>< خــشمــــك خشمــك

:mar7aba:
مررررحـبا الساااع
حـيالله مــن أقـــبل
خشمكــم خشمكـــم
><

احــــم
شوفوا هـ المـشهـــد
:ice:
بوشهـاب : حيالله بوحمـيـد يا مـرحـبا السااع خشمــك خــشمك
بوحمــيد: المرحـب باجـي تسلم طال عمـرررك
بو شهــاب : علوومــك وعلووم الأهــل.. ما تنــشافون ! ؟
بو حمــيد : بخــير يسرك الحـال .. مـوجـوديــن الغالي.. والعـلوم من صووبكـم !
:
:
الخ

~ السلام بالخــشــم ~

هو اسلـــوب قديــــم وعريـــق .. وفيه من الاصــالــه العربيــه شكـل ومـضمــون ..
ويكـون هـ السلام ملامســـه الخـشوم مـع بعــضهـــا مـرة أو مـرتيين او ثلاث ..
وأحـيانــا يكـون بالتــقبيــل ( اكـيد الصغير هو اللي يقبل خـشــم الشخـص العود ) للإحتـرام والتـفرقـه بين الســن والمكــانـه ..
وبعــدين بعد هـ السلام نسأل عـن الاحـوال والاخـبار وعـلوم الاهــل :yes:.. الخ

سؤاااااااال يطـرح نــفســه :kkk:

لييش الخــشم بالذاات ؟ !وشو السـر في السالفــه !

الانـــف .. يمــثل مـوطـن العزه والرفـعه عند الانـسان العربي .. ومـثل ما تعرفــون النــاس دايمـا تضرب به الامـثااال
ومنــــها :

~اربييعك خـشمــك ~
~رغمــا عن أنــفه ~ :narr:
~مــرغ انــفه في التــراب ~
~لمـاذا يحـشر انـفـه ~ :boxed:

~على خـشمــي ~( ونقولهـا يوم يُطــلب منــا شي ولازم نلبييـه )

~فدييت خـشمكـ ~ دووم أقوولهـا حـق أبوويـه :harhar1:

هـ النوع من السلام يعتـبر ( سلام الحـشمــه ) وهي من عادات عربنـا الأوليين ..
وخـاصه نحن شعب الامـاراات نستخــدم هـ الســلام بشكـل كـبير ..

ومـثل ما قلت قــبل انـه يكـون بمـلامـسه الانف مـرة أو اكــثر ..

وبعديـــن المـوايـهه .. واذا كـان الشخـص كـبير الســن يكـون بتــقبيل الراس بعـد التخـاشـــم

ولــه غــرض ثــانــــي .. وهو للتـرضيـــه .. يعنــي مـثلا..

. يقوم الغــلطـان بتقبيــل أنــف صديقـــه كـعربـــون اعــتذار .. :sad4:
ولمـا أي حـد يقــول خشمكـ خشمكــ لا تمــانــع .. لانـه يعزكـ ..

<<< في ناس يتحــرونـها مسبــه ههههه وخـاصـه ربعـنـا مـال بلاد الشاام
احـيد مـرة قلــت لهــا خشمج خـشمج .. اوني يايـه بســلم عليـها .. وجان تشوفني بنظــره :boxed:
حليلي :bye2:

:
:
:

ووشكـرا لحسن تعاونكــم :gof:
( لوول ما يخـصه بس ما عرفت شو أكتب في النهايـه ) يؤيؤيؤ
:harhar1:

حـقوق التـأليف لي انــا بنت قريمييش :negab:

السلام عليكم ورحمة الله ..
:mar7aba:
قرمووشه .. ،
واااااايد كيوت مووضوعج ،

اممم ..
أنا عن نفسيــه ماكنت أعرف إنه في سبب وراا الخشووم ، :kkk:
ومن موضوعج عرفت ليــش ..

تسلمين غنـــاتي ،
عيبنيــه سردج للموضوع ، عندج أســلوب فنتـكة .. :ice:

فمان الله .

مخاوية الامل

عليكم السلام


قرموووشة ,, خشمج خشمج

ماشالله عليج فهمتينا السالفة باسلوب واييد حلوو
تسلمين عــ الموضوع :fa35:

اقتباس:

---

احـيد مـرة قلــت لهــا خشمج خـشمج .. اوني يايـه بســلم عليـها .. وجان تشوفني بنظــره :boxed:

---

brgll:

~ مخـــاويــه الامـــــل~

تسلمــين فديييتج عـ التواجــد الحـلو ..
وزييـن انج استــفدتــي
شكـرا شكـرا يا عمــري :fa35:
ويا مـرحـبا بج ..

~ عفااارييتوو~

><

فدييت خشمج
يسلــم غاليـــج ومـغلييج . .
هييه شفتي عااد حـليلي على نيــاتــي:bye2: وجـان أحـصل نظـره:boxed:
وشكـرا :fa35:

السلام عليكم

قرموشه بنت قريميش ...خشمج خشمج:sad4:

ما شاء الله أسلوبج بالسرد ممتع .... عرفنا سالفه يديده من عقب العنقاش ...مشكوره:yes:

خشمج يا حرمه
عااشت بنت القرااميش
إختيه عيل الإنجلليييز كانوا يستغربون يوم ابويه يخااشم ربعه لو شفنااهم بالمستشفى
ومن ذاك اليوم يوم نرااجع يقولون خشمك تعلموا غربلات ابليسهم ربي يهديهم

وصحيح الخشم موضع عزه وفخر حتى دووم يقصدن ويتغنن بالخشم خااصة السيووفي:kcl:

سلمتي يالشيخه عالموضوع ولاهنتي
وربيه موضوع ترتووب وغااوي عسااج أزود

ثانكس قرموشه عالموضوع العجيب

الــسلام عــلـيكم ,,

تــسلمين غـانتـيهـ ع المــوضوع الحــلو شـراتج :fa35: ,, مـوضوع مـرتب وسـرد ممــتـع:yes: ,,

دوومـيهـ انا وربعتيـهـ نتخاشم brgll: ,, مشكله التقليد لوول :cop: ,,

فـي انتظار كل ممتـع ومفيد ومتميز من صـوبج :bow:


لا عـدمناج

تنينه:gof:

موضووع اخر جميل للفنانه قرموشه
تسلمين الغلا لانج تحيين واتفسيرين شي من عاداتنا وتقاليدنا
والسلام بالخشووم عادة جميله تدل على انه التراث باقي في البلاد
تســـــــــــلمين الغلا
وخشمج > <

مرحبا بج قرمووشة
خشششششششمج
معروف السلام بيني وبين الغاليه بنت الدلع بالخشوم .. فديتها ..
قرموشة ما ادري ليش احس بج مثل هاي :qor9anah: brgll:
السمووحة بس كله تستخدمينها
على العموم موضوعج واايد حلو وسردج احلى ..
وانا سمعت ما ادري قريت ان حتى النيوزلنديين بعد يسلمون بالخشوم بس ما اعرف بالضبط شو المعنى عندهم ..
تسلمين الغاليه
والسمووحة منج

موضوووع جمييــل في مضمونه :ice:

تسلمييين يا اختي :fa35:

مرحباااا

موضوعج غااوي حبيبتي

وتسلمين لنا عالسرد الناااايس

عنوود الريف > خششمج يا حرررمه وينج انتي مختفيه
ماقمنا نشوفج هالايام ..
> هذا السلام خاص من بينا < مانبا تقليد لوول

~ حلم الطفوله ~

><
فدييت خشمــج :kcl:
شكـرا شكـرا عـ التواجـد يا حلــمي الطفولــي
واتريي الســوالف اليــايــه يؤيؤيؤ
ويامرحـبا بــج
:fa35:

~ هــزاييييـم ~
يامـرحـبا باللي لفــانــا
عاشــت أيــاااامج يدووه :doh:
ويسلــم غالييـج ومـغليييـج الشيـخـه
حـلوة سالفـه الانجـليــز هههههه
شكـرا عـ التواجـد الحـلو وربي لا هانــج
:fa35:

~ هـواجـيس مـشتاق ~
ولكــم السااع خـيو .. ويـا مرحـبا بــك :fa35:

~ تنينه ~

يا عمرررررررري :kcl:
شكـرا عـ التواجـد الحـلو غنااتـــييي
ونحن بعـد نفس الشي .. حرجـااات ..:harhar1:


~ داانــه حتـــا ~

مـرورج الاجمــل ختيييـه ..
وفدييت خشمــج انا بس .. ><
ويامـرحبا الساااع

:fa35:

~ عنود الريف ~
وي قلبــيييي ليش انا يعني أشبـه هاااي :qor9anah:
حليللييي:bye2:
تسلمـن عـ التواجـد الغــاوي ولا هنتــي ..
ويا مـرحـبا بــج ..
:fa35:

هـلا وحـلا

انـزيـن خشمـج ..

ترى يستوي بين الرياييـل والحريم بعـد ؛ انا عندي اربيـع من دوله اجنبيـه دوم يسألني
why are u kissing ?
وتبـون الصدق توهـّـقــت كيف بجاوبـه يعني هو مش مقتنـع ان هذي تقاليدنـا فكلمــا اقول له traditions
يجاوبنــي بضحكـــه استهزائيــه .. لكـن اعتقد عقب ما عطيتيني كم مثل وكم جواب مقنـع بكتب له ايميل طول
وعرض وخـل بتغصص بــه الهرم .

شي ثانـي : ماقصــّـرتــي والله

عادي قرمووشة حتى مبين ربيعاتي خشمج خشمج

لووووووووووول


تسلمين حبوبة عالموضووووووع

السلام عليـــكم

خشمج يا ال قريميش...>>> بل خشم هالكبر خخخخ


موضوع حلوووو:)

في معلومه بعد زياده ,, بس ما تحضرني حاليااا.. لو تذكرتهاا بكتبها لج

تسلم الايادي ع الموضوع الغاوي

السـلام عليـكم

يامرحبا السـاع والله
خشـمـج بنت قريميـش
>.<
وشالحـال ربج بخيـر .؟!!
؛؛
فـديت ربايعيه والله ذكرتينيه أبهـن
الموهيـم موضوع غـاوي يخويتـي
؛؛
صـح في حـد هناكي قصدي في ردودهم ذكروا الخشم السـيـوفي
وفديت خشميه انا خخخخ احلى عن خشمهم المفعـوصـي خخخخخخ
:harhar1:
يمـكن نـاس ونـاس خخخخ
اثـولف ثدق ثدق
//

قرموشـه يعطيج العـافـيه فديت خشمج انا
ماقصـرتــــي يالغـــلا
؛
السموحـه
ويـامـرحبــانـي

العجيبـه
شكـرا حـبوبـه ويا مرحـبا بج أني تاايم :ice:


بنت الدلللع
يسلـم غاليــج ومـغلييـج .. ويا هلا :fa35:

منـصوري الدولــه
يالله عااد الحـيينه سير ورد عليــه وامره لا تخـلي شي في الخـاااطر .. :daleel:
تسلـم أخويــه ولا هنت عـ التواصـل
ويا مرحـبابك
:kcl:


أمرين
يا مـرحـبا السااع تسلمـين يا عمري عـ التوااجـد وربي لا هاانج
:fa35:

خل يروح فوق لأن الردود مع الموضوع جداً راقيين

لي عودة بنت الشارقــة

..

ارقــب عودتـك بن عمـي (=
.
.

مرحباااا الساااااع بأهل الخشوووم :m_mar7ba:
وعدتـــج بأنه ليـــه عودة ، وقــد كاانت من حول ثلاث أسابيـــع ,, سطرت ذاك الـــرد ولكن بن دبي أبى ورفض إلا أن يمسح ردي يوم عدّل الواحات .. سأقتلك يا بن دبي :pickaxe_rune:

..

في الجامعة ، وبين شباب الجامعة ( طبعاً ما النا خص ببنات الجامعة عن يفلعونـا بكعب :3: ) ، دايماً ما نسلم على بعض بالخشوم ، أو كما يطلق عليها بمعنى ثاني بــ ( الموايـــه ) ,,
يعني تقريباً كل جنسيات العالم علمناها الموايـــه ، من الجنسيات الخليجية ( مروراً بعمان ووصولاً للكويت عن طريق بوابة البحرين والسعودية وقطر :a033: ) ، أو كذلك من الجنسيات الأخرى مثل السودانيين أو حتى الزلمات ( بلاد الشام ) وكمااان ما ننساش المصرييين عيال الفراعنـــة ، حتى وصلنــا إلى باكستـــان ونيجيــريـــا :2:

عادة من العادات الأصيلة والمميزة لبدو المنطقـــة ، ففي ( شو رايك ب ففي شي ما حصلش :14: ) زيارتي الأخيرة لدولة قطر الشقيقة ، تبهدل أخوكم المنصوري ، تقريباً شفت في تلك الزيارة وسلمت على أغلب أبناء الخليج من عمانيين وقطريين وسعوديين حتى الكوتيين ، وكنت دايماً ما اتلخبط ، انا ابى اوايهم وهم يبون يبوسون ( عييييب :argue: ) ، وشفت وعرفت بأن أغلب قبايل الخليج العربي يسلمون بالخشوم أي بالموايه وليست هذه العادة حصرية لدى الإماراتيين والعمانييين ,,

عندنا سوبر فايزر في السكن ( لا تتخبرون أي سكن لأنكم اذا عرفتوا بتفضحونا ويمكن يروغونا :biggrin: ) ، يقول يوم يت من المغرب ووصلت لمدينة العين ( مكان عمله السابق ) عن طريق مطار العين ، كان في استقبالي أحد أصدقائي ( فيه جرس موسيقي قوي من خلال استقبالي واصدقائي :tounge: ) ، فيقول شفت شي عجيييب وغريب ، يقول كنت سامع القليل والقليل عن الإمارات ، بس يقول من حطيت ريولي في أرض المطار ( طبعاً انا اتكلم بلهجتي ، هو مغربي هل كيف بيعرف يقول حطيت ما تركب :a036: ) كونت صورة غير لائقة للشعب الإماراتي من خلال بعض الحركات اللي شفتها أكثـــر عن مررررررة .. وش ذا الهرج يا مزلوووق :3:
يقول شفت رياييل يتباوسون من ثمهم ، يقول أول بادي استغربت من هالحركة وقلت يمكن من ارق الطيارة ما اشوف عدل ، خلاف شفت الحركة تتكرر قدامي ، يقول تحريت عمري في دولة تحمي الجنس الثالث :redface: ، يقول ما خليت هالشي بخاطري ونشدت اربيعي ، شو هالرياييل اللي موجودين بهالدولة ، يتباوسووون من شفايفهم ؟؟!!!
قام يضحك عليه وخبرني بأنهم يسلمون بتلامس الخشوووم فقط ، يقول يوم شفت انتبهت بأنه السلام فقط بالخشوم وليس بالشفايف كما كنت اتصور :fa46:

..

وللسلام بالخشوم نوعان ، نوع فقط بتلامس الخشوم مع بعض ، والنوع الثاني بتلامس اليدين اليمين والخشوم مع بعض ، يعني أحياناً أو غالباً يوم اسلم على أهليه يوم ارجع من الجامعه بالطريقة الأولى وهي الأكثر تداولاً عندنا :a033:

ويصير السلام بالخشوم بين :
الرجل والرجل
المرأة والمرأة
والرجل والمرأة ( مع أهلك )

عيل خشمج يا قرموشة :1:

شكراً من صميم ( ألبي ) على الموضوع الجميل والتفاعل اللي شرات ما قلت الأجمل

موفقة خيــر

بس قولي تـــم

نبى موضوع يديد وفرش في هالواحة
( عاد برايج انتي قلتي تم وما نباج اتردين برمستج )

موفقة خيــر

والسموحة

أخوكم
منصوري

أنـا وين عـن هالموضوع يـا قرموشـه ~ . .


خشمج

الموضوع جـداً جميـل ~ . .


وفـعلاً هي عادة أحس بها حلـوه ومميزه~ . .


~ ونسلم بهالطريقـه ع خواليه وعمومي ، والشواب

بس أبويه لازم فـوق راسه




المنصوري :

أضافتك مميزه ، وعيبني هالمغربي لوول ~ . .

خشــــــــــمج يا اختي فالله خخخخخخخخخخخخ

موضوع اكثر من رااائع

ويعطيج الف عافيه

خشمك خشمك :p