على شو نادمين في حياتكم؟

دخولي لجامعة زايد لدراسة الاعلام .. أكبر ندم في حياتي .. تخطيط فاشل الف بالاميه


شاركونا بمآسيكم

ندمانه لأني رفضت عرض بابا يوم قالي آخذلج البيجو اليديده .. ونا حضراتي متفلسفه .. لأ ابي أفالون أو جيتي وبس ..

توني يوم اشوف البيجو اليديده .. قلبي عورني وقلت .. لو كانت عندي احينه جان ظهرت وتونست بدال قعدة البيت البايخه ..

أنــا ندمــانــة لأني دخلت علمي .. مع أنه ميولي علمي

وندمــانة لأني تخصصت تربية انجليزي .. مــا أداني هاللغــة:no0:

والسموحــة....)

أنـا بـعد ندمـت ليش دخـلت عـلمي ,, كـرفنا وذبحنا عمارنا سنتين ولا فـادني بـشي في الجامعه:fa36: والأشـيـا أللي خـذتها ودرستها كـلها طبعاً نسيتها :fa36: ,, وأكـثر شي ندمانه عليه في حيااتي أنـي أتـعرفت ورابعت وحـده كـرهتني وعقدتني حياتي :boxed: ,,


ومشكوره ع الموضوع المآساوي لوول :ice:

انا ندمان لئن ما اعرف اختار ربع شرات الناس !
وصدق اللي قال ربيعك يبيعك
:no0:
الحمدلله ع كل شي

انا ندماااان اني في يوم ماكنت اصلي ..
بس الحمدلله الحين اصلي بالوقت ..
بس لييين الحيين ندمااان على شي .. ندمااان ان السنه اللي طافت طلع اسمي في كلية الشرطه وماسرت ودخلت الجااامعه
ووكرهت اليووم اللي دخلت فيه الجااامعه
بس الحمد لله على كل حااال

ندمي الأكبر إني سافرت ألمانيا حتى أدرس تخصص الهندسة الميكانيكية لكن دناءة اللغة الألمانية فوق كل تصور و الدراسة باللغة الألمانية شي بشع و مجرد إنك تحاول تكتب أو تتكلم تتلخبط الكلمات و القواعد اللعينة مع بعضها البعض ... قبل ما أسافر ألمانيا كنت في العين و في جامعة الإمارات بس والله شو أقولكم ماكنت أدرس و كنت أسكر الدرجات بكل راحة و هدوء هني حسيت إن في شي غلط و هو إن الجامعة سهلة و مريحة و شغل على البراد من البداية حتى النهاية لكن ألمانيا هي العكس لعب في قمة الخسة و الدناءة من أول يوم و حتى تفارج ويهم ... لازم الواحد يدرس كل يوم أقل شي 12 ساعة حتى ينجح بس و بدرجات جيدة لكن مستحيل و من رابع المستحيلات إن الواحد يسكر الدرجة النهائية و لا حتى لو تم صاحي طول مدة الكورس ما ياكل و لا ينام و لا يشرب بس يدرس و يصرف كل الوقت على الدراسة بعد مستحيل ... الدراسة في ألمانيا صعبة لأن الدراسة باللغة الألمانية لكن كثافة المعلومات اللي لازم الطالب يتعامل معاها بعد ما أقدر أوصفها ... حتى تدرس في ألمانيا و تنجح لازم تكون طالب دقيق و قلبك كبير و صبور في نفس الوقت و ما تعصب و تكون عندك إستراتيجية طويلة الأمد ... لكن ما أقدر أقول غير كلمة وحدة أنا ورطت نفسي و الحين مالي غير أكمل اللعبة و لو درست في الثانوية العامة مثل دراستي اللي أدرسها الحين في ألمانيا كنت بكون و بكل سهولة الأول على الدولة و كنت بدرس في بريطانيا أو أمريكا باللغة الانجليزية و الحياة بتكون حلوة و سهلة :)

الحياة بتكون حلوة سهلة :( Just Bring It Along

حــُـبـي لإنســان كـان يخونـّـــي

هلا ..
انا ندمانة لاني تسببت في ضياع انسانة قريبة جداً مني بدون ما ادري..كانت قريبة مني..اتقولي كل شي .. في الفترة الاخيرة كانت تقول كلام خطير وانه لو ما استوى جي هي بتسوي اللي فـ راسها .. وانا بغبائي كنت اتحراها بس اتفضفض كعادتها .. خليتها اتكمل وانا ساكتة :fa36: حتى ما نصحتها او قلتلها عواقب التفكير في هالشي ! والحين خلاص الرمسة ما تنفع :( اليوم انا ندمانة بشكل كبيير .. لكن الله يوفقها ان شاء الله ..

بوظبـــــــــي .. ما من شـــر ،، شو هالمــآسي اللي اطلعيلنا اياها كل يومين .....

أنا و بــلا فخــر ندمــانه على يوم طــاف و ما عشتــه صح :kkk: .. و على يــوم مــر و ما حسيت بحلاوة الدنيـــا فيه .. و يــوم كان موودي فيه أي شي .. و يــوم رقدت ثلاث ارباعــه و ما سويت فيه شي ينفعني :boxed:

بس في النهايــة إيمانا إن كل شي صار و بيصير في حياتنــا مقــدر و مكتـــوب .. و يستوي لنا لسبب يخلينا نقــول الحمدلله على كــل شي ،،

و ما ننـــدم :yes:

طفلــــ:ice: ــــة

منصــــــــوري دولتنــــــــــا ..

خــــــــــل عنــــــــــك و لا تعدل كلامك .. كشفنــــــــــاك خلاص:fa34:

مو ندمانه علي شئ :smartass:

عـلى الشو نـدمـانه :kkk:

مب نـدمـانه على اي شـي ,,
لانه كـل الى سويته وندمت علـيه ,, تعلمت منه درس

الحمدلله على كـل حـال
:fa35:
:

انا ندماااااااااااااااان لاني دخلت شي اسمه جامعه الامارات>>> يعلها الحراق ان شاء الله


ولازم الانسان يوم بيسوي شي وبيندم.. اكيد بيتعلم منه دروووس واشياء كثيره هو ما كان يعرفها او يحسن التصرف فيهاا,,

بالنهايه مانقول غير هذا المكتوب لنا :)

"خيال"
ياخي كل ربعنا اللي وياك تخرجوا إلا إنت
أشوفك مغرز للحين شو
تسوي ؟
:harhar1:

lo0o0ol

ياخي يمكن ربعك يدرسون شريعه وقانون

اما انا ادرس هندسه الغالي خخخخخخخ

وتعرف الهندسه كم سنه يبالها

5 سنوات ونص ولو تاخرت بتخلصها ب6

انا الحين بالنص يعني 5 ونص ياحليلي والله


يلا ماباجي شي ^__*

اذا بتسمح لي ( بوظبي ) .. بس حبيت اقول لطفله : ندمان اني طلــّـعـت اللي ف خاطري هنيـه بعد ...

إذا بتسمح لي بوظبي :: أفــــــــــــا .. و لا تزعــل و لا تندم و لا تتعب شعــورك ياخوي .. اعتبــرني ما شفــــت ،،

بعد إذن بوظبي: انا شفت بس بعد بسوي عمري ماشفت !

حلـــــــــــم // و انتي تشوفينــه ينــزاد عشان تقوليلــه شفت:boxed: ..

سمي عمرج ما شفتي بس طرشيلي ع الخاص استنتاجاتج و تعليقاتج :fa34:

بوظبــي // امسحي عقب اي شي تشوفينه ماله علاقة بالموضوع .. بس ردودنا ترى جزء من ندمنـــــــــا :kkk:

ندمانه على ايام ظاعت من حياتي بدون سبب مقنع
بس الحمدالله الواحد يتعلم من هالشي

ثانكس ام خدود ..

عادي عادي .. فضفضو على كيفكم .. بصفتي بـوظبي .. أعطيكم مطلق الحريه للتعبير :fa38:

ندمااانه على اني كنت غبية في واااايد أشيا وياااليت اقدر اني اصلحها

اتوقع لو قلت الصراحه .. انا ندمانه على شو في حياتي .. بقدر اكتب لسته طويله طولها خمس امتار:hist: .. بس بعد .. لو قسمت الصفحه لقسمين .. وقسم *على شو انا ندمانه في حياتي* والقسم الثاني *شو تعلمت من هالأخطاء او "مطبات في حياتي"* .. القسم الثاني بيكون اطول بوايد

في رايي ... هالأشيا العبيطه الى نسويها ونندم عليها هي الىshapes our personality ... الحمدالله ننصدم ونندم ونصيح ونتأثر .. هالاشيا الى تكبر عقلنا .. بدال اللعب والسخافه والناس يعتبرونا تافهييين

^^^^:fa34: عجبتنيه نظرتج

انا الصرااحه ندماانه على شي:هو إنيه على آخر ايام المرحوومه يدووه ام الوالد كنت اخاف اقعد معاها لأنها كانت مشلوووله وشكلها :no0: ... كنت اروح المستشفى بس ماادخل علقت صورتها عنديه ماكنت احب اشوفها كذى دومها كانت الزعيمه الله يرحمها ..واكبر غلطه كنت اكذب على ابويه إنيه دخلت وسلمت عليها
واشيا كثيره نندم بس لابد نتعلم

اشيا وايد ندمت عليها بحياتي

وفي اشيا تعلمت منها واشيا للحين اتعلم منها

كلمه دوم كنت اقولها (الحب يعز ما يذل

وتخليت عن هاي المقوله في يوم من الايام

وندمت لاني سامحت انسان على كذبه واثر حياتي

معاه كلها اكاذيب واقول ما عليه ربي كريم

ندمت اني اذل نفسي يوم واقول ما عليه هذا الحب

وللحين اتنازل واتنازل ادري اني انا الغلطانه بس

استاهل انا اللي سويته بنفسي

واشيا واشيا وايد

والسموحه

ندمت اني دخلت الجامعة لكن ما اتخصصت التخصص اللي كان في خااااااااطري ..

انا على ماذا ندمان
ندمان على كوني ما بيدي شيء اقدمه او ادافع بيه
عن الاطفال في قانا وغزة و ندمان ويحرق قلبي صور الاطفال اليموت كل يوم
وانا ما بيدي شيء هذا هو ندمي الحقيق وكل شيء كنت اندم عليه لاقيته لعب اطفال
ما هو بندم

اكتشفت اني ندمانه على شي اليوم

على أخسف نعال اشتريته في حياتي وعععععععع وكعبه طويل .. الله يعين
:puppyeyes:

- ندمان .. لأنني ندمت على ندمي ..... وقد أتمنى أنني لم أندم !!

ندمانه .. لأني اخترت هالشي .. والحين مقيدني "نوعا ما" و "بشكل اكبر من كبير"

اكتشفت إني ندماانه..لأني اهملت صحتي واهملت حالي وهمي الأكبر كاان شوفت إلي يعزووني ويحبووني وارفض العلاج غباااااااااء وانا باشد الألم
وماينفع الندم:no0:

ندماانه..لأنيه كنت اطرد الصغاريه من بيتنا..كنت احرمهم من لعبهم عسب اوني اذاكر وانا بصوب الثاني خامدتنها رقااد:doh: ..وتفلسفي إنيه اروح خوانيج بالمزرعه اذاكر وارجع البيت ويدي متقرصه ومنفخه من البعووض <<<ذكرياات الثنويه:hist:

ندمانه على اختياري .. اتمنى إنه ما يأثر علي

اذا بصفف لسته الاشياء الي ندمانه عليها ما ضني بيسدني المكان ,,,

ندمانه باختصار شديد على غبااااااااااااااااااااااا ااااااااااااائي وتسرعي وعصبيتي الغبيه


بوظبي .,, أشكرج ع هالموضوع لو اني ما اقدر اطلع الي في خاطريه

ندمااان اليووم لأني بدلت اللااعب في البلي ستيييشن وحسرت !!

خخخخ

انا ندمااان لأن فيي يووم كنت مرااابع ناااس للأسف ان كنت معتبرهم أكثر من أخوااني
وطلعوا .........
ربع ما يهم اللا البناات والمظااهر والمصلحة ..
تخيلوا ربع 6 سنين يطلعوون جذي ..أخواني كانوا يقولولي لا ترااابع هذييل ترااهم ما بينفعووونك ..

بس الحمدلله ان الحيين ربعي أحسن ربع ..

ندمانه على كل لحظه ضاعت من دون ما اقول حق يدوه اشكثر انا احبها قبل لااتطيح مريضه

بوظبي ... بدون ما تقولين...يدتج حاسه بحبج بدووون شك:fa35:

ندمانه لاني ما كملت دراستي من زمان .. الناس وصلوا الكليات والجامعات وانا بعدني في الثانويه
وبهالشي كل اهدافي وطموحاتي انهدمت ..

لكن ..

لا يأس مع الحياة ولا حياة مع اليأس

بكمل دراستي وبوصل بإذن الله المكان اللي ابغي اوصله :)


مشكوره الغاليه بوظبي



نجـــــــ دبي ـــــــــمة

همممم

- ندمانـه اني ابتعدت فـتره جريب الـ سنـه عن أقرب قريب .. وأكثر أنسانه قربتها مني
ما كنت السبب ؟ .. بس ما حاولت اغير الوضع
بس استانست اليوم لاني جفتها اون لاين من اخر يوم امتحانات وعادت المياه لمجاريها
فـ من كثر ما انا مستانسه , ندمانـه اني ابتعدت عنها السنه اللي طافت ..


- ندمانـه إني جرحت شخص ( ومستحيل انسى فيوم إني سويت هالشي ) صح ماكان قصدي !
ومب من خاطري , لكن ما بسامح عمري ابـد لان صدق مستحيل ألقى روح طاهره شرات روح هالشخص ..


تعرفين بوظبي موضوعج خلاني اعيد النظر في كمن سالفـه
مشكووووره ^_^

نـدمـانـه على هـ الطيبـه اللي أعطـيها للنـاس !
بس في ناس يستاهـلون حرام ما أكون طيبه معاهـم
ندمـانـه على ثقتي الزايـده في الكـل !
بس أنـا في أمـس الحـاجـه لحـد أوثـق فيـه