عرض للطباعة
بسم الله الرحمن الرحيم
أنا أحب الطبخ لكن للأسف ما أعرف أطبخ ، كيف أقدر أتعلم الطبخ ...؟
أعرف واحد من الشباب بغى يتعلم الطبخ ، راح لمطعم لبناني ، قالهم بشتغل عندكم بدون مقابل بس أبغي أتعلم الطبخ .
وفعلا دخل وياهم على الخط ... وسنة سنتين ... تعلم منهم وطلع ... وصار طباخ .
وأنا عاد بصراحة غرت منه وقلت هو مب أحسن مني إذا هو صار طباخ أنا أبغي استوي شيف .
بصراحة دومي أشوف برنامج ( مع أسامة أطيب ) ... لكن ساعات أحس إني غبي وما أعرف عن شو يرمس .
فقلت يالله ننزل موضوع وأشوف كيف أقدر أبدأ .
ما أعرف كيف ارد عليك
بس إذا تريد تتعلم الطبخ
ابدى في البيت اتعلم الأشياء البسيطة من الطبخات
مثل طبخ العيش و عمل البرياني و غيره من الاشياء البسيطة و عقب تدرج في الطبيخ
و اذا حد من الحريم من اهلك معاك خلهم يساعدونك
و ادخل مواقع الطبيخ و اكتب الطبخات البسيطة و طبقها في البيت
مرة و مرتين و بعدين راح تنجح و تصير طباخ ماهر
بس أهم شي أنك تكون عارف المقادير و و كيفية التقطيع و التتبيل
لانه هذا بعد مهارة
جرب الطبخات كل ما تكون فاضي في البيت
و السموحه منك
shay ma3had mal 6ab5 fe markaz el maha< i think che smeh ..el 9oob el sa6wa
cuzin abooya sar hnak w et3alam el 6ab5 lol
إبتدي بالاكلات السهله والحلوه ,, وبتدرج اتسوي اشيا صعبه شوي بعدين صعبه وبعدين صعبه يعني صعبه
انا ابتديت هالصيف اسوي اشياء سهله وسريعه مثل النودلز والجاي و والباستا "الي فيها steps"
وجيه يعني
عندك كتب الطبخ
اشتر من المكتبه كم من كتاب واتعلم منه وطبقه
.
.
بالنسبه لبعض المقادير اي شي ما تعرفه اسال الاهل
واذا في اشياء صعبه عليك اسالنا حاضرين للطيبين
.
.
والله يسهل عليك ..
تدري اربيعك عجيب لو يفتح مشروع مطعم على هالتعليم
بينجح فيه
وبالتوفيج
الشوق
السلام عليكم..
قــول لام عبد الله .. اتعلمــك !
حاول تاخذ فكرة بمقادير الأكلات بشكل عام
يعني كمثال وشي بسيط
إنه تشوف انواع السلطات في اي موقع من المواقع وتاخذ فكره
واتدرج .. للقهوة والشاي .. بتقوول اعرف اسوي .. لالا جرب
مثلا العصر اتعلم تسوي بلاليط .. ابتدي في الحلويات
بعدين اتعلم تسوي الصالون بشكل عام ... بغض النظر كانت لحم او دياي ..
يعني الصالون وحده وتحط السامان اللي هي الخضرة او الدياي واللحم
عقب ماتضبط الصالونه .. ابتدي في العيش الابيض
وخلاف سير عند البرياني والمجبوووس
ولاتنسى تتعلم المندي وتعزمنا
الـسلام عـليكم والرحـمه ,,
أخوي ابن الخـطاب ,, أمس جـفت دعااايه عجييبه لبرنامـج مـع أسـامه أطيب أللي ينعرض في قناة دبي الفضائيه ,, كـان يقول أسـامه أنـه بيعرض للمشاهدين كـل شي يخص الطـبخ مـروراً من السووق ألين السـفره وأكيد المـطبخ :fa37: دعايه عجيبه لول :ice: ,, والبرنامج بينعرض في تلفزيون دبي بس من بداية رمضاان وطول فترة شهر رمضان:kkk: ,, تابعه أنـت وان شااء الله خير :fa35: وبـعد عـندك الكتب تقدر تستفييد مـنهم :qor9anah: وأم عـبد الله ما بتقصر :qor9anah: ,,
ووالسمووحه:kcl:
بسم الله الرحمن الرحيم
الجديدة :
بصراحة أنا بديت أتعلم وقبل فترة بديت أسوي بلاليط ، بيض طماط ، بيض عيون ، بيض مطبوخ ، فول مع خلطة سرية ، تونة ،،،
وأحلى شي سويته عيش وما شاء الله طلع شرات الهريس :cop:
والله لو أبيعه ما يشترونه بنعال بعد ...
أما مواقع الطبخ فلو تحطينها لي زين ...
وبصراحة بديت أتعلم التقطيع ، بدال ما أقطع في الخضرة قمت أقطع في ايديي ...
فسويت سلطة يد بالدم :fa39:
بسم الله الرحمن الرحيم
شمعة أمل : آسف ما قدرت أقرأ اللي كتبتيه .
بسم الله الرحمن الرحيم
بوظبي :
الأكلات السهلة اللي أعرفها ذكرتها قبل اشوي ، في ردي على الجديدة ,,, بصراحة أنا أحاول وبنشوف وين بنوصل .
بسم الله الرحمن الرحيم
الشوق :
بصراحة أنا خاطري أسوي بكورة واتعلمها ... لأني أحبها ، تعرفين المقادير ...؟
ولو تحطين لي وصلة لمواقع تعلم الطبخ زين .
وربيعي ما شاء الله عليه فتح له مطعم وشغال فيه عدل ، فأنا أبغي استوي منافس له وافتح شرات مطعم كراتشي دربار :)
بسم الله الرحمن الرحيم
شوق القلوب :
إذا أبغي أسوي مفاجأة لها ، وأسوي لها كل يوم أكلة يديدة ، فإذا خبرتها ما بتصير مفاجأة .
بسم الله الرحمن الرحيم
المزوحي :
تبا الصدق أفكر أروح المرحباني أتعلم عندهم المندي
شو رايك أعزمك على بيض طماط وجلو كباب :)
بسم الله الرحمن الرحيم
تنينة:
شرات ماقلت قبل أنا ما أفهم شو يقول أسامة ... ودي أتعلم بس ما أفهم
هلا أخوي ابن الخطاب
اذا تريد موقع خفيف للاكل و المقادير
عندي موقع حلو و زين لان فيه نصائح و تعليم في نفس الوقت
http://www.lakii.com/cookportal/golden.php
و موقع ماجي كثير حلو و زين
http://www.maggime.com/arabic/feasts.asp
و اذا حاب اي مساعدة نحن جاهزين
و السموحه منك
:hist: ههههههه ، وجان اضحك ،، الحين انت ادور ناس يعلمونك الطبخ وعندك اخوك المظلوم الي كان حارق البيت والواحات من اكلاته العجيبة :fa37:
ياللله رمضان ياي دش ويا الوالده المطبخ وشوفها كيف تطبخ :yes:
بسم الله الرحمن الرحيم
مشكورة أختي الجديدة على المواقع ... قد ما أقدر بحاول أتعلم منهن .
ابن الخطاب عااادي ابغي بيض قبل الكباب .. يالله شيخنا ..
السلام عليكم ورحمه الله وبركاته...
أخوي في كتاب وايد سهل وكاتبته أمااراتية اسم الكتاب كتاب الطبخ الميسر لفاطمة بنت محمد
هالكتاب مفيد من جميع النواحي لأنه يقدم الأكلات ومقاديرها بشكل مبسط ولغة واضحة بتلقاها في كارفور أو مكتبة دبي للتوزيع ب 100 درهم وغير هالكتاب لا تشتري.
ثانيا طريقة عمل الباكورة وايد سهلة اشتر صحين نخي وبعلمك الطريقة هالطحين لونه على أصفر.
أختك...أم عبادي
بسم الله الرحمن الرحيم ..
اضم صوتي لـ صوت بو عبدالله ! ..
ابي اتعلم لكن الاشياء الغريبه بس :yes: ..
جني سمعت حد يبي يتحدى مطعم كراتشي دربار ! ..
ف الانتظار ..
بسم الله الرحمن الرحيم
اللبن :
عاد أخوي الله يذكره بالخير أمهر طباخ شفته أنا ، ما شاء الله عليه عيني عليه باردة .
أمي يحليلها ما تقدر على دخلة المطابخ ألحين ... عيزت .
:no0: :sadwalk:
بسم الله الرحمن الرحيم
المزوحي :
يالله اقرب عندنا بالخميس ، والله بأكلك بيض لا عمرك شفته ولا سمعت عنه من قبل :cop:
بسم الله الرحمن الرحيم
طير الحب :
أم عبادي ، مشكورة على الكتاب ،،، نهاية الأسبوع بروح أشتريه وببدأ أطبخ .
بسم الله الرحمن الرحيم
محب الشيخين :
عاد خلك أنت يا راعي الجبن القلي ، ما شاء الله عليك ودرت كل الأكلات ورحت على هذي الأكلة ، ما أدري من وين يايبنها .
صدق بذلك عليها ...
يالله أنا أتحداك واتحدا مطاعم راس الخيمة كلها ... شو أحسن مطعم عندكم ...؟
بسم الله الرحمن الرحيم ..
شو احسن مطاعم اونه هيه هيه ! ..
بوي انته تعلم وخلص وبعدين خبرني عشان انزلك تتحدى ويا مطعم القيصر :ice: ..
بسم الله الرحمن الرحيم
اندوك انته ...!
مطعم قيصر أونه ... هذا من أتعس المطاعم عندنا في دبي ...
حبيبي ، تعال بوديك حياة جراند ولا برج العرب عشان تشوف المطاعم ، وعلى حسابي بعد .
بسم الله الرحمن الرحيم ..
اطااااع هذا شو يقول :puppyeyes: ..
ابوي إذا عدكم مطاعم ( طر ) فنحن متواضعين والقيصر كاسر اظهورنا هيه هيه ..
الضاهر ام عبادي بتعصب عليه ! ..
مع السلامه :bye2: ..
بسم الله الرحمن الرحيم
أقولك ، شو رايك أخبرك بالخلطة السرية اليديدة اللي اخترعتها ...؟
حتى انا ما اعرف اطبخ .. و خااااااااااااااااطري اتعلم .. لأني اذا دخلت المطبخ أحس بالغباء!!!!! ..