عـــــرس الـــــواحـــــــــــات

السلام عليكم ورحمة الله وبركاته.....

ملاحظة اولية .. اللي يقرا الموضوع يشغل مخيلته شوي ويتخيل انه صدق يشوف احداث العرس ويتخيل بعد انه كان في موقع الحدث:yes: .. واذا كان معرس فبعد تخيل انك صدق معرس وفي عرس جماعي وظاهر في التلفزيون وهذا الاهل مسجلينه لكbrgll: .. اما العضوات .. فتخيلوا انكم تشوفون العرس في التلفزيون..
بسم الله نبدأ...


اليوم تاريخ مهم في واحات بن دبي.. حيث يقام عرس جماعي لأعضاء الواحات .. على شرف الاب المعطاء بن دبي .. (( خلوني احول على العامية احسن:smile2: ))
اليوم طبعا انا مراسلتكم عنود الريف من قناة سما الواحات..http://upload.bindubai.com/download/konkon/sama.jpg
بنقلكم حدث مهم ومميز لهاليوم ..
ان شاء الله اليوم بيحتفلون اعضاء بن دبي:atmasha: بعرسهم الجماعي حيث تلتقي الفرحة وينتقلون كلهم إلى عش الزوجية في يوم واحد :fa34: ..
طبعا العرس الجماعي كما هو معروف ما يقتصر على العشا (( واللي قبل كان عيوش وذبايح وهريس .. بس الحين اتطوروا .. قاموا يحطون مقبلات من تبوله وحمص .. وعقب اونه الطبق الرئيسي.. اللي هو العيش بأنواعه .. واخيرا يختمون العشا بتحلية .. قبل يحلون يمكن بعصيدة.. الحين يحلون بأم علي وكارميل وغيره من الحلويات اليديدةbrgll: )) .. ولكن فيه احتفالات وأغاني وأهازيج طبعا بأنواعها المختلفة.. راعي العرس طبعا ما قصر لا في العشا ولا في تبني الفرق الغنائية..

طبعا كوني انا المراسلة الوحيده .. فانا بنقلكم كل فرقة بشو بتطربنا وبقولكم طبعا شو نوع هالفرقة وشو مميزاتها وإلى آخره...

خلنا نسير الصوب هذاك .. لاني اشوف ان الفرقة هذيج بدا الطرب عندها .. :fa47:
وصلت .. هذي الله يسلمكم .. فرقة العيالة ...

مثل ما انتوا تشوفون الفرقة مكونة من صفين من الشباب يغنون ويرزفون .. والجماعة اللي في النص تعزف على الطبول .. طبعا هاي الفرقة معروفة من زمان واصيلة عند العرب .. وكانوا في الماضي يؤدون هاي الرقصات والعزف بعد فترة الحرب، لكنهم بدوا يستخدمونها بعد في الاعراس.. وأحيد انهم يسمون هاي الرقصة بالرقصة الشريفة ، لانها تمثل الشجاعة والفروسية والبطولة وغيرها من العادات الأصيلة.. اتشوفون هناك ،، لا مب صوب اليسار .. شوفوا صوب اليمين .. هيه هيه هذاك الريال.. يطولي بعماركم هذا رئيس الفرقة واتشوفون انه معلق في رقبته طبلة اسطوانية ويسمونها الكاسر ويدق عليها قو بحيث الصوت يكون عالي ويحمس الحضور.. تحمستوا انتوا؟؟ انا متحمسة..

خلال هذا البث .. خلونا نسوي مقابلات مع العرسان..
بما ان مسافر للجفا اقربهم لي فبنبدأ معاك ..
عنود: مرحبا اخويه مسافر للجفا ..
مسافر: مرحبا بج اختي ..
عنود: شو شعورك في هاللحظه والكل حواليك يحتفل معاك حفل زواجك؟
مسافر: سالتيني عن الشعور .. وشعوري في هاللحظه ما اعتقد اقدر اوصفه بكلمات بسيطه بس اقدر اقوولج ان مستانس وانا احتفل ويا باقي اخواني من واحات بن دبي .. والله يدوم هالفرحة علينا ..
عنود: آمين يا رب .. وانخليك تكمل فرحتك..

طبعا انتوا تشوفون ان الكل مبتهج وفرحان وشعور يمكن ما ينوصف.. ويييه انا اشوف قلوب دبي .. خلنا نغتنم هالفرصة قبل ما تفوتنا ومحد يسويلنا سالفة ..
عنود: ألف مبروووك اخويه قلوب.. ما شاء الله الفرحة باديه على محياك .. والله يديمها ان شاء الله
قلوب: الله يبارك فيج .. وتسلمين اختي وان شاء الله الكل يفرح وعقبال باقي اعضاء الواحات ..
عنود: سؤال واحد بس اخويه قلوب.. هل كنت متوقع ان العرس يكون جذي والا في خيبة امل ؟
قلوب: لا والله ... بالعكس العرس فاق التوقعات .. واللي حلى العرس زياده هي الفرحة اللي تشاركنا كلنا مع بعض في هاللحظه .. فمنو ما يتمنى هالعرس؟! عنود: صحيح اخويه .. وان شاء الله توصل هالفرحه للباقين في الواحات وعقبال الجميع.. تسلم اخويه

والحين نحن بننتقل للرقصة الشعبية الثانية .. واللي هي الرزفة .. ننتقل لها الصوب الثاني .. بخبركم شو الرزفة لين ما نوصل هناك ونسمع شو يغنون ..
الرزفة معروفة اكثر عند البدو من الحضر .. بحيث تتكون من شباب يكونون صفين متجابلين ويه بويه ..
ويوم يغنون .. الصف الأول يغني البيت الأول .. أما الصف الثاني فيكمل البيت الثاني.. وكل مرة يكون لهم دور يعني بالترتيب .. وصلنا لهم بس اول خلوني اكمل اللي عندي ... فمثل ما قلت لكم كل صف يردد البيت اللي عنده والصف الثاني يكمل .. وبهالطريقة لين ما تخلص الأبيات .. طبعا البيت ما يرددونه مرة وحده .. بالعكس يرددونه كم من مرة ..
ما ادري اذا انتوا تشوفون ويايه بس .. هذاك الصوب المجابل .. اشوف محب الشيخين والحاضر الغايب واقفين مع بعض يتابعون الرقصه ..
خلوني الحق عليهم .. :ttmasha:
عنود: الف مبرووك اخواني محب الشيخين والحاضر الغايب والله يهنيكم ان شاء الله ..
محب والحاضر: الله يبارك فيج وعقبالكم ..
عنود: اذا كانت لكم فرصة انكم تغيرون شي في العرس الجماعي.. فشو بتغيرون؟ هل بتنقصون شي او بتضيفون شي ؟
محب: والله انا ابغي ازيد شي واحد .. اللي هو ان يكون العرس الجماعي يكون لكل أعضاء الواحات .. وما يقتصر على كم عضو..
الحاضر: حتى لو كان ياهل ؟؟؟
محب: لا مب ان ياهل .. بس تكون عنده المقدرة يعني .. افهم يا ريال ...
الحاضر (يضحك): هيه صح انا فاهمنك اصلا .. صحيح نبا الكل يشاركنا ويحس بالفرحة اللي نحن عايشينها الحين .. والعرس ما عليها قصور في رايي ...
عنود: تسلمون والله يوفقكم ...
الفرقة بدت.. فخلونا نسمعهم ..

سالم سعيد باشكيلك في ظبي طاح لوطاني
شيبني شمسي ادخيلك طحت في الحب غرجاني

سالم سعيد باشكيلك في ظبي طاح لوطاني

شيبني شمسي ادخيلك طحت في الحب غرجاني

ومثل ما انتوا تشوفون ان الصفين مب بس يرددون لكنهم يرقصون على ايقاع الأبيات بحيث انهم يهزون راسهم والأيادي متشابكة ..

عنود: اخويه لماح .. لو سمحت
لماح: نعم ..
عنود: الف مبروك اخويه ... ونتمنى لك السعادة ان شاء الله ..
لماح: الله يبارك فيج .. الجميع ان شاء الله..
عنود: بما انك في عرس جماعي وانت واحد من العرسان .. فهل برايك ان العرس الجماعي احسن والا كنت تفضل يكون عرس خاص فيك بس.. ؟؟
لماح: لا والله .. بالعكس . العرس الجماعي مخفف علينا بعض الاعباء المالية .. ولكنه يزيد الفرحة بينا .. وخصوصا ان نحن اعضاء واحات بن دبي .. فاغلبنا يعرف الثاني .. فهالشي يزيدك وناسة ويوثق الصلات اللي بينا.. عنود: أكيد اخويه .. والله يدوم العلاقات الطيبة بين بعض.. تسلم اخويه واخليك تكمل فرحتك ..

يالله قدرت ازقر ( انادي) على لماح والا جان ما حصلته ..
خلونا ندور حد ثاني قبل ما تبدأ الفرقة الأخيرة ..
ما شاء الله من الزحمه مااروم اشوف حد ... كان المفروض اشل ويايه علم عليه شعار سما الواحات عشان شوي يسوولي سالفه ..
واخيرا لقيت الاسطوري..
عنود: الف مبروووك اخويه الاسطوري .. (( ولا 100 مرة قلتها اليوم))
الاسطوري: الله يبارك فيج وعقبال الباقين ان شاء الله ..
عنود: ان شاء الله .. اليوم طبعا يوم كبير بالنسبة لك .. منو كنت تتمنى يكون متواجد؟؟
الاسطوري: الحمدلله اليوم صحيح يوم كبير .. والحمدلله الكل متواجد ويشاركني فرحتي ..
عنود: الحمدلله .. والله يوفقك ..

عقب كم من لقاء ويا العرسان خلونا نسير صوب الليوا ..
الليوا معروف عنها انها رقصة شعبية تخص اهل البحر اكثر من اهل البر .. قبل كانوا اييبون الليوا قبل الرحلات البحرية لباقي المناطق سواء كانت الخليجية او الهند .. ويقولون ان الليوا يت من العمال الأفارقة نتيجة تعامل اهل الخليج مع أفريقيا .. وبدوا يييبونهم في الأعراس لان فيها ايقاعات تسر الناس الحاضرين والمعازيم .. مثل ما انتوا بتستانسون وانتوا تسمعونها الحين ..
الليوا مكونين الحين حلقة دائرية وهم حفيّ (( حفاة الأقدام يعني)) وفي النص تشوفون عازف المزمار او مثل ما انسميه الصرناي ... وحلقة الشباب تتجدم خطوتين وترجع خطوتين وهم يدورون عكس عقارب الساعه .. وبعد يستخدمون الطبل في هالرقصة .. ممكن هالحلقة تكبر وتوصل إلى 40 شاب او حتى اكثر.. ولعلمكم ان ليوا كلمة عربية مشتقينها من "لواء" وهو العلم مب الرتبة .. وفي كينيا الليوا معناها مبتكر الرقصة او دائرة الرقصة ..
وبهالطريقة بيكمل العرس مع الفرق والرقصات الشعبية .. لين ما يخلص العرس..
ولكن قبل ما نخلص خلونا نقابل اخر عرسانا ..
محد بقى من العرسان ما تكلم غير كلكلووش وذنيني.. وخلونا نسير لهم وانشوف شو رايهم ..
عنود: مبرووووووك كلكلوووش وذنيني .. كلكلووش و ذنيني : الله يبارك فيج
عنود: المايك لكم وقولوا اللي تبونه..
كلكلووش : انا ببدأ .. انا اليوم ابارك لاهلي ولباقي العرسان .. والحمدلله الفرحة ما كانت فرحة صغيرة .. بالعكس كانت اكبر من المتوقع .. واتمنى اللي ما عرس يعرس عرس جماعي حتى لو ويا عيال فريجه .. لان الفرحة غير . .. والحمدلله انا اليوم ما انتقل لعش الزوجية بروحي .. انا انتقل لها مع اقرب ربعي واقرب ناسي اللي هم اعضاء الواحات..

ذنيني: عطني المايك .. خلني انا اعبر بعد .. الحمدلله .. نعمة من الله .. اليوم نحتفل مع اقرب ناسنا واهل والكل فرحان والحمدلله .. نحن محتايين من الدولة تشجع هالاعراس .. والشباب المفروض ما يستحون او حتى يضايجون لانهم بيعرسون في عرس جماعي لان لها طعم غير ... ويرجع المايك لعنود ..

عنود: الله يدوم هالفرحة وان شاء الله تتغير نظرة الشباب للاعراس الجماعية ..

في ختام بثنا اليوم .. اتمنى الكل ذاق طعم الفرحة اللي الكل عايشنها هني معانا ... ونتمنى النظرة تتغير ونشوف اغلب الاعراس تكون جماعية ان شاء الله
ونلقاكم ان شاء الله في عرس جماعي قريب ,, وان كان نسائي ..

استودعكم الله والسلام عليكم ورحمة الله وبركاته..

ملاحظة: للعلم فقط بأن هذا الموضوع من قبل عضو وليس إداري
ملاحظة ثانية: شكر خاص للأخ مسافر للجفا على الدعاية الترتوووبيه في قناته العجيبة واشكره على تقديم البث في قناته ..

الســـــــــــــــلام عليـــــــــــــكم...

مســــــــافر للجفـــــــــــــا :9admah: ..

قلـــوووووب دبــــــــــــي:9afgah:..

محـــــــــب الشيــــخيــــــن :m6awa3: ..

الحـــــــــاضر الغـــــــايــب:m7tar: ..

لمـــــــــــــــــــــاح :mar7ba: ..

الاسطــــــــــــــــــــــوري :afaker: ..

كلكلــــــــــــــــــــــــــوش :ma9dom: ..

ذنيــــــــــــــــــــــــــــــــني..:atmasha:

ألف ألف مبـــــــــــــــــــــــــــــــــــــــــرووووك. ..brgll: و كلولولولولولولولولولولولولوولولولولولولوولولولولول وش... :waa:

و الله و شفنـــاكم معاااااريــــس :kcl:

..

منـــــــــكم المــــــــــــال .. و منهــــــــــــم العيـــــــــــــال
:fa35:

..

أسميــــــــــني استمتعت و انا أتخيـــلكم مصطفيــــن ببشـــوتكم..
:bye0:

..

..

..

عنـــــود الريف..

مــاشاء الله .. موضوع حـــلو.. و يستاهل القرايه..
جــداً.. جداً .. استمتعت.. ^_^

:fa34: :fa34: :fa34:
وهنيــه عــرس وانا ما ادري
احجزليه كرسي وراجعه ابارك للمعاريس
:fa34:

مرحبااا ملايين مايسدن

>> خششمج << :fa34:

يا ويلي عليج يا عنوود
الصراحه كفيتي ووفيتي :fa35:
العرس عجييب الصراحه
والي محلنه اكثر وجود اعضاء الواحات :m7tar: ومقدمة البرنامج الي هي واايد عزيزه علينا:inlove:
>> الا بتخبرج انتي شو تسوين من بين الرياييل :kkk: <<
جان خبرتيني على الاقل بساعدج في التقديم :fa46:

استمتعت وااايد بالعرس :fa34:
والفرق الغنائيه واايد حلوه واطربتنا وعيشتنا بجو ثاني
ومبروووووك للي عرسو كلهم :love9: ،، (( وفي الحقيقه اقوول عقباالكم انشالله )):kcl:

انا شغلت مخيلتيه من الخاطر جنيه صدق يالسه مجابل التلفزيون :yes:

انزين ماعزمتونا عالعشا :fa35: مايستوي بس نطالعكم وانتو تاكلون
بطونكم بتعوركم :fa56:

ومشكوووره مره ثانيه ياعنوود :8:
موضوعج وااايد غاوي وموفقه باذن الله
>> يكسر الروتين << :fa42:

السلام عليكم

مبروووووووووك لكل اللي عرسوا .. :fa34:

..

عنود الريف ,, موضوعج عجيييب
و اسلوبج ماشالله واييد حلوو ^_^

والله انا اقول المال والعيال على اختنا عنود لانها هي اللي وهـّــقــت الشباب ف العرس ....
والله مجهود تشكرين عليه وحقيقه عيبتني كلمات الرزيفه ..
شكرا عنودنا

لووول .. حلوة الفكرة :)

مشكورة عالموضوع الحلو و دمتِ متألقة

http://upload.bindubai.com/download/...-oasis-New.gif

العيال كبرت :ice:

عرفتي اتنسقين الموضوع واترتبينه
وماشاءالله عليج
من تعبير وإخراج >> أبدعتي ^_^

http://upload.bindubai.com/download/...-oasis-New.gif

مشاااااااااء الله علييييج أختي عنود الريف.. تسلم أناملج اللي كتبتها :fa35:

صراحه العرس واااايد حلو خخخخخ اللي يقول رحت له :harhar1:

بس ليش ما كان فيه هبــــــان؟؟؟:negab: ( أهم شي هذا):fa56: :11: :whistling:

:5: :5: :5: :5: :5: :5: :5: خخخخخ سويييت حشرة :harhar1:

(مسافر للجفا.. قلووب دبي .. محب الشيخين .. الحاضر الغايب.. لمــاح .. الأسطوري .. كلكلووش .. ذنيني) ألـــــــــــف مبروووووك يا أعضاء الواحه .. وعقبال ما يصير حقيقه :yes:

يالله عقبال باقي أعضاء وعضوات الواحه ولاا تزعلون :harhar1: :sad4:

أووووووووووه
والله والعــيااال كــبرررت وتجـوزت :bye2:
لووولز

ان شاء الله نشـوفكـم معارييس صدق يا ربي :kcl:

عـنوود الرييف
.. أسمييني استانــست على موضـوووعــج ..
واايــد حـلو الصــراحـه .. ووصلتــي لنــا المعلوومـه بطـريقــه حـلوة ..
تسلمــيييين الشيخـه ولا هنتــي ..
:fa35:

عيبتني وحده قالت وين الهبـان خخخخخخ ؛؛ تحياتي ...

امس كان عرس ربيعي وصدقوني اول مره اكتشف اني مسكون بكم ( ينـّــي )


...

:fa34: مـا شــاء الله عــرس ولا كــل الأعــراس:fa34:

تسلمــين عنود الريف ع المــوضوع الغــاوي ،، شوقتينــا بــه من زمــان ،، أسلوب راقي وسرد جميل

وألف مبــروكـ للعــرســان مقدمــاً

اوووووووووووبس عرس :shock: ميغسي على المشاركة،،


الللللللللللللللللللللللف مبروووووووووووووووووووووك :hist:

وعقبااااااااااااااااالي انشاالله brgll:


لاهنتي يالخبيلة على عرس الواحات :fa35:

تحياتي لج



شقيقج

فتان القلوب

:fa34:

مـاشالله عـ المعــاريـــس

يـاحيهــم والله

الف الف مبــــرووووك للكــــل
:fa35:

تسلميــــن اختيـــه ع المـوضــوع الحلــو

استمتعنـــا وعشنـــا الجـــو
:ice:

وانا وين اسمي فديتني خخخخخخخخ انا بعد اباااااااا اعرسسسسسسسس ما يخصني خخخخ

عرستوهم ببلاش هااااا انا بعد ابا اعرس ببلاش ما يخصني



لي رجـــعه..

فيني رقاااااااااااااد باجر بكمل الموضوع

مبروووووكين عالمعاريس :fa34: :fa34:

هههههه ألف مبــروك لكـل اللي عرسـوا ، وهـاردلـك للي راحــت عليهم > خبال الحب وربعه خخخ


موضووعـج وايـد حلو وخفيف اختي عنود الريـف .. الله يعطييــج العافيـة ، وعقـبـالج ..

بصراحــــــــــــــــــــ ـــة
ألخص ردة فعلي بكلمة

مذهلـــــــــــــــــــــ ــــــة:fa35:
عنودنا لج مستقبل زاهر ماهر باهر ماطر شاطر بعون الله
عين الله ترعاج ياقمر

وعقبال ما نزفج عروس

ومبروك لاخواني المعاريس
الله يحقق منى كل واحد

قولوا آمين

عنود
انتي رائـــــــــــــــعة
موضوع جدا مميز في الطرح

الله لا يحرمنا فنج

كلي حب
أنامـــــــــــل:fa35: :kcl:

ابتكرتي فابدعتي
الصرااحه ماعليج زوود في التنظيم والترتييب
والصرااحه استمتعت
تستااهلين
:fa34: :fa34: :fa34: :fa34: :fa34:
وأحلى حااجه ماطلعت الدعااياات وسط النقل يعني بث مبااشر بمعنى الكلمه
سلمت يمنااج يالشيخه ولاهنتي عسااج أزود
وربي لايحرمناا منج ومن جديدج
لاعدمنااج

الف الصلاة والسلام عليك يا حبيب الله محمد

:fa34:

كلوووووووولووووولووووش
واخيرا افتكينا من الحياه العزوبيه ، مني المال ومنها العيال

يلا عقبالكم :fa35:

عنود الريف ..

ابدعتي اختيـه في الاخـراج و الكتـابه ، الله يوفقج وما قصرتي ^_^

كملوا العرس :kcl:

مبرووووووووووووووك لكل المعاريس:fa34:

شوق القلوب
:mar7aba: :mar7aba:
يا حي الله من يا ..
تسلمين الغاليه على مرورج ..

دمعة شوق
هيه عندنا معاريس
يالله الحق ما تلحق ..

بنت الدلع

خششششمج يا مرحبا الساع:mar7aba:
تسلمين الغاليه على مرورج .. احلى شي انج شغلتي مخيلتج ..
وانا اللي سايرة لان ما حصلت حد ثاني يسير بدالي ..
وعقبالج الغاليه

عفاريتوو + نور الإيمان + طير الغرام
تسلمون خواتي على مروركن .. وعقبالكن ..

منصوري الدوله
مرحبا بك اخويه .. من طول الغيبات ياب الغنايم
وهقتني انا يااخويه مب انا اللي وهقت الشباب... شوفهم مستانسين .. حتى خيال الحب محتشر لانه ما قبلووه .. :hist:
بس والله يا اخويه انك كنت على البال .. قلت ادخل اسمك والا لا .. بس غيرت رايي لانك غايب عن الواحات .. يالله ما عليه .. مب من نصيبك .. مرة ثانية ان شاء الله
تسلم اخويه على المرور وعقبالك ..

لي عودة ان شاء الله مع باقي الردود

شهودة الأمورة
تسلمين اختي على مرورج .. وعقبال الجميع ان شاء الله
والله يسلمج ما حطيت هبان .. ما تدرين .. يمكن في بالي فكرة ثاني للهبان .. يمكن يكون في عرس ثاني للاعضاء اللي ما عرسوا . ونرضي خيال الحب اللي يبا يعرس .. brgll:
مشكورة الغاليه

قرموووشة
مشكوورة غناتي على مرورج ..

منصوري الدولة .. ليش ما يبت هبان .. في رد شهودة ...
واعوذ بالله من الإنس والجن.. بسم الله الرحمن الرحيم ..ربي سكنهم مساكنهم ..
بالضبط شو اللي خلاك تحس انك مسكووون ؟؟؟

صدى جوفي
مشكورة الغاليه على المرور ..

لي عودة

عنووود ما طلعتي الهديه اللي عطيتيها للمعارسي
وييين الكيكه اللي فوقها ذبيييحه
وييين البيييكب اللي معطي حق المعاااريس

المهم
اكيد في حلقه ثانيه للعرس

ومبروووك للمعاريس
منكم المال ومن العروووس الصحون على راااسكم
عد ما بغيتوا اللا الحين تزوجوون!!
الله يعييينكم

على طــاري الزيــارين ..

محــد من المعــازيم طلعت زيــارينــه..:brgll: عنود الريف خبرينــا كنتي هناك)

السلام عليكم ..

وأخيرا طلعنا من قفص العزوبية لقفص الزوجية (حشى دياي) أقصد
للحياة الزوجية وطبعا مثل ماتعرفين تأخرت في الرد لأني
كنت في الهني مون وتوني راد مالحقت
أتهنى لأن إجازتي قصيرة
بس في شي واحد ماكنت حاسب حسابه إني متزوج في السر
بس إنفضحت يوم العرس والحاضر بلغ الغايب وصارت
الفضيحه في (جلاجل) بس الحين
خلاص عايش مرتاح
ولا أحاتي شي بعدما كل الناس عرفوا وخاطري أسمع
أخبار باقي المعاريس اللي مالهم
حس ولا خبر ؟
:kkk:

شكرا اختي عنود الريف على الموضـوع الشيـق والممتـع
وأتمنى تواصلين بس عاد عن العضوات عشان
توازنين ولا ترا بنزعل (زوجيهن
وريحي عمرج)
:harhar1:

الاســـطـــوري
أخوكم

عنود الريف,,

طرح مميز منج اختي الكريمة
و هالله هالله علينا في العرس الياي,, ابغي اخذ حرمه ثانية

فتان القلوب
مرحبا بك اخويه
تسلم على مرورك الطيب .. وعقبالك ان شاء الله

حبوبة دبي
تسلمين الغاليه على مرورج ولا هنتي ..
وعقبااالج..

خيال الحب .. مال بلاش كثر منه .. ما شاء الله عليك مطبق هالمثل انت ..
لا والله تستاهل .... وعقبالك .. كل واحد ياخذ نصيبه .. بس محد يدري متى ..

تسلم طويل العمر على مرورك وعقباااالك ان شااااااااااء الله .. من الخاطر اقوولها بعد

قايد الريم .
بالنيابة عن المعاريس الله يبارك فيك وعقباالك ان شاء الله ..

العجيبة
تسلمين الغاليه على مرورج .. وعقباالج بعد ..

أنامل
تسلمين الغاليه على الرد الطيب منج واخجلتيني والله .. ما استاهل كل هالكلمات ..
مشكورة وعقباااالج ان شاء الله ( ما اعرف اذا انتي معرسه والا لاا) فاسمحيلي ..

هزااايم
مشكورة الغاليه على مرورجوردج .. وعلى سالفة الدعاية .. كنت ابغي احط دعايات .. بس اتصدقين نسيت .. يالله في العرس الياي ..
تسلمين وعقبااالج

مسافر للجفا
ولا الــــــه ألا الـــــلـــــه
ألـــف الصـــلاة عــــــلى النــــــبي
كلكلووووووووووووووووووووو ووووش (( الحين كلكلوووش بيتحرانا نرمس عنه brgll: ))

مبروووك معرسنا .. اول معرس يرد علينا ..
شكلك مرتاح ومستانس .. عساك دوووم
ويالله ترقب عرس عيالك الحين .... :hist:

تسلم اخويه على اللي قدمته لنا في خدمة الواحة التراثية ..

عاشق القلم
الله يبارك فيييك
وعقباااااااااااالك ان شاء الله

ألف مبروك للمعاريس ...

عنود الريف تسلمين عالموضوع صج فن

الف الف مبروك للعرسان

عقبال الباجي

مبررروووووووووووووك عليكم العرس

عنود الريف سوي عرس ثاني بس للبنات ^______^ ههههههههه

تــسـلم الأنـامل ع المـوضوع الحـلوو :fa35: صـدق عيشتينا أجواء الـعرس :fa35: ,,


والف مبروووك للمعاريـس :qor9anah: ,,

السلام عليكم

عرس في الواحة وانا آخر من يعلم ... :kkk:

وانا اسمع دق واقووول هالعرس من وين اثر عدنا اهنييه في الواحة :hist:

عالعموم مبروووك للعرسان




كل الشكر والتقدير للاخت عنووووود الريف :daleel:

هواجيس مشتاق
الهديه يا اخويه مب من صوبي تكون .. لازم اتكون من صوب بن دبي .. ومن صوبكم ..
كيكه فوقها ذبيحة :kkk: اول مرة .. سوها انت وهاتها بنجربها عليهم brgll:
منو موزع بيكب؟؟؟؟ لا اتطلع عليه اشااعة .. كلهم بيون .. بيتحرون اني فتحت صندوق زواج .. اولهم خيال الحب .. روحه زعلان عليه .. لاني ما يوزته .. :fa34:
ان شاء الله بحاول اتكون في حلقة ثانية .. بس عطوني وقت ..
تسلم اخويه على مرووورك ..

صدى جوفي
الحمدلله يا اختي محد استلبس علينا ....
انا عني ما شفت شي.. يمكن العرسان يرومون يخبرووونا ..

الاسطووري
وعليكم السلام والرحمه ..
واخيرا طلعتوا من الأقفاص .. لا انتوا مب دياي .. انتوا دياجه (( جمع ديج)) :hist:
معذوووووور ما نروم انقول شي .. ما عليه اليايات أكثر
أفا ما خبرتني انزين .. انا ما وصلني الخبر ..
بس ليش عرست بالسر ؟؟؟
ما شي احسن من الراحة النفسية
مختفين المعاريس الثانين ..
ان شاء الله العضوات .. ما بنقصر وياهن بعد
تسلم اخويه على مروورك ..

ذنيني..
تسلم اخويه على المرور ...
وبسك مرة وحده .. اخاف تكرهني الحرمه الاولى .. بتقول عنود ما عندها شغل ..
وبتسوي لها حزب ضدي .. لا لا اسمحلي .. ما عندي استعداد انا ...

أمرين والوردة الحمرة وتنينة
تسلمون خواتي على مروركن وعقبالكن ..

ريم ريم ..
ان شاء الله بيكون في عرس للعضوات بس عطوني وقت شوي ..

قايد الريم..
افا . محد عزمك من العرسان .. ما يستوي وانا مسوية دعوه عامه للجميع ..
راحت عليك اخوي .. بس ان شاء الله بتكون انت في الدفعة اليايه .. تريا لستة الأسامي brgll:


اسمحوولي على ردي المتأخر .. لاني مسويه حادث وكنت تعبااانة ..
وما قدرت احدر الا اليوم ...

طنق

:puppyeyes:

انزين فضحتوني !
انا كنت محطي ف بالي بالحرمه الثانيه لكن اللحين عليه العوض
:sadwalk:

والله الموضوع ترتوبيشن
عيشتيني فيوم عرسي اللي شكله ما بيي
brgll:

شكرآ اختي والسموحه ع التأخير لئني قبل شوي مخلص من شهر الدبس !

بحفظ الله

عنود الريف
ابصراحه والصراحه راحه ابدعتي في الطرح ..
عرس حلو وجميل .. وفرحه غامره بالفرق الشعبيه المنتشره في راجاء الخيم وقاعات الافراح ..
وجوه مبتسمه بين اخوانا اعضاء واحات بن دبي ..
تناولتي في موضوعج عن العرس عن الفرق الشعبيه ..
لكن ما خبرتينا كيف كان استعداد المعاريس لهالعرس ...
.
.
.
وشو عن العرايس ؟؟؟
هل هناك اختلاف في العرض الجماعي والا راح تتناولين حلقة ثانيه !!!
(( تبين الصراحه عمل متعوب عليه وتسلمين جدا .. ويسلم كل من شارك وياج في طرحه ))
خويتج/ الشوق
:fa34: :fa34:

محب الشيخين ..
ذكرتني بماروكو يوم تنحرج .. تطلع خطوط وتسمع طننننننق :fa34:
مبروك يالمعرس ..
زين يوم فضحناك .. ليش تبا الحرمة الثانية؟؟ ما تسدك وحده ؟؟؟ :doh:
انا بطلب من رومانسي انه يعطيك دروس عن كره المرأة وانصحك تاخذ لفة على موضوع كاره النساء للاخت الشوق.. بتقوول ما ابغي اعرس مووليه .. لووول
تسلم اخويه على المرور
..


الشوووق
مرحبا والله بالغالين مليووون ترحيبة .. :mar7aba:

تسلمين الغاليه على مرورج وردج ..
والله لين الحين ما فكرت كيف اطرح عرس العضوات .. بس ان شاء الله بحاول افكر فيه.. وايمع المعلومات اللي احتايها واكتب الموضوع ..
واذا تبين تعرفين استعداد كل معرس .. على ما اعتقد هم يقدرون يخبرووونج كيف استعدوا ... لووول
حليلهم ما كانوا يدروووون ... بس لبسوا كناديرهم وبشوتهم ويو العرس .. :hist:

مشكورة الغاليه .. والسمووحة