ارجو المعذرة ...

لاتلوموني على اللي بقوله ...

والله احس بضييييييج من اللي يستوي .. أدري بتقولون مب كل الناس نفس الشي وشوف اصابع إيدك
لكن كل مره اقول لاااااااا الناس مب كلها نفس الشي ..

شو الحين متعلمين الرياييل يكلمون الحريم والعكس ..
موظف متزوج ويتكلم نص الليل وعقب يقول حق حرمته لاااااا هاي وحده من الدوام تسألني عن شي
وهاااي المتزوجة تقووول ... لاااااااا هذا راعي الخياط ... وإلا كفت ..

ياني اشعور إني ليش انا بعد ما اغازل واخربط .. لااا .. كما تدين تدان .. شو هالتفكير
عذر اقبح عن ذنب .. وإلااا تداوي الشي بمصيبه ..

اللي تهدم اسرتها عسب فلااااااان .. مع إنه زوجها محافظ عليها ومش مقصر وياها.. وبالرغم إنه هذاك متزوووج .. إلا إنه مخلي عمره عزوبي ... يعني هو بياخذج مثلا ...

استغرب كل يوم من شي .. ما اسمعه .. اشوفه بعيوني ..
وااااااااايد علاقات قامت تستوووي .. العزوبي يكلم اللي في الدوام او وحده من برع او حاط له عشر والمتزوج يدور وحده يفضفض لها ...

أنا ماعندي ربع طريجهم مب سيده وعقب انصدم بالملتزم .. يدردش مه وحده ويقول لاااااا أنا ماظهرت وياها .. انا بس أكلمها ... وحده محترمه في الدوام .. يكلمها واحد من الوافدين وهو متزوج ومغترب .. ريال ملتزم .. تم يلمح لها إنه يتزوجها .. طبعا هي عصبت .. واستغربت منه .. وكان رده هدي يا بنت الناس الشرع حلل 4 .. حلك حلووووووول يالهيس ..

بس الحين والخبر طااااااااظج .. خدامتنا تمووووووت في زوجها ويعيشون قصة حب ...
مثل ماهي تقووول وطبعا هي عودة الحين وعندها بنتين ..

توها تقووول تصدقوون .. مابتصدقووون .. تصدقوون .. قلنا لها قوولي بلاااااااااج انطقي
قالت ريلي على علاقة مع وحده ... وتمت ساكته

قلت ولييييييي .. حتى هاااي تعاني .. لالا .. مب قصدي إنها خدامة وماعنده مشاكل .. لكن شوووف كل حد يصدمك بشي ...

وين ماتسير البنات حركاااااات والشباب كذلك .. ماقدر اقول السبب من منو ؟؟؟
الحريم خبايل والرياييل مدحب ..

والملتزم استوى يخووف اكثر ... ويتجرأ يقول كلااااااااااام .. عن الحياة الزوجية وعن اسرار البنات
انا وياكم إذا البنت عطت الشاب فرصة ممكن يتجرأ .. لكن هالفئة هم يعقون خيط وخيط حتى لو البنت تستحي .. هم مايستحون ( مب كلهم طبعا ) ولكن اكثر من شخص شفته جيه ...

والشي الثاني واحد ملتزم ... يستغل مع وحده من الاهل في الدوام ... محترمه ولها سمعتها النظيفة .. تم يكلمها في الدوام على اساس يبغي يخطبها .. قالت له والله لو تبغي اتقدم عند هلي وعقب يصير خير .. هو ماتقدم لها وهي سكتت عن الموضوع .. بالصدفة كان ماخذ إجازة .. والمسؤول كان يقولها فلااااااان اليوم غايب لانه حرمته مربي .. والله انصدمت وبغت تموووت .. مب حبا فيه .. ولكن مدين ويكذب ... قالت ليش جيه يسوووي .. لكن ماعاليه .. خله يداوم أعرف شو اقوله .. المهم واجهته
ارتبك .. وقال لااااااااااا لاتفهميني غلط .. أ .. أ أ .. أنا أقصد مافيها شي لو خذت الثانية وقالت له ليش ماتكون صريح من البداية ..

ووايد اشياء واشياء .. اللي اذكره قلته .. وماعرف شو قلت ...

قمت ما ثق بحد .. ربيعي اخويه وإلا مسؤولي ... تشوفهم شي كبير ومن هناك للأسف
شكلي لازم اكون واثق من نفسي أولااااااا
كل شي اهتز فيني
الكلام اللي اقوله مب من موقف ويييييييييت اكتبه لاااااااا
الكلام اللي كتبته من صدمات في حياااتي ...
اشياء اسمعها واشوفها .. وماحب اصدقها بعد .. مابغي اصدق .. لانه يوم تغلي انسان او
تفتكر انسان نظيف ومب جيه .. ياخساره ..

تضارب مع اخويه عسب وحده ماتستاهل .. اخرب بيتي بنفسي عسب شهوة وياليتها نزوة وبس
إلا عاصفة مب طايعة تزووول ...

الأخت قامت تحقد على اخوها .. يضاربها عسب تعطيه من راتبها حق الخايسات ...

الحين بتدخلون تقروون الموضوع لكن ماشي ردود .. لانه محد بيعجبه كلااااااامي ..

السلام عليكم

بالعكس يا خوي كلامك واقعي 100% وتستوي في أحسن العائلات ...

بس الانسان شو بيقول وهالواقع يشوفه يستوي جدام عينه ...

أعزب ومتزوج وملتزم .... مثل ما فيه الطالح بتلاقي بعد الصالح ...

لا تاخذ إلي تشوفه جدامك قاعده تحكم فيها على كل الناس ... خلك واثق إنه فيه الزين والشين

صدقني لو حطيت ببالك هالكلام بتتعقد بحياتك من كل البنات ... وبيبدأ الشك يسري بقلبك قبل عقلك

انته ما تقدر تصلح هالكون كله ..عليك بنفسك ... وإن شاء الله ربك بيكتب لك الخير وين ما كان

هي الأيام كما شاهدتها دول ....من سره زمن ساءته أزمان

ربي يوفقك

حلم الطفولة .. تراني انا شو قلت في البداية .. إنه مب كل الناس نفس الشي سواء بنت وإلا ولد
ومن زمان اعرف هالشي ولكن هذا اللي خلااااااااااني اكتب الكلااااااااام ..
وكل ما اشوف شخص اقول لاااااااااا الدنيا بخير وهذا اكيد غير واكون جيه :) فترة واستوي جيه :(

:pullhair: :pullhair:

استغفــر الله العظييــم ..
بلادنــا غــدت مب هييـه الاوليــه ؛؛
يــوم الحــريم يستحــن حتـى من خيــالاهن والرييـايل ما يشـوفون غيـر حريمــهم ؛؛
الحينــه كــل شـي تغييــر حتـى المـطاوعه بس شكــل والا هم مايعـرفون الديـن ولا يلتــزمون بـه
ساعــات تحصـل حتى المـطوع عينـه زايغـه اكثـر من النـاس الي شكـلهم عــادي ؛؛

انصــدمت من كــلامك عن الريييـايل المعـررسييـن انه حتـى هـم يرمسـون؛؛
وانا اتحسـب انه كـل الرييــايل يصطـلبون عقــب العـررس ؛؛
وشعنـه يفضـفضون حق الحــرمه الغــريبه ودور الزوجـه ويين ســاار .. :boxed:

لا حــول ولا قــوة الا بــ الله ..

:surrender:

اختي

انا ماقوول هالكلام عسب تتعقدوون .... ولكن ..
عندنا موظفين ملتزمين مواطنين وغير مواطنين ..
انصدمت منهم

مع إنهم متزوجين .. يواليت البنت هي اللي تسوي شي .. لوكن هو يقول شو فيها لو تكلمنا ..
قبل يقولون برايه يغازل قبل العرس لكن بيتغير عقب
.. صح بيتغير .. قبل كان يكلم وحده ويخليها تحلم بالزواج
لكن عقب هو مايتزوج
يكلم عشر متزوجات

بسم الله الرحمن الرحيم

السلام عليكم و رحمة الله و بركاته و بعد ..

اود اولا ان اقول لك انه الواقع الذي تأبى فيها اعيننا عن رؤيتها و آذاننا عن سماعها !! هي حقيقة مرة موجودة في المجتمع و في كل المجتمعات ..

حالة الصدمة التي انتابتك و انتابتنا .. هي حالة طبيعية جدا .. و لكن لربما ستؤول ذلك إلى نتائج اما سلبية بنسبة 90% و اما ايجابية بنسبة 90% !!

فالسلبية تكمن في وجود الشك و سريان الشك في القلب و العقل و هذه مفسدة للحياة و دمارها .. اما الإيجابية فتكمن في التمسك في الدين و بشكل اكبر و محاولة جهاد النفس و بقوة و الله الموفق ..

بالنسبة لمن يدعي التدين .. فهي كتلة من المنافقين " و اعتذر عن وصفهم بذلك " فهم العصاة الذين يستترون تحت عباءة الدين و التقوى و الحلال و الحرام .. و تراهم و امام مرأى عينيك يغتابون فلان و ياكلون لحم فلان .. و يهتكون الأعراض .. و هذه ليست سوى جهالة تامة بعلم الإسلام و قوانينه الحنيفة العريقة .. فالله سبحانه و تعالى لا يظلم الناس و قد حرم على نفسه الظلم .. انما العباد من يظلمون انفسهم و غيرهم بتلكم الأفعال المشينة ..

لربما ايضا جهل منهم من قبل المتزوجين عن انواع الزنا .. زنا النظر و زنا اللسان!! و لربما ايضا هم متساهلين اعتمادا على مبدأ " ان الله غفور رحيم " و تناسوا انه ايضا " شديد العقاب " ..

قلة التوعية الدينية والثقافية .. و البعض من يود فقط تغيير الروتين الممل للحياة الزوجية!!!!! و هذه طامة اخرى في الحياة .. و هذه مقالة خاصة لا اود طرحها هنا احتراما للكاتب ^_^

على كلن تفلسفت وايد انا .. بس المهم انت و تفكيرك .. ان بغوا يطيحون في النار ف مب لازم انت تتبعهم!! عليك بنفسك و اطلب من الله ان ييسر امورك و الأهم ان لا تظن بالناس ظن السوء و تعوذ من الشيطان .. لأنه في المستقبل القريب ان شاء الله يوم بتعرس ... حاول ان تثق بشريكة عمرك .. و لا ان تخليك هالأمور تزعزع ثقتك بنفسك او بمن حولك و الله الموفق

أكيد الثقة مطلوبة عسب اقدر اعيش بسعادة وبدون شك
لكن انا ناكتبت الموضوع
إلا وانا عندي كتلة صدمة
صدق صدق صدمة

يحليلك .. يقول المثل : هونها و تهون .. و خلك دوم كول ^__^

هيك الدنيا مرة بصدمات مرة بدونها :m_afaker: ؟؟

:a052: :10:

استغفر الله العظيم .. هاذيلا ما يخافون ربهم .. :boxed:
احينه الواحد يطلع من البيت ..يتشاهد على عمره ...ما يدري اذا بيرد ولا لأ .. :fa55:
الله يرحمنا برحمته ..
ما قول غير " اللهم لا تحاسبنا على ما فعل السفهاء منا .. يا رب " :7:

مايهزك ريح تسلم ربي يعافيك
تدري !
مرات أتم أفكر ... لين متى
يعني وايد صاروا يلعبون
خربطة
بغض النظر عن الشاب اللي يغازل قبل الزواج
خلنا نشوف الاسرة شو تسوي

أكره السيرفر .... كتبت رد وانمسح مرتين ...

الله يسلمك هالظاهره صارت شي عادي جداً ...

مكثر البيوت الي انهدمت بسبة طيش هالشباب ... اقصد المتزوجين الي يتحرون عمارهم عزابيه ..

ما اعرف شو اقول غير الله يهديهم

أكره السيرفر .... كتبت رد وانمسح مرتين ...

الله يسلمك هالظاهره صارت شي عادي جداً ...

مكثر البيوت الي انهدمت بسبة طيش هالشباب ... اقصد المتزوجين الي يتحرون عمارهم عزابيه ..

ما اعرف شو اقول غير الله يهديهم

الله المستعان .. المصايب كل ماياها تزيــــد

عافانا الله مادري متى بيتوبون هاييلا ، أونهم عاد رياييل خسهم الله والله يا إني ما أعتبرهم نص رياييل أونه يرمس البنات وهو معرّس

والله محد يقهرني غير هالمطاوعة قوم بوعين زايغه
أمسات كنت سايرة الجمعية ويا اميه وابويه وكان ويهي غادي جذه :k_icon28: وعاقدة حيّاتي لأني صايمه و أذن وأنا بعدني ما فطرت
المهم كنت واقفه و أحس إنه حد يطالعني ويوم صديت ، إلا وهالمطوّع يطالعني من فوق لين تحت وفاج عينه غير ضفدع
صديت عنه وحسيت إنه بعده يطالع ، غيرت مكاني وتم ورايه
جان أسير عند أميه ، واقول لها : ما أحيد عمري امسويه شي غلط ولا أحيد عمري لابسه شي يلفت الإنتباه بس واحد هنه شكله يبا ينصفع
والله لو ما قلت جذه ما كان بينجلع من مكانه

الله لا يبلينا برياييل من هالنوعيه ، لو الرياييل اللي بيسترون علينا من هالنوعيه شو تم بعد يوم الساتر دامر :h_negab:

أنا أخس عنك يالمزوحي والله ما أثق في أي إنسان من اللي حولي إلا بصعوووووبــــــــــــه
وفي نظري إنه : "أغلب الشباب يرمسون البنات بالتلفونات" ===> مب الكل لكن الأغلبيه العظمى :fa55: ...

بتبلعين السالفة لو شاب كلم وحده ... ولو إنه هذا غلط كبير
لكن يوم إنك عندك حرمة وعيال .. اش حقه تظهر مع وحده ومتزوجة بعد
لو فعلا الحرمة مقصرة وياك تقدر تكلمها اللي مب عايبنك
مب تسوي شي غلط لانها ولانها

السلام عليكم ورحمة الله وبركاته
مايفعله البعض من فيئات المجتمع من اشياء غير طيبه يمثلون فقط انفسهم ولا يمثلون كل المجتمع ، مجتمعنا محافظ ويعرف الفرد فيه قدر انتهاك حرمات الغير
نفوس انست بالمعصيه لكن الله لم يجعل السعادة فيها
امراض الامة كثرت لكن السؤال هو هل بذكرها تنحل وتتختفي
هل الذي لم يخاف الله وارتكب ما يغضب العظيم يبالي بما يغضب عباده
كلمة منك ابتسامة من ذاك ،،،،،،،،،،،، ضحكة من هذا دعوة من ذاك
اخي الصغير ،،،،،،، خطؤك ليس مرضا ماله علاج ،،،،،،،،،،،،، المخطا العاصي بحق نفسه
لا بحق غيره ،،،،،،،،،،،،،،،،،،،،،،،،،،،،،،،،،،،، الحل بالقرب وتقريب الخلق الى الخالق وحده جله في علاه .................................................. ............................. ودمتم سالمين