عرض للطباعة
السلام عليكم ورحمه الله وبركاته
موضوع شغل بالي وجود شباب في مسنجر بنت والعكس صحيح يعني شاب فيه معه بنات علي المسن
هل هالشئ يعتبر خلوه؟؟؟؟؟؟؟؟؟؟ هل هالشئ حرام حتي لوكان الحديث لا يتعدي حدود الادب؟؟؟؟
هل انت\انتي ضد هالشئ بمطلق او فيه حالات معينه تسمح بالهشئ يصير؟؟؟؟؟؟؟؟
طيب لا تنسون الحين دكاترة الجامعه صارو يتحاورن مع الطلبه سواء بنات او شباب عن طريق المسن:nono:
وفي نفس الوقت صار المسن طريقه للتعارف الغير برئ
يا ريت كل واحد منكم يدلو بدلوه ويخبرنا عن رايه بكل صراحه:smartass:
دمتم سالمين
وعليكم السلام والرحمة
هو حرام المهم انهى رمسته صار هالشي حرام ^_^
يوم نحن كنا بالصف كنا ناخذ درس فالابلة قالت انه حرام فربيعتي قال حتى لو كان عالمسن؟؟جان تقول الابله اكيد حرام وهني انا نقعت من الظحك مادري ليش
فانتضار الاراء الاخرا
\
بسم الله الرحمن الرحيم ..
رأي شخصي ..
انا مرات احتاج حد يساعدني ف امور سواء واحاتيه ام تعليميه فأنجبر اني اضيف بنت وياي ومن بعدها ( بلوك ) سواء منها او مني ..
اسجل حلفي بالله بأني لما اكون مع البنت ف المسنجر اعتبرها اختي ووحده من اهلي ..
ليت اهل العلم يسجلون فتاواهم عشان الكل يعرف اللي له واللي عليه ..
بحفظ الرحمن ..
هلا محب الشيخين
هلا ريم العين
انا كنت بدوره خارج البلاد وتعرفت علي الاساتذه الي بالدوره وخذيت ايميلاتهم واحيانا اكلمهم عن اشياء بالشغل او اسالهم عن كورسات معينه
بس مدري اذا هالشئ حرام والا لا؟؟؟؟؟؟؟
يعني انا الصراحه اعمل بمكان خلط اوكيه واكلم الريايل والبنات واعتبرهم اخواني وخواتي
مدري والله اتمني سماع ارائكم
عن نفسي ...
كل البنات الي تعرفت عليهن من النت و كانن بالماسنجر معايه سويتلهم بلوك ودليت .... خلاص ..
مسنجري غدى اوت اوف قيرلز اوف نت.......
معايه بس ربعي الشباب ... وبعض من اهليه
احس انها خيانه اني اكلم وحده ماعندي معاها اي علاقه (غير الشغل او شي ضروري) في ظل التغير الي حصل بحياتي في هذا الوقت القريب..
واصلا النت بكبره صرت ماادخله الا باليوم ساعه او اقل من بعد ماكنت 15 ساعه اداوم فيه !!!!
الله يعينا ويعين اليميع
امممممممم ابي اقول شئ بس اخاف تزعل علياقتباس:
المشاركة الأصلية كتبت بواسطة الحساس
ليش سويت لهم بلوك و دليت؟؟؟؟؟؟؟؟
اذا فعلا تعتبرهم خوات فما اظن انك بحاجه انك تسوي لهم بلوك ودليت :puppyeyes:
مشكور خيو علي صراحتك :yes:
الريال خاطب شو تبينه يرمس عسب حرمه تضربه هههههههههههههههههههههههههههههههههههه
هههههههههههههه لا حشه مو قصدي,,اقتباس:
المشاركة الأصلية كتبت بواسطة ريم العين
بس قصدي انا اذا مثلا تزوجت ماراح احذف الناس الي عرفتهم بالمسن
اولا لانه معظمهم بنات
ثانيا اذا كانو شباب ,,,,,دكاتري بالجامعه او اخوان معاي بالمنتدي,,,,, لا اكثر ولا اقل
ماعرف اذا هو حلال ولا حرام ولا شو بالضبط لكن احس انه يمكن يكون مكروه لو مب حرام .. لانه يقولون يوم 2 ويا بعض الشيطان يكون ثالثهما
عن نفسي ماظيف اولاد على مسنجري لانه ماعندي سبب مقنع اظيفهم.. اذا محتاجه شي .. شي كفاية بنات في هالعالم يروموون يساعدوني في هالشغله .. واذا البنات مايرومون اروم احط موضوع في المنتدى اسأل.. وثاني شي ثقة اهلي فييه .. احسن شي ادش النت وانا مرتاحه واعرف انه اهلي يعرفون اني ماسوي شي غلط ومرتاحين:fa35:
الوااحد يبتعد عن الشبهه
وانا مدري
يمكن المفرووض البنت تتجنب هالموااقف
لكن لو شراات حالتج اظني جاايز لأن غايته العلم مش سوالف و غشمره
والسمووحه
وعليـكم السـلام ورحمـة الله وبركـاته
أختـي وعــد..
لن أقـول عنـها حـرام, ولكـني أرفـض ذلك الأمـر, فمهمـا كانت الحجج من طلـب المساعـدة أو استفسـار,
أو بحجـة تبـادل المنفعـة, أو حتـى مجـرد محـادثـة عـادية أخـوية, سـ تتطـور العـلاقـة يـوم مـا, وإن كـنت
اعتبـره بمثـابـة أخـي, فـذلك لن يمنـع من تطـور العـلاقـة بيننـا, لأن الفطـرة تقـول أننـا ننجـذب نحـو البعض.. !!
وإن كنت أريد أي مساعـدة أو استفسـار, فـيمكني طلبـها من أي فتـاة وليس من الضـرورة أن يكـون شـاب,
وإن كنت أريـد معلـومة أو أي أمر مهم من كـاتـب أو دكتـور أو أي شيـخ مثـلا, فـ يمكننـي مراسلتـه عبـــر
البـريد الإلكتـرونـي دون إضافتـه للمسنجـر..
عسـى ربـي يـوفقـج ويحفظـج أختــي
والسمـوحــة !!
وعليـكم السـلام ورحمـة الله وبركـاته
الاخت الكريمة وعــد..
.. اصلن الماسنجر ما استوى الا لهذا الغرض الا وهو للتعارف ... يعني مثل ما اتفضلتي الشباب ضايفين بنات والعكس صحيح ، المشكله هالظاهرة انتشرت وايد وبشكل رهيب ، ما نقدر انحد من هالظاهرة :fa36: ، بس انا ما اقدر أفتي واقول هذا الشيء حرام ولا حلال لأنه في ناس ابخص بهالشيء هم الي يقررون ان كان هالشيء حرااام.
>>>>> على سبيل المثاااال >>>> انا رحت مكان سواء الاتصالات أو المرور او الجوازات اخلص اشغيييلة والمكان هذا في بنات بنجبر اني ارمس بنات.
والسموووحه مني
الضرورات تبيح المحظورات ..
اذا كانت الضرورة تقتضي انني اكلم فتاة لعمل او غيره فاعتقد ان لا شيء في ذلك ..
مجرد راي .. شكرا على الموضوع ..
[بسم الله الرحمن الرحيم..
في البداية أنا أضم صوتي مع صوت " دموع قلم"..
و إستنادا على كلام مشايخنا وعلمائنا بأنه " لا يجوز"..
وهذا الموضوع ذكرني بموضوع قديم جداً كتب في هذه الواحات..
ولكني لا أذكر الكاتب أو الكابتة..
لكنه كتب الموضوع بطريقة راااااااااااااائعة في الطرح والسلوب والإقناع
مستندا بكلامه بأقوال العلماء..
وصحيح الضرورات تبيح المحظورات ..
ولكن نحن لا نستطيع أن نبيح لأنفسنا ما لا نعرف حكمه
معتمدين على هذه المقوله..
وبما أننا في زمن فتنة
والقابض فيه على دينه كالقابض على الجمر..
ولكن..
قال رسولنا الكريم_ صلى الله عليه وسلم_:
"الحلال بين ... والحرام بين..
وبينهما مشتبهات لا يعرفهن كثير من الناس..
فمن اتقى الشبهات فقد استبرأ لدينه وعرضه ومن وقع في الشبهات فقد وقع في الحرام!!!
موضوع جدا مهم ويمس شريحه معينه من الناس واغلبهم يتمثل في الشباب الناشئ
فالمسنجر كالسكين له ايجابيات وله كذلك سلبيات فمن استطاع ان يستخدمه استخدام صحيح فقد سلم
ومن استخدمه لامور بذيئه وامور غير سويه فاليعلم ان الله يعلم مافي الانفس ومضمونها ..
تقبلوا مني هذه المداخله السريعه
والله يهدي الجميع
ما شوف للمسنجر أية أهمية أكثر من كونه أداة للتسلية لا أكثر و لا أقل ... مب المشكلة إن الواحد يكلم بنت لكن المسنجر نفسه يلقي تأثيراته السيئة خلال المحادثة و بعد المحادثة و أعراضه تستمر لفترة طويلة لكن الخطر الأكبر هو الوقت الضايع هذا الشي مستحيل يرجع و اللي ما يتعلم اليوم بيتعلم بكرة ...