عرض للطباعة
عليكم ورحمة الله وبركاااته
أعلنت الشيخة لبنى بنت خالد القاسمي وزيرة الاقتصاد ان العدد الاجمالي للسكان في الدولة هو أربعة ملايين و104 آلاف و695 نسمة.
وشكل المواطنون 21,9% فقط :no0: مقارنة بالوافدين 79 % :10: :10:
وللمزيد من التفاصيل يرجى الصغط على الرابط
http://www.alkhaleej.ae/articles/sho...cfm?val=291245
والسؤال الي يدور في ذهني ؟
برأيكم هل المواطنون في خطر ..أم ماذا ؟؟؟
والسموووحه
اخوكم/ قايد الريم
ليييش هم متى ما كانوا بخطر ..
الحييييين يشغلووون الوااافدييين وما يشغلوون المواطنين بعد اكثر من هذا شو !!
الله يستر بس ..
ما بقى اللا قوووم بو هناااد يتحكموون فينا !!
قو بو هناد شغالين صح .. تتوقع مواطن بيرض يشتغل تحت الشمس الساعه 11 الصبح ف نص الصيف ؟؟؟ يمكن 1 من 100 الف ... و تقريبا 30 % من الوافدين ما يشتغلون و هنه ايي دور السلطات الامنيه فالقبض على هالعاطلين عن العمل و ترحيلهم خارج الدوله و تقليل عدد السكان و لزيادة الأمن فالدوله
لا .. المواطنين مب في خطر.. الحمدالله نحن عايشين في نعمه
لازم نقارن نفسنا بالدول الثانيه بصراحه
شي مواطنين يحصلون بيوت ببلاش
دراسه ببلاش
لو يمرضون يسفرونهم برع ببلاش
عرسهم ببلاش
فوق كل هذا
يوم يبا يصب بترول في سيارته مب لازم يطلع برع في هالجو التعيس .. عنده واحد هندي ولا فلبيني يصب له البترول
يسير السوق يتشرا .. مب لازم يشل أكياسه ,, عنده واحده هندي يشل له أكياسه
مب لازم يطبخ .. مب لازم ينظف .. مب لازم يغسل .. لانه عنده اكثر من بشكاره
ومن ناحية الشغل .. من متى والمواطن في خطر .. ترا وايد يدلعونا بصراحه
الأشغال الإداريه في الهيومن ريسورس فقط تنعطى للمواطن
حاليا .. لازم كل مكتب يكون فيه سكرتيره مواطنه .. ولا بيغارمونهم 60 ألف سنويا
وفوق كل هذا راتب المواطن أكثر عن الوافد في أكثر الأماكن حتى لو يشتغلون نفس الشغله!!
ف خبروني .. كيف المواطن في خطر؟؟؟؟
نحن مدلعين وايد بس للأسف مانقدر هالتدليع .. عيشو في لندن لمدة سنه وبدون مكيف .. صدقوني بتردون البلاد وبتبوسون أرضها:fa35:
الحمدالله نحن عايشين في نعمه والكل يحترمنا
والسموحه
ومع انه نسبتنا قليله جداً لكن الحمدالله نثبت وجودنا في هالدوله لانها دولتنا.. وهالشي مابيتغير
اخويه شرجاوي.. المواطنين ما يبون يشتغلون برع تحت الشمس، لأن معاشاتهم قليلة جداً.. الواحد يبا يتزوج، يبا يبني بيت.. هذا المعاش ما يكفي.. وإلا أنا لز كنت ريال، والله مستعدة أشتغل هالشغلة لو إن شاء الله أنظف الأرض.. حتى ألحينه أنا ما عندي أي مشكلة.. لأن هاي بلادي أنا و أنا إللي بحميها..
أنا المشكلة شيء واحد قاهرني.. مرة اشتغلت في المبنى 2 في مطار دبي.. لكن ما قدرت أكمل، طلعت من أول يوم.. مب أشكال هناك! حشى..! شو يسوون في بلادنا هاييلة..! طبعاً مثل ما اتعرفون.. هذا المبنى كله هنود وجراشية.. بس.. لأن كل الوجهات تسير إلى مناطق في إيران، الهند، باكستان..
ف يوم أجوف الناس المغادرين..! أتعجب، والله تيلس اتقول هاييلة شو ينفعونا.. من كثرهم والله ما جني في البلاد..
وهاييلة إلي في الشارع.. إلي يشحتون.. وإلي يبيعون طيور.. هاييلة شو..؟ معقولة الإمارات يايبتنهم البلاد عشان يبيعون طيور في الشارع!
لا يعقل!
السموحة عالإطالة..
أشكر سوالف التجنيس .. أهل البلاد الاصليين كلهم على بعظهم ما يصكون الـ عشره
أنصحكم بـ سالفة تعدد الزوجات لول
على كثر المواليد المواطنين ،، على كثر الوافدين اللي يدشون البلاد ،، نحاول نزيد عددنا بس ماشي فايدة .. هم دوم في ازدياد ..
والله أن أشواق دبي صارت تزيغ ،، متروسه من الAfrican Amirecan
والله يخوفوني بسلاسلهم ومشيتهم ..
والصينيين ،، هذيل أصلا دوم يعيثون في الأرض فسادا ..
الدول الثانية تحاول تتخلص منهم ،، ونحن مسويلهم مدينه ..!؟!
يا خوفي تزيد الجرايم اللي ينقتلون فيها الأبرياء بسبةهالأشكال ..
الله يستر علينا ويحمينا ..
أصلا الهويه الإماراتيه شبه ضايعه
يعني الواحد يستغرب
قوم بوعيون خط إماراتيين,,ماأحيد عندنا هالنسل في بلاد؟؟لكن الخلط بلط والزواج من الأجانب و الأجنبي إلي محصل الجنسيه كل ضيع الهويه..
لو المواطنون بخطر..خلهم يهدموون هالمجمعاات السكنيه مالت الصينيين و المهنده..وهالمستعمراات إلي مسوين حق الأوروبيين والأمريكااان
لكن ما باليد حيييله
مرحبا..
اي خطر تقصد؟؟؟؟؟؟؟؟؟؟ لانك ماحددت !!!!!!
اما بالنسبه الي ظهرت 21 % فهي ممتازه جدا .... اذا ماقارنا الارقام الي حصلنا عليها سنة 1995 بحيث كان عدد سكان الامارات مليونين وشي وعدد المواطنين 180 الف يعني نسبة المواطنين كانت النسبة 9 % .
تعال مستشفى راشد يوم واحد .. ووقف في الممر وشوف الدكاتره اشكال واجناس الي يمرون عليك .. من هندي لين باكستاني مصري وسوداني وغيرهم... نص الدكاتره العرب ( من قوم الزلمات والمصاروه) مجنسينهم.. كل يوم انصدم واعرف ان الدكتور الفلاني مواطن... اقول هذا من متى مواااطن مايعرف كلمه عربيه شقايل مواطن... هذا غير المرضى الي كل يوم انصدم فيهم بعد . ياكثر الفلسطن الي مجنسين.. والله يرفعون خشمهم ليش بس لان عندهم الجواز...
الدوله وايد وايد جنست.. فوق التصور .. واظن السبب هو محاوله لتعديل في التركيبه السكانيه بحيث تزيد عدد المواطنين .. بس هذا طبعا على حساب المواطنين الاصليين!
اما بالنسبه للحقوق .. مثل ما ذكرت شمعه امل ماظن شي دوله بالعالم تعطي المواطن ببلاش شرا الامارات.. فالاحسن ان الكل يشكر الله ويشكر الامارات..
انا مـع شمـعه أمـل في كـلامـها ..
الصراحـه نحن عايشيــن في خـير ونـعمـه ..
وعندنا ممـيزات وأشـياء كثيره تفرقنـا عـن غيرنا
ما أعتقـد .. لو كـل مـواطـن رضى عـلى عمـره انـه يشتغل شغلات المهنده والزلمـات جـان ما بنـشوفـهم تارسين شوارعـنا .. !! والدليل هـ البطـاله اللي عندنــا ..اقتباس:
وإلا أنا لز كنت ريال، والله مستعدة أشتغل هالشغلة لو إن شاء الله أنظف الأرض.. حتى ألحينه أنا ما عندي أي مشكلة.. لأن هاي بلادي أنا و أنا إللي بحميها
ريايل هـ الزمـان * ما أجمـع أكـيد *ما هـمهم الا اللعـبان والمواتـر والشغل اللي على المكـتب وتوقيـع أوراق .. لو كـل مواطـن يرضى على عمـره جـان ما بتكـون عندنا هـ المشكـله . .
شوفوا البحـرين .. وعمـان وقطـر يمكـن .. عادي تحـصلوون في الشارع ويسوق التكسي من عيال البلاد .. وفي المحـلات اللي يبيعون كـلهم مواطنين البلد ! نحن عيالنا وين بيشتغلون هـ الشغلـه ؟
الصراحـه من وجـهه نظـري محد باني هـ البلاد كـثر هـ المهنده والزلمـات ..
منو يبني البنايات ! منو اللي يكـون في الشمس ويشتغل لآخـر نفـس ! عملـهم هـم وااايد متعب لكـن شو اللي يحـصلونه من ورااه !
الغلـط في البدايـه تراه طايـح علينـا نحن .. فلا تلومـون الوافدين على سواياهـم هنه ..
لو نحن من البدايـه واقفين على ريولنـا .. والحكـومـه تشجع الشعب على الشغل جـان هـ المهنـده والزلمـات ما طبوا بلادنـا وتعبثوا فيها !
فمـن الاسـاس خـلهم يبدون صـح .. وهـاييج الساعه لنـا الحـق انا نرمـس .. ونقول نحن أعدادنا في خـطر ! مش عقينـا اللووم علييـهم . .
وعـن السيــاحـه والاعـداد الهايلـه اللي نـشوفـها .. تراها مب بإيدنـا نحن * الشعب * هـذا من اختصاص الحكـومـه نفسـها !
هي صـح تجشع السيـاحـه بس مب بها الطريقـه ! انها تعطييهم الحـريـه الكامـله في امتلاك أراضي وبيوت وبنايات ..
أغلب دول العالـم ما تسمـح بامتلاك لو شقـه اذا ما كنت من مواطني البلاد بس نحن حكوومتناا غييييير ..
يمكـن هـ الشي له ايجـابياته لكـن في نفس الوقت اللي نشوفـه نحن هي السلبيات لا غير ..
أحـس اني طعت بررع الموضوووع طشوونه
أم خدوود .. وياااج أشجـع هـ الفكرة لووول
لا.. اسمحيلي.. غلطتي يوم قلتي إن محد باني هالبلاد كثر الهنود والزلمات..
هذا أكبر غلط.. لأن إللي بنوا هالبلاد هم الشيخ زايد والشيخ راشد الله يرحمهم..
لو بلادنا مثل أول فقيرة، حد بيينا.. والله ولا حد بيعبرنا..
لكن ألحينه كلهم ييونا لما اتوفر لهم دولتنا من أمن واستقرار.. خل نقطع شوي من راتبهم بس.. بس شوي، جوفي شو بيسوون.. هم يبنون المباني مب من طيبتهم ولكن عشان البيزات.. لأن لو ما كانوا محتاجين والله إنهم ما بيون.. لكن شيوخنا الله يرحمهم بنوا البلاد وأسسوا الاتحاد عشان يريحونا مب عشان شي ثاني..
ونحن أصلاً كلنا المواطنين ما نوصل ال 10%.. إذا نحن اشتغلنا هالشغلات.. منو يا ترى إللي بيدير الشركات؟! الهنود؟! هذا إللي ناقص..
اخت اختي *مب قصدي شي في هالرد لكن ملاحظه*
انا خاطري اعرف انتي كيف بتعيشين بدون بشكاره .. ولا دريول .. ولا راعي دكان .. ولا راعي الكفتريا .. ولا ناطور ولا شرطة ولاسكيورتي ولا هالفلبينيات الى يبيعون في المحلات ولا ولا ولا ولا *ولو تميت أرمس مابقدر أخلص من اللسته*
دايما الاحظ انج انتي ضد وجود الوافدين في بلادنا في كل المواضيع الى تخص هالشي .. بس ليش؟؟ نحن مب أحسن عنهم وهم مب أحسن عنا كلنا سواسيه .. شوفيها لو هم موجودين في بلادنا؟؟ تراهم يالسين ينفعونا اكثر من ماينفعون نفسهم
لازم تفكرين عدل .. وبعقلانيه .. كيف بتكون حياتج بدون هالناس؟؟؟
كل العز الى انتي عايشه فيه بيرووح بدونهم صدقيني ,, ف بليز .. قدري وجودهم في هالدوله!!
اختيــه صـح التخـطيط يا من الشيوووخ وغييرهم لكـن منو اللي اشتغل في الاسااس ..اقتباس:
لا.. اسمحيلي.. غلطتي يوم قلتي إن محد باني هالبلاد كثر الهنود والزلمات..
هذا أكبر غلط.. لأن إللي بنوا هالبلاد هم الشيخ زايد والشيخ راشد الله يرحمهم..
لو بلادنا مثل أول فقيرة، حد بيينا.. والله ولا حد بيعبرنا..
لكن ألحينه كلهم ييونا لما اتوفر لهم دولتنا من أمن واستقرار.. خل نقطع شوي من راتبهم بس.. بس شوي، جوفي شو بيسوون.. هم يبنون المباني مب من طيبتهم ولكن عشان البيزات.. لأن لو ما كانوا محتاجين والله إنهم ما بيون.. لكن شيوخنا الله يرحمهم بنوا البلاد وأسسوا الاتحاد عشان يريحونا مب عشان شي ثاني..
انا ما أقصـد انه شيووخـنا ما سووا شي بالعكــس .. الشيـخ زايد والشيخ محمد بن راشد ما قصـروا لولاهم نحن ما وصـلنا لهـ المستوى ..
بس انا اللي أقصــده منو اللي اشتغل بالاسااس .. بنايات دبي بشمووخـها منو اللي بناها ! تهقييين حـد من عيال البلاد ساهم بشي ! غير ببيزاتـه طبعا !
ومـثل ما قالت شمـعه امـل شوفـي وضـع البلاد من دوونهم ! شوفي كييف وضـعج انتي بالذاات بيتغيير ..
أشياء كـثيرة ما نقدر نحـصرها كـانت من وراهـم .. ونـص الفـضل في عيشتنـا هاي من وراهـم ! من بعـد رب العالمـين ..
:)
مـا أدري جـان قريـتوا في مجـله كـل الاسـرة .. ( رياح التوطـين تأتي بمـا لا تشتهيه السفن )اقتباس:
ونحن أصلاً كلنا المواطنين ما نوصل ال 10%.. إذا نحن اشتغلنا هالشغلات.. منو يا ترى إللي بيدير الشركات؟! الهنود؟! هذا إللي ناقص..
قامــت الحـكومـات توظـف المواطـنين اللي ما لهم الكـفاءه في الشغــل .. !
وتبعـد أصحـاب القدرات عـن مكـان العمـل بحجـه كونـهم وافديــن .. !
اختـيه شو العيب كـون الهندي يمـسك الشغل دام انه يستحـق هـ الشي وكفاءته أحـسن مـن المواطـن ..
يمكـن انتي بتـقولين أبا عيال بلادي هـم اللي يتولون هـ المناصب وانا ويـاج .. بس كـل شخـص يفرق عـن الثاني !
مـا أقولـج اني أعارض التوطـين .. بالعكـس انا واقفــه معاه وابا عيال بلادي هـم اللي يمسكـون المناصــب .. بس يكـونون قد المسؤوليـه ..
:)
الصراحه بعد كل الكلام الي قريته
اقوول الله يعينا ..
صح ان الوافدين يخدمونا ويسوون لنا الي نبااه
بس خلو هالشي على صوب
شوفو الامريكان
كيف تارسين دبي ,, سياحه قلنا مب مشكله
بيون وبيطرورون شركه قلنا مب مشكله هذا كله في خدمة الدوله
بس ان يمسكونهم مناصب ( قــويّه ) واداريه
هذا الصراحه ظلم في حق الشعب
يعني معقووله نحن ماعندنا هالكفاءه الي توصلنا على مسك هذي المناصب
صح ان فيه عدد كبير من المواطنين الي ماسكين مناصب قويه
بس تعالو وشوفو > اغلبية البنوك < منو الي يمسكها !!
اكثر الي يشتغلون فيها هنود
ويقولون توطين ,, بس يوم المواطن يداوم عندهم يكرهوونه عيشته
يظغطون عليه ويحاولون بأي طريقه يطلعونه
لين ما المواطن يطفر ويظهر ويدور له على مكان ثاني
الوافدين لهم ايجابيات بس سلبيااتهم كثيره
والحين يبون يزيدون عدد الوافدين في المدارس الحكوميه
والسبب : (( عشان يرتفع مستوى الطالب المواطن ! ))
هذا الكلام ينقص من شأن المواطنين
يعني هم بيدخلون الوافدين عشان يعدلون المستوى التعليمي
ليش المواطنين شو ناقصهم ؟ عقل ولا مخ
الحمدالله المواطنين واايد شطار ,, مايرومون اييبون نسب عاليه وترفع الراس
اكيد يرومون بس المشكله ان البعض فيهم هيازه او يلعبون
مع انهم اذكيااء واشطر عن هالزلماات
الصراحه شي يقهر
بس الحمدالله مثل ماقالت شمعة امل نحن عايشين بنعمه والله
ومرتااحين
بس لو تخف هذي العماله الاجنبيه نحن بخــــير
والجرايم الي تحصل في البلاد بتخف
=====
ثانكس قايد الريم عالموضوع ,, اللي يعور القلب !
قرموشه
يدخلون وافدين في المدارس وايد احسن .. وصدقهم انه يرفع النسبه
انا اجوف هالشي في مدرستنا
نحن مدرستنا بس تقبل شويه يعني صفوفنا صغيره ف نلاحظ الفرق
دفعة أختي الصغيره وقفو الوافدين .. ويوم اجوف بنات صفها والى اصغر عنها ماتحصلينهم اذكيا مثلنا .. تحسون همهم اللعب ومعظمهم في لفلات الفاونديشن .. والهاير تحصلين اقل من خمس بنات فيه
عكس دفعتنا .. عنا شويه بنتين بكستانيات ووحده هنديه و2 مصريات وكانت عنا وحده انجليزيه .. والله فرق .. تجوفينا نحن المواطنات نتنافس وياهم نحاول نيب علامات عاليه ونخلي المس تفضلنا عليهم .. يعني تخيلي الأبله الأجنبيه بتفضلنا نحن الموطنات على وحده من بلادها؟؟ والله لولاهم جان ماحصلنا كل هال A's
هالشي لمصلحتنا
شمـعه امـل أنـا ويـاج في هـ النقطـه :yes: بنت الدلـع كـنت بذكـرها بس سبقتيــنـي :kcl:اقتباس:
الوافدين لهم ايجابيات بس سلبيااتهم كثيره والحين يبون يزيدون عدد الوافدين في لمدارس الحكوميهوالسبب : (( عشان يرتفع مستوى الطالب المواطن ! ))هذا الكلام ينقص من شأن المواطنين
يعني هم بيدخلون الوافدين عشان يعدلون المستوى التعليمي ليش المواطنين شو ناقصهم ؟ عقل ولا مخ
الحمدالله المواطنين واايد شطار ,, مايرومون اييبون نسب عاليه وترفع الراس اكيد يرومون بس المشكله ان البعض فيهم هيازه او يلعبونمع انهم اذكيااء واشطر عن هالزلماات
فعـلا .. على أيــامـي انــا شعـله الحـمـاس والتنـافـس عـ المـراكـز الأولى في المـدارس كـانت دايمـا موجـوده ..
وفـعلا كنـا نحـاول نكـون أحـس عنـهم وهـذا اللي خـلانـا نكـون أذكـى .. ونشـد حـلينا
لكـن لمـا أقارن نـفسي مـع اختـي الصـغيره اللي الحـينـه في الصف3 لمـا كنت بعمرهـا أشوف الفرق واضـح وشاســع ..
المـراتب الاولى يحصـلونـا بسهـولـه وبدون ذاكـ الجـهـد ليش ؟ ! لان التنـافس أصبـح محدود ..
بس أكـيد انا * ما أجمـع * . .
تراج قلتيــها .. هاي هـيه ..اقتباس:
المشكله ان البعض فيهم هيازه او يلعبونمع انهم اذكيااء واشطر عن هالزلماات
نحن أبدا ما نـقلل من مستـوانـا الدراسي بالعكـس نحن أذكـى عنـهم لكـن هـ الهياازةاللي فيـهم وعـدم وجـود روح المنـافسـه هو اللي يخليهـم في ركـود ..
عندكـم سالفـه المدرسيـن والمـدرسـات الوافديـن محد تكـلم في هالموضـوع ؟ !
المـدارس مـنو كـان يدرس فيهـا أول ما تفتحتن ! عيال البلاد ؟ ! أكـيد لا .. واتركـ لكـم النقاش .
قرموشه
مب جنه انا وانتي دخلنا وايد مواضيع ماله خص في هالموضوع؟؟ *لكنها مفيده:fa35: *
عادي نكمل بهالمناقشات ولا بتمسحون ردودنا؟؟؟=s <<< هالسؤال للإداره وصاحب الموضوع
عيل بهالطريقة بيكونون في خطر دام إنهم مأتشلين على العمالة ... والله لو يعتمدون على المواطن لو على الاعمال الميدانية .... شي حلو .. وايدين رفضوا فكرة المواطن يشتغل مراقب لمواقف البلدية ... والحين رضوا ... وحتى تشوفونهم في الجمعيات ... الخ بس هاا لاتعترضون على كلامي وتقولون بدون ... المهم .. المواطنون في خطر .. دام إنه يملكون الوافدين كل شي ... ولهم الاولويه في وايد من الأشياء .. حتى يوم نسير مكان .. خلنا نقول المراكز التجارية .. شوف نظرتهم لك ... من فوق لتحت والعكس .. وين قبل المواطن له هيبه ... الحين بعدك مانطقت ... خلنا نقول نسير لأي بقعة بندفع في جمعية ... أو اتصالات ومن هالاماكن .. اللي توقف فيها في الطابور .. الواحد منهم يربع قبلك بس عسب ماتكون جدامه .. وكم من مره حصلت ويايه .. إنه الوافد يدور جدامي يخلي عمره مايشووف .. لكنمره قلت لوحده لو سمحتي .. دوري ..قالت انا مستعيله .. قلت لها مب مشكلتي .. ووايد أشياء ومنها أخويه من أيام سار بيسحب فلوووس من الإي تي أم ... وإلا إنه الهندي يسرع قبل أخويه مايسحب ..
كم بنرمس اعنبوا ..
صح هم نفعونا في أشياء لكن لهم ضرر بعد .. على الأقل يخلونهم في وظايف معينة والباجي لنا ..
شمعة امل وقرموشه :
صح ان بيكون فيه تنافس
بس اوردي في زلمات في المدارس الحكوميه
والحين بيزيدونهم !
يعني كم طالب مواطن تتوقعون في الصف
الواحد مابياخذ راحته
3 زلماات كفايه
كل المميزات الي يبونها نحن موفرين لها لهم وبعد مب عايبنهم
سيرو بلادهم بيسوون لكم كل هذا !
مستحييل ولا تحلمون بعد
==
ويوم يزيدون المعاشات بعد يعترضون ويتشكون ويتصلون على البث المباشر
احمدو ربكم واشكرووه
هذيل يبون ياكلونا ويبون يقضون علينا
انتو مب حاسين بهالشي ؟
قبل اعدادهم ماكانت جذه فظييعه
اما الحين تارسين البلاد
هذي دولة الامارات ولا دولة العالم !
كفايه يوم الواحد يسير المراكز ويشوف هذيله مفصخين ومستانسين ويطالعونك بنظره
كانك ولا شي جدامهم
====
المزوحي .. صدقت ياخويا
الحين صارت الكلمه للزلمه مب لك
مرحبا دكتورنا .. اشحالك عساك طيبب ...اقتباس:
المشاركة الأصلية كتبت بواسطة الحساس
دكتورناااا شوف وجه المقارنه بينا احنا المواطنيين وبين الوافدين .. بتشوووف فرق شاسع ... صدقني هذا بيأثر مستقبلاً .. يعني احنا تعدادنا 8000,000 هذا العدد ولا شيء بالنسبه للدول الاخرى .. يعني نسبتنااا قليليه جداً .. :boxed:
وان ما اختلفت معااك يا دكتور .. في دكاتره مواطنيين .. بس نسبه قليله جداً والبركه فيكم ... صدقني
والسموحه عالمداخلة يا دكتور الواحة :smartass:
السلام عليكم ورحمة الله وبركاااته
:ice: موضوعي سوى بلبله ( زوبعه brgll: ) مشكورين والله ومب عارف كيف اشكركم .... والصراحه اشكر كل واحد رد عالموضوع والصراحه موضوع مثل هالمواضيع محتاجه للنقاش لانه يمس دولتنا الحبيبه وشعبهاااا
انا عندي تعليق بسيط ..
احنا الحمدالله عا يشين في آمان وهذا بفضل الله ومن ثم شيوخنااا الكرام الله يطول بعمارهم .. بس هذا مايعني ان عايشين في آمان ونييب هالاجانب الي بلادنا ... وموطنون الامارات الذين لا يتجاوز عددهم مليون اماراتي فاصبحوا الاجانب هم من يتحكمون في عاداتنا وتقاليدنا وضرورة تدخل الحكومة و النظر في هؤلاء الاجانب وعدم السماح للمزيد منهم لدخول الدولة ، يعني احنا مب ناقصين ايووون المزيد والمزيد للدولة .. الي يبا ايشوووف ايروح مطار دبي بشوفون اشكثر الهنود الي يووون الدولة الاف الاف منهم ... أونهم ايووون بتاشيرات زيارة ولكن بعد ما تنتهي التاشيرة ايتم في البلاد اسنيين واسنيين.
والسموووحه
قايد الريم
افا ليش موضوعي يعور القلب ،، بالعكس والله مثل هالمواضيع محتاجة للنقاش .. والله كلامج صحيح اختي بنت الدلع .. هم الي متحكمين وماسكين مناصب .. وخاصه الامريكان والبريطانيين والهنود بعد .. وعفكره هم الي يحاربون التوطين .. ما يحبون شيء اسمه توطين...اقتباس:
المشاركة الأصلية كتبت بواسطة بنت الدلع
بالفعل والله شيء يقهر :bye2:
والصراحه انا اشكرج وايد عالمشاركة الطيبه
الله يعيين .. والله يحفظ بلادنا بس ..اقتباس:
المشاركة الأصلية كتبت بواسطة هواجيس مشتاق
تسلم اخويه عالمشاركة ويعطيك العافيه
... انا معاك اخويه شرجاوي .. مافي مواطن يرضى يشتغل عامل أو فراش او مزراع او او الخ انته لو اتلاحظ اكثر هالعماله مخالفين لقوانيين البلاد .. يعني تاشيراتهم منتهية ولا حد راضي يسافر .. يبون ايتمون في البلاد .. :fa36: ...اقتباس:
المشاركة الأصلية كتبت بواسطة شرجاوي
والسموووحه ومشكور عالمشاركة
قايد الريم
السلام عليكم ورحمة الله وبركاتهاقتباس:
المشاركة الأصلية كتبت بواسطة شمعة أمل
يمكن انتي ما فهمتي القصد من الموضوع .. القصد من الموضوع ان نسبة الوافدين اكثر عن بوايد .. صدقيني مافي دولة في العالم نسبة الاجانب عندها اكثر عن السكان الاصليين ...
اختي شمعة أمل .. احنا ما نتكلم عن المواطن حصل بيت أو وظيفة أو عرس .. بالعكس والله الدولة مب مقصرة .. وشيوخنا مب مقصرين .. بس الموضوع هو ان خطر الاجانب على دولتنا يعني اتصوري هو يشكلون 80% من تعداد السكان .. هذا المؤشر خطير وايد .. يعني احنا ولا شيء بالنسبه لهم ضايعيين ..
على سبيل المثال .. امريكا كثرة الجنسيات الي فيهااا اا... الجرائم تزداد يوم عن يوم وفيها مشاكل ما تنعد .. بالهبل ..
بس ما اقووول غير الحمدالله ع كل حاااال والله بحفظ بلادنا من كل شيء ..
والسموووحة
قايد الريم
السلام عليكم ورحمة الله وبركاااته
* جماعه الخير احنا ما نتكلم عن ان المواطن عايش في خير ولا مواطن مب محصل شيء .. بالعكس الدولة مب مقصرة والكل سبل الراحة متوفرة الحمدالله ...
* بس من الملاحظ ان نسبة الاجانب عدنا اتزيد يوم عن يوم .. وهذا المؤشر خطير وايد .. مقارنة بالدول الاخرى احنا ولا شيء .. المواطنيين يشكلون 800,000 هذا العدد صدقوني ولا شيء .. ومع احترامي .. بس صدقوني هذا اثر كله على عاداتنا وتقالدينا .. يعني البلاد انفتحت والاجانب ما خذين راحتهم في كل شيء والدليل على هذا انهم ما يحتشمون يعني ما يحترمون شيء اسمه عادات وتقاليد ... قمنا انشوووف نساء عراة .. :puppyeyes: قمنا نسمع بمشاكل اول مرة نسمع عنهاااا .. جرائم تحصل عدنا بالهبل ... :boxed: .
* قبل اسبوعين تقريبا سمعت ان الاجانب هاجموا وزير العمل / على الكعبي ووصفوه بانه " مافيا " ليش انزين ؟؟ اونه عشان انه اصدر قرارات ضدهم ..
* بالعكس ما يقوم به الوزير في صالح الدولة .. والصراحه ما قصر والله يعطيه العافيه ، مب مقصر في المواطنيين ..
* والله يا جماعه الخير الاجانب يحاربون شيء اسمه ( توطين ) ما يبون حد ايحل مكانهم ...
* ايقووول المثل ( الشيء اذا زاد عن حــدة انجلب ضــــدة )) :fa36:
* الله يحفظ بلادنا من كل شر ,, ويحفظ شعبناااا .. والله يطول بعمر الشيوووخ ...
* الحمدالله ع كل حااااال
واسمحولي يا جماعه الخير خرجت عن طوري بس صدقوني :narr: في حرة ..
والسموووحه
اخوكم / قايد الريم
من انولدت والأجانب أكثر عن المواطنيين وهالشي منتشر تقريبا في كل مكان بس الفرق بينا نحن والدول الثانيه انه نحن نادرا نعطي اي حد الجواز حتى لو عايش هني لخمسين سنه!
لو على قل يعطون عيال المواطنات جوازات وجنسيه هالنسبه بترتفع ..
بس بعد مع زيادة هالأجانب ماجوف انه نحن في خطر
مرحبا والله ...اقتباس:
المشاركة الأصلية كتبت بواسطة شمعة أمل
منو قالج نادر ما يعطون حد جواز ... ياما في مطربين عطوهم جوازات وجناسي ... وياما ناس ما يعرفون عربي عطوهم جوازات ... خليهااا ع الله انتي بس ... صدقيني انا لو اظهر شو الي فخاطري جان صدق بتصدمين :nono:
ومنو قالج ماشيء خطر ... انتي يمكن يالسه في البيت وما تسمعين شو الي حاااصل ...
تحصل جرائم عدناااا بس ما يكتبون عنهااا في الجرايد :vertag: ... يمكن انا اداوم في الشرطة وعارف شو لي يحصل بس خليني :shutup: احسلي .
والسموووحه
الي يقول ان نسبة المواطنين في الدوله قليلة لنسبة الوافدين اقوله صح كلامك.. لكن اذا بنحصر كلمة مواطنين ( يعني مواطن اصلي ومواطن متجنس)
ونسبة المواطن المتجنس بدت تزيد مقارنه بالمواطن الاصلي وهذا الشي حاصل بجميع دول العالم واكبر مثال كندا والسويد الي باب الهجره مفتوح للجميع اذا تحققت في الشخص الشروط الخاصه.
اما بالنسبة للجواز مابقول نادرا مايعطون الجواز.. هيه يعطون بس هب بالاليه السهله مثل الي بدول الغرب يعني بالغرب اذا تحققت الشروط في شخص ما اتوماتيكيا يعطونه الجنسية والجواز على عكس هني بالبلاد يعطونه بس الجواز واحتمال قليل مع الجنسية.
وعلى فكره... هب بس نحن الي ضايعين من بد دول العالم كله .. لا لا.. امريكا ضايغه .. كندا وبريطانيا .. السويد والدول الاسكندنافية.. كل هالدول لو تفتشون في اصل الي عنده الجواز تشوفه هب من اصل البلد.. كلهم متجنسين..
وشعب امريكا هب اوروبيين.. شعبهم الاصلي هنود الحمر.. بس يوو الاوروبيين واحتلوا امريكا..
الي ابغي اوصل له هو : العالم مستمر بالنمو وطبيعي نشوف الناس تهاجر للاماكن الي فيها استقرار ورزق وفير.. ووجود الاجانب بنسبة 80 % غير مستغرب في ضل الانفتاح الاقتصادي الي عليه البلاد الحين.. وللعم .. ان هذه النسبه 80 % هب غريبه على حكومتنا لانها تعرف نتايج الانفتاح شو وكيف بيكون .. والاهم هو السيطره على الامور واتخاذ القرارات المناسبه .
اخوي العزيز الحساس ...اقتباس:
المشاركة الأصلية كتبت بواسطة الحساس
اشكرك الصراحه وفعلاً كلامك صحيح وماعليه غبار ...
مشاركتك افرحتناااا ورأيك اسعدنااا
تسلم ويعطيك الف عافيه
والسموووحه مني عالمداخلة
اخوك/ قايد الريم
ومازلنا متابعين للنقاش ..
يعطيكم العافيه ..
وهالشي يشكل خطر في المستقبل القريب ..
بنت دلع ..اقتباس:
المشاركة الأصلية كتبت بواسطة بنت الدلع
.. الصراحه اشكرج ويعطيج العافيه ..
نسبة المواطنين في البلاد اقل من الربع بالنسبة لإجمالي عدد السكان.. فبالتالي يعتبر المواطنين أقلية في بلادهم .. يعني النسبة تستحق وقفة تبحث سلبياتها وأيجابياتها ان كانت هناك ايجابيات :kkk: ...
المواطنين بعددهم القليل تزيد الامتيازات اللي تمنحهم اياها الدولة وتسعى لتحقيق كل سبل الراحة والرفاهية لهم في كل مجالات الحياة المختلفة ... مثل الأسرة كل ماكان عدد أبناءها قليل زادت رعايتها لهم وزادت من نسبة التركيز عليهم والاهتمام بهم وتدليلهم .. وكلما يزيد العدد تقل نسبة الاهتمام والرعاية والتدليل ..
يعني هاي قد تعد ايجابية في نسبة قلة اعداد المواطنين بالنسبة للسكان .. وان جفتوا الدول الثانية مثل السعودية .. نسبة السعودين عالية بالنسبة لعدد السكان .. لكن نقدر نشوف تفاوت الطبقات في الشعب السعودي بشكل واضح .. بين طبقة غنية وطبقة متوسطة وطبقة فقيرة ...
لكن اذا شفنا الموضووع بنظرة جادة او من زاوية ثانية .. في خطورات كبيرة على المدى البعيد قد تنتج عن كون المواطنين أقلية في بلادهم ..
والأخطر اعتماد المواطنين على غيرهم في تمشية امور حياتهم اليومية ...
كلنا شفنا تطور سلسة أحداث الحرب في لبنان .. من بداية الحرب وكيف إنه كل دولة سحبت رعاياها من لبنان .... ومنو تم في أرض لبنان غير اللبنانيين فقط أصحاب البلاد ..بتقولون تصرف طبيعي .. أكيد طبيعي .. لكن في أوضاع مابعد الحرب .. منو اللي بيعيد البناء ومنو اللي بيعيد التشييد ومنو اللي بيعيد انهاض الدولة مرة اخرى ؟؟ اللبنانيين نفسهم .. والمستثمرين اللي فيها والاجانب واصحاب المصالح .. مابيعوودون الا يوم تستقر الأوضاع تماما ويعاد بناء لبنان مره اخرى ..
تخيلوا ( لاسمح الله ) .. كل الدول سحبت رعاياها .. وتموا المواطنين بس .. عليهم يديروون حياتهم ويعيدون بناء البلاد بداية من أبسط الأعمال .. صح عندنا ناس أصحاب شهادات .. لكن ماعندنا أصحاب الأعمال المهنية والحرفية و و و و ... الخ ... من المهن اللي الحياة تعتمد عليها اعتماد رئيسي ..
سلبيات وايدة وتتزايد بزيادة عدد الوافدين وقلة المواطنين .. ماننسى بعد ضياع الهوية واختلاط الهوية .. واعتبار المواطنين مجرد مصدر للأموال لا غير .. وغيرهم مصدر للإبداع والنجاح وإتقان الأعمال..
مثلا يوم اكوون في دبي واتمشى أحس بالغربة .. أحس اني سايرة مكان وهب نفسه للغير ويقولهم يامرحبا وحياكم الله من غير اي قيود او اعتبارات ثانية... احيانا اشوف مواطنين ( بالصدفة ) في المكان اللي انا فيه واحيانا مساحات واسعة جدا ماشووف ولا مواطن !!..
هذا غير استنزاف اموال المواطنين وسرقتها .. يا مكثر حوادث النصب من قبل الغير على ابناء البلاد .. الكثير منهم يطيحون في مطب المشاريع والاسثمارات .. وشركاءهم يستغلونهم بحكم انهم مب فاهمين الشغل عدل .. فتصير سرقات بكميات كبيرة من الأموال توصل للملايين ..
يعني لو تميت أعدد السلبيات اللي فبالي اعتقد بوصل لعشرات السلبيات .. والوضع لو كان عندنا امتداد للنظر .. هيه خطير للأسف ..:no0: ..
برايي اعتقد لازم اتكون هناك دراسة لكافة الأوضاع على المدى القريب والبعيد.. وقرارات تناسب جميع الأحوال .. وناس يهتموون بالمحافظة على الهوية الإماراتية في بلادها واحترام دينها و عاداتها وتقاليدها وموروثاتها الثقافية ..
في النهاية ... ماقول انه نحن مانحتاج الوافدين او أقلل من شانهم .. البلاد في مرحلة تشهد استثمارات كبيرة وتطوير في شتى المجالات ونحن مالنا بد منهم ونحتاج مساعدتهم .. واخوانا الوافدين اللي وقفوا معانا من بداية الاتحاد ولين احينه لهم فضل كبير علينا وبإيدنا وبإيدهم انبنت الدولة وتأسست أركانها ..لكن كل شي نباه بالتوازن بحيث مايطغى شي على شي .. وبحيث مانسوي امور يكون ضررها علينا أكبر من نفعها ..
قايد الريم .. تسلم عالموضووع واهتمامك بالقضايا الوطنية
السلام عليكم ورحمة الله وبركااااتة
.. مرحبابج اختي الغاليه .. واشكرج عالمشاركة
أكيد في سلبيات أختي .. احنا دولة مفتوحة بكل المجالات .. ومثل ما اتفضلتي ان احنا اقلية قليله جداً مقارنة بنسبة الاجانب الموجودين عدنااااااا ..
صدقوني على عددنا القليل المفروظ كل مواطن سواء عزابي أو متزوج يحصل من الحكومة على بيت شعبي + قرض شخصي ( مالي ) + أرض تجارية + مزرعه أو شيء آخر .....
كنت أقراء جريدة الشرق الأوسط لفت إنتباهي هالخبر عن الاجانب الي في دبي :shock: http://www.aawsat.com/details.asp?se...39&issue=10106
مشكورة اختي عالمرور .. والصراحه كفيتي ووفيتي وما قصرتي
قايد الريم
اعرف عن سالفة الجرايم عنا كم من شخص في الشرطه:harhar1:
بس ماعندي شي اقوله بعد الحساس .. صدقه .. يعني كمممممم آدم امريكا تعطي الجواز والجنسيه لهم في اليوم؟؟؟:kkk: مع اني ماأوافق ويا شرووط حكومتنا عن سالفة الجنسيه خصوصا يوم مايعطون ولد المواطنه الجنسيه < اعتبرها سخافه بصراحه .. بس بعد .. زين يسون من ناحية انه مايعطون اي حد الجنسيه:daleel:
ف عشان جييييييي زين انه نسبتنا صغيره .. ترانا unique :fa35:
هاي سياسيه الدولة محد يقدر يدخل :boxed:اقتباس:
المشاركة الأصلية كتبت بواسطة شمعة أمل