عرض للطباعة
السـلام عليـكم ورحمة الله وبـركاتــه
صـباح الخيــر ؛ شحالكم علومكم ربكم بخيــر ؟!!
:fa38:
//
اممم حـد من الأهــل يستـخـدمون الليـزر لإزالـة الشـعر
فـ حبيـت أتخبـر هل لـه اضرار على البشرة أو الجسم بشكل عـام ؟!!
وهـل الشـعر بيرد يـظهر مره ثانـيه ؟!!
افيـدونـي لو سمحتـوا
:fa35:
والسمـوحـه
تنيـنه : شـكرا ً لتشجيعي لتنزيل الموضوع
:daleel:
اقتباس:
تنيـنه : شـكرا ً لتشجيعي لتنزيل الموضوع
العفو العفو كيككيكي :ice: ,,
أللي أعـرفه وأللي دووم أقراه في المجلاات الطبيه أنــه مالـه أضرار يعني ,, والشــعر يـرد يظهر لـكن بعد فتتره طوييله يعني تقريباً 7 او 8 شـهور ويكون خفييف وناعم :yes: ,, يعني ينـصح بـه :qor9anah: ,,
وبس ان شاء الله بس أفدتج :fa35:
اوكي ,
انا بقوولكم لأني مجرب الليزر لأزالة الشعر اسفل الذقن( يعني تحديد اللحية)
..
أول ما تسوون العملية تحسوون بحرااق مكاان الليزر ..
أكيد حرااق عيل شو هذا لييزر مب اي كلاام ..
بس الشعر يعني يبييله فترة اسبوعيين وبيطلع
بس يووم يطلع يكوون اخف عن قبل.. وعادي تشيله بأيدك ..
(مثلا قبل احدد مرتين بالأسبووع .. الحين مره بالأسبوعين)
.
العملية مافيها اضراار مثل ما قالت الدكتوره لي ..
تقوول ان من اول ما طلع هذا الأخترااع ليين اليووم مافي حالة مرض او اضرار بسبب الليزر ..
والعملية تستمر الى 6 جلساات او اكثر حسب كثافة الشعر ..
والفتره اللي ما بيطلع فيها شعر تقدر بحوالي ال6 اشهر الى السنه ..
اتمنى اني افدتكم ..
وعليج السلام شبيبتيهbrgll:
مرحبابج
عساج إلا بخير
إختيه في بعضهم جلدهم حساس وغالبا بعد الجلسه ويوهم تحمر وتبدى تظهر لهم حبوب حمر لكن الدكتوره توصي على مرااهم تخفف وتختفي
عن الشعر هو بيظهر لكن اقل,,بس شاوري الدكتوره قبل لأن هب كل شخص قادر على الليزر,,وفي نااسbrgll: اختنقووا من ريحة الحرق ودوخوا على يد الدكتوره:hist: >>هب انا وااحد مستوي له
فعسب كذى شوفي شور الدكتوره عقبها توكلي
وعليـكم السـلام
لا ما له اضـرار ,,اقتباس:
فـ حبيـت أتخبـر هل لـه اضرار على البشرة أو الجسم بشكل عـام ؟!!
امم على الشـعر ,,اقتباس:
وهـل الشـعر بيرد يـظهر مره ثانـيه ؟!!
والشعر يحتاج كمن جـلسـه بالليـز ,,
مش من أول مـره
وبـعد على حسـب العيـاده الى تـروحيـلها
=)
:
أول شي لاتسوين ليزر في أي مكان .. نفس في ناس يسونه في صالونات وهالشي مب زين لانه بتحصلين معظمهم مب مختصين في هالشي وماعندهم شهادة الليزر
ثاني شي اتحملي على السعر لانه ساعات يرومون يقصون عليج ويدفعونج 2000 للجلسه .. للجلسه الوحده يقدر يكون من 400-800 درهم
في البدايه بتحسينه ك قرصات صغيره بس مع زيادة الجلسات يزيدون القوه ويعوووووووووور
وقبل لاتسوينه سيري عند دكتور وهو بيقولوج اذا ينفعلج الليزر ولا لا .. عقب الجلسات بتطلعين شوي محمرهbrgll: ولو بيضا وايد رحتي فيهااا تستوين طماط بس بعد ساعتين جي يخوز الاحمرار .. ويقدر يطلعلج حبوب من الليزر
همممم
وبس
ألليزر وايدين اعرفهم من الشباب مسوينه عشان ايحددون اللحيه و على حسب كلامهم انه ماله اي اضرار و لكن بعندي متخوف اني اسير و احد اللحيه ..
نفس ما تفضلوا الاخوان انه الها جلسات معينه و الدكتور هو اللي يحدد مده الجلسات ..
بس انا ابا اعرف شيء ثاني من الناحيه الدينيه هل يجوز هالشيء ..؟؟
هالسؤال في راسي من متى ابا اسأل ..
مرحبـا السـاع بـ تنينوه
اممم شـي طيـب الحمدالله إن مالـه أي أضـرار
بـس عـاده البـلوى إذا بيـظهر الشـعر مره ثـانيـه
بـس دامـه بيـظهـر أخف كيـه أحسـن
:yes:
مشـكوره علـنـي فـداج
ويعلني ماانحـرم منـج
:fa35:
؛؛؛
مـرحبـا بـ هـواجيـس
اممم حـلو هيـه أكيـد انـك بتـحس بـحرارة وجيـه جنه يطعنـك
بس اسميـك يشـعـوطنــا
والحمدالله ارتـحت يوم قتوليـه إن مالـه أي أضـرار
:)
الحمدالله ونفس ماقـلت تختـلف الجلـسـات انتـه ست جلسات
غيـرك ثمـان
:yes:
الله يعـيـن يـاخـوي
وشـاكره لـك مرورك
:fa35:
قلوب دبي
الى اعرفه انه يستوي عشان مب يالس تغير شي من شكلك ويا الليزر .. ترا نفس الشي اذا حلقت لحيتك بس الفرق في الليزر انه يخوزه للأبد او يخليه اخف واايد لدرجه انه مايبين
أنا اسوي ليزر حق جسمي تقريبا من ثلاث سنوات ..كل 8 شهور .. لأني ما اروم استخدم الطرق التقليديه ..ادناة شي ايبين علي
سلمج الله اذا البشره حساسه وماتتحمل يتحسس بس طبعا بيعطونج دوا بيشلّ الحساسيه .. واذ عاديه لاتخافين همّا روحهم بيخبرونج ..
عني انا انصحكم اتسيرون ( احين اسمه طاير عن بالي ) بس هو مركز تجميلي مجابل صالون مورا وحذاله صالون بعد .. "لفوا اللفه الي قبل مركز جميرا" وبتحصلونه اول فله ع لفة ايدكم اليمين ..
الموهيم
فهم يقولون لي الي احتاج اسويه مثلا سوالف الفشيل والتنظيف وجي.. سوالف بشرتي كلها اسويها عندهم .. واسم الي اتسويلي فيشل وليزر "جين" وهي وايد شاطره .. بس مشكلة المواعيد معاها مشكله .. ماشاء الله وايد زباين عندهم فتتوهقون اذا طوفتو موعد او شي ..
حق الويه ويشمل الرقبه يسوون بالف
وحق الريول بستالاف
حق اليدين باربع
بس صدق انصحكم اتسيرونه لانهم وااااايد زينين .. احين كل ربيعاتي يسيرونلهم ..
على فكره انا استخدم احين منهم كل مستحضرات وسوالفي من الماركه الي هم يتعاملون فيها والي اسمها " sothys"
وهذا موقعهم .. http://www.sothys.com/EN/default.php
وعندهم اذا تبون تتعاملون معا وكيلهم مباشره في دبي محلهم في برج سعيد الطابق الثاني
على فكره اذا احترقتو ولا حسستو والعياده الي اتسوون عندها الليزر مايعطون ادويه وجيه .. يبيعون في الصيدليات دوا اسمه ميبو .. شرا العسل بس ريحته بايخه ..
المووهييم .. احب سوالف البشره والمساجات وحمامات مغربيه .. فيعني ان شاء الله اذا وحده تبا تسوي انصحها اتسوي عند هاييلا
شمعة امل : الحبوب تظهر اذا البنت كان عندها التهابات في منابت الشعر .. فلازم اتعالج اول شي مشكلتها عند اخصائي جلديه ( انصح بدكتور او بالاصح هوا كان بروفوسور في مستشفى راشد واحينه طلع لأنه اتضارب مع الاداره ) الموهيم اسمه اجاريا .. ولاتخلينها اتسوي ليزر ماليزر ولا بشرتها بتروح فيها وبتحترق وبتتشوه ..وفي المانيا في دكتور اسمه رضى .. وايد شاطر بتتعالج بغضون شهرين ثلاثه .. لانهم يصنعون ادويه وأجاريا ماعنده الاجهزه ..
انا مسوي لييزر عند الدكتووره منى ..
في عيادة الخاجه اللي في مركز الفردان ..
يوم اسوي ما احس بالحرق .. بس لسعاات خفيفه ..
انا اسوي تحديد اللحيه ب 600 ..
واذا عندج مشكله من الليزر تعطيكم ادويه !
على فكره فرق بين السوفت لايت وبين الليزر
الليزر غالي ومب عند اي مكان .. السوفت لايت رخيص وهو النتشر وايد وهو الي اي على شكل لسعات
السوفت لايت يشقر بس .. اما الليزر يشل الشعره من منبتها
انا اللي اسوييه لييزر ..
يعني يشيييل ابو الشعر مب تقشييير ..
زيـــــــن والله
بنسير انحـــدد عيــــل :m6awa3:
أنا فالإسبوع اتحلق مرتين
ما شاء الله بسرعه تظهر اللحيه عندي :no0:
مشكورين
نفس الحاااله سفير الخياال ..
بس بالليزر تتحلق مره ..
اخووي مسوي 4 جلساات والحين يحدد مره كل اسبوعيين
هزاايم
هـلا هـلا بالعيـوز
المرحب باجي يخويتي
انا بخيير طوليه بعمرج
ومن صوبج ربج بخيـر ؟!!
؛؛
:fa56:
لوول ذكرتيـنـيه بأول جلسـاتـيه والله اروح ريحـه غريبـه عجيـبه
وشـيـبتـيـه واقـف على راسـيه أقوله بـويـه ما تـروح ريحت شعـاويـط
:fa56:
قـاليـه هيه يـ بنيـتـي يحرقولج شعـرج
:hist:
فديت روحه تم الا يضحك عليه وانا اتحلفـله
:harhar1:
مشكووره فديـتـج
وماتقـصـريـن
؛؛؛
خيـال الـروح
اممم هذا هو يخويتي على حسـب العيـادة
في عيادات خسهم الله سقـم من الخـاطر
وفي عيادات الحمدالله أحسن بوايد وشغلهم بصراحه اوكيـه
شـاكره لج مرورج الكريم عزيزتي
:fa35:
مـرحبـا السـاع بـ شمعة أمـل
اممم لا لا مااسـوي فـي صـوالـين مااثـق إمره في الـصواليـن اللهم بس للمكيـاج بس
ولا تنـظيف ولا شـي له يخربوليـه ويهـي ؛ بـستـوي فـار تـجارب
:harhar1:
؛؛
امممم اممم انـا أسـوي في عيـادة الدكـتـور الرسـتـم في جميـرا بصراحـه وايـد زيـن
وإيـده خفيـفـه ؛ وللجـلسـه الوحـده يـاخذ 950
والحمدالله للحيـن الجلسـة الثـالــثـه احس بعدنيـه بالقـرصـات بس يعور في امـاكن ابا
انـش وازنـطه لووول
؛؛
اممم الحمدالله مب انه احمرار ذاك الـزود ؛ يظهرليه ألا طشونه عسب اقول سويت ليزر
brgll:
الدكتور يعطيج موعد عقب اسبـوع من الجلسـة الأولـى عسب يشـوف تأثـير الليـزر على البشـرة
والحمدالله عـدت علـى خيـر
؛؛
مشـكووووره فـديتـج ماقصـرتـي
وفـيج الخيــر
يعلني ماانحرم من تواصـلج وردودج
:fa35:
وعليكم السلام والرحمة
والله عكلام الناس الي محددين لاحايهم بالليزر .. ايقولون ماله أي ضرر .. :fa36: الصراحه انا ما جربت !!!
والسموووحة
مـرحـب قـلوب دبـي
اممم مادري والله لأن مايغير شـي
يعني شرات يوم تتحـلق نفس وماقالت شمعة أمـل
:)
شـكرا ً ياخوي ولاعدمناك
:fa35:
؛؛؛
شكـرا ً شمعة أمـل
:kcl:
للي سئلني .. إسم الصالون الي اسيره " لزبري للتجميل" عند جميرا بلازا من ورا
انا الي اعرفه انه اللييز يحرق ويعور ,,,
وجلساته حسب كمية الشعر ,,, هو بس يقلل ويخفف ظهور الشعر ,,, يعني ما يختفي على طول ,,,