أبغي حل بخصوص المواصلات !

يمكن تتحروني امزح ... بس انا جاد .. لكن مب في الزواج :hist: بموضوع ثاني ...
مب خليفة :hist: :hist: ويايه عل الخط انتوا ؟؟؟ :kkk: هممم

الصراحة الصراحة .... تعبت من سواقة السيارة ومن غير الزحمة والأرف والناس اللي صايرة ماعندها أخلاق كان مواطن وإلا غيره .. حرمه وإلا ريال .. لازم كل يوم اتضارب مع حد ..

تخافون إني أنا مافيّه اخلاق .. !! :shock: لا ...
يوم تحترمهم وتضرب إشارة يدعسون على البنزين عسب مايعطونك درب ... عيب عليهم
السواقة ذوووق .. لكن بهالطريقة أكثر يسوون عرقلة ومن غير ما الشوارع بيوسعونها ..
بتقولون انته مب دريووول ...

حتى يوم تحط لك ( دريول ) يطفح ويتم يجس بريكات ... وتغصص من سواقته ..
بس صدق اليوم فكرت بإنه حد يوصلني دوامي .. وانا أقولكم اللي بيوافق أعطيه شهريا 500 درهم بدل مواصلات ... :harhar1: هاااا شو قلتوا ؟؟؟

وإذا محتجين .. دوروا لي دريول .. حق الدوام بس .. او عطوني حل ... مليت والله مليت ...

حتى قلت بسير في باص المواصلات يوصل اسرع .. برايه بتحمل الهنووود :narr:

أدري بكم بتطيحون تعليقات .. لكن بسمع آرائكم :fa34:

الله يعينك...

الحمدالله ان جهة دوامي عكس تيار الزحمه الصبح والظهر...

بس بقولك شي..

روق بالك.. وافتح الراديو واسمه اغاني ولا قران ولا اناشيد اي شي المهم.. اشغل نفسك لين توصل البيت..

وماشي حل ثاني مول

وودمت سالم..

الحساس .. تراني أجلب القنوات من نور دبي لين الخليجية لين إذاعة الشارجة ...
وأقول استهدى بربك .. بس والله يقهرووون في السواقة .... كم يغلطون عليك
اوكي طولت بالي .. مره ومرتين وثلاث ...
لكن مب من تطلع من البيت ... وانته تكلم عمرك ..
حتى في الفريج يجاوزونك بطريقة جاهلة ... لو كنت واصل جريب الدوار ماتوعى إلا واحد دخل ..
كانهم في حلبة سبااااق ..
مشكور الحساس ..

عن المواصلات شوف انا بوصلك يوم هيه ويوم لأ عشان أريح أعصابي
من الزحمه لعقب يومين بس 500 شويه حراق الأعصاب
بروحه يسوى أكثــر وصدقني زحمــة دبي
مايبالها إلا دراجــه وشوف الهنود
يوم يمرون عليك وانت
واقف وبتتأكد
:fa36:

ارضى بالواقع ... والله يعينك

الاسطوري .. زين بين يوم وترك .. اليوم اللي عقبه بشوف حد ثاني ...

ولد الشحوح ... ياليت زحمة بنسكت .. لكن زحمة وكل واحد يالله نفسي

المزوحي ..
هيههي اكتب موضوع اعلان في الجريده في جلف نيوز وحدد الراتب
وبتحصل ادريوليه بالهبل ...
.
.
عيل لو شفت اللي صارلي اليوم صدق يقهر :narr:
كنت راده من العياده اقولك كنت طالعه من شارع فرعي ... على شارع رئيسي
وكان شي مسافه بيني وبين الهندي اللي يسوق الباص ..
اتخيل قمتطلعت من الشارع كون ان شي مسافه واروم اطلع:fa38:
الا .....فجأه اشووف الاخ يالس ويجدم:shock: وانا اهرنله عسب يوقف وشكله احول:puppyeyes: ما يشوووف ولا يسمع .. وجيه ما يدوس ويدعمني :cop:
وانا جذي صرت :narr:
مقهوووووره صدق انقهرت :shock:
من الصبح يالسه اهرنله واهوووو يا غافلين لكم الله :nono:
.. الحبيب امشغل المسجل وامعلي ع الصوت وشالنه الهوى الهندي ..
نزلت اجيك الضربه اللي يت ع سيارتي ..
جان اقوووله شو انت مااتشوووف :argue:
ولا بعد يالس في السياره :6: ما يسمع ( من الطرب اللي وياه )
جان ينزل وانا مقهووووره حيل وهو ( سوري سوري ) وين اصرفها هذي السوري
والله كان خاطرررررررررررررررري احط حرتي فيه .. :bash:
بس قلت يا شوق هدي هدي ..
.
.
قتله لازم ما بتسمع الناس اتهرن يوم انك امشغل امسجل وامعلي عليه الين هالدرجه
في النهايه ..
ودرته وطلعت لان الضربه يت على باصه اكثر من سيارتي ..
صح اشويه صبغ طارن من السياره
بس الحمدلله يت سليمه
.
.
وقولوليلي :12: الحمدلله على سلامتج يالشوق
:fa35: :fa35:

السلام عليكم ...

يوم بتركب السياره سم بسم الله وقول دعاء ركوب السياره

الزحمة تزيد لان كل حد يقول يالله نفسي

اذا كنت ضارب اشاره وما عطوك مجال تمر لاتفكر انهم مايبغون يعطونك مجال على شان تمر عطهم اعذار يعني نحن مانعرف كيف حالة الناس ((يمكن تعبان منهد حيله يبغي يرجع البيت ويرقد... يمكن معصب ومتضايق من شي ... يمكن ماشافك .. يمكن حرمته موصل وبتربي يمكن حد من عياله مريض ..))جي انت بترتاح

من تجربه يوم بتعطي حد درب وين ماكنت الزحمة اللي مضيجتبك هذي مابتحسبها يوم بتسهل على غيرك سبحان الله الله يسهلها عليك
زحمة الشارجه فضيعه زحمة دبي ارحم ..سهلها لغيرك الله يسهلها عليك

السمـــوحـه
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ

الشوق

الحمد لله على السلامه وماتشوفين شر ان شاء الله

الشوق الحمدلله على السلامة .. بس الهنود كله يخلون عمارهم مايشوفون حتى يوم تديمين نفس الشي .. مرات ايتمون على اليو تيرن .. يوم توصلين جريب يطلعون ...

يالله على زحمة الشارجة ( مانسيتك ) الله يعينا
اعطيهم اعذار .. لكن اليوم واحد من اقصى اليسار لين اليمين كان بيشلني وبدون إشارة
يعني فاجأني ... ويتكلم في الموبايل ..

الله يعـــينكم ..
ويعيــنا يوم بنـســوق ســياره أن شاء الله يـكــثرون من الشوارع عسب ما أتغصص ..
في هالزمن كل واحد يباله شــارع ألـه بــروحه بــس ..
قدر ومكتوب ولازم ترضابه يالمزوحـي ..
والله كريــم ..

ألم .. قبل كنا نقول نبغي نسوووق ومستعيلين .. والله أرف .. ودنا حد يودينا وإيبنا

اقتباس:

---

روق بالك.. وافتح الراديو واسمه اغاني ولا قران ولا اناشيد اي شي المهم.. اشغل نفسك لين توصل البيت..

---

شـاريـة شريط أنــاشيد يديد .. بخاطري أتم أسوق بس عسب أسمعـه brgll: :ice: :doh: ..برايها الزحمة .. لحتى الحين قبل دوامات المدارس.. الزحمة لـ دوامي بس تكون عـ دوارين ومن عقبها الطريق سالكـ :laugh: مــا يندرى عقب كيف:fa36:

لأنكـ مو مجرب مذلـة اللي يوديكـ واييبكـ تبى ســايق .. خذلكـ ســايق وعقب شوف اذا صدق محتاي حد يسوق بكـ أو روحكـ اللي بتسوق......:kkk:

وعلى طاري الهنود .. يبــالهم قوانين تصلبهم.. أول ما تصير الاشارة خضرة ايدهم علهرن :doh: الدنيـا ما بتطير.. وأي سيـارة ما تعطي مجال نجـاوز أكيد سيــارة هنود .. نفوسهم ××××× !!!

شوف المزوحي ... لا تسوي سالفه ل حد ... لف عليهم و لاتعبرهم .. انا فالشارجه و اداوم ف دبي .. اوصل الدوام ف ربع ساعه بالضبط ... اذا حد هرن لي و تم يديم اطلع له ايدي و اقول له روح روح ... اما انك بتمشي ف سيدك و و بتضرب اشاره كل ما تبا تلف هالكلام ما يمشي

صدى جوفي .. الهنود يوم تضربين لهم إشارة ماعيطونج درب .. وإذا هم بغوا الدرب يلفون عليج ..
وكلهم الحين مايعطون درب الهنود والمواطنين والزلمات

شرجاوي .. أمس ضربت إشارة .. من شافني حضرة المواطن المحترم دعس عسب ما آخذ الدرب
فتحت له الدريشة وقلت له مافيك صبر
هو طبعا ماعيبه ... تم يديم ومتنرفز .. ولف عليه وخذ اليسار .. خليته يولي وسرت عنه سيده وهو تم وراء
لكن مايسوى حرقة اعصاااب

^ انا اكررررره النااااااس الي جيييييه يا ربيييييييييييه .. مول ما اصبر عليهم عادي اطفرهم خاصه اذا ياكم واحد ملتعن

أنـا ما ينرفزونـي ألا التكاسي ( الله يغربل التكاسي ) بس مب كلهم لول !

دريولنا ها يديد أول مايبناه كان هادي ومسالم
بس عقب - استخف - و يـنّ ؟
وقام يطير لدرجـة إني قلتله اليوم : ساجـد أنا في 18 years old مايبغي موت اليوم , انا مافي يسوي شادي , تم يضحك العنز ! لوول

بس
بعد مالومه على هالسرعـه
زححححححححححمـه مش طبيعيه وأوادم ( اللهم يا كافي ) دريوليـّه chــــولـه وهو يبا يتفكك منهم
بأسرع وقت وبأي طريقـة ؟

لان صـدق ماشي احـترام ومايعطون مجال حق الغير
ما يحاولون يساعدون بعض < ياخي كلنا عنـّا دوامات مب بس انتو XD

ساعات اقول ياربـي
لو الشارع 6 7 حارات فكككككككه افففف .. بس حمدالله احـين افتكيت شويـه

جامعتي فالشارجـه وع طول وين ممطار الشارجـه
احيد أول يوم اقول في خاطري زين زين محد هني وماشي زحمه , يعني أهون عن دبي فـ شتا بي ألقط حمـّـاض لول

لآ مابنوصلك
ألا في هاااااااااااي شوفلك الباص احسن هههه انت وصلنا

الحمدلله لين الحين ما تعرضت للزحمه ابدا أقصد وقت الدوام الصبح
ساكن انا في المزهر وهي منطقة جريبة من كليتي اللي في الروية
يعني خط فاضي ودرب هادي جدا ،،
الله يعين في المستقبل ،،

بوظبي لو كل واحد يتعاون نص الزحمة هاااي بتخف

الياه .. ترى البلدية الحين تسوي مشروع راس الخور .. اللي هو 6 مسارات لجسر القرهود يوصلج على منطقة فيستفااال سيتي .... عسب تخف الزحمة ولين مايخلصون المشروووع بتلقين مليون شخص عنده ليسن ..

عاشق القلم يااااااااه ياليت دوامي جيه ماشي زحمة .. جان انا مابنترفز كل يوووم

والله فكره يالمزوحي .. ليش ماتتصل مواصلات الإمارات وتقترح عليهم ..

على فكره .. مافي داعي تقترح اتصلبهم واتخبرهم ابكم هذي الخدمة لأنها موجودة أصلاً .. كل يوم الصبح بتحصل السيارة تترياك بتشلك من الدوام وبتردك ..

طبعاً بتقولي لين متى .. ؟؟

أكيد لين مايفتحون المتروووو ..

العـتيج ,, فـكرتك حـلوه وكلامـك منطقي ^^".


والله المـسـتعان ...

هيههيههي اتوقع الكل عطاك .. حلول ..للمشكله اللي اتعانيها
خذلك ابسط الحلول وخبرنا عقب ..

العتيج مايصرفني كل يوم ادفع 50 درهم .. 25 ساير و 25 راااد

بيطلع عليه في الشهر او هالعشرين يوم 1000 درهم وانا بدل مواصلات 500 يدفعون لي

وهذا بعد إذا مب أكثر

الحين العتيج بيقول .. ادفع مقابل عدم حرقة اعصاااب

الله يعينك اخوي المزوحي.. هي والله في بعض الناس مول مافيهم اخلاق

بقولكم موقف صارلي قبل كم يوم..


كنت رايح مكان المهم .. فانا كنت اتجاوز شاحنه وانا سرعتي 130 ماشوف لك واحد وراي قاعد يديم وحالته حاله... عاد انا ماحب حد يديم لي انقهرر .. وشاحنات عدالي وسرعتي معقووله.. تدري شو سويت فيه.. قعدت امشي 80 لين ما انا خلاص طلعت القهر كله وعقب لفيت عنه يمكن 10 دقايق وانا مشي 80 خخخخ والحبيب يهرن وكل ما يديم لي اضغط بريك ..

دواااه السبال

خيال الحب
أنا إذا اعرف عمري ماشي على القانون ما اقوووم
إلا إذا ما كنت ابغي اسرع واشوفه مستن اعطيه طريج
يعني السبوع اللي فات كنت على شارع المطار
وخذت اقصى اليسار وواحد عنده اكورد ( هندي ) في النص يبغي يدووس ويسير جدامي
كله مايعطي ريس اللي جدامه مايسووووق وانا اسوق ومب قاادر هو
تم معصب
وآخر شي ظهر يبغي الجسر اللي صوب المطار ( اقص اليمين )
عيل ليش هالحشرة كلها

خذ لك دراجه حق الدوام
ومن جدام حط لك مراوح ,, اذا ماتبا تخسر وايد وتاخذ دراجه مكيّفه

بتوصل الدوام وانته مرتاح
لا زحمه ولا حرقة اعصاب ^^

بنت الدلع
والله إني جاد

إذا كنت في منطقة المزهر ( دبي ) وتبغي تسير زعبيل ( دبي )
شو أحسن طريج اسلكه ؟؟؟

هل آخذ شارع الاتحاد .. دناتا .. جسر المكتوم
آخذ شارع المطار .. الرمول .. جسر القرهود

شارع المطار .. نفق المؤدي إلى الستي سنتر ..
شارع المطار .. جسر المطار ومن صوب فندق البستان

او شارع الإمارات .. رأس الخور .. الطريق المؤدي إلى مستشفى الوصل

في طريج من المدينة الجامعية يودي وإلا مايسوى الواحد يسير له وبعيد واااااااايد

وإذا عندكم اقتراح غيره يالله

اهلا

اخوي اذا تقصد المزهر اللي صوب الخوانيج

خذلك خط المدينه الجامعيه وعقبه دوار الورقا العود
سيده و الدوار الثاني يمين وانت رايح الين الوصل

احسه اسهل طريق وماكو عليه زحمه

مزن هتان الحين نسيت الشارع ... لأنه أول مانسير وين مكتوب المدينة الجامعية ...

عقب بيي دوار ... إذا لفيت يمين بيوديني الورقاء ... وسيده بيوديني على شارع ند الحمر وهنيه
( الصكه ) الصبح ...

بس إذا سرت من المدينة الجامعية وودرت أول دوار .. ثاني دوار وين بيطلعني ؟

إذا الدوار الثاني بيوديني ... بجربه !

ظني الا بيظهرك ع خط دبي - العين؟ قبل ند الشبا ؟!!

لا تاخذ برمستيه بتضيع

تراني قبل .. جربت .. شارع الإمارات ... من عقب المحطة الكبرى .. سيده .. محطة إينوك
عقب ... مخرج .. مكتوب سوق الخضار والفواكة .. خذته ... بس أقصى اليمين .. طلعني على شارع راس الخور .. اللي يودي على مخرج مستشفى الوصل ... المشكلة في هالدرب .. الزحمة اللي عند محطة البترول ( إينوك ) ووايد شاحنات .... وجربت

بعد إني ما ألف يمين .. أكمل طريجي سيده ... مخرج وداني على ند الشبا ... ومن عقب فرني على دوار عود ميثاء اللي يوديج صوب القصر

بسم الله الرحمن الرحيم

المزوحي ، دومك جذه راعي مشاكل في الواحات ...

حبيبي أنت ،

عاد كله ولا ريحة الهنود في باص المواصلات ...

تبا الصدق أنا شراتك ، قررت إني أركب القطار بعد ما يخلصون منه ولا إني أسوق ...

بس سالفة ال500 هذي عجيبة ...

جيه شايفنا مليبارييين ...!

حتى المليباريين يحصلون في الشهر 800 درهم ...

أنا بوصلك بس عطني 1500 شرات الباكستانيين شو رايك ...؟

تبيه مره سالك !!!
لازم تحصل ولو زحمه بسيطه
صكة اينوك ولا جسر قرهود صدقني

مزن هتان مشكورة وبجرب باااجر

ابن الخطاب .. مابعطيك ولا ربيه .... بدور لي حل

بسم الله الرحمن الرحيم

اتحمل شراتي ، ويوم بيي القطار إن شاء الله بنركبه .

ابن الخطاب

يعني انت بعد تعاني .. اتحرى روحي اللي ابالغ ومسوي يوله في الواحات
ياليت زحمه وبس .. جان ماكتبت في الواحات
لكن زحمة وماشي أخلااااااق ... وحوادث
هنيه القهر

لين القطار بيخلص 2009 او 2012