السلام عليكم ورحمه الله وبركاته...
اشحالكم..
حبيت أسألكم وين أرخص مكان ممكن اشتري منه خامات(أقمشة)
ووين ممكن القى اكسسوارات للملابس بأسعار رخيصة...؟
محتاجة هالشغلات لغاية في نفسي ربي ايسرها.
عرض للطباعة
السلام عليكم ورحمه الله وبركاته...
اشحالكم..
حبيت أسألكم وين أرخص مكان ممكن اشتري منه خامات(أقمشة)
ووين ممكن القى اكسسوارات للملابس بأسعار رخيصة...؟
محتاجة هالشغلات لغاية في نفسي ربي ايسرها.
وعليج السلام ورحمه
هلا إختيه ام عباادي
الشيخه ان شااء الله راح افيدج لأن من قبل فتره كان عندنا مشرووع
يقولج تندلين سوق ناايف ,,,على آخر مبنى الكويتي رااح تلقين يبيعووون خلق بالجمله ودااخل المبنى هم يبيعوون لكن مفرق وتقدرين اتكاااسريهم والشيفووناات تخبل ,,حتى عندهم البرينت مالكفاالي,,ولقيت شيفوون عندهم شرات قميصيه ماخذه من كاريل ميلين اسميني انقهرت:a058: ,,يعني عندهم اشكال وانوااع لكن الشيفوونات اخبااااااال:thumbup1:
وعن الإكسسوااار شي محل بند راااشد بالراشديه يبيع هالشغلات يذكرني بآغاا بس طيب يعطيج دسكااونت
حتى اظني بالكويتي شي محل هالسوالف
لووول اي خدمه ثاانيه انا حاااضره
احب ارووح هالأمكاان عسب الكرك:fa34:
عاشت هزايم...يلا ادعيلي يتسير الشيء الي بسويه
يعني محل الاكسكسورات بند ولا شو..؟
تعرفين اكتشفت اني عندي موهبه وحبيت انميها..؟
صح في نايف تشوف العمانيين يشترون بالجملة يالله سيري هناك ...
وعندج في الشارجة سوق الغوير
ما قصرت هزايم
سألت الوالده وقالت لي شرات الاماكن اللي قالت عنها هزايم
للأكسسوارات احس اللي بالراشديه اشياءه مو حلوه
روحي اللي بـ بناية كويتي بالسوق
والقطع قولي لـ شو من مناسبات
وان شاء الله افيدج
ام عباادي
ند راااشد سوق شعبي بالراشديه بدبي
لوول تبغين مسااعده افااعليج احب هالسوالف تعجبني ارووح سوق الجمله والزحمة الهنووود اقعد اتحرطم اريح بااالي وارد لووول
وتذكرت
هم السطوه
عندهم القمزي يبيعوون اكسسوار وشي محل ثااني وين محل خلق الكناادير
صدق لوتريدين مسااعده اناا حاااااااضره
طير ربي يسر عليج
مزن هتاان غااوي اسمج خويتي ماشاء الله
اختيه بالرااشديه عندهم ليساات حلواات يعني ينفع تشتريهم وتركب عليهم كرستيل
حتى تقدرين تخبرين الرياال هو إييب لج قشار من السوق لو مش متفيجه
صح لوتريدين كرستل بيييب لج دسكااونت من الوشيعه
لاحظتي هالشي إني مشتطه ومتفااعله ويا السالفه :fa46:
المزوحي...
المشكله قبل ما كنت اشغل عقلي...يوم يسألوني وين خذتي اخبرهم المكان ويعطوني اشتريلهم بعدين فكرت وقلت ليش ما ابدا مشروع وبدت مشروع برأس مال 1000 درهم وكسبت تقريبا 700 درهم وهذا شيء يبشر بالخير بس كانت لي اغلاط خسرتني والحين بديت افكر اصحح الاغلاط واشوف شو متطلبات الزبائن..
المهم بخبرك موقف وانتوا قولولي كيف اتصرف...
الله يسلمكم انا ما احب حد يستغلني ممكن اجرب اخيط عن محل صغير ورخيص وبنفس فكرة محل الماركات...وسبحان الله نيتي كانت الابتعاد عن التبذير والله وفقني وقاموا الي يعرفوني يفصلون عن هالمحلات قمت ايب لهم زبائن...انزين فكرت بدل ما اخذ محل واتحمل مصاريفه اتعاقد مع هالمحل الي اييب له زبائن يبيع شغلاتي ومن ناحية ثانية عندي معارفي يطلبون.
المهم هالعيد فصلت عباة من تصميميه اللهم خذت نوع التطريز وقلت له يوزعه بطريقتي مثل ما اشوف المذيعات المواطنات وراعيت انه العباة ما تكون وايد ملفته وللمناسبات طلع اللون حلو وناعم عاد حمياتي عيبتهم وفصلوها...والحين بعض الصديقات وخواتي بعد حبوها فأقول اني ممكن اخذ عمولة على التصميم مالي ولا شو رايكم...؟
مزن هتان اباهم لمشروع وابا ارخص الاكسسوارات لاني ابا ابيع اشياء في متناول الجميع يعني اذا جلابيات ابا ابيعهم 50 60 70
اريد اكسب زبائن بالاول
هيه المفرووض
شوراايج تتفاهمين معااه إن تعطينه الدزايناات وهو يفصل
كثيير قاموا بهذي الحركه ولاتظلمين حقج
اقتباس:
المشاركة الأصلية كتبت بواسطة هزاايم
بس هاذيل شو أسعارهم
اختيه بس 70 و60 و50
اشوي
يعني نحن الوالده رفيجتها قالت لها ان وححده تفصل الفرااشه الثوب
فطلبت امي منهم الرقم ويابووا لنا اللبس
صدق بسيط ونااعم وسنبل واسعاارها ماتعلا عن 200 يعني زيدي ميه على الأرقااام غلي حطيتها عسب يطلع لج نسبه
لوتريدين بصور لج وش خذينا منها كلهن لبساانهم للبيت اياام رمضاان
ترى بسير له هالاسبوع انا امر على كذا محل اخذ افكار واسير اشرح له
القمزي وند رااشد مش غااالي
شي محل بسوووق الكويتي وشرااتهم بعد مش غاالي
ما ابا اثجل على الناس والرزق القليل اخير...بعدين انا اتعامل مع خياط زين تعالي تقصدين الفراشه شرات الي تلبسهم سميره احمد في جمرة غضى وايد حبيتهم
إيه شرااتهم
طرشيلي الصور وانا بخبر الناس اذا حد يبا يشتري
هزايم هي بميتين انا بزين عليهن 50
الحرمه باي امارة..؟
الشااارجه
عيبني أسلوب طير الحب في البيع (ما تبا تغش الناس ولا تبا تبالغ) ، بس لو 20% من الناس شراتج جان الدنيا بخيـــر :thumbup1:
الله يوفقج أم عبــّادي ...
راوينا شغلج يمكن نشتري
طير الحب مافيها شي هااي تجارة وانت تكسبين بطريقة حلال
الله ويفقج .. والبداية جيه تكون ...
في ناس يبيعون في الفريج وخلاف تكثر الطلبات ومايلحقون حتى يوفون كل شي
اللولوه...ان شاء الله من تصير شيء بضاعه بعرضها الحين عندي سبحات لليهال وبعرضهم اذا زاد منهم شيء
قصايد غلا ...المزوحي...هزااايم دعمكم افرحني
تعالوا وين ممكن القى ارخص العلب عندي خلطات كريمات للجسم وافكر ابيعهم
شي من العلب البلاستيك في جمعية الاتحاد .. والعلبة الصغيرة أقل عن درهم
مادري عاااد إذا تطرين هاذيل .. علبة شفافة و غطاتهن بيج ..
هاذيل اشتريهم للمطبخ ما اقصد هالنوعيه ابا شيء يكون مرتب ورخيص
سيري السطوه اتوقع بتحصلين كل شي
لانه انا اسوي اشغال يدويه .. واحب اجلد . . واشتري خرابيط من السطوه .. من محل اسمه النورس .. ولا فدا .. بتحصلين كل شي هناك
وايد شكرا شمعة أمل
هيه سيري السطوة ... وإلا سوق الظلام بالجملة
في بعيمان اشياء وايد حلوه ورخيصه.......احنا انسمه سوق الهنود ......
طبعا لازم تتنقين و تتبصبصين ...عدل علشان اتحصلين الي تبينه .. طبعا الهنود ايحبون ايسيرون اهناك لانه رخيص ...
انا احب اشتري البطانات ( التفته) من عندهم.. الشربت ب 3.5 درهم و الساري ب 4 درهم للوار و نوعيته ممتازه و في شيفونات الساده الوار ب 5 درهم و نوعيتها طبعا ممتازه خذت منها للفستان.... على فكره نفس النوعيه من الشيفون الي خذت منه للفستان كانت وحده من الاهل ماخذه منهه بس من مكان ثاني طبعا بدبل او دبلين السعر من سوق السور بالشارجه؟؟؟
طبعا ايام الاجازات ايكون السوق مثل سوق الروله زحمه اهنود شنك ساير عرفات او سوق نايف