خبرني شو فرحك وحزنك اليوم ؟

بسم الله الرحمن الرحيم


السلام عليكم

اشحالكم

ما ادري انا عندي موضوع شرات الدايري بس مب شكلها بالضبط

يعني هنيه نكتب شو صارلنا اليوم بس المواقف الحلوه او المحزنه


وانا ببدأ يعني اليوم مثلا
الموقف المفرح
ربيعي يا يسكن عندي في نفس البيت والله استانست وايد


الموقف المحزن
البنك سكر حسابي اليوم لانه كان ع المكشوف وانا ما ادري وانا محطي في فلوس يوم الخميس الي طاف بس ما وصلن لانه الحساب مسكر وخليت حد يروح للصرافه وقالوله اونه ما نقدر نعطيك الفلوس
لازم الريال ايي بنفسه وانا وين بيي ....راح حليله وطرشلي من فلوسه .... الله يحفظه ما قصر



اتمنى التفاعل

موضوع ..حلو .. والله يعينك .. يا بو زايد .. وان شاء الله لي عوده .. :kcl:
بس حبيت احجز مكان :harhar1:

مـوضـوع جميل وفـكره حلوووه :fa35:


ان شـاء الله يوم بيخلـص يومـي ,, بـكتب شو أللي فـرحني اليوم وشـو أللي أحـزنني ,,


مـودتي

تنيينه :qor9anah:

عيبـــني الموضـــوع ..
الييين الحيـــنه ما استــوالي شي NEW يفرحنــي :ice: ولا يحزنــي :sadwalk:
أكييييــد بتكــون لي عــووده ..


مشكــــوور بو زايــد ع الموضــوع ..
...
..
.
:kcl:

حلووه الفكره


موقف يحزن
حدووا السفره وهالمره شكلها إجباااري رووحتنا معهم:no0:
اكره شي عندي الأمراااي:bye2: كنه بالقبر


وموقف يضحك
خخخخ كنت امشي بالجاامعه وشفت وحده لابسه سكاافر برتقااالي:boxed: جان اقول لربيعيه "كاان يتمشن ورايه" اضربوا لها سلام إلا اصد واشووف بنات ثانياات ويضربن لها سلام خخخخخخخخ حمدلله طلعوا كوول وكانوا معاايه على الخط,,وانا حاسه قالوا عنيه خبيله:doh:
بس نااايس قامن يسلمن عليه

مرحبااا

موضوعك غاوي اخويا

--

هزايم
لووول
للأسف ماشفتج

--

اليوم السير كان يقرالنا بعض التعليمات الي تخص الجامعه من الكتاب الاصفر
اني وي واايد رمسه داخله
وبعض الرمسه مترجمينها بالعربي

ويوم قرينا الترجمه
هلكنا من الضحك
الظاهر ما انتبهو للي كاتبينه
والبنات عاد شو يسكتهن
اني وي عطانا بريك
وكلنا خذنا اورنامين
والكلاس الي قبله بعد اورنامين
سوو
البنات يتمشن وكأنهن سكارى >_<

الحلوه الي شافتنا تتستر علينا

وبس ماصار شي واايد funny غير بعض المواقف الي تخرش بالواحد

انا مريضه وايد من اسبوعين ونص ,,

وكل 10 ساعات يعطوني بندول عشان حرارتي تنزل ومب طايعه تنزل ..

اليوم الصبح ارتفعت ..

وطبعا ما داومت ..


المرض "موشي" والله :no0:

تستاهلين السلامه إختي بوظبي..

حاولي توحي لنفسج إنج بصحه وعافيه, وكل يوم الصبح والمسا قولي أنا صاحيه أنا صاحيه ومب مريضه وبإذن الله بتشفين :yes:
لا تذكرين نفسج إنج مريضه أبد ولا بيزيد المرض

هذي الطريقه تسمى الإيحاء, كانوا يستخدمونها قبل 200 سنه :yes:



أخوي بوزايد

أنا اليوم زعلت لأن ربيعي كان طالب مني غرض وما قدرت أسويه لأني انشغلت واايد :fa36:
وفرحان لأني باجر برجع البلاد بعد 14 يوم دوام متواصل :nono:


للمشاركات القادمه
أتمنى يبقى الموضوع مفيد وخارج نطاق الدردشه :)


شكرا عزيزي

سفير الخيال
يا حظك بترد البيت


امم انا اليوم استوالي موقف ما بنساه في حياتي
انا خبرتكم انه الحساب سكروه عني

المهم الريال تراه طرشلي الفلوس
رحت البنك ابا ادفع
قالولي خلاص الموضوع وصل الشرطه نحن ما النا شغل فيك
لازم تروح لندن الحين وانا وين بعيد عن لندن ساعتين

جان اروح هالشرطه الي عندنا
وانا اقول بخاطري شو بسوي فيهم هذيلا الحين الله يعين بس
والله ورحت انا وتوكلت على الله
وخبرتهم بالموضوع وفهمتهم
منا منا والحمدلله اتفاهموا ويا البنك وعطيتهم فلوسهم مع انه هم حقهم اقل عن 300 باوند بس لانه البنوك هنيه كلها ربا فوصلت 500 وشي

يالله الحمدلله طافت على خير وباجر بنروح نفتح ببنك ثاني لا حول ولا قوه


سلامتج بوظبي

هزاايم
الله يعينكم والله

موضوع جميل ..

بس اليوم يوم نحس منحوس نحس منحوس ..
كرهت حياتي اليوم .. كرهت الكليه .. خست في الكليه .. وفي البيت اخوي طفربي .. حسيت ان فيني خلل في شخصيتي .. شو ها اليوم ..
حتى الدراسة ما درسنا الا ساعه بس والباجي مافي شيء ..

اف .. اف .. اف .. اف

الشي اللي فرحني
انه اليوم خذولي التيلفون اللي كان خاطري فيه من اول مانزل من بعد عناد يابولي اياه اليوم

والشي اللي حزنت منه

انه السير اليوم هلكنا من كثر الهوم ورك اللي عطانا اياه اليوم
شكله يبا ينتقم

شي مني يموت

شو فيج بوظبي
طمنينا

أهـلاً

الموقف المحزن
من وحده الا ربع للحين وأنا :d010:
والسبب انه الوالد قال ما بيشتري لي السياره اللي
أبيها قلته أجل لا تعب نفس ماني
سايقه سياره غيرها قال خلاص براحتك
من قال لي بسير المرور بخليهم يسحبوا اليسن عنج :fa52:
قلت له خلاص عادي، قالي مو صاحيه
قعدنا نضحك أنا وهو

وماكو شي فرحني للحين
*****
بس والله للحين فيني صيحه
احممم لا تضحكوا عليه :7:
الله يبعد الحزن عنكم

فرحااانه وزعلاااانه من الجامعه >_<

انا ما صار لي شي حلو
من قمت اليوم وانا عاااااثرة
مره اطيح ومره انك عليه الشاي في الكلاس وعقب الميريندا
ويوم رجعت الغرفه استوت لي حواادث ثانيه
لا والحين المسن الغبي مطفر بي
والكيبورد خربان وياكل حرف الباااء لازم اضغط مليووون مره
وانا حزيـــــــــــــنه حيل

بسم الله الرحمن الرحيم ..

هلا اخوي بو زايد ..

الموقف الحزين
اليوم كنا طالعين حادث ورفيجي تعور شوي ! ..
وانا تميت احطي عليه فمن فارقته لين اللحين اذكر سوالفي وياه واتندم مع انه مش زعلان وربي :sad: ..

الموقف الحلو
ماشيء ولله الحمد والمنه ع كل حال :sad: ..

ربي يسعكم ف الداين ..

شو اللي فرحني اليوم؟

دوامي اليوم الظهر ,, وجامعة زايد عندهم اجازة
فتيمعنا و ربعي اللي كانوا وياي في الثانوية و سرنا المدرسة نسترجع الذكريات :fa41:
صدق المدرسة واييد تغيرت ,, مسوينلهم قسم يديد و اصنصير و مكتبة عودة
وصوب الادارة حاطين موسيقى هادية اونه
حركات ,, مب على ايامنا

اللي ماعيبني ؟

الابلوات و الاساتذة اليداد من يجوفونا يطردونا من القسم
يتسحبونا يااين نسوي مشاكل
صدق اللي مايعرفك ما يثمنك :sad:

الشي اللي مفرحني
اني اليوم عندي اجازة ( كل ربنات جامعة زايد فرحانات ^_^)

واللي هب مفرحني
اني ملااااااااانه وماعرف شو اسوي
وكنت ناويه اسير مدرستنا بس غيرت راي

كل بنات جامعه زايد في امرتس مول اليوم لوووووول ..

جنكم في الجامعه بس مبنى غير

الشي اللي فرحني..

اليوم ماشي ضغط دراسي كبير..

واللي حزني..

شاروخ لما ماتت كرينا اشقايل يقطع الجبد..

شي حزني
فاارس ولد إختيه يسالني شو يسوي بابا زاايد وهو ميت
شو ارد عليه غير بالسكووت
لاتذكرني ياافارس بيووم وفااته
الله يرحمه يااارب ويغمد رووحه

الشي الى فرحني اليوم
1- ماعطونا واجب بزنس:fa34:
2- رقدت رقده عجيبه معناته وراي سهره اليوم
3- خلصنا محاظرة البنزس نص ساعه قبل = رديت البيت من وقت:thumbup1:


الشي الى حزني اليوم
ولا شي:fa35:

الحــلو ::

اليـوم طلعنا اتمشينـا ويا ربيعتي بالسيـاااره عقب الدوام
لانها ماخذه الليسن الاسبوع الي طااف
فـ حبينـا نجرب الموت على ايدها لوول
كنا 5 بنـااات والله ضحك وونااسه وربشــه .. (=
الله لا يغير علينـااا

.
.

الـ مب حلـو ::
اني كنت بـروح راك اليوم
بس مااارحــت
من 4 اسااابيع مارحــت )=


وبسسس


ربي يبعــد عنكم احزاانكم ويملي دروبكم فرحـه

شي إلي فرحني
إن حلقوا بنت اختيه كملت اسبووع وشكلها يخبل وهي شي مقرعه

ولي حزني
بعض الناس مازالوا يطرشوون ليه مسجاات>>الله يكون بعون موبايلي
الله يساامحهم يغلطوون وينتظرون منا الإعتذار
صدق استغفر الله منهم

الشي الى فرحني
سرت عند يدووه اليوم وصدق استانست:fa35:
ويوم رمست هزاايم استانست:fa35: شكرااا صديقتي:a070:


الشي الى حزني
النقاش البايخ الى كان بيني وبين someone :glare:
قهرتنييييييييييي:a058:

الشي اللي حزنــي

سمعـت كـلمــه ضايجتنـي حـييل والله ..
وسوولي طـاف بمعنـي الكلمــه ..


اللي فرحنــي ..
سمعـت كـلام حـلووو لوول يطيـب الخـااطـر ..
وعطونـي سالفــه وخخخ

الحمدلله .. والحين مستاانــســه ..
وحليلي بسررعـه أتضـايج .. وبسررعه أرضــى ..

الي حزني اليوم

ولا شي


الي فرحني

صاحب العيون العسليه صارحني بالي بقلبه

بسم الله الرحمن الرحيم ..

اللي فرحني اليوم ؟ ..

ولا شيء ولله الحمد ..

اللي حزني اليوم ؟ ..

كل شيء ومن دون سبب ! ..

دمتم بحفظ الله ..