*^* شو بتسوي لو .. *^*

اتلاقيت بالصدفة ويا عضو من أعضاء الواحات .. هو ما يعرفك .. بس انته من كلامه .. كشفت شخصيته .. او كانوا جدامك يتكلمون ..وواحد منهم قال اسمه اللي في الواحات .. :k_harhar1:


يا ترى شو بتسوون .. :b015:
هل بتسير له .. وبتقوله انته منو ..وبتسلم عليه .. :a010:
ولا بتم تسمع الرمسة .. وعقب بتي الواحات وبتكتب له موضوع .. :k_smartass:
او بطرش له رساله خاصة .. :k_harhar1:


كل واحد يقولنا .. شو بيسوي .. :8:

لـو مريـت انا فـ هالموقفـ

امم مـابخبـرهـا، ويـوم برجع البيـت بقولهـا شفـتج فـ المكان الفـلاني..
وبخبرهـا بالتفـاصيل عن طريـق الرسـايل الخـاصـه (لـو كـانت وحده هب محتكـه ويـاهـا وايد )

امـا لو كنـت من اللي محتكـه وياهم ، طبعـاً بروح لهـا وبكلمـها وبسـولف ويـاها وعـادي

اشكرك على الرد ..

انا عن نفسي اذا كنت وايد وياه في الواحات بعد بسير له ..وبسلم عليه ..
اما اذا كنت ما اعرفه وايد .. بسوي له موضوع .. وبحاول اني اصوره وبحط صورته طبعا بعد ما اظلل علي الملامح .. وبقوله اني شفته والدليل الصورة .. وبسأله اذا هو يقدر يتذكر شكلي .. ولا لأ ..

عني أنا سواء كنت وايد وياها والا لأ مستحيل اروح اسلم عليها
فشله :shutup:
بس بنزل موضوع بخليها تنصدم اني شفتها :b015:

مزن هتان .. شكلج من النوع الخجول ..

أنا بقوله حتى انا مشترك في الواحات
وعقب بشوف هو شو بيسوي
همم ويمكن هو يسأل انته من من الاعضاء ؟

.
.
لوول انا صــار ويااي هالموقــف
في وحده تعرفني و شكـلها شايفتني
لانه مره قالت لي شفتــج يوم الثــلاثا
وانا جيه استويت :boxed:
ولين يومكـمـ ماعرفـها
:k_harhar1:
عادي مافيني فضــول اعرفهــا
.
.

ههههههههههههههههههه عـــااد انا ماابـــروم ايــوود عمــرييه ..
سيــده بســيير عنــدها وبسـلم علييــها حتى لـو ما كنت وايد وياهــا المهم انها ويــايه فنفـس المنتدى ..
مااجــد استـوالي هـ الموقف بـس اذا استــوى اكييـد بكــون مستــاانسه ..

:)

انا عن عمري بسمع كل السوالف اللي اتدور اكيد بكون مستانسه ...
بس عقب كم يوم يطرشلها رساله خاصه بقولها تراني شفتج
لاني لو طرشتلها نفس اليوم او اليوم الثاني اكيد بتذكر ملامحي ..
وبخبرها اني شفتها وكان لي الشرف اني اتعرف عليها
.
.
بس تبون الصراحه استحي ارز ابويهي وانا ماااعرفها
اكيد بفتشل
ما يهزك ريح : ليكون استوتلك

انا بتقرب منها وبعرف كل شي عنها وجي وعن الواحات
وبعدين بستهبل عليها
وبعدين يمكن اعترف بس مب بنكي بنك حد غيري يعني بعد استهبل
وبعدين بخليها تكره اليوم اللي تعرفت فيه عليه
وبعدين يمكن اعترف واقول نكي خخخخخخخخخخ

بس مستحيل يستوي هالموقف لي مادري ليش ..
ولو استوا اتوقع بسوي اشيا اكثر عن جي هههههههههه

بخبل فيها من الخاطر هههههههه
شكلي من احين ناويه عليها لو استوا الموقف خخخخخ

مايهزك ريح

مرحباا

همممممم ,,

مابسو شي .. بس بدخل المنتدى

وبكتب موضوع في واحة الاصدقاء والتعارف أني شفت واحد من الشباب (( بحدد المكان والزمان )) واذا في مجال بصوره خخخخ أسولف

يلس يرمس عن الواحــات وقال أنه نكه ..... ووبس

عقب بحط الموضوع

وبشووف ردة الفعل

:k_harhar1:

وثااانكس ع الطرررررح

أنا أعرف وحده ويانا فالواحات

تدرس ويايه فـ كل يوم أشوفها :cool:

بس ما قلت لها.. و ماظني بقول لها بعد :k_harhar1:

انا لو ستوى فيني ها الموقف
بتم اسمع رمستها وجي ومابخبرها اني مشتركة
وبعدين بي بنزل موضوع ومابخبرها انا امنو بخليها هي بروحها
تعرف انا امنو اذا تروم

وبتم العوزها بعدين بعدين بخبرها انا امنو^_^

انا ما استوى لي هالموقف بس اعرف ثلاث من الواحات خخخخ ... :thumbup1:

بس ما قلت إلا لنفر واحد فقط اما البقية الباقية في طي الكتمان :k_harhar1:

ما افضل ان وحدة اعرفها اقوم اقول لها انا منو!! احلى ع السُكيت مثل ما يقولون :k_smartass:

نور نور انا من بينهم لوول P: ,,

هيه انتي من بينهم خخخخخ ...

ووحدة ثانية بعد :cool:

خخخخخخخخخخخخ اويييييييييه لووووووول يعني صدق جايفتني خخخ ,,

ف الجامعه يعني لووول كيف ومتى وخخ

اظني انها انتي !!

ف محاضرة المرزوقي عن الأتيكيت!! اللي في جامعة زايد بدبي ...

هييه انا حـضرت المحاضره بس كيييف عرفتيني لول 0.0

احيد حد حط موضوع اهني عن الأتيكيت و معنى الإتيكيت و انتي اتوقع اللي قلتي معنى الكلمة المهم ذكرتي شي انذكر في المنتدى .. و عقبها و في بداية المحاضرة يوم طرا اهل دبي و بوظبي جان تقولين انتي " و عيمان بعد !" ... فعرفت انج انتي ان ما كنت غلطانة!!

تنينه جكوج الحقي ..
الحينه كل بنات الجامعه اللي في الواحات عرفوج باجر .. بيوون يسلمون عليج وانتي ما تدرين هيههي

هههههههههههه اويه:shutup:

ههههههههههه و شي وحدة ثانية بعد جكيتها خخخ

بسم الله الرحمن الرحيم ..

هههه صدق واحد مني بتلوم بس بلموه ف الحالتين اكيد ! ..

ذكرتني ب سفير الخيال ههههه :a049: ..

من فتره شفته ف رأس الخيمة وانا اصلآ محتك وياه ع الخفيف ف الواحات وعندي رقمه ف الاتصالات النادره ..

والله ياخوي اني شفته مر عليه ف الموتر ف عرفته كيف ما اعرف ..

عقب دقيت له تلفون وقلت له انته اللي مريت قبل شوي ف قالي هيه جان يتوي ويهي جي :boxed: ..

رب صدفه خير من ألف ميعاد ..

لك سلامي :fa41: ..

انا دفشه عادي اقولها منو انا...بس اذا حبيت شخصيتها...وكانت ملتزمة مش وايد فري

السلام عليكم

والله استوت وياي :a050:

وحده شفتها بمناسبه ونازعتني يوم خبريتها ....وطبعا للحين ما تعرفني :k_smartass:

الثانيه سالفتها سالفه ... وبالأخير طلعت أعرفها وتعرفني :8:

صح وفيه شخص بالواحات سمعت مره حد يطريه وأنا جيه :boxed: وبخاطري أقول هذا ويانا بالواحات:k_harhar1:

وحي القلم ...ما أدري والله ...عندي احساس كبير بإني أعرفج:a050:

ما شاء الله عليكم جلبتوا الموضوع جات ..
:k_harhar1:
على العموم .. كل واحد عنده ردة فعل .. وحلو انه الواحد يتعرف على الردود .. اشكر كل من شارك وحاب ايشارك في الموضوع .. :8:

وعن اني انا شفت حد .. تروالي مره لماح .. وكنت وراه بموتري ..
بس ما كنت متأكد من رقم الموتر .. :b015:
إلا يوم جيكت في الواحات .. واكتشفت انه هو اللي كان جدامي .. :a049:

بسم الله الرحمن الرحيم ..

شفت لماح مره وحده ! ..

هههه تراه سفير الواحات ف الخارج ..

ربي يحفظكم ..

مايهزك ريح .. ونحن يمكن صادفنا حد من الواحات وماعرفنا .. بعدنا ..

ما يهزك ريح ..
لو انا استوى لي هالموقف ... بسوي حركة نذااالة فيها ..
بكتب موضوع فيها وبطرش لها رسايل خاصه وبأذييييها .. بخليييها تتعب شوي ..

عقب بفكر .. بفكر ما قلت بقوولها .. بفكر اني اخبرها والا بخلييييها على حالها .. لوول

ويييـح قلبـــي .. !!!!!
ظهــرت انا الوحييـده الدفشــه الي بسييــر عنــدهاا !!! ..

استوتلي هالحركه اكثر من مره وعــــادي.. هالحياه .. جفت وايديييين .. بس مابقولكم منو .. لانه لو حطيت اللسته بتنصدمون .. لانه هم مايدرون اني شفتهم:laugh:

مـرييت بالعكــس يعنـي انـا قلـت النك وهـم عرفوونـي واستوالي هـ الموقف مـع العـضـوه بنـووتـه صغيروونـــه .. بس خـااااااااطري يستـوييلـي هـ المـوقــف ..
:woot:
بس تعـرفــووون أشكـ انـي شفــت عـفاارييتوو في الجـاامـعه .. ما أدري مـشبـه عليــهــا
وتنطـبـق عليــهـا المـواصــفااات .. والتخـصص وكـل شي .. بس أستحـي أسير وأسألهــاااا لوول
:k_busted_cop:
وخـااطري أشووف خـياال الرووح بمعنـي ثاانـي * أجكـهــا * في اللاب أو الكـفيتييريــا .. ودوومـي
أقوول حـق ريـف الصبــا خـاطري أشوف هـ الثنتييين .. وداايمــا أخـبررهـا عـن المواصــفــاات اللي حـاطتنـهـا
حـق كـل وحده فييهـن P=

اعتقـد لو انحطـييت في هـ الموقـف بستاانـس وااايـد .. وبسيير وبســلم عليــهــا .. يمكـن بستهـبل في البداايـــه بس بعديييين بخبرررهـا ..
:fa51:

استوت لي مره مع شتشوووته لو تحيدوونهـاا
وسيده خبرتها انا منو .. على اياام اول نك لي ف الواحااات ..
.
.
وفي مره

وحده احس انها تعرفني بس هي تنـكر
بيني وبينها كميونيكيشن ف الواحات وقبل ع المسنجر بس انا ماقمت احدر المسن مول ..
هممم .. مره نزلت خاطره كنت ملقتنها فـ مناسبه
جان تكتب لي بما معناه *اقول هالاسلوب مب غريب علي و تستاهلين صفقه ثانيه *
يوم سألتها قالت ماقصد شي !!!!

ومره جافتنـي فـ حفل ،
وعرفتنـي من ***** .. لول ^^
مب هي بس عرفتني من هذا ، هالشي استوى رمز لي عند الي احاول اخليهم يذكروني
لوول ادري مافهمتـوا ^^ خخخ
المهم عقب يت وطرشت لي رسااله
*والله كنتي قمممممر .. حسيت بقلبج الكبير وماعليه خيرها ف غيرها*
بهالمعنى يعني !!!
ويوم اسألها انتي منو او ليش ماييتي وسلمتي علي
تقـووول افضل انج ماتعرفين شخصيتي !! والله دوخت بي
وانا ادري انها بتقرى ردي ^^ لانها راده ف هالموضوع لول
وكـاان خاطري انزل موضوع بهالسالفه بس قلت يمكن هي ماتبى لوول ^^

والله خـاااطري اعرف منو هي ولا شو سالفتهااا ويايه هىهىهىه ..!!
.
.
وشي وحـده تعرف ربيعاتي
وطروني جدامهـاا .. وسيده عرفتني
لانهم طرولها سالفة صايرتلي من فتره !!
ومن هالسالفه حست انهاا انا الشين ^^
.
.
وسفير الخيـاال
يوم نزلوا صورته فـ المجله
جفته مره فـ محل لووول ^^ من زماااان اكثر عن سنه تقريبا !!
وجفت صورته فـ المعهد البترولي هههه (=

وهاللي ف بالي الحين .. (=

مب جني ماجاوبت ع سوالك ؟ ههه
المهم ..
يعتمد ع شخصية اللي جداامي
يمكن اخبرهـا بنفس الوقت .. ويمكن ألعوزها شــوي وعقب اخبرهـا ف الواحات
بس مابطرشلها رسالة خاصه .. بنزللها موضـــوع عسب تنصدم مره وحده !! لول كشخه

اشكر .. كل اللي ردوا على الموضوع ..
وصدق الواحد يمر بمواقف .. حلوه .. واحلى شي يوم اتقوله انك جكيته وهو ما يعرفك انته منوه ..

المزوحي ..هيه والله يمكن انا اتلاقيت وياك .. بس لأني ما اعرف رقم موترك .. ما عرفتك ..
بس لماح لأنه حاط رقم موتره .. عشان جيه جكيته ابسرعه ..

سواء كانت وحدة او واحد فاكيد بسير و بسلم عليها او عليه و بقول لها او له انا اشارك في الواحات بعد.

and we will spend a good to together

أحس إنه هذا أحلى موقف لو استوا لي
طبعا لو وحده تسولف وطرت الواحات بسألها عن نكها وما بقول لها نكي بس بقول لها إني انا بعد أشارك في الواحات وبستانس وااااااااااايــــــــــــ ـــــــــــد

بس أتوقع إنه مستحيـــــــــــــل يستوي لي هالموقف :fa52: ...

انا باذيها شويه وعقب بخبرها
بس نذاااله

امممم وذكرتوني بشهوده:k_icon28:

السلام عليكم



موضوعك ذكرني في يوم كنت سايره تقنية البنات ... عسب اشوف وحده من الواحات .... وطلعت من هناك .... شايفه اربع :yes:

وحده طلعت اربيعة بنت خالي ... وبالصدفه وانا اسلم عليها ...بنت خالي قالت لها ...اكيد تعرفينها ,,,, قالت لا والله أول مره اشوفها ..... جان تقولها اني سبيجه مال الواحات ....:fa52: طبعا وايد تفاجأت ... :a108: بس انا كنت اعرفها من قبل .... ومن جريب بالصدفه عرفت إنها اخت واحد عندنا في الواحات ...صح ؟؟؟؟ :cool:


والباجيات عرفت اشكالهن ...بس هن ما عرفني ... لأنه علاقتي فيهن في الواحات وايد عاديه .. بس لو احتكيت فيهن أو كلمتهن ...بخبرهن منو أنا .... :yes:


شعور جميل جداً .... يوم تشوف شخصيات عرفتها من خلال الكلمات ..ومن خلال السوالف ... وتتفاجأ وايد إذا كانت مغايره للصوره اللي في بالك ... وخصوصا إني شاركت في اللقاء بين العضوات ...قبل اكثر عن 4 أو 5 سنوات .....تقريبا .....

ومن اللي شفتهن ..

طفله من هذا الزمان-الشوق-طير الحب-الأديبه الصغيره-بنت العاصمه بوظبي-اخت بنت العاصمة بوظبي-الكرز المنسي ... وما يهزك ريح كان يصيد :a042: في البر هاك اليوم :bow_arrow:


موضوعك وايد حلو .... تسلم اخويه

السموحه

ما شاء الله كل واحد ردة فعله .. غير عن الثاني ..
اللي يرحب .. واللي ناوي يستنذل فيهم .. واللي عادي بسير وبيسلم وبيتعرف ..
احس انه هالموضوع .. خلاني اعرف كل واحد كيف يفكر..

اشكرك كل اللي ردوا على الموضوع ..