فوبيـــــــــــــــــــــ ــا

السلام عليكم ورحمة الله وبركاته ,,, أشحالهم الحلوين ؟؟ عساكم بخير وسهاله .. اليوم الله يسلمكم ما أعرف شو أقولكم الصراحه طحت في موقف لا أحسد عليه أنا وحده خوااااااااااااافه درجه مليون من شيئين في هالوجود الا وهم القطوه والجلب (عز الله القارئين ) أنزين عاد الي استوى اليوم أني كنت سايره بعد العشا بيت أختيه نسهر عندها أونه أنا وخواتي وبما أنه موتري مغسل اليوم وملمع تلميع ويلقلق من بعيد يوم وصلت عند شقتها بركنت أشوي بعيد عن القرقره والغبار بس شو الي صار ؟؟؟؟
يا ويلي ويلاه أول ما سكرت باب الموتر وتجدمت خطوه شفت أختيه أتقول جنيوه تعالي صوبي بسرعه وطبعا أنا من أسمع هالجمله أعرف أنه السالفه فيها قطوه وأختي هي الدرع الحامي لي عسب جذه الزق فيها وادزها مرات صوب القطوه ..
عاد يوم أنا ربعت صوبها قلت بتشطر وبشرد عن القطوه وسرعت مشيتي وأول ما رفعت راسي شفت جلب أطول مني عاد هني خوزوا عني تبيردت وبديت أتنافض وأختي فقيره شاله صينيه البشاميل في أيدها وهي روحها أتروع من الجلاب بس مب كثري والمشكله انه كان صوبي وفجأه شفته يركض ياي صوبي عاد هني ماشي بدى المارثون عندي ومرت اخوي تربع ويايه والناس الي في الشارع كلهم يتطالعونا والله فشله عاد أنا من وصلت عند باب العماره شفت خدامه حليلها كانت اتفر الزباله وتوها راده ما سويت واحد اثنين على طول يريتها ووقفتها جدامي ما وعيت الا اشوف واحد اجنبي الله يخسه ويعله يضحك ويقولي
SORRY MAM brgll:
يا ربيه شو اقولكم كل هذا والجلب مربط في ايد الريال السخيف كرهته وتميت ادعي عليه لين قلت بس ...

اسمحولي عاد سندرت روسكم بسالفتي بس عندي سؤال كيف تتغلبون ع مخاوفكم من هالاشياء؟؟ صدقوني تعالجت عند دكتور نفسي ( وشخص الحاله أنها فوبيا) عشان يساعدني ع اني اتجاوز هالأزمه بس أحس عمري من أشوف قطوه أو جلب أحس بروحي تطلع مني

موقف بايخ ما اتمنى يتكرر بس والله غصبن عني :no0:

هههههههههه ذكرتيني في موقف

جوفي

يوم تجوفين لاتركضين .. لانه ان ركضتي .. بيركض وراج .. بس كوني كوول جدامه .. الا لو كان الجلب متخلف نفس جلب صغيروني كان عندنا .. بدال مايركض ورانا .. يخلينا نحن نركض وراه خخخخخخ

وعن القطاو
وععع مادانيهم .. يذكروني في الwitches وجنون .. ووايد خقاقين .. وااااايد يتمصلحون < متعقده من القطاوP:

أنااا وحده أترررررررروع من الجـلااااااااااب والقطــاوة
استوالي موقفيين معااهـم .. لمـا كنت في الصف 5
الجلـب لحـقني في الفريييييج .. كـنت ألعب سييكـل وحصلت الجلب حـذال باب من البيووت في الفرييج .. وحـسباالي مربووط
وانا بذكاائي الخااااارق يلست أخمـس بالسيكـل يداامـه أوني شجـاعه XD ولحـقني وانا الحق ما تلحق على طول البيت بس زين انه ما كمل والا انا .. :bye2:
وفي تايلاند بعد كمن موووقف ..
وعـن القطـاوه .. أسمييني أكررههم eww وخـاصـه القطوه اللي عندنا رمااديه وان حـصلت باب الصاله مفتووح تدخل البيت ..
كـذا مره حـصلتـها في الصاله تمشى .. وانا كـل ما أشووفها يستويبي جييه :waa:
عموومـا .. انا أكـره الحيوانات بشكـل عاام ..
ما عدا ( البقر والعنز والخـيول والارانب والصيصاان ) ما عندي مانع .. هاييله كيووت بس البااقي Noway

وانتـي لو شفتي الجـلب لا تركضين يداامـه لانه بيلحـقج .. وتسوين شراتي p=
أمـا عن القطاوة .. هم بروحهم يترووعون منا .. بس انتي من تشووفينهم اشردي p:
ووبس:ice:

السلام عليكم ..

انا انسان بشكل عام ما اداني الحيوانات :doh:

ذكرتيني بسالفه البارحه استوتلي .. الوقت كان متأخر فليل في فريج حد من الشباب و ضلاااااام ماشي ليتات، امشي على سرعة 40-50 ماوعيت الا بقطوه سودا تربع من بعيييد يايه صووب السياره حاولت اتفاداها لكن ماشي فايده، دستها للأسف :nono:

همم عن الخوف من الحيوانات انا بصراحه نفس الشي لكن الخوف هذا مب خوف هستيري او اني بيلس ازعج وجذه ، احس عادي يعني لكن ماداني الحيوانات بشكل عام خصوصاً الجلاب لأنه ياما استوتلي مواقف ويا الجلاب، الي حاول يعضني و الي لحقني ...الخ
لكن الخوف الصدقي هو من الحشرات يااااالله خصوصاً الصراصير و الديدان :nono:

انا نصيحتي مثل نصيحة الي قبلي .. لاتركضين جدام الجلب لأنج اذا ركضتي بيربع وراج :boxed:

في واحد من شباب البعثة الشجعان ما تصورت أبدا إنه يخاف من الجلاب لهذي الدرجة ... طبعا كنا ماشيين في الشارع و راجعين على شقة الولد بعد ما خلصنا الامتحان ... و كان فيه واحد ألماني ياي صوبنا و معاه جلب يشبه جلب الصيد بس كنا بعيدين عنه ... طبعا ربيعنا أول ماشاف الجلب تركنا و راح للشارع الثاني :)

الخوف موجود عند كل إنسان مافي أي مجال للشك ... أنا شخصيا أكثر شي يخوفني في الوجود هو الصرصور أو ما أشوفه فعلا أحس برعب فضيع ...

الخوف ينشأ من الطفولة و يستمر لفترة طويلة و علاجه صعب

هههههههههههههههههههههههههههههههههههههههههههههههههه ههههههه ..
اسميكم خوافين .. انا عادي عندي ووايد احب الحيوانات .. أموت فيهم

شمعة أمل

لا تضحكين عليه يالدبه :sadwalk: أنا ما أبي أركض بس ما اقدر اكون كول وأنا أشوف جلب أو قطوه جدامي أحس بروحي تطلع مني والله صعبه صدقيني وعاد سالفه القطاوه في الليل يا ويلي ويلاه وعينونهن اتلامع اتقولين برق أموووت


قرموشة
خخخخ والله أنج كووووووول تدرين أنا يوم صغيره صار لي موقف وهو الي سبب لي هالرعب من الجلاب والقطاو كله من جلبة يسوف ولد يرانا أكرههههههه كله يخليها اتلاحقني لين ما استويت أخاف من الجلاب أما القطاو هاي سالفتهم ثانيه بقولها مره ثانيه ان شاءالله

لمّــاح

صدقني عادي عندي اذبح الصرصور واطلع مصارينه والديدان بس جلب او قطوه والا حتى فار نو وي بموت


الثعلب الرمادي
نفس ما قلت لـ لماٌح الصرصور عسل ع قلبي ولا اني اجابل من هالسوالف الباقيه .. أما عن ربيعك فـ أتمنى أني ما اتزوج واحد مثله أنا روحي أبي حد يحميني يقوم هو اللي يشرد لا أبوي ما فينا
تدري أكتشفت أنه ريل أختي مع انه ريال عود يعني بيصك الاربعين جريب يتروع من الإبره الي انا آخذها بروح رياضيه

بوظبي
ما عليه يالشريره تضحكين .. ( ع فكره توني اكتشف أنج أم خدود مع انه نكج القبلي حلو ما ادري ليش غيرتيه )
حبيهم بس من بعيد فديتج مافينا يستوي لج شي مب زين خخخ لا اتروعين

بخبرج سالفة أخوي فديته .. الله يسلمج يوم كان صغير يحب السماسيم ليش محد يدري والمشكله كان يقبض السمسومه ويبوسها يعني يحطهن ع شفايفه أونه يبوسهن بس مره وحده قرصته قرصه نفخت له برطمه بعدها كرهم وتفنن في تعذيب بني سمسوم كلهم

تسلمون حبايبي

انتي زييين منج جذي .
انا عمتي دكتووره من 8 سنين
اذا شافت دم يغمى عليها
تخاف من كل الحيوانات
تخاف من الزحمه(وتسوق من 10 سنين )
..

انا وااحد اخااف من الكلاااب مووووت
مره في رمضان انا وربيعي طالعين بعد التراويح سايرين الدكان
ونحن راجعيين اسمع نباح كلب
على طوول مسكت نعالي(وانتو بكرامه)
ربيعي قالي خاايف؟؟ قلتله يخسي بس تعبت من النعال
شوي واشوف الكلب يطلع من بييت يمكن على بعد 500 متر
حزتها ريلي تحااارق عالقااار
والله اتقطعت ..

السلام عليكم

الجنية ... عاااادي تحصل في أحسن العايلات ...أنا أخاف من كل أنواع الحيوانات :boxed:

تدرين المشكله إنه الكل يعرف هالشيء عني ...وعلى النطاق العالمي جان تدرين:bye2:

وتشوفينهم يتعمدون يزيغوني حتى ولو ما كانت هناك لا قطاو ولا جلاب ...حتى لكبار يجذبون:narr:

عادي أصرخ مره وحده جدام العالم في الطريج....لو شفت قطوه حذالي....:puppyeyes:

وعادي ما أنزل من السياره او كان الجلب أفندي على الرصيف الثاني ! خبله عشان يركض ورايي:bye2:

وعادي ما أسير بيت فلانه عشان سمعت إنه عيالهم مشترين قطوه كيووووت ....

يا حرمه لا اتيبين لي هالطاري .... من الحين زادت عندي الفوبيا:qor9anah: ...

حـــد يـخــاف من القـطاو :nono:
الجـلااب ما اخـاف منهم .. بس مـا احب اتقرب مــنهم ..
بس القـطـاو حبايبي :fa35: .. حـلوويـن

لاحـظة في ردود الاعـضـاء انه كـل واحـد منهم يـخاف من شي brgll:

انـا ما اداني شي اسمه عقـرب ..
حتى صـورته العقرب ما اشوفها ,, ولا حتى في التلفزيـون ..
يقشعر ينبي من اشـوفها .. :no0:

وان شاء الله تتغلبين على هـالخـوف ..

:

الســـلام عليـــكم...

الجنيــــــــــه

طمنيـــني... صينيه الباشميـــل و صلت سالمه و لا لا..؟؟ :ice:

لو منكم يمكن من الزيغه أفرها و أركض.. :boxed:

..


هـــواجيــــس مشتــاق.. حلم الطفـــوله

صدق صدق.. موتوني من الضحــــك..

:hist:
:hist:
:hist:

الجلب ما يخوف لين هذيك الدرجة ... و القطاوة طيبين جدا جدا جدا ... أذكر يوم كنت في المرحلة الثانوية أول ماكنت أطلع الصبح للمدرسة كان عند باب البيت قطو طبعا كنت أقوله مياااااااااااااو ... طبعا القطو الصبح يوعان و يريد أكل فيرد علي مياااااو و إذا مارد أعطيه على راسه و يوم أرجع الظهر أقوله مياااو هنيه بس غصبا عنه يرد علي و يقولي مياااو (الله يكفينا شرك بس) ...

أما الصرصور و الخنفساء فيسببون لي رعب قاتل ... أذكر في الثانوية واحد فاضي من الشباب ياب معاه خنفساء مادري لها أسم بس ما اذكر و كانت كبيرة و خلاها تمشي في الصف هنيه بس قلبي كان شوي و بيطلع و أنا أقول انشالله ما تيي عندي ... طبعا تمت الحنفساء تتمشى لين وصلت عند مدرس الكيمياء ... إيه ده إنتوا بتسموه إيه ... و يفتح باب الصف و يعطي الخنفساء شوتة وحدة إلى اللانهائية و ما بعدها ... بعدين قلبي ارتاح و حسيت براحة غريبة.

مشكلة الصرصور إنه يطلع فجأة جدام الواحد و يكون كبيرة أونه القائد و يسوي للواحد أزمه قلبية و يودع الحياة و حتى لو ضربته يطلع سوائل قذرة ... الصرصور دماغه صغير لكن يحسبها صح إذا حس إنك بتضربه يشرد و تكون سرعته خيالية و سرعته هذي بالتحديد تسبب رعب حقيقي ... لكن الصرصور بعد ما يشرد توقع إنه بيرجع ... الصرصور يشتغل في الليل بشكل أساسي و النهار ما يهمه ... الصرصور ما يموت من ضربه وحدة و حتى لو كان يقدر يشرد بعد الضربة الأولى توقع إنه ما بيفوت هذي الفرصة أبدا ... الصرصور هو مثال للعزم و التصميم و الشجاعة حتى الموت

اقتباس:

---

الصرصور هو مثال للعزم و التصميم و الشجاعة حتى الموت

---

كـل هـا في الصـرصور :puppyeyes:



انا مـا أخـاف مـن الصـراصـير بس أجـز منـهم
لكـن الجـلاب والقطـاوه لاااااااااع أمـوت من الزيغـه :bye2:

والله ياليـــت الصرصـــور يكون عاقل.. بس عشان يقرا كلامك عنه يا الرقيـــــب... :yes:

أسميـــه بينفخ يناحاته عليـــــــنا.. :doh:

و الصرصـــور اللي صدق يلوع بالجبد هو الصرصور العــود اللي يلمـــع.. لمعه توحي لك بكل أنواع القذاره.. و خصـــــــــــــوصاً اذا كان له ينحــان و يطيــــر... هنيه قمة المأساه :boxed:

..

الشي اللي يخليـــني أأتـــرف من الخـــاطر

الطيـــاطيــــــــــــر

أصـــــــــــــــارخ منهم .. مب من الخوف.. بس من الأرف...

أكــــــــــــــــــررررر رررررررره

..
..
..


ياربي اتذكر اشياء اتلوع بالجبد خربت مزاجي.. :no0:

أطلع أحسلي brgll:

اقتباس:

---

الشي اللي يخليـــني أأتـــرف من الخـــاطر

الطيـــاطيــــــــــــر

أصـــــــــــــــارخ منهم .. مب من الخوف.. بس من الأرف...

أكــــــــــــــــــررررر رررررررره

---

تعالي جررربي العيشـه في بيتنـا يووم واحـد ..
أسميييج الا بتكيفيين عليييهم :ice:
ما ننلام ياختييه بيتنـا فيه حشييييييش وزرررع والطيااطيير امررره امعششه منااك :bye2:

جـَن جـن : والله انـّــج ف الحــق ياخـوج ؛ انا تلـوع جبـدي من الجـلاب ؛ والقطــاوه ؛ حتـى أسبهـم يوم
اشــوفهـم يترابعــون جدامــي ؛ نحـن ماعيـه خوافـــووووون بس ليش الجلب والقطو يتكارهـون ؛؛ :kkk:

ممم مواقــف صاارت مـع الجلاب ما اذكر بس انا شفـت اجلاب صدق صدق صدق ضخمـه ؛؛

وانا أكـره اختـراع اسمـه حيـوانــات ؛ لدرجـة اني اذا بسب حد من اخوانيا بقول لـه ( ياخـو الكلب :boxed:

بـس اذا بيعطـوني الفهـد الابيـــــض مال فزاع مش مشكلــه

السلام علـيكم
حيالله الجنية ..من زمان ما شفناج ..
مشكلة القطاوة..انا شراتج ما ادانيهم ..مع انهم ما يسوون شي >مسالمين
والجلاب من زود ما اشوفهم ما قمت اخاف..وايد شي في فريجنا :(
ما اداني السحلية :no0: > شكلها ارف خاصة يوم اتكون عودة
زين الدكتور يوم شخص حالتج ما قالج كيف تتغلبين على المشكلة؟

هواجيس مشتاق

ماشاء الله عليها عمتك دكتوره واتروع من الدم أموت وأعرف كيف درست ؟؟؟
والا سالفة السواقه صدق شي عجيب
بس اسميك ذكرتني بولد يرانا العبيط يوم صغار كنت اروح وياه الدكان ويوم يشوف جلب يندس ورايه تخيل سخرية الأقدار


حلم الطفوله

ههه عيل عرفنا عوقج ,, الله يعينج أحس يوم عرفت بمخاوف غيري حسيت أنه مصيبتي أهون يعني أنا عادي عندي اشوف اي نوع ثاني من الحيوانات او الحشرات بس اهم يكون بعيد عني


خيال الروح

أععععع أفضل العقرب ع القطوه عادي عندي بس قطوه لالالالالالالالالالالا
أجز منها اصلا

شوق القلوب

وعليكم السلام ورحمة الله وبركاته
خخ هي لو في ايدي جان من زمان فارتنها ع الجلب مب الاالشارع بس هاي اختي حليلها ما تبا تعبها يروح هباء منثور

الثعلب الرمادي
ههه ما بتسلفني استاذ الكيميا ؟؟ بس اباه يشوت القطاوه الي في دربي
عيل الصرصور هو مثال للعزم و التصميم و الشجاعة حتى الموت ما ادري اذا انته تمدحه او اتذمه بس في كل الحالات بيستانس ان حد طراه
اتصدق انه اختي الكبيره ام عيال ماشاء الله تتروع من الصراصير وولدها الي عمره 4 سنين يحميها من الصراصير لا وكل اسبوع عنده مغامره ويا صرصور

شوق القلوب

لا دخيلج خليه بليا عقل هذا مب عاقل وجذه مروع أمة لا اله الا الله عيل لو عاقل وتقصد شو بيستوي بالخلق ؟؟؟ عز الله سكنا في محميات