ربيعتج واخووج..؟؟!!

السلام عليكم
هذا اول موضوع لي فالواحه وان شالله يعجبكم :yes:


على الهاتف
ميثا: السلام عليكم والرحمه
شوق :وعليكم السلام ورحمه الله وبركات ..شحالج ميثوه
ميثا: بخير الحمدلله ..شحالج انتي وشحال اهلج؟؟..
شوق: كلنا بخير ...ماخبرتج
ميثا: شو
شوق: باجر بنسر دبي وبنبات هناك
ميثا :قولي والله منو بيوديكم
شوق: ماماتي وباباتي بيتمون هني وانا واخواني بنروح
ميثا: هممممم اخوج سيف بيروح؟
شوق:شوووو وليش سيف بالذات
ميثا :هاه بس حبيت اعرف منو بيوديكم
شوق:قلتلج اخواني
ميثا :ايوااا..شوق انا بقولج شي واسمعيني ....
انتي اختي واكثر من اخت ...وانا بأمنج على شي ماباحد يعرفه
شوق:خير شو مستوي
ميثا:انا احب اخوج وارمسة
شوق:........................................... ....

شو بيكون ردت فعلكم لو كان هالموقف استوالكم؟؟!!

ممممممممممم .. أول شي أشكرج ع طرح الموضووع ..
ثاني شي .. لو كنتي شوي متعمقة في الحوار بيكون أحسن .. الحوار اوكييه بس أحسبه يباله شوي .. مجرد رأي لاا أكثر ..

ثالثا .. ممم مع انه ما عندي اخوان أكبر مني .. وأنا أكبر من اخواني.. فما أقدر اتخيل هالشي ..
بس لو استوى لي هالموقف .. طبعا مستحييييييييييل أخلي ربيعتي في حالها ..بتم أسألها كييف وشلوون ومتى .. ؟؟ وأسأله ماالها نهاايه ..
وبعدها بروح عند أخوي وبعد نفس الشي .. بخليه يصارحني ( يعني بسحب منه الرمسه ) عندي أسلووب عوووذ بالله خخخخ


ممممم وشي طيب لو كان أخوي نيته لله أنه ما يلعب عليها .. وووو بس

يمكن أرد بعديين ..
والسمووحة منج أختي دلوعة باباتج (:

احم صج موقف لا نحسد عليه ع قولتهم

عن نفسي قبل كل شي بسالها كي عرفته وكيف سمحت لنفسها انها اتكلمه وبعد ما اعرف التفاصيل بحاول اجس النبض عند اخوي عسب اعرفه ع حقيقته صح هو اخوي بس هاي بعد ربعيتي وما اتهون عليه اذا هو كان قصده شريف بقوله بالعربي الفصيح سر اخطب البنت اما اذا كان لعاب بحاول انصح ربيعتي انها تبعد عنه وبكشفه ع حقيقته لها وان اصرت وما طاعت تصطفل هي وياه لاني بكون حاولت اسوي الي اقدر عليه وهي الي ما تبا

بس صدقيني ممكن اتصير مشكله بيني وبين اخوي اذا كان متعرف عليها عن طريقي يعني مثلا ماخذ رقمها من تلفوني والا شي من هالقبيل

هلا دلوعة باباتج
اممم انا الصراحة اول شي بسالها كييف تعرفتي عليه و من وين يابت الرقم..و اذا انا اعرفها و اعرف اخلاقها عدل و طبعا اخوي انا اعرفه بقول حق اخويه يسير يخطبها..اما اذا ما كانت ربيعتي كلووز فبقول حق اخويه يبتعد عنها لانه نفس ما تعرفت عليه ممكن انها تتعرف على غيره و ترمس غيره .. و له شو رايكم؟؟!!

شهوووده الامووورة

انا ما حبيت اتعمق فالحوار لاني خليت الكلام لكم^_^

انزين وعقب ما تسألينهم ويصارحونج شو بتسوين

بتسكتين اكيد لا:fa36:

اولا لازم اتحاولين تبعدينهم عن بعض يعني تقصين عليهم عسب يبتعدون عن بعد

حتى لو كانت نيتهم شريفة لازم تبعدينهم عن بعض واذا اخوج يباها يخطبها:sad4:

في انتضار ردج على هالسؤال...بتسكتين لوعرفتي كل شي؟؟

بما انها ترمسه..

اول شي بسألها انتي اشقايل ترمسين واحد..؟؟.. ماشي حيا ولا مستحى..:narr:

وحتى ولو كانت تحبه.. شو بتقوله احبك..اخ لااااااه

اما اذا كانت تحبه بس ما ترمسه.. واخلاقها زينه.. من عيوني وانا بستوي الخطابه..

وتسلمين عالموضوع..:)

الجنية

انزين ليش ما تحاولين تبعدين اخوج عنها ..ليش هي اللي تبعتد
وشو هي المشكلة الصراحه لو كان ماخذ الرقم مني بخبر عليه حد اكبر عنه فالعايلة وبفهمه السالفه

على اي اساس ياخذ رقمها شو هي مب مثل اي حد خذ الرقم وتعرف
صح انه اخوي واقرب لي من ربيعتي بس بيني وبين نفسي انا ابا مصلحه الاثنين يا انهم ينخطبون او يودرون بعض ماشي حل ثاني ...

بس ما اخليهم يكملون ويا بعض واطنش هذا مب اسلوب :fa36:

لازم اغير اللي يستوي باي طريقة
تسلمين حبيبتي عالمرور والرد :yes:

انا ردييييت..
لاا ما بسكت .. بس تدريين اختي .. انا مش قاادرة أتخيل هالموقف .. عسب جي ما اقدر ارد علييج .مادري ليش ..؟؟

شوفي لو ربيعتي أنا عارفه شو أخلاقها وعارفة كل شي عنها .. فأكييد بنصحها انها تودر اخوي يعني ما ترمسه .. لأنه اللي سوييه شي غلط .. وبهالشي يمكن تستوي مشااكل .. يعني لو أهلها عرفوا انها ترمس أخوي .. ( يعني جي بالصدفة شافوها ترمس مع وااحد ..وعرفوا انه أخوي ) .. شي أكيييد أهلها بحطوون علي انه أنـــــــــا السبب في اللي صاار يعني أنا اللي عرفتهم على بعض .. وجي بنفترق أنا وربيعتي ..
يعني كل اللي بصير مشاااااااااكل X مشااااااااااااااكل واكيييييد هالمشااكل مالها نهايه ..


واذا كاان اخوي مقتدر ع الزوااج .. فبقوله رووح اخطبها ..بداال ما يالس ترمسها.. وحتى لو أخوي يرمس ربيعتي فأنا ما أرضى علييييييييها ..

ووو بــــــــــــــــس .. والسمووحة

السلام عليكم ...

أنا أشوف إنه مب زين الواحد يكلم أخت ربيعه أو ربيعه أخته ... لأن هذا الشي غير لائق أبدا ...

و شكرا :)

..اصايل ..

اللي قلتية كله صح وماشي غلط بس حبيت ازيد لج:sad4:

انه لو كانت ربيعتج خربانه حاولي بعد تصلبيها وتفهميمها انه اللي تسويه غلط
وجي يمكن تهتدي وتذكر ربها وتخافة

تسلمين حبيبتي عالرد والمرور الحلو

الله لا يبليــــــــــنا

حبوبه بحاول ابعدها عنه لانه سمعة البنت مثل الزجاج الي اذا تكسر ما ينصلح ومهما صار نحن عايشين في مجتمع ما يرحم يعني لو زلة البنت زلة بسيطه ينقدون عليها والشاب عندنا مرفوع عنه القلم هذا واحد وثانيا اذا كان ماخذ الرقم مني بلعن خامس ابو خيره حتى لو هو اكبر مني لانه نحن عندنا في البيت شي اسمه خصوصيه لكل انسان هو ما بيرضى اني اخذ تلفونه واتعبث به حتى لو بتطالع فكيف يتجرا ويتعبث بتلفوني لا وماخذ رقم ربيعتي؟؟ لاتنسين انه البنت معطتني رقمها يعني واثقه فيني وبهالتصرف اخوي بيثبت اني مب قد هالثقه

وغير جذه اذا هو معجب بها ويحبها ع قولته يدل طريج بيتهم واذا ما يدله بدليه .. لانه ببساطه ما اقدر اقول للبنت بما انج اتحبينه ونيتج شريفه تعالي خطبي الولد عرفتي ليش بنحاز لربيعتي الي اعرفها واعرف اخلاقها زين حتى لو قص عليها الشيطان

..فركوشة..

هي بتقوله احبك عيل شو بتقوله :puppyeyes: ..

زين تسويت تجمعين راسين بالحلال :fa35:

تسلمين حبوبة عالرد:fa34:

والله يطول بعمرج وتستوين عيوزه بوسط احفدائج خخخخخ

..شهوده الامووورة ..

دام انج واثقة فيها وهي اخلاقها اوكي ودينها وكل شي اوكي..بس صح اللي تسويه غلط بس لازم تقولين لاخوي يخطبها لانها كل شي فيها اوكي..وحرام اتحبة وهو مب لها ..بس لو عرفو اهلها لازم البنت بروحها تقولهم الصدق مب تطيخ عليج انتي لانج مالج خص فالسالفه ..يعمي لو كانت صدق تعزج بتدافع عنج ومستحيل تفترقون

والمشاكل فالمشاكل الايام بتخفي هالمشاكل واخوج بيخطبها فبتختفي المشاكل

والله لو ابتلى شخصا احبه:sad4:

تسلمين شهودة عالرد والاهتمام:fa34:

الثعلب الرمادي اذا الواحد يكلم اخت ربيعه فهذا بيكون غير لائق ابدا ابدا

بس لو تشوفها عند البنات بتحس غير يعني يسووونها مب بعيدة

في مره اخوي موصلني المدرسه جان تسالني ربيعتي منو ها قلتلها اخوي جان تقول عطيه رقمي جان اقولها اخوي ما يرمس هالاشكال ورحت عنها فبتشوف هالشي عادي عند بعض البنات :fa36:

تسلم اخوي عالرد :fa34:

..بوظبي...

آ ميـــــــــــــــــــن يــــا رب العالـــميـــن

تسلمين حبوبه عالرد :fa38: