// عروس وحابه نصيحتكم يا بنات //

السلام عليكم ورحمة الله وبركاته


شحالكم /// شخباركم //



حبيباتي بنات الواحااااااااااااااااااااات وينكن ،،،

بغيتكن تفيدني بأشياااا

مثل ما تعرفون ،، انا توني مقبله على الزوااااج ،، إممممممم يعني شهرين بس من ملجت ،، الصراحه أبا من بنات الواحات يقولولي إذا عندهن نصايح ،، أو شئ.
يعني اي وحده عندها نصيحه أو خلطات أو معلومات تخص العرووس اللي تتزهب لعرسها
يا ريييييييت تخبرنيه أو تطرشلي رساله عالخاااص ...
وترانا بنات وما بينا مستحى ( هههههههههههههه ))

وعقبالكن إنشالله


أتمنى أشوف ردود




بحفظ الله

يحليلج غمضتيني .. اكيد نفسيتج تعبانه من الحين تحاتين العرس .. ألله يكون بعونج ..

من ناحية الميكب .. مادري انا ذوقي غير .. بعد كل وحده وشو تحب .. بس من ناحيتي ماحب العرايس يوم يبالغون في ميكبهم .. احب الميكاب الفرنسي عليهم .. أرقى و احلى من التخبيص ..

والفستان .. مادري بس حلو المستور حق عروس .. ماحب العرايس الي يتفصخون لأنه والله عرسهم ويبون يسوون كلشي !!

حلاة العروس تكون محشومه .. حشى لو تفكرون فيها .. نحن طول عمرنا نلبس ع كيفنا .. ليش في هاليوم نتفصخ ونتعرى؟! خلو هاليوم مميز .. والله كل ما كان الفستان بسيط ومحتشم ..يكون احلى .. واصلا ارقى ..

شوفو الاجانب الي مايهمهم دين ولاشياته .. يوم يعرسون ما يتفصخون التفصيخ الي يتفصخونه عرايس العرب هالزمن ..

وجلسات الصوالين وهالسوالف بسالج وبرد عليج ..

بس عشان اتعدلين جسمج اذا بغيتي واتنسقينه .. سيري عند وحده في نادي كليوبترا الي في وافي وخذي عندها كلسات آيروبكس ... والله شو تذبحج في التمارين بس اييب نتيجه ..

برد عليج بعدين .. بـــــررررب

هي صح مبروووووك الف مبرووووووك لووول

وعليـكم السـلام ورحمـة الله وبركــاته

البنـوتــة..
فـي البـدايـة أقـولج مبـرووك, وعسـاه يكـون زواج مبـارك, وإن شـاء الله ربـي يعـم عليـكم الخبـر والبركـة

الصـراحـة الحيـن ماعنـدي نصيحـة محددة في بـالـي, لكـن أبي أعرف تبيـن نصيحـة عن شـو بالضبـط.. ؟!
وإن شـاءا لله ردود العضـوات تفيـدج.. وبتفيـدنـي بعـد يـوم من أيـام.. :fa35: !!


السمــوحــة.. :)

مرحبا بج اختي البنوتة
الف مبرووك والله يوفقكم ان شاء الله ويطرح عليكم البركه ..
في رايي انج تزورين واحة المرأة بحيث هناك تقدرين تحصلين اللي تبينه ..
واتوقع ان الموضوع مكانه الصحيح في واحة المرأة
هذا اللي اقدر اساعدج فيه ..
والسمووحة

ألف مبروك أختي البنوته
الله يوفقج في حياتج القادمة
الصراحه في بال كثير من النصايح بس مش عارفه شو أقول
المهم عزيزتي إذا تحب تعرفي سوالف الزواج و الفساتين و أمور غير
ترى أنا أدخل منتدى إماراتي بس للحريم و البنات فيه كثير ناس بيساعدونج
سواء بخلطات أو فساتين أو اي أشياء ما تخطر في بالج عشان العرس

بس نصيحة لج من أخت جربت الزواج و المشاكل اللي تصير مع الأزواج
خلي الأمور و الأحاديث اللي تصير بينج و بين زوجج داخل غرفتكم ما تطلع برع
لأنها إن طلعت راح تسبب لج مشاكل إنتي في غنى عنها

هذا الموقع http://www.uaewomen.net/index.php

و إذا شي ف خاطرج خبرينا و راح نساعدج أكثر
و السموحه منج

ألــــــــــف مبرووووووووووك مقدما عروستنا ..
ادخلي عالم حواء..وإن شاء الله تستفيدين منه ..

ينقـل لـواحـة المرأة والمجتمـع كونهـا الأنســب

والسمـوحـة.. :fa46:

وعليـكم السـلام والرحمه

هلا ومرحبا يخـتــي
اممم ماعرف شو بالضبط تبين النصيحه ولا بسـاعــدج بس بعـطيـج كمن موقـع
إن شاءالله تستفيـديـن .!!
هـذا موقـع للفـسـاتـين وعسنهن يعيبـنـج
http://www.saher-dia.com/
\|/
وهـذا مـوقـع الحيـاة الزوجيـة
http://www.arb3.com/vb/forumdisplay.php?f=12
وفيـه ركـن للعـروس
واتمنى تستفيـدين منـه
\|/

وهذا اللي اعرفه حاليـا ً
ومبـروك مقـدمـا ً

وعليكم السلام،،
ألف ألف مبروكـ البنوتــة :fa35: ..)
ان شــــاء الأخوات يساعــــدن (:

......... شفت التاريخ 1\7\ قلت من متى الموضوع:boxed: >> مــا ادري ليش الدنيــا متغيرة علي:fa48: ..!.

مرحبا ختيه
ومبروووووووك
انا شراتج في فترة الملجة
اذا بغيتي نصايح لهذي الفترة يعني شو تسوين كيف تتصرفين
وكل شي بالتفصيل افضل انج اطرشيلي رساله عالخاص ومن عيوني افيدج وانتي بعد يمكن اتفيديني
والسموحه منج...

..شاعر دبي..

..مشاعر دبي..
بالغلط..خخخخخخخ..

%% بوظبي %%


الله يبـــــــــــــــــــــــ ـــــــارك فحياتج الغاليه .
عقبالج إنشالله //////

والله الغلا أنا شراتج . مووووول ما أداني الدفاشه فالميك آب ولا اللبس . حلات الشئ لو إنه حلو بس فنفس الوقت باين وظاهر ... يعني ميك آب مب هادئ ولا خفيف بس فنفس الوقت حلو حلاته ظاهره .

الصراحه أنا يوم الملجه رحت عند هيفاء والله والله كان مكياجها ولا أروع . واااااايد غاوي . مكياجها كان مب Too Much بس فنفس الوقت حلووووووووو ووايد فنان ومبين .

وعن الفساتين . الحمدلله انا أحب الشئ اليديد بس ما يكون وايد متروس فسوالف مالها معنى ...
وعن النادي أنا فديتج مشتركه فنادي فالشارجه بس ما احس الفرق وايد وايد /// أنا مب متينه بس أحب أحافظ وأنسق .

وهذا النادي اللي طريتيه بسيرله وبجربه .

وتراني أتريا ردتج لي ببعض الخلطات اللي تفيدني وتفيد اللي بيعرسن بعد ...



مشكووووووره عالمرور ** وعقبالج يارب

%% دموع قــــلـــم %%


الله يبارك فيج..... وعقبالج إنشالله .
يا مرحبابج الغلا
فديتج أنا كنت أبا نصايح عن كل شئ. تعرفين العروس دايما قبل العرس بكمن شهر تيلس تعابل عمرها . شو تنصحوني أسوي ؟؟ وين أسير ... أنا أبا أكون يوم العرس منوره أبا أكون شئ ثاني . يعني من خلطات طبيعيه . او أماكن يسيرولها معتمده ومضمونه ...

وفديتهن خواتي العضوات والله ما قصرن . كل وحده منهن ردت عليه .والحمدلله فيه مواقع تفيد صدق .

مشكوووووووره حبيبتي عالمرور ** وعقبالج إنشالله





______________________________________________




%% عنود الريف %%



الله يبارك فيج الغاليه .وعقبالج يارب

فديتج وين أروم أتصفح أنا ...... هبابــــتــي أروم أدش الواحات وأتصفح . عشان جيه كاتبه الموضوع بدال لا أدور فالواحات . أحصل كل شئ فموضوعي ......
إنشالله بفـــتـــر عالواحه وبشوف . ومشكوووووره الغلا عالنصيحه ..


ومشكوره عالمرور ** وعقبالج يارب

%% الجديده %%


الله يبارك فحياتج الغاليه .. مشكووووووووووووووووووووور ه فديتج عالنصيحه
والموقع الحينه بدشه . من إسمه الصراحه شكله غاوي ....
الحمدلله أنا أي شئ يستوي بيني وبينه مول ما يظهر لإي حد ثالث حتى لو كانت سوالف عن رمسات حلوه . لإنيه أعرف كيف البنات الحينه . ( السموحه مب كل البنات )) :kcl:
وإنشالله أستفيد من الموقع
ومشكوره الغلا _ فيج الخير


ومشكوره عالمرور ** واله يوفقج فحياتج ويبعد عنج المشاكل والحسد
قولي آمين




________________________________________



%% شهودة الأمورة %%


الله يبارك فيج الغلا ** عقباااااااااااااااااااالج يارب
إنشالله حبيبتي بدشه ومشكوره الغلا

مشكوره عالمرور ** وعقبالج إنشالله

%% دمعة شوق %%


هلا الغلا __ أفا عليج بس إنتي كفيتي ووفيتي ،، والمواقع إنشالله بدشهن وبنبش فيهن عن اللي أحتاجه .....
ومشكوره الغلا عالمرور ** وعقبالج إنشالله




________________________________________________



%% صدى جوفي %%


الله يبــــــارك فحياتج الغـــاليه __ وعقبالج إنشالله وإنشالله إنشالله موفقه الغاليه

وخواتي فديتهن ما قصرن

مشكوره عالمرور الغلا





_______________________________________________

%% مشاعر دبي %%


الغاليه مشكووووووووووره وأنا إنشالله بطرشلج اللي أباه عالخاص
مشكوره الغلا . وموفقه يارب





وتسلموووووووووووووووووووو لي جميع :yes: :fa35:


نسييييييييييييييييت


يالله يابنات

تعالووو إقرصـــــــونــــــــــــ ي هههههههههههههه brgll:

ألــــــف مليــــــون مبروك عروستنـــــا.. ربي يوفقج إن شاء الله في حيــاتج ،،

تعرفين آخر الليل .. يكون وقت الخراريف .. فأنا ما عندي نصايح عندي خروفـــه .. و بقولها يعني بقولهـــــــا ،، :puppyeyes:

امسات سايره عرس زميلــة في الدوام.. طبعا قبل العرس كانت تخبرنا تفاصيل هالعرس الخيالي و المبالغ الخياليــة اللي صرفتهــا و بتصرفها على الفستان و توابعـــه و الكوشـــة و الفرقــة اللي ما اتسير إلا حق شيوخ و الــــــخ ..

حضرنا العرس يا عروستنـــــا .. و سبحــان الله .. كل شي غالـــــــي و مصروف عليه ألوفــات مب هينــه طلع أبــــــدا مب حلـــــو .. و أحلى الأشيـا اللي شفناهـــــا .. تعرفين عاد الحريم .. فستــــان رااقي بألفين .. طلع احلى بمليوون مرة عن فساتين قوم بو7 و فوق .. و الفرقــة آخــر إزعـــــاج .. و الكوشــة عادية و الفستان بو 30الف عادي و الميك اب اللبناني واااااايد عادي ..

شو استفدتي عـــــاد انتي بهالقصـــة ؟!! صبري .. قصــة غيرهــا ..

لين اليــوم وحيــاة اللي في بالي:ice: .. كل البنــات يذكرن عرس وحده من ربعنــا اللي الحينه كملت سنتين تقريبــا .. لأن عرسهـا كان راقي بمعنى الكلمــــــة .. و لأن كل شي مصــروف عليه بعقــــل .. فطلعت أحلـــــــى عروس ينضرب فيها المثــــل لين اليوم .. لين اليوم يقولون البنات : يوم بعرس بسوي مثل فلانـــة .. لأنها كانت راقيــة و أنيقــــــــة .. و حطت بيزاتها ع اشيا تستاهـــل .. فستانها كان خيالي و صرفت عليه اقل من 10 .. و مكياجها كان اروع لأنها ما يلست تتنقى و تتشرط ..

انزين يا عروستنــــا .. الزبــدة .. إن أحلى نصيحــة حق العرايس ..

الحلـــو مش في سعـــره .. الحلـــو في شكلـــه عليج ....
و كــل ما حاولتي تكونين بسيطــة و عقلانيــة في الصرف الله يسر لج أمــورج و وفقج و خلاج تطلعين أحلـــى عــروس ..

موفقــــــــة يا رب

%% طفلة من هذا الزمان %%

الله يبارك فيج الغــــــــــــــاليه ** ويوفقج ويرزقج بولد الحلال .

ههههههههههههه عادي فديتج حلات الخراريف -- بس بصراحه ما غلطتي باللي قلتيه الغلا جد انا شفت وايدات بالغن فأشياء وايده . وقد ما كانوا يبغون يخلون العرس وايد حلو وما ينــسى والله يخلونه مهزله .
وأنا وياج فـــ ( الحلو مب فسعره * الحلو فشكله عليه ) بقولج شغله ....أنا يوم ملجتي موووووول ما كان عندي وقت إنيه أفصل أو أخطط وين بسير ولا شئ .لإنه والحفله تقررت بعد إسبوع من كتب الكتاب
يعني مووووووووول ما شئ وقت حتى أدور عراحتي؟؟
فستاني حصلته قبل الحفله بــ 4 أيام ( بس ) تخيلي ماكان عندي وقت حتى أدور أي شئ. والله الفستان أول ماشفته عيبني بغض النظر عن سعره أجاره 2500\= وإنصدمت فسعره . كان روووووووووووووووعه والبنات اللي ويايه فالدوام لين اليوم يقولولي فستانج مب مبالغ فيه لكن حلالالاته تخبل .. ( جان أستانس )
والميك آب طبعا هيفاء ما قصرت . والحمدلله الحفله والعروس اللي هيه أنا :harhar1: كانوا أووكييييييييه .. كل شئ صار بسرعه لكن ظهر غاوي لإنيه ما بالغت ولا زهدت ولا قلت أبا الغالي عشان فلانه تقول انيه لبست وسويت . المهم انه غاوي عليه وكان وااايد مناسبني
(( مشكوره فديتج عالنصيحه اللي هيه صح × صح ))

ومشكووره عالمرور الغلا ** وعقبالج يارب