاي الفترة

تعال نسيت أقولك

ليش باقي المعارض مثل المعرض الخامس والسادس لوحاتك مب موجوده

رد سولهم تحميل من منتدى بن دبي للتحميل افضل بيكون

ربي يوفقك دوم ويحفظك دوم يا أعز الأصدقاء

محاق

و عليكم السلام و رحمة الله و بركاته

اهلا باخوي و عزيزي

المحاق

ياما انتظرت رجعتك بفارغ الصبر

اولا الحمدلله على السلامة
و نورت الواحات برجعتك

معذور صديقي .. و الحين اكتب الباسورد على الايدار عشان ما تنساه :thumbup1:

و عن الكتب .. قبل لا اوصل للبلاد بخبرك اتجهزهم .. خخخ ..

انا رجعت للمعارض الماضية .. و اشوفهم يظهرون عندي:ohboy:

لكن افا عليك .. انشالله راح احاول احملهم مرة اخرى

و عسانا ما ننحرم من تواجدك اللي يفرح

ربي يحفظك

اخوك
الريشة الزرقا

لـــي عــودة بإذن الله :)

لا لا يالريشة

اللوحات باينه :fa34:

سامحني ما طلعت عندي من قبل ماعرف شو السبب شكيت من موقع التحميل

ياسلام على ها كله :12:

بعد تعال اشوف رسمات مب موجوده عندي متى راسمنها وليش مب موجوده عندي

انته بس ارجع مناك وانا ارويك شغلك هههه

متى ما ترجع بس خبرني

ويسلم عليك علي .. من امسات كنت وياه :icecream:

يالا انشوفك لا تقطع من هالمكان مول

تحياتي يا أطيب صديق

محاق

ما شااء الله عليك اخوي الريشه الزرقااء..

احم .. عن الرسمه الأولى انا بعد تحريت انه بير نفط يحترق.. خخخخ

الرسمه 2 و3 واااايد حلواات .. رووعه ..

تدري والله كل رسوماتك حلواااااااااااااه.. ( قلت لك قبل يعيبني في رسوماتك البساااطه.. مادري احس انه فيهم بساطه طبيعيه.. )

الله يوفقك اخووي..

اللوحات جميلة
و اتمنالك التوفيق

كيـــــــف طافني موضوعك يالريشه الزرقاء ترا كله نفس العناوين تحريته موضوع جديم

يالله
الصراحه من غير مجامله

الشيــــبه....ابدعت فيها ابداع لا يوصف (^_^)

و عندي لك نفس الملاحظه

هدي اعصابك شوي شوي خلك ريلاكس يوم ترسم

ليش معصب؟

كااااااام داااااون ريلاكس

بتبدع اكثر صدقني

(^_^)

ربي يوفقك و يهدي بالك

......

وعليـكم السـلام ورحمـة الله وبركـاته..

مســااااء الإبــداااع..


الله الله.. !!
أبهـرتنـا ريشتـك الزرقـاء.. !!


الشفـافيـة..
والتناسـق..
وسمـو الإبـداع..
كلهـا تكمـن في لوحـاتـك الرائعـة.. !!


أعجبتنـي اللوحـات كلهـا عامـة..
ولوحتيـن البـابيـن خاصــة..


أتمنـى أن لا تكبـت هذه الموهبـة..
واطلـق لهـا العنـان لتترك بصمتهـا في المجتمـع..

:smile:


يوفقـك الرحمن للخيـر..

الريشة الزرقاء ما شاء الله تسلم الايادي

الاولى و الاخيره جان للبيع بشتريهن (( عشان اتقول ما يغلن عليك خنفروش واصلات - بس مااظن تستغني عن عيالك ))

ياخي وهقتنا .. ؟!؟!؟
.
.

ما شاء الله عليك .. ^_^ ..

كل ما ابي اسجل رد يليق .. أوقف .. وأرجع اتمنظر وابحلق بالرسمات ..
فعلا ان ابها بساطة .. وسكون غريب ..
.
.

أعجبتني جميعها .. ووقفت عند كل منها ..
.
.

كما انك تملك حس طيب اخوي بالرسم ..
ولم تخفى علينا تلك الهواجس الجاذبة ..
بين ذاك اللون .. وتلك الحركة .. وهذا التناغم .. بنثر ريشك ..
.
.

وبالشايب .. أمر شدني بشكل غريب ..
لا أدري أهو الانحناء الخفيف براسه .. كبر سنه .. كثافة لحيته ..
خطاب عينه .. تحديدهم ..
قربه .. وطريقة ابصاره .. لـــ ـ ـــ ـ ـ !! ؟
.
.

فعلا خليتني أسرح بزود ..
خاصة .. بعالم طيب كالرسم ..
.
.

وتسلم اناملك اللي فاضت بأعذب الهواجس .. باعذب الطرق ..
ولا حرمنا ربي من دخول عوالم رسمك .. دائما ..

.
.

السموحة عالاطالة ..
.
.

ولك منا كل احترام وتقدير ..
اختك أنامل قلب ..
.
.

يا هلا بعزيزي المحاق

اول شي خلني اعتذر من كل الاعضاء على الغيبة الطويل
كنت في فترة امتحانات .. و بعدين الاجازة و بعدين الفصل اليديد و بلاوي التسجيل

المهم ارجو السموحة من جميع الاعضاء

مشكور على المرور و مشكور على التشجيع المتواصل

سلملي على علي كتير كتير .. و انشالله راح اويله الوووو

و اطمنك اني راح ارجع و راح اشارك بالمزيد

اشكرك على ا لتواصل

و لا تحرمنا من تواجدك و تشجيعك
الازرق

شهوووودة الأمورة

شكرا على المرور الطيب و ااسف على التأخير

انا سعيد ان اللوحات عجبوج

و لا تحرمينا من التواصل

فنجان قهوة

شكرا على التواصل
و لا تحرمينا من المرور

عمة العيم
يا هلا بفنانتنا
شرفتينا بتواجدج العجيب

و اخجلتم تواضعنا على الاطراء

وعن العناوين >> و سبب تشابه اسامي المعارض كان مجرد عرض سريع لقديمي.. اما في المواضيع القادمة راح اعرض اعمال جديدة و انشالله العناوين راح تطابق محتوى اللوحات

و تبغين الصراحة .. هنالك في فترات اشعر اني لازم امسك الريشة و ارسم بطريقة سريعة و لا ارادية فقط لمجرد تفريغ الطاقة المخزون >>> قمت اخرف

المهم شكرا عموه على المرور
و لا تحرمينا من هاللطلة

اخوج

الازرق