بداياتي

السلام عليكم و رحمة الله و بركاته
في البداية اشكر كل الاعضاء على الترحيب فيني كعضو يديد.. و انشالله ما تشوفون الا الخير
و اخوي المحاق.. شكرا على تقديمي للمنتدى.. و انشالله ابيض ويهك :boxed:
والحين يا وقت الجد و العمل :fa34:
انشالله هذي راح تكون ثاني مشاركة لي في الواحات

انا حاب اتكلم عن بداياتي بشكل سريع

هواية الرسم كانت معاي من صغري... ايامها كنت احب النسخ خصوصا الرسوم.. و بالاخص كابتن ماجد و ننجا السلاحف... عشلوون عيل...

المهم... كانات هذي الهواية مقتصرة على المدرسة و بس... و الحمدلله في المرحلة الاعدادية يانه مدرس عجيب... فنان بكل معاني الكلمة .. هذا الفنان كان يهتم بكل فنان واعد ... المهم خذاني و اربعه غيري وكان يشجعنا ان نشارك في معارض مع المدرسة .. و خلانه نشارك في و رش فنية .. و كان اهتمامه دفعة قوية اني امارس الرسم بستمرار...

لما انتقلت للمرحلة الثانوية .. و مثل ما الكل عارف انه مافي تربية فنية في هذي المرحلة .. وقتها انصدمت وقلت لا و الف لا:narr: ... حاولت اني اتابع الرسم حته من غير حد يوجهني!!!

رسوماتي اقتصرت على القلم الرصاص.. و كانت شغلات بسيطة .. ياريت اني اذكرها:kkk:

للاسف اني شوي شوي قمت ابتعد عن هذي الهواية ... و بالتحديد كملت سنتين من غير ممارسة:fa36:

بعد ما خلصت الثانوية قلت لازم اتلاحق عمري و اتابع الرسم... و قمت ادورلي على معهد رسم لين ما حصلت لي على واحد في منطقة الشويهين في الشارجة !!!

قلت الحمدلله فرجت.... ومن يومها رديت لهوايتي المفضلة ... ومن وقتها وانا اتابع الرسم بستمرار...
مريت على مدرسين وايدين اللي شجعني واللي احبطني ... الا ان رسيت على مدرسي الكبير اللي اهديه كل الشكر و التقدير و الاحترام... فنان بكل ما تعنيه الكلمة ... تعبني في الرسم ... بس تعلمت منه اشياء عمري ما عرفتها :fa38:

المهم .. جني طولت .. اليوم راح اشارك بأول عمل بالالوان الزيتية
انا انسان مولع بالمراكب و البحر...جميع انواع المراكب من غير تحديد .. لذلك اخترت انه اول موضوع ارسمها يكون مركب... وانشالله تعجبكم

و تسلمووولي:fa35:

http://upload.bindubai.com/download/bluebrush/1ndow.jpg

السلام عليكم

ماشالله عليج ,, واييييد حلوة الرسمة
شوقتينا نجوف رسماتج الثانية ^_^

العفــو .. من واجـبنا :)


مــاشاء الله .. تبارك الرحمــن ..
الرسمــه ما فيهــا حـيلــه الصراحـه ..
الالــوان قمـه في الروعـه .. !! اضافـه الى الدقه في الرســم ..
الريشـه الزرقــاء .. ما قصــرت يا خـويـه .. وتسلم لـنـا الانــامـل اللي رسمـت هـ الرسمـة ..

واحـه الفــن التـشكييلي في تطـور والحمدلله ..
والى الامـاام .. :)

مشكوور عفاريتو....
انشالله الياي يعجبك اكثر ^_^
بعدين انا واحد ... و حصل خير -_-

مشكورة قرمووشة على الرد ...
هيه شوي الصورة باهته ... لكن الحمدلله تمشي الحال ^_^

انشالله المساهمات الياية تلاقي نفس الاعجاب ...

الـسـلام عـليـكم والرحـمه :fa35:



مـــا شاااااء الله عــليك أخويه :puppyeyes: الرسـمه روووووووووووعه :fa34: :fa34:


شـي جـميل أنـك أستمريت في تـنمية موهـبتك وما أستسلمت للأنتـقاد أو الظرووف أياً كانت ,, أصلاً الانتقـاد هـو أللي يـساعد الواحـد لـمعرفة عيـوبه وأخـطائـه وبذلك يـقدر يبتعد عـنها ويتفاداها ويـطور بأسلوبـه أكـثر وأكـثر :smartass: ,,

مـا شااء الله عـليك مـوهوب :fa35: اسـتمر في مـسيرك وحـاول تتعلم وأتطور من مـهارتك أكـثر وأكـثر ,, وان شااء الله بـيكون لـك مـستقبل واعـد في هالمجـال :yes:

وعـقبال مـا أنجوف مـعرضك الرسمي :fa35: ,,


تسلم هالأنـامل المبدعه :smartass: ومـوفج دووم يا رب :fa35:

تشكر يا خويه تنينه..
و تشجيعكم المتواصل هو اللي بخلليني اتابع الرسم .. وانشالله بتوجيهاتكم و اقتراحاتكم راح انمي الموهبة اكثر و اكثر....

تسلملي مره ثانية و انشالله ما راح ابخل عليكم باليديد

مـوفـج ياخويه ,, والله يوفقك دووم


احـم انا بنت مـب ولد :qor9anah:

:9: اسمحيلي اختيه .. العتب على النظر

مـسمووح يا خويه بالـحل ^^".

السلام عليكم ..

ماشاء الله إتقان في الخطوط وتدرج رائع في الألوان بس حسيت
في مشكله بسيطه في المركب اللي ورا من
جهة اليمين وبداية موفقه
أخوي
:yes:

الاســـطـــوري
أخوكم

ما شا الله عليك اخويه

أتمنى لك التوفيق

و بانتظار المزيد

اشكرك يا الاسطوري على الرد
و انا اوافقك الراي.. المركب اللي ورا فيه عدة اخطاء خصوصا في المنظور.. و ما فيه اي عمق..
وانشاالله راح اطور ^_^

مشكورة اختيه انشودة المطر على الرد...

و المزيد في الطريج انشالله :)

هي والله الثنويه ماشي رسم

بس رسمتك فنانه وااااايد واااايد حلوه

لو انت بنت وكنت بصفي السنه اللي طافت جان ابلتنا حبتك هههههههههههههه

وبتخليك ترسم وبتحطي صورك فالمعرض اللي فالمدرسه الاعدادية هههههههه

ماشالله ماشالله الله يوفقك وين ما كنت ^_^

. . .وعليكم السلام ورحمة الله وبركاته. . .

الأخ الفاضل / الريشة الزرقاء. . .

بداية ً أود الترحيب بك أخاً وفنانا ً جديداً بيننا ..
فـأهلاً و سهلا ً بك سيدي . . .
:)

سيدي ..
لا يسعني إلا أن أعبـّـر لك عن مدى إعجابي بهذه الـــرائعـــة . . .
وصدّقني سيدي .. بأنها من الروائع التي استمتعت حقاً بتأملهاا . . .!
:fa35:
.. أبدعت وربـــي ..

تقبـّل من أمطار أرقّ التحايا ..
وكل الــــودّ. . .
أمطار

ما شا الله حلوه الرسمه يا ريشة الفنان

:)

نتريا يديك ،،

مرحبا بك في واحتك واحة الفنانين و المبدعين مثلك

رسمتك ماعليها كلام تخبّل

اعتقد راسمنها بالالوان المائيه

ربي يوفقك

الســـلام عليـــكم...

فــنانا الكبيـــر / الريشه الزرقاء..

هـــدوء البحـــر احســاس جميـــل يستشعره الانســان بالقرب منه.. و لكـــن اليوم.. جعلتنا نشعر بذات الاحســـاس بمجرد تأملنا في هذه اللوحه..

وهذا بحد ذاته.. ابداع !

..

متابعيـــن لك استاذي..
ودام هذي هي البدايه.. فالقادم أجمل بإذن الله .. :yes:

الاعضاء ... ريم ريم <> أمطار <> وحي القلم <> عمة العيم <> شوق القلوب
اشكر تواصلكم .. و الصراحة احرجتم تواضعنا ...
وتشجيعكم راح يخليني اتابع الرسم بجد .. و خصوصا اني احتاجه في هذي الفترة ...

وانا بدوري ما راح ابخل عليكم بالاعمال الاخرى ... و الاعمال اليديده

و رسالة خاصة للمحاق المشتعل...... وينك ... و شد حيلك ... و ابا اشوف اعمالك !!!

و تسلمووولي

رسمة جميلة :)

تباارك الرحمن
ماشاء الله عليك
رسمة ماعليها كلام,,والواانها هااديه
ربي يوفقك ونشووف أزود ولاتقطعها ترى صدق إذ قطعت هذي الموهبه مصيبه:boxed: شوف حاال خويتك
عسااك ساالم يا الشيخ وسلمت يمنااك لاهاانت
عسااك أزود

ماشاء الله تبارك الرحمن في هالفن والابداع
الله يحفظ هالريشه الزرقاء ويحفظ اناملك على رسمها
.
.
بس اخوي حبيت اسالك
على نهايه القارب الاولاني اللي حذال الرمله في شكل مثل الدائرة ع العتبه ..
ممكن اعرف شو هي ..

الاخت سود الاهداب... مشكورة على الاطراء :yes:

الاخت هزايم ... مشكورة اختيه على الاطراء... و الظاهر انج فنانه ... و اقولج تابعي الرسم و بتلاقين كل التشجيع مننا...

الاخت الشوووق ... مشكورة ايضاً على الاحساس الحلو .. و الدائرة الله يسلمج عبارة عن قطعة قماش المفروض انها معلقة ع الحبال:kkk:

عمة العيم ... نسيت ارد على سؤالج... اللوحة مرسومة بالالوان الزيتية :whistling:

و تسلموولي

الله !!

روووعــه الرسمـه

:fa35:

مــاشالله عليـــك

مــا بقص عليــك يلســت اتـأمـــل فـي أدق التفـاصيــل :kcl:

عيبــتنــــي وااايد

^_^

تســـلم هالانــامل اللي رسمتهـــااا

نتــرقب كــل يديــد من صــوبك

والسمــوحه

:fa35:

الريشة الزرقاء

فنان بمعنى الكلمة ... هو فنان مبدعٌ بمعنى الكلمة

هو فنان ٌ دؤوب متمرس مجتهد وليس مثلي متقطع ولست على خطٍ مستقيم

أخي الكريم وصديقي العزيز:fa35:

ما انسى هاي الرسمة وكل رسموماتك الحلوة

وبالفعل أشعر بعد النظر لرسماتك إني ابغي ارسم

واتحمس وايد

بس يبالي جاااارج أكثر :ice:

وانا اعتذر انه ردي ما كان أول الردود والله سامحني:nono:

انا حطيت في بالي انك بتتأخر في العرض

لكن يوم دشيت وشفت موضوعين لك استغربت واستانست وايد

كفو عليك يا شطور والله انك نشيط :fa35:

أحلى شي فيك نشاطك ... واتفه شي خمولي

والله يا رسامنا الحبيب رسمتك مثل ماتعرف ماعليها كلام ... جداً جميلة

ومب أنا إلي اقدر اعلق على رسماتك

لأنك متفوق أكثر عني في الزيت وإلي يقيمك هو المشعوذ مافي حد غيره :waa: :hist:

اتمنى اني أخطو خطاك وانافسك حق المنافسه في يوم

ربي يوفقك وإلى الأمام

ملاحظة

( اتمنى اتعيد فيني حب الرسم )

أخوك

محاق:kcl:

اخوي المحاق
يعجز لساني على الرد و ما اقدر اقول اي شي !!!:shutup:

احرجتني يا اخي .. وانا مب غير فنان هاوي لا غير
لو الموجودين هنيه يشوفون شغلك ايام اول ببحلقون بعيونهم و يقولوون وينه عن المحاق من زمان.:fa34:

وانا عارف سبب توقفك عن الرسم و صراحة عاذرك ... لكن بعد ابغيك تشتغل .. و اباك انت اللي تحمسني اني ارسم.. لاني من غير وجود الناس اللي يشجوعني .. و ربعي الطيبين امثالك اللي يحمسوني ما راح اكمل...:winn:


انا كنت ناوي احط شغلى من زمان لكن انت عارف سبب التأخير :tounge:

اخوي المحاق .. شد حيلك و ارسم .. و ابا اشوف شغلك باسرع وقت ممكن .. هذا امر عسكري و لازم تنفذه:cop:

اختي حبوبة
مشكورة على المرور
وانا سعيد ان اللوحات عجبوج

واليديد في الطريج انشالله

الريشه الزرقاء هيههي اللي فوق شفتهم خلقه ..
بس اللي تحت قلت هذا شو ياينه في نهاية القارب .. ههيهي اعذرني ياخوي ..
.
.
تعال قلت رسومات المحاق ..
ليش عنده رسومات ثانيه احلى عن اللي يرسمها لنا الحينه
افااااااااا يالمحاق ..
افااا يالمشتعل .. وين عنا هالرسومات
.
.
والسموحه
اختكم/ الشوق

رووعة يا خووي الريشة الزرقااء ..

ياالييتني اعرف ارسم شرااتك .. ):

ما شاء الله علييك رساام .. موفق دووم يا خووي

الشوق...
انا ضيف يديد على الواحات و ماادري المحاق شو من لوحات منزل..
لكن اللي انا شفته من المشتعل لوحات عجيبة...
يعجبني فيه خياله الواسع ...
واللي يعجبني فيه اكثر انه اذا عندة فكرة يقدر يطلعها بكل بساطة على اللوحة ...

والله يخليله و يخليله هذي الموهبة ... و عقبال ما نشوف اعماله ...

شهودة
عن التواضع الزايد .. يالله قومي ارسمي و بلاش دلع ^_^

مشكورة اختيه على الرد

ابدعت :)

ماشاء الله عليك

لا تحرمنا من جديدك اخوي ... وحياك الله في واحات بن دبي