عـمـلـيــة Refresh لـ ذنـــيـــنــي

السلام عليكم و رحمة الله و بركاته

شحالك اخواني و خواتي
ان شاء الله كلكم مرتاحين

بصراحه انا واااااااااااااايد متلوم فيكم لأني في الفترة الأخيرة كنت وايد كسول "واحاتيا ً"
و كنت وااااايد مقصر في حقكم من ناحية الردود او من ناحية المواضيع
بالذات في واحة السيارات

و اتمنى انكم تعذروني على هالتقصير لأني كنت مرتبط بالتدريب الصيفي
و مووول ما كان عندي وقت للمشاركات
و الحمدلله عدت الفترة على خير و اليوم تخرجنا و استلمنا الشهادات :smartass:

حبيت اقولكم اني ان شاء الله راجع و بقوة للساحة
و في جعبتي الكثير, خصوصا لمتابعين واحة السيارات


اخوكم, ذنيني

وعلييك السلااااام ورحمة الله وبركاااااااته ..

هييه صح أنا لااحظت انك مقصر وااااااايد ( خخخ الحين بيتلوووم زيااده )

ويالله ألف مبرووك ع التخرج .. وبالتوفييييق دووم يا خووي ..

يا هلا فيك
وننتظر عودتك
وساحة السيارات مافيها شي مبتكر ..
حاول تبتكر شي مفيد وممتع

عليكم السلام والرحمة

مــــبروك وموفق ان شاء الله

هلا اخويه ذنيني ..

حياك الله و مسمووح بالحل المهم انك تستفيد من الدورة الصيفية :yes:

لاتحرمنا من ردودك و تواجدك :ice:

طـال انتـظـار السـاحه لـرجوعـك ,,

وافـتقدت قـلمك وبـوحـه في وسـط السـاحه ,,

وبـراويـزٌ مـعلقة خـاليه عـلى أطراف السـاحه تـنتظر كـل جديدك وصُـورك ,, سـواء التي تلتقطها أنـاملـك المبدعه أم التي تبهرنا بـكل جـديد في عالم السيارات ,,

واخيــراً :fa34:

أسـعدتنا وأفـرحت السـاحه بخبر رجـوعك :fa34: وبـقوة أيضاً ,,

وهـذا إن دلَ على شـي فإنـما يـدل عـلى حُـبك للواحـه ومصلحتها ,, ولـكن ضروف ربـما آلـت بينك وبين تواجـدك المستمر وحرمتنا وحرمت الواحات من نـشاطـك وإبداعاتـك:yes: ,,


فـي الانتـظارو بكـل شوق وترقـب لما تـحملـه جـعبتك :daleel: ,, سـواء في عالم السيارات أو التصوير أو النقاش :fa35:


لا عـدمـناك أخي العزيز ذنيني :ice:

وعليكم السلام اخوي ذنيني
وان شاء الله نشوف اليديد منك

ومبروك التخرج والله يوفقك ان شاء الله

ولكم ولكم

انا اول شي تحريتك مسـافـر ؟ عقب شفت نك قلت لا مـوجـود
عيل بلاه زعـلان مايبا يشارك :kkk: لول


يالله مبروك انك خلصت

:ice:
و حياك من يديد


.
.
.

ولجم باك ,,

السلام عليــكم..

حيــالله ذنيـــني .. بالطله اليـــديده ..
:fa35:

وعليكم السلام

حياك الله اخوى من يديد

وبالتوفيق ان شاء الله

وعليكم السلام والرحمه


ولكمونيشن اخويه العزيز

لاتتلوم اخويه الواحات لك ولاهلها ^_^
.........
مبروووك مبروووك عالتخرج

بس تخرج فشو وشو هالشهاده الحلوه اللي استلمته:puppyeyes: ا

وعليـكم السـلام والرحمه

مرحبابك ياخوي
صـدق افتـقـدنا وجودك في الواحات
الله يوفقك في حياتك
وبنتظار يديدك ؛؛ وبالحل طويل العمر ؛ لا تتلوم ولا شياته
:fa35:
ويـامــرحبـــانـــــــي

امممم انا بروحي كسوله
بس شد حيلك واتنشط
وعااادي عادي لا تتلوم سامحتك ------- اوني عاد

بانتظار يديدك

الله يسلمكم اخواني و خواتي
و ان شاء الله ما تشوفون مني الا كل خير

----------------------
الله يبارك فيكم >> للي باركولي بالشهاده

تصدق كنـا مفتكيــن منك
:fa38:
احم
امزح ويــاك
الصــراحه واحة السيارات من دونك أي شي
:boxed: .. :boxed:
عاد الحين شد الهمــه وترانا عاوزين حجات روشــه >> اوني مصـريه

مبرووك على التخرج

:smartass:

ولكم باك اخويه
ومبروووك عـ التخرج .. :)

مبروك على الشهاده .. ويامرجبابك من يديد ..
تصدق أنا خلصت الدوره الصيفيه بس لا عطونا الشهاده ولا حتى سولنا حفله :bye2: وداع كنا مداومين دوام عادي بس على آخر اليوم صعقونا بالخبر انه اليوم آخر يوم ويلا لا اداومون يوم السبت
وبعد بنتصل بكم اذا شي حفله
لا معاش:no0: ولا شهاده
عاده قلنا نفاد محد يبا المعاش بس نبا الشهاده .... لا امزح اكيييييييييد نبا المعاش
سؤال وين كنت تشتغل ؟ ....
أدري لقافه بس فيه فضول أريد أعرف

يامرحباا فيك الغالي


ونحن بانتظار مشاركاتك:)

لاتبطي اكثرررر

مبروووووووووك على التخرج أخوي ناصر

بسم الله الرحمن الرحيم ..

رايتك بيضه شيخي وإن شاء الله تكون دايم من المتميزين ..

يلا نبي نشوف واحة السيارات غير هالمره ! ..

بناخذ عندك لفه بعدين إن شاء الله ..

بحفظ الله ..

المتفيزره عالعرقووب
>> متى بتردين النك الجديم "البدوي" والله انه احلى من هذا :narr: <<

الشباب ما شاء الله عليهم ما قصروا,
شادين الهمة خاصة اخواني اسهر معي ليله و شرجاوي و كذلك باقي الاخوة

كلهم فيه الخير و البركة

=========

انشودة المطر - مناوي - طيرالحب

الله يبارك في حياتكن
تسلمون على التهنئة و الرد الطيب

:yes:

===========

ناعسة الطرف

الله يبارك فيج اختيه

الله يسلمج كنت اتدرب في دائرة الطيران المدني في دبي
في العلاقات العامة

و التخرج كان من دورة متخصصة بالادارة :daleel:

طبعا بالاضافه الى دورة اخرى في الطيران المدني عن اخلاقيات العمل
بصراحه انصحكم تسيرون الطيران المدني للتدريب الصيفي لأنهم بيعطونكم شهادتين
شهاده خبرة و شهادة عن الدورة :yes:

خبال الحب

افا عليك يا خويه

بس شوف, تراني ابغي همتكم وياي في واحة السيارات
:cop:
==========
رئيس قسم التفتيش في واحات بن دبي
محب الشيخين
:cop:
حاضر سيدي
ان شاء الله بتشوف واحة سيارات ثانية
غير الي تعودت عليها
:smartass:
بس اهم شي تشدون حيلكم و خلوني اشوف همتكم

هلا بالغــــلا كلـــه :fa35:


ألــــف مبـــروك يا خويه على التخرج :smartass:

والصراحة نحن جدا سعيدين بحضورك :)


ربي يوفقك

هلا هلا
منور غايب وللا مو جوود ..

مبرووك على التخرج

وعقــبــالــنا :)