اكتشفوا جنوب افريقيا

السلام عليكم ورحمة الله وبركاته

مثل ماوعدتكم اني عقب مارد من سفرتي اعرض لكم صور من جنوب افريقيا (اللي مسويه رعب حق البعض :puppyeyes: ) لكن يوم بتزورونها بتغيرون رايكم فيها نهائيا مثل ما انا غيرت راي فيها بعد ماكنت مترددة وايد ،، واتمنى لو ارد لها مره ثانيه ..

المهم .. اول الرحلة كانت الى العاصمة الاقتصادية johannesburg اما العاصمه الحقيقيه والاداريه فهي pretoria،، واول ماظهرت من المطار انصدمت لان الجو كان :ice:

وبعدها سرنا منطقة (الفندق) منطقة اسمها نيلسون مانديلا اسكوير ،، الي في الصوره

http://upload.bindubai.com/download/...icture0351.jpg



وثاني يوم سرنا سفاري ،، والسفاري حديقة عووووووده كلها حشيش وممكرات حق السايير ،، يعني انت تدخل بسيارتك وادور عالحيوانات في السفاري ،، وعاد لبووونه صورتلكم ملك الغابه وشلته

http://upload.bindubai.com/download/...icture0421.jpg

http://upload.bindubai.com/download/...icture0441.jpg


http://upload.bindubai.com/download/...icture0461.jpg

وبعد هالحلوين


http://upload.bindubai.com/download/...icture1871.jpg

وعيبتني حركه في الحديقة واللي هي

http://upload.bindubai.com/download/...icture0491.jpg

طبعا حديقتهم او السفاري مالهم فيه حيوانات غريبه عجيبه لكن الابرز عندهم النعامه ومستغلين النعامه اسوا استغلال من الريش -الجلد-جلد الريل-اللحم ،، وعندهم جلود الحيوانات على افا من يشيل مثل الحمار الوحشي -الغزال-النعام-التمساح ،، بس الاغلى هو الحمار الوحشي يوصل سعره 5000 الى 6000 درهم

عندهم مطعم معروف عندهم وايد وهالمطعم تخصصه لحوم الحيوانات بانواعها ،، طبعا كلها مشويه

وعندكم هاي الصوره
http://upload.bindubai.com/download/lolo/man1.jpg

http://upload.bindubai.com/download/lolo/dish1.jpg

http://upload.bindubai.com/download/lolo/fruit1.jpg

اقول الصور وايد كبييييييييره ،، بس تعبت باجر بكمل لكم باقي الرحلة لانها طويله شويه :bye2:

وعليكم السلام ورحمة الله وبركاته

اختى لبن مثلج الحمدلله على السلامه

والموضوع وايد حلووو سفارى الله خاطرى اتجول لووول فنان وروعه صراحه

يعطيج العافيه ونتظر الصور البقيه وماقصرتى

حلوة الرحلة و جنوب افريقيا امبين عليها حلوه بعد ،،
بس لو اتصغرين الصور يكون احسن :)
ونتريا الصور اليايه ،،

هلا والله ،، الرحلة حلوة والسفاري احلى ،، بس ماعرف اصغر الصور علموني

الحمدلله ع السلامه..

بلاد في افريقيا لكن على الطريقة الاوروبية الراقية .. غاويه جوهانسبرغ

دقي رايت كليك عالصورة
بعدين open with
بعدين Microsoft office picture manager
وبتحصلين فوق Edit pictures
وبيفتحلج شي عاليمين
بتحصلين Resize دقي عليه
وغيري الحجم على كيفج

اتمنى انج فهمتي ،، :)

ما شاااء الله عليييج
تشوفين أسد وما تخافييين
أنا اشوووف قطو واشرد !!
يا شجاااعه

عـيل انا كنت أتحـراهـا سفاري وبـس مـن دون بنايــات لوول بس هـ البيووت الجـديــمــه ..
حـلوة والله !
تسلمين عـ الصـور لبـــن مـثللللللللج المنعـــــــشة .. ما قصـررررتي

السلام عليكم و رحمة الله و بركاته

ماشا الله ياللبن شكله المكان وايد حلو

بس شقايل الشعب؟

شفت كتيب رحلات طيران الامارات عن جنوب أفريقيا

حاطين صورة مجموعه كلهم من هاذيل الى امشخطين على ويوههم brgll:

ايزيغون

..

:)

السلام عليكم

ما شاء الله عليج صور وايد حلوه ..
و شكلها بلادهم حلوه بعد ..
تسلمين و ما عليج زود ..

ما شاااء الله واااايد حلوه بلادهم
وشكلكم استانسوا فيها
تسلميـن اختي عـ الصور
ويعطيج العافيه

:)

لبن مثلج

الحمد لله على السلامة :bow:

مشكورة على الصور الفنانة

أنا بعد كنت أفكر في شعبهم شقايل

و سمعت أنه اللي يسير لازم ياخذ احتياطات عن الملاريا و اللدغ و ما يلبس أشيا تلفت الحيوانات :puppyeyes:

و بعد أبغي أعرف في رايج

هل تصلح للصغارية؟؟

و أنا في انتظار البقية

:8:

مرحبا

كل الشكر حق اختي شوق القلوب انقذتني من الموقف الصعب :nono: اقصد الصور العملاقة :daleel:

على العموم انا ماكلمتكم عن الشعب ،، والله انا قبل ماسافر سمعت العجب عن هالبلاد ،، اشيا اتزيغ :nono: وبالذات عن الاجرام وانه مكان مافيه امان وسرقات ووووو،،، وقمت واستخرت فوق الاسبوع من زود ما كنت خايفة بس الموضوع اتغير تمااااااااااما يوم وصلت اهناك ... اول شي في المطار يت وحدة افريقيه وخذت عنا الشنط ورحبت بنا وقامت بالواجب وبعدين قالت يوم بتظهرون قولولهم ان عندكم 3000 راند ،، لان اذا قلتولهم اكثر عن هالمبلغ مابيظهرونكم ،، والله وسمعنا كلامها وعااااااااااادي الاجراءات كانت مثل الماي..

وبعدين يوم بدينا نظهر للرحلات والله قمت اشوف الشعب من انظف الشعوب ،، اتصدقون ان ريحتهم عطر ،، مثل العرب كيف يتسبحون بالعطور نفس الشي ،، ريحتهم فايحة من الصغير لي الكبير ومن الابيض لي الاسود.

الشعب مايخصه فيك ولا حتى يطالعونك،، في حالهم ،، خدومين وطيبين بالذات السود منهم لانهم شعب مضطهد ،، وطبعا اليهود والبيض من الهولنديين والايطاليين والامريكان والبريطانيين محتلين المناجم (الذهب والالماس) والمعادن الثانيه لانها دولة جدااااا غنية بالمعادن الثمينه ،، وماكلين حق الشعب الاصلي وامعيشينهم في حاله فقر ،، ولهالسبب مايدانون البيض من الاجانب لكن مب العرب او المسلمين ،، وعند السود لغات عديدة ومنها لغة المجرمين الي اتعلمتها brgll: وهاي اللغة شفره بين السود عشان البيض مايفهمون عليهم..

عندهم فرجان وااااااايد راقيه وحلوه ونظيييييييفه وبيوتهم مثل بيوتنا واحلى ، بس طبعا عاي فرجان الراهيين من الي ذكرتهم قبل ،، ومبينهم نيلسون مانديلا الرئيس السابق لبلادهم ...

ونسيت اخبركم ان المسلمين عندهم بكثره وعندهم وايد مسايد في المراكز والحدايق والمطار... بسبب الجاليه الباكستانيه المسلمه هناك.

بلادهم حلوه وهاااااااااااااادية وايد ،، باردة وفيها من الفواكه والمعادن مالذ وطاب..

يالله انكمل الرحلة..

بندويكم الحين الى منجم الذهب اللي حولوه الى متحف جميل وراقي

هذا هو المدخل
http://upload.bindubai.com/download/leban/gate.jpg

والي طوله اقل عن هذا يدش ابلاش

http://upload.bindubai.com/download/leban/Image039.jpg

وعقب مادشون اشوفون ريال من ذهب

http://upload.bindubai.com/download/leban/Image006.jpg

والثاني من فضة او بلاتين

http://upload.bindubai.com/download/leban/Image000.jpg

وبعدين يودونكم المنجم الي هو عباره عن 57 طابق تحت الارض :shock:

http://upload.bindubai.com/download/leban/gat.jpg

بس نزلونا الطابق الخامس تحت الارض ،، ولبسونا خوذه وعطونا بجلي واكسجين لان المكان مظلم و:bye2: ،، الصراحة المكان وايد مرعب واللفت الي ينزل تحت عباره هن لفت مال العمال ومسواي على قد الحفرة الي هي اشبه بالطوي ، اتخيلوا عاد :nono: كل ماينزل اللفت كل ما تختفي الرؤيه :negab:
خذنا لفه في المكان الي هو عباره عن نفق وحفر في اليدار وفيضانات ماي من فوق لي تحت .. اشيا غريبه ومتعبه ،، وشفنا الذهب قبل مايصفونه على اليدار او في الصخور ،، لونه رمادي على لمعة خفيفة ،، ماقدرت اصور لان المكان ظلاااااااام

وبعد ماطلعنا فوق ،، دشينا المحل الي يبيع رذاذ الذهب

http://upload.bindubai.com/download/leban/Image008.jpg

http://upload.bindubai.com/download/leban/Image002.jpg


وبعدها خذنا لفة في المنجم وشفنا هالحلو

http://upload.bindubai.com/download/leban/Image042.jpg

وهاي العربه التقليديه

http://upload.bindubai.com/download/leban/Image001.jpg


عاشق القلم لوسمحت بدون تعليق لاني تعبت ويا هالصورتين :doh:

عندهم مناجم الماس كبيره والاكبر في العالم اسمه كيمبرلي الي يتعامل مع اكبر شركات اومحلات الماس في العالم مثل دي بيرز وغراف ،، ماقدرت اوصل للمنجم الثاني الي هو اصغر لاني كل ماكنت اسير كان مبند ، المهم عندكم صور الماس ،، شوفوا يابنوتات :puppyeyes:

http://upload.bindubai.com/download/...Picture133.jpg

http://upload.bindubai.com/download/...Picture261.jpg

الصراحة احلى مافي الرحلة هالاكله العجيبة الرخيصة الي ماتتعدى 30 درهم ،، وهو من مطعم اسمه اوشيان باسكت

يم يمي :fa37:

http://upload.bindubai.com/download/...Picture249.jpg

http://upload.bindubai.com/download/...Picture248.jpg

http://upload.bindubai.com/download/...Picture247.jpg

وفي نهايه يومنا بوديكم السوق الافريقي الشعبي مالهم


http://upload.bindubai.com/download/...Picture030.jpg

http://upload.bindubai.com/download/...Picture028.jpg

http://upload.bindubai.com/download/...Picture026.jpg

http://upload.bindubai.com/download/...Picture027.jpg

http://upload.bindubai.com/download/...Picture007.jpg

وعلى طاري الي كانوا يسالون عن البنايات والبيوت عندكم هاي الصوره لمجع فلل سكني في حي من الاحياء

http://upload.bindubai.com/download/...Picture037.jpg

الرحلة الثاية كانت الى CAPE TOWN واللي هي اجمل بقعة في جنوب افريقيا لانها عالمحيط الاطلسي والهندي ،، هي منطقه جبلية مغيمه وباارده ورومانسيه ، وهي على مسافة ساعتين بالطياره من العاصمة ،، معظم اللي الي كانوا هناك يايين شهر عسل منهم اماراتين -كويتين-سعوديين..

احلى مافي هالمكان النقطه الاخيره من قارة افريقيا :yes: اتخيلوا خريطه العالم وقارنوها بهالصوره ... قصة الصوره هاي انك توقف على حافة القاره من فوق ولما اتصد تحت اتشوف التقاء المحيطين الاطلسي (على يمينك) والمحيط الهندي (على يسارك) سبحاااان الله شي عجيب... المكان هذا مافيه سفاري لانه عالمحيط بس فيه حدايق على اسطبلات الخيول على يلسات حلوه + معتقل نيلسون مانديلا... ونسبه المسلمين كبيره وايد وعندهم منطقة كاملة بالمسايد والمدارس ...

http://upload.bindubai.com/download/leban/gg1.jpg

والاسهم هاي ترشدك الى الاتجاهات مع المسافات الى البلدان الثانيه من هاي النقطةولاحظوا ورا بيت المصباح الليلي

http://upload.bindubai.com/download/leban/Picture6.jpg

http://upload.bindubai.com/download/leban/dir.jpg

وهاي صور فندقنا الي كان عالمحيط على طول وهو عبارة عن مرفا للسفن مثل ماشوفون + شوية مناظر من المدينة (في هالمنطقة انا واختي كنا نظهر في الليل ونسير السوق رواحنا من دون خوف :fa38: )

http://upload.bindubai.com/download/...Picture178.jpg

http://upload.bindubai.com/download/...Picture174.jpg

http://upload.bindubai.com/download/...Picture068.jpg

http://upload.bindubai.com/download/...Picture150.jpg

http://upload.bindubai.com/download/leban/Picture7.jpg

هالريال راقد في بلكونه البوفيه يتشمس مايدري انه في ناس يصورونه

http://upload.bindubai.com/download/leban/Picture5.jpg

http://upload.bindubai.com/download/leban/Picture8.jpg

http://upload.bindubai.com/download/...Picture158.jpg

هذا المحيط الاطلسي الهائج

http://upload.bindubai.com/download/...Picture100.jpg

http://upload.bindubai.com/download/leban/Picture5.jpg

وهاي حديقة باسم اشهر وردة عندهم والي هي في الصوره تحت
http://upload.bindubai.com/download/...Picture193.jpg

http://upload.bindubai.com/download/...Picture196.jpg

وهاي الانسة مسوايه من الاحجار الكريمة الي عندهم على ايد حد من الفنانين بمناسبة ؟؟؟؟

http://upload.bindubai.com/download/leban/yyy.jpg

http://upload.bindubai.com/download/...Picture202.jpg

وهاي صوره من الجو للمنطقة
http://upload.bindubai.com/download/...Picture056.jpg

http://upload.bindubai.com/download/...Picture079.jpg

http://upload.bindubai.com/download/...Picture109.jpg

http://upload.bindubai.com/download/...Picture105.jpg

وهاي صوره من فوق الجبل للمنطقة،، طبعا المكان باااااااااااارد فوق ومغيم لدرجة انك اشوف الدنيا بصعوبة ،، بس هاي من الكيبل كار وشويه اوضح

http://upload.bindubai.com/download/...Picture103.jpg

وهاي يلسة عالبحر في الليل كلها مطاعم وشموع+سوق

http://upload.bindubai.com/download/...Picture067.jpg

http://upload.bindubai.com/download/...Picture136.jpg

وفي النهاية هذا سوق راقي وحلو وايد اسمه كانال ووك

http://upload.bindubai.com/download/leban/canal.jpg

http://upload.bindubai.com/download/leban/Picture2.jpg


احس الموضوع بينفجر من الصور والمراقبين :cop: وانا بعد تعبت :bye2:
بس خلاص هذا اخر مكان وهو

http://upload.bindubai.com/download/...Picture086.jpg

http://upload.bindubai.com/download/...Picture084.jpg



وهاي هدية للعشاق الي في الواحات :sad4:

http://upload.bindubai.com/download/...Picture161.jpg

باجر ان شاء الله بنكمل اخر محطة في سفرتي ... في الانتظار

استمتعــت فـ الصــور

:fa35:

بلااادهم حلــوه والله

تــونـي ادري :puppyeyes:

يالله نتــرقب الصــور الثــانيــه

:fa34:

..

.

ما يظهرن الصور عندي :( ،،

السلام عليكم

اليوم بنكمل رحلتنا من CAPE TOWN الى SUN CITY وهاي الرحلة تاخذ ساعتين بالسياره من جوهانسبرغ (يعني من كيب تاون الى جوهانسبرغ ثم الى سن سيتي)

هاي المدينه اسمها المدينه المفقودة والفندق الي كنا فيه اسمه القصر
The Palace Of The Lost City هي عباره عن مدينه مسوره وفكرتها نفس فكرة برج العرب وجميرا بيتش والفنادق الي تابعة لنفس الشركة - يعني تدخل عن طريق بوابه عودة فيها سكيورتي وتفتيش وبعدين ادش المدينه من خلال ممر طويل لي توصل لسلسة الفنادق (3) فنادق وبعدين ممر ثاني طويل يوديك لى فندق القصر ... المدينه امقسمه بطريقه حلوه ،، فيه باص يمر كل 10 دقايق ياخذ المقيمين من فندق لى غيره من الفنادق على اساس انهم يتنزهون في الفنادق لثانية (للاكل واللعب والسوق) وبعدين يردك لنفس الفندق ،، اما الرحلات والمغامرات فلها محطات خاصه مكتوب على كل وحدة اسم النشاط ،، توقف تحت المحطة هاي وايي الباص وياخذك ويوديك...

في دربي للمدينه مريت على منطقة مفتوحى اسمها البلاتين وهي عباره عن مصفاة (او مادري شو يسمونه) شوفوا انتوا وقولوا :kkk: عباره عن بلاتين

http://upload.bindubai.com/download/...Picture366.jpg

والحينه بنسير وياكم القصر

هذا اول منتجع في المدينه

http://upload.bindubai.com/download/...ascades-02.jpg

وهذا ثاني منتجع

http://upload.bindubai.com/download/...tyhotel-02.jpg

وهذا هو القصر ،، نهاية المدينه


http://upload.bindubai.com/download/...palace-lrg.jpg

هذا القصر تصميمه نفس تصميم رويال ميراج (نفس المهندس او الشركه) ،، شوفوا بعض الصور للفندق الحلو،، هالسقف راسمنه رسام افريقي ،، واول ماتدخل ياخذونك تور يخبرونك كل شي عن الفندق: متى سوه وكم المده وكم مهندس شارك في البنا ومن وين ووووووووو ،، لانه تحفه معماريه

http://upload.bindubai.com/download/...Picture271.jpg

هذا سقف لزاويه من زاويه الفندق وهو عباره عن انياب الفيل _طريقة افريقية)

http://upload.bindubai.com/download/...Picture287.jpg

وهذا الفيو من برع الفندق (من الجنكل كالهم ) تابع للفندق وهالمكان هو عباره عن البوفيه الي كنا ناكل فيه الصبح

http://upload.bindubai.com/download/...Picture295.jpg

http://upload.bindubai.com/download/...Picture298.jpg

http://upload.bindubai.com/download/...Picture301.jpg

وهذا الجزء الثاني من الفندق لانه واااايد عود ومقسم على اساس اربع حيوانات مهمه عندهم (الفيل - الخرتيت- الزرافة-الاسد)

http://upload.bindubai.com/download/...Picture303.jpg

وهاي يلسه كوفي شوب والجو :ice: شي رومانسي وايد (ينفع حق شهر العسل) :kcl:

http://upload.bindubai.com/download/...Picture354.jpg

وهذا المطعم مالهم
http://upload.bindubai.com/download/...Picture345.jpg

هذا هو الجنكل مالهم تمشي فيه واتضيع على كيف كيفك ،، مكان حلو حق الشردات brgll: وايد عود وفيه لف ودوران :bow:

http://upload.bindubai.com/download/...Picture304.jpg

http://upload.bindubai.com/download/...Picture306.jpg
http://upload.bindubai.com/download/leban/DSC00738.JPG

http://upload.bindubai.com/download/...Picture002.jpg

وهالممر ايوديك عل الجزء الثاني من الجنكل

http://upload.bindubai.com/download/leban/pa.jpg

وتوصل لهالمنظر

http://upload.bindubai.com/download/...Picture297.jpg

هالدري ينزلك على الوايلد وادي مالهم والتابع للفندق ،، وعلى اطرافه الجنكل ،، يمين ويسار

http://upload.bindubai.com/download/...Picture312.jpg

وهذا من تحت
يعني نزلنا للوايلد وادي

http://upload.bindubai.com/download/...Picture413.jpg

هذا هو الوايلد زادي مالهم وهو عبارة عن امواج اصطناعيه وممرات ماي حق اليهال (التيوب) وغيره
هذا هو الضخ

http://upload.bindubai.com/download/...Picture423.jpg

وهاي النهايه
http://upload.bindubai.com/download/...Picture424.jpg


http://upload.bindubai.com/download/...Picture422.jpg

http://upload.bindubai.com/download/...Picture421.jpg

يعني اتفرون اليهال هناك وانتوا تستمتعون بالفندق والسوق المشترك بين المنتجعات كلها لان المكان مافيه شي ثاني غير اللعب والانشطة البحريه (يعني حق الاسترخاء وبس)
هذا كرسي افريقي بحت brgll: بس حلو _من اللوبي)

http://upload.bindubai.com/download/...Picture270.jpg

ومن هالمكان سرنا سفاري ثاني وهو برع المدينه ، ومدة السفاري ساعتين ،، انا واختي فرح سرنا ويا المجموعة في سيارة السفاري الي تحت(الصوره مب واضحة لان اللبن الذكيه كانت اتصور من فلاش)،، وقبل ماتركبون السياره لازم اتوقعون تعهد مادري على شو بس احنا وقعنا واحنا امغمضين ،، والمرشدة مالتنا خذت وياها سلاح للاحتياط ،، اما الناس الي هناك كانوا يدشون بسييايرهم ويدورون عالحيوانات (ممنوع انك تنزل من السياره او اطلع راسك من الجامه)
شوفوا السفاري من فوق الفندق :yes:

http://upload.bindubai.com/download/...Picture401.jpg


http://upload.bindubai.com/download/...Picture445.jpg

http://upload.bindubai.com/download/...Picture433.jpg

دوروا الحيوانات لان الزوم مالي كان متواضع مب مثل الي كانوا وياي (اليابانيين) كل واحد زومه اكبر عن كيمرته

http://upload.bindubai.com/download/...Picture434.jpg

http://upload.bindubai.com/download/...Picture436.jpg

http://upload.bindubai.com/download/...Picture430.jpg

http://upload.bindubai.com/download/...Picture432.jpg

طبعا السفاري مالهم وايد عود والحيوانت مهدودة ،، وفي اماكن حق الخيم يعني الي يبا يبات هناك والصبح يراقب الحيوانات او حتى طول اليوم ،، عالم ثاني ،، هدوووووء وطبيعة وتاملات في مخلوقات الله ، سبحان الله

http://upload.bindubai.com/download/leban/safaris.jpg

المنتجع بشكل عام فيه وايد انشطه رياضيه مثل الرمايه والمنطاد والرياضات البحريه والبريه + اانشطة افريقيه للتقاليد والعادات الي عندهم (بيوت وزواج وطريقة العيش).
هالمنطاد كنا بنركبه بس كان موعده الساعه 4 الصبح عشان انراقب الشروق ،، بس عاد امنو متفيج ينش هالوقت :shock:

http://upload.bindubai.com/download/...ari-baloon.jpg

وفي نهاية اليوم المتعب سرنا مطعم افريقي واستقبلتنا صاحبتنا الحلوه هاي (ناسهم وااااااايد طيبين ويحبون المسلمين ويحترمونهم)
http://upload.bindubai.com/download/...Picture335.jpg

وهالطباخ اصر على اني اصوره ،، فماكسرت ابخاطره وصورته جدام البوفيه الافريقي

http://upload.bindubai.com/download/...Picture338.jpg

وانتهت رحلتنا الافريقيه بسلام وود ....

ها شو غيرتوا رايكم فيها .. لو حبيتوا اتعرفون اكثر عندكم هالرابطين

http://sun-city-south-africa.go2africa.com/palace.asp

http://cybercapetown.com/SunCity/

حمدلله عـ السلامه

وناسه
تسلمين ع الصـــ ــور
استاسنا عــ السفــ ــره ."

اللبن

الصراحة وايد عايبتني رحلتكم

فريدة من نوعها

مشكوورة مرة ثانية

:fa35:

بسير أسويلها دعاية brgll:

ماوحشتك وانشودة المطر ... مشكورين عالمرور وعلى مرافقتكم لنا في رحلتنا ... :fa34:

السلام عليكم ..

مناظر حلوه ومكان يستحق الزيارة وخاصة للي يحبون المغامرة
بس كله في صوب والأسد في صوب جان تساندتي
عليه وتصورتي وياه صور تذكاريه
يعني وانتي
تلاطفينه وتلعبين في شعره الناعم مثلا وبصراحه امتعتينا
بالمناطق هاي ودمتي سفيرة الواحات اذا
بتصورين لنا وحـــوش
الغابه دايما
:harhar1:

الاســـطـــوري
أخوكم

الاسطوري :: االرحلة اتناسب الشباب لانهم يحبون المغامرات والسفاري

هالاسد او الاسود كانوا عند السياره الي يالسين فيها يعني لو نزلت الجامة ،،بتشوف الاسد في ويهك :shock:

وبعدين الجماعة كانوا شبعانين ،، ماكلين وفيهم رقاد ،، مب متفيجين حق الاوادم ولا :bow:

بس شورايك اتسير انته اهناك وتتصور وياه :fa37: ، احلى صوره لاحلى اثنين (بتكون صدق اسطوري) :fa34:

كشخه

واايد حلو المكان :fa35:

مشكوره ياللبن

أمتعتينا :yes:

..

وحي القلم .. حياج الله ويانا ....

السنه اليايه باخذج وياي :2:

الحمد لله على السلامه ..
والصراحة صدق عيبتي جنوب افريقيا ..
غيرت رايي فيها .. عبالي مش سياحية ..
طلعت ابو السياحة ..

ماشاء الله اكيد استانستي وايد ..
يبالنا انزور المكان ^__^ ..

تسلمين على الصور وعلى المعلومات ..