................
عرض للطباعة
................
هندسه معماريه حلوه ..
اممممم من وجـهه نظــري ..
الهندسـه المدنيــه .. تنــفع للبنــات اذا كنتي بتتخــصصيين indoor يعني شغلــج عـ المكـتب .. لانـ الهندسـه المدنـيه بشكـل عام .. هو تخـطييط الشوااارع والجـسووور ... الخ من الاشيااء يعني شـغل رياايييل بشكـل عام .. بس ما يمنــع انج تدخـليينه اذا كنتــي تحـبين هـ التخـصص وناويـه تتخـصصين فيه ..
الهندسـه المعـمـاريـه تخـصص واايد حـلو .. وممتــع .. وينـفع للبنــات واايد .. انا شخـصيا كنت أفكـر أدخـل هـ التخـصص في البــدايـه .. وشغلــج بيكـون برع الكـلاســات أكـثر من داخــلهـا .. يعني بيحـوطوونكـم واايد هههههه
الهنـدسـه الكـيمـيائيـه بعد تخــصص حـلو .. وله علاقـه كـبيره بالكـيمـياء وتحـضير الأدويـه والمواد الكـيمـياائيـه . . . بس شو اللي حطمنــي .. واحـد من اللجـنـه اللي كـانت تعرفنـا بالتخـصصات .. لمـا سألتـه عـن هـ التخـصص قالي .. لو تبين تـشتغليين في ( أم الــنـار ) أو أحـد حـقول النفط ادخـلي هـ التخـصص .. !!
ومـن هنـه هونت .. بس شكـله لأسف ما كـان يعرف .. لان هـ التخصص ينفع في واايد أمـاكن ..
ووو انا بعطيييج تخـصص راابـع ( الهندسـه الكـهربائيـه ) كونـه موجـود في جـامـعه الامـارات ..
تخـصص وايـد حـلو ومطـلوب .. وأغلبيتـه شغـل عـ المكـتب وعلى الاوراق .. احـم تخـصصي .. يؤيؤ
وعن التخـصص الاخـير اللي ذكـرتييه والله ما أعرف عـنه شي ..
وبالاخـير الراي رايــج .. :)
السلام عليكم
انصحج بــ هندسة معمارية وايييد حلو
تدرين من يوم انا صغيرة كنت اقوول بستوي مهندسة معمارية
و لين الحين في ناس يزقروني المهندسة :harhar1:
بس مادري كيف غيرت رايي اخر لحظة :kkk:
بس جوفي عمرج شو تحبين ,, وشو المجال اللي الشغل فيه يكون احسن
و في تخصص داش خاطري هــ اليومين
اللي هو ادارة المشاريع الهندسية
احس له مستقبل :yes:
اهم شي جوفي انتي اي مجال تحبينه اكثر .. واستخيري
و الله يوفقج ان شالله ^_^
......................
..............
لول :harhar1:اقتباس:
أفاا ليه ماخذتيها كنا نتراابع وبروجيكتاتج وبروجيكتاتي وحده:harhar1: ...
امم شو سالفته ماعرف بالضبط :kkk:
بس هو شوي ادارة على هندسة
لول واييد فهمتج :harhar1:
؟؟وهندسه معماريه
انا اشوف هالتخصص وايد غاوي وحده تقربلي داخلتنه مااشوفها تستحدم الكتب كله
تسوي مباني وهالسوالف يعني اذا كنتي تحبين الرسم ماعليج الى انج
تدخلين هالتخصص..
مهندســة المستقبــل ،،
ما قصروا أعضـــاء الواحــات كفوا ووفــوا و شرحولج التخصصــات اللي سألتي عنهـــا ..
أنا عــاد بخبرج عن الـHR إدارة المـوارد البشريــة ،، بخبرج عن هالتخصص شو شغلته في أي مؤسســة ..
بإختصـار هالقسم مختص بالتوظيف و تنمية الموارد البشريـة اللي هم الموظفين ..
- إيجـاد الموظفين اللي يصلحون يشتغلون في مؤسستهم ..عن طريق الإعلان عن الوظيفة و ترتيب المقابلات مع اللي يقدمون ع الوظيفة لاحقا
- تأهيل الموظفين لإستلام وظايفهم و أداءها بأكمل وجه
- تحسين أداء الموظفين المستمر عن طريق الدورات و ما شابه
الوظيفــة في هالقسم ممكن تكون في منحنيين .. تقليدي و روتيني لأنه الPersonnel Officer بيهتم بإعداد و تجهيز الأوراق الرسميـة للموظفين الجدد مثل العقود و شرح طبيعة وظيفتهم لهم و شرح القوانين و اللوائح الخاصة بالمؤسسـة كشرح نظام الدرجات levels/grades في المؤسسة و نظام الترقيات و خلافه ..
يعني وظيفة أي شخص تبدا من هالقسم و تنتهي في هالقسم ..
المنحنى الغير تقليدي لهالوظيفـة ..
هالقسم مختص بإعداد الهيكلة العامة للمؤسسة (في المؤسسات اليديدة أو اللي تسعى للتطوير) وتطويرها باستمرار ليتناسب مع المتغيرات في مجـال المؤسسة .. وتطوير الخدمات بإستمرار و تسهيلها للموظفين ..من غير إعداد الموظفين بأي طريقة مناسبة لضمان كونهم موظفين فعالين وteam players & Leaders ..
هالتخصص علـــم بحـد ذاتـــه ..
أنا أشوفه كونه متوفر في أي مؤسســة أو وزارة أو قطاع خاص مجال شغلـه مضمون و مطلوب حاليـا كون الإمارات تعيش طفــرة في مجــال تنميـة الموارد و لهالسبب طلعت مبادرات مثل برنامج الإمارات لتطوير الكوادر الوطنية ..
أتمنــــــى أكون فدتج عزيزتي ،،
و موفقـــة وين ما كنتي ،،
طفلــــــــــة
:ice:
لوووووووول
هـزايــم حـسباالي انتي من العـين . عشان جـذه قلت لج جامــعه الامـاراات والا فدييتهـا جـامعتنــا ( جامـعه الشارجـه فيهـا من هـ التخـصصات الزيينـه )
احـم ..
نرجـع لمحـور حدييثنـا ..
.. الهنــدسـه المـعمـاريـه تخـصص واايـد حـلو .. وخــاصـه اذا كنتــي تحـبين الرســم .. والاشكـال الهندســـيـه .. الخ ..
وأغلــب ربــعي .. داشيــن هندســه معمــاريـه .. وعندنـا في جـامـعه الشارجـه عدد الساعـات الدراسيــه 167 ســاعــه .. لانـه أغلبيتـه دراسـه ميداانـيه وتفحـص للمواقـــع ..
وعلى فكـره .. الهندسـه المدنيـه والمعمــاريـه تقريــبا نفـس الشي .. بس الاختلاف في السنـه الدراسيـه الاخـيره اللي هي سنـه التخـصص ..
واايد مدحـولي ايــاه هـ التخـصص .. وانا امـبونـي كنت ناويـه أدخـله . . بس غيرت راايي .. لانـي أحـب الفيزيااء وبالاخـص سوالف الكـهربــا ..
اذا انتـي في خـاطرج هـ التخـصص من رايي تدخـليينــه .. وصدقينـي كـل تخـصص هندسي في بدايـته صعب .. ويا ما بتنقهريين على درجـاتــج في أول سنـه .. بس الــوضـع بيتغير بعديين وبترتاحـيين كونـج اخترتي التخـصص اللي تحــيبـنـه .. :)
الســـلام عليـــكم...
هــــــــــلا بهـــزاااايـــم..
عيــــــــــل.. بتستوين مهندسه .. ماشاء الله .. ^_^
..
مثل ما قالــولج الجمــاعه.. الهندسه المعمــاريــه واايد حلوه.. و اتناسب البنــات أكثــر من المــدني..
المدني شغله رياييـــل.. خاصه انه عليــج تنزلين المواقع.. و ويا العمــال.. و يعلمونكم اتصــبون الاسمــنت.. و كيف تسوون الخرســـانه.. و اتقصــون الحديد.. خربطه مالها اول من تالي.. ( هالخبره اللي عندي لانه ربيعتي كانت مدني فمن جي عارفه معاناتهم.. )
اللي أذكره.. انه دكاتره المدني وااايد زينيين.. بس يهلكونهم بالبروجكات.. :boxed:
..
المعمــاري.. لو كان هالتخصص موجود أيام ما كنت بالجامعه.. جـــــــــان ع طول خذته ..!
ومثــل ماقالت قرمـــوشه.. لو كنت اتحبين التخطيط و الرسم.. بتستمتعين فيه .. في ماده اسمها Engineering Drawing ( أكيد قرموشه خذته ) .. هو متطلب للكليه بس كان وااااااااااايد ممتع بالنسبالي.. و سبحان الله في بنات كان يكرهون هالماده لانه ما عندهم التصــور اللي اتساعدهم ع الرسم.. و خاصه للابعاد الثلاثه..
..
نصيحه أخيره لهزايم..
شوفي انت شو اتحبيـــن.. و باجر يوم بتتخرجين من هالتخصص.. في حوالج اماكن بترتاحين فيها و بتشتغلين فيها..؟؟
الموضوع.. مب بس تخصص أحبه.. هذا التخصص هو بدايه حيــاتج المهنيــه..اللي بيتم وياج طول العمر.. فركزي في اختياره ..
..
جني رمســت وايد ! :boxed:
~Engineering Added Drawing~
باخـذه هـ السمـستـر ان شاء الله ..
ويمدحـوونـه .. فنـــان .. وحـلو ..
...............
http://www.bdwih.com/up/uploads/ffef3c4898.gif
بالنسبة للهندسة المدنية فهي تخصصي السنه القادمه باذن الله
ويوم بعرف بخبرج ،،
بس اعرف انها تعتمد عالرسم والتخطيط للجسور والطرق و المباني
اما المعمارية فهي التصميم للمباني والعمارات
سوالف سميت وحصا وكنكري كلها في المدنية
http://www.bdwih.com/up/uploads/d84054c28a.gif
...............
هـــزايم عزيزتي..
أتذكري... صح أهلــج مب راضيــن لذاك الزود.. وقايليــج ماشي شغل..! بس اتذكري انج اليــوم في بيـــتهم.. باجر ان شاء الله بتكــونين في بيــت ريلــج... يعني في احتمــــال كبير يطلع الاخ متفهم و يخليــج تشتغليـــن ويـــــــــــــــــــن ما تبيـــن .. ^_^
...............
أنا ييـــــــــــــــت ،،
ييت اطـــل ع الفقيرة المسكينــة هـزايم .. شحال راسج و الصداع اللي ما يخاف ربــه .. ان شاء الله أهـــون ...
اختي نسيت اخبرج .. لازم تستخيرين قبل أي خطـوة لأنج أبــدا ما تعرفين شو المكتــوب .. الإنسان ييلس يخطط و يرسم و آخر شي أحيانا تستوي أشيا موول ما كانت ع البــال ..
عندج أنــا مثلا .. طبعا انا خريجـة من العصر الطباشيري .. :fa34: .. اقول خل عنج لا تضحكين:boxed: .. توني مكملـه سنــة من تخرجت ..
أبــــدا ما كان التدريس على بــالي .. صح كنت احب التدريس لكن ما تخيلت اني بكون مدرســة .. و لين الثانويــة و ايام امتحانات الثانويــة و انا مقرره ادخل كليـة شريعـة و قـانون في جامعــة الإمـارات ..
هي مجرد صدفـة .. عمتي في يوم خبرتني عن تخصصي الحالي و قالت لي استخيري و استشيري ..
سبحـــــــــان الله يا هــزايم من صليت استخــارة من اهني .. ماعرف كيف قمت من ع سيادة الصلاة و اتصلت التعليم العــالي اغير اختياراتي من جامعــة الإمارات لكلية التقنيـة و اختار تخصص تربيــة ..و عمــري ما ندمت اني اخترت هالتخصص رغم اني ما توظفت في التربيـة و ما طلع تعيينا إلا هالسنــة .. بس ما عليج بعد تخصصي فــادني في مكــان شغلي الحــالي ..
" احس عمري قايله هالقصـة للمــرة المليـــــــون في الواحــــــــات :kkk: "
المهم عــزيزتي .. لا تنسين تستخيرين و توكلين أمرج لرب العالمين و صدقيني u will be amazed و راضيــة آخر رضــا من حياتج و نفسج ..
موفقــــــــــــة يا رب
و بعدني بطل عليج من فترة للثانيـــة اشوف شو استوى بالصداع ،،
و ألف سلامــة ..
طفلـــــــــ:ice: ــــــــة
.................
الســــــلام عليـــــكم
عــزيــــزتـــي هــــــــزايم
الله يوفقـــج في دراستــــج وتخصــــصج الــياي
ماشالله الاعــضاء عطــوج كــل الأفكـــار والباجــي عليـــج
بالنسبــة للهندســة المدنيـــة أنا خــذت بس مســــــاق واحــد منــها وهو ( مســــاحة للجغــــرافيا )
لانه تخصصيــه نظــم معلــومات جغرافيـــة على حــلات المســاق بس ابصــراحة متعـــب لان الشغــل
كلــــــه في الشمس القياسات وغيــره أما الهندســـة المعمــاريــه الكل يمدحهــا ووحـــدة من ربيعاتــي اتخصصــت والحين تشتغــل في دائــرة تخطيــط المدن في العيـــن.
موفقــه يـــارب
نويّــــر
هزاايم ليش ما تجربين تخصص الهندسة الميكانيكية :)
برمس انا عن تخصصي ؛؛
الهندسه الكيميائيـه مالها اي دخل ف الكيميا غير انها تستخدم بس بعض الافكـار البسيطه لمواد الكيمياء
بس هالتخصص فيه وايد كورسـات من الكيمياء
يعني انا مثلا ادرس من الكيمياء هالمواد
كيمياء عضويه 1
كيمياء عضويه 2
المختبر مال الكيمياء العضويه 1
وايضا الكيمياء الفيزيائيه
والمختبر مالها .
يعني تقريبا 12 ساعه من اصل 140 ساعه لازم تخلصينها ف الهندسه عسب تتخرجين .
الهندسه الكيمائيه ع قول’ دكتورنا : نحن اللي نحط علامـة الدولار على افكار الكيميائيين ..
لانـّــا نحن ندرس كيف عمليـّـات الانتاج بكمبيات اقتصاديه للمواد اللي يبتدعها ال(كيميائي ) ...
وانتي اكيد اتعرفين الفرق بين المهندس الكمياوي والكيميائي
CHIEMST AND THE CHEMICAL ENGINEER
يعني نحن ( كمهندسيين ) - ان شاء الله - نقدر ناخذ الماجستر ف الكيمياء
بس الكيميائيين مايقدرون ياخذون ماجستير ف الهندسه الكيميائيه ؛؛
لان نحن اشمل وندرس من عندهم وناخذ افكارهم بس هم ما يعرفون عن هندستنا شي بالمره .
بس انا اشوف ان الاصعب ان الواحد يتخصص كيمياء مش ( هندسه كيميائيه )
لانه ساعتها بيدرس نظريات و اشيا صدق صعبه ..
الله يارب يوفقج.