ليش يوم كانوا عندي ماكنت ابيهم واليوم ابيهم؟؟!!

مرحبا ملايــــن...

شحالكم؟؟؟

ليش يوم كانوا عندي ماكنت ابيهم واليوم ابيهم

البدايــــه ::...

ايام المدارس وحده اسمها ::..ش..::

كانت دوم اتمر عند جامت صفنا تتمنى تكلكني

وانا مطقعه .. دوم كنت اقفطها... لن اهتمامها

فيني يقهرني لنها بزوود تهتم ... وع نهاية العام

عزيتها حيل حيل وفارقتها ... وينج يا ::..ش..::

سافرت بتدرس برع..

الغاليـــــــــــــــه::..ح ..::

كنت ارمسها ع المسن واايد كنت وياها وبعدين ماقمت اسولف وياها

وهذا الي خلاها اتعصب وخلاها تهزبني

ماكنت احب اسولف افــــــــــــــ ... اللقاء الاخير

ح::..اليمه انا ماراح ادخل مره ثانيه

اليمه::..ليش؟؟

ح::..اهلي مانعيني من كل شي

ربيعتي الي ويايه من ماكنت صف 3 ::..ل..::

كنا نلعب مع بعض واروح بيتها انام هناك

اللقاء الاخير ف عرسها...

اليمه::..مبروك ((ل))

ل::.. تباركيلي ع شوه ع شي مابغيه

اليمه::..كان لازم ترلافضين

ل::..اهلي متششدين وااايد اليمه مااقدر ارفض
وهو من هلي..

اليمه::..مابتم بروح

..................................:::............. ..........:::..................:::

كلهم روحوا الله يهنيهم ف حياتي:bye2: بس جد وحشتوني

يالغالين...

نقابل ناس ونفارق ناس والذكرى الطيبة هي اللي تترك أثر طيب ...
يعني حتى لو صار إنه كنت اعرف فلان وسافر او مات اتذكره كيف كان لو بين فترة والثانية ..

أليمه .. تجارب مرت بحياتج .. تقدرين تتغيرين من بعدها ...
مهما قهرج فلات بتصرفه المبالغ ... اتجاهليه لكن لاتجرحينه ... بس عسب مانندم ..

دايما اللي نباه مانحصله واللي عادي عدنا عدم وجوده يكون ويانا ...

مرحبا .... هاذي حال الدنيا يا أليمه ما أدوم على حال واحد

الله يصبرج على فراق اللي تحبينهم اكيد لج ذكريات حلوه وياهم اذكريهم بالخير

أختج .... ناعسة الطرف

لحـظــات الوداع أصـعب على الشخـص ما يكـون
.. يامـا شفنا ناس وعرفنــاهم لكـن ما حـسينا بغلاتـهم
الا بعد فرقاهــم ..

كـلمـه أخـيره ..
اشـتــقت لكـم حـيل انا بـعد .. :(

يا عزيزتي هذي الدنيا تفرق ما تجمع
الله يوفق ربعج بحياتهم وانتي بعد بجئ يوم هم بيقولون وين اليمه وايامها خذتنا الدنيا ومشاغلها

عادي الدنيا لقى وفراااااااااااااااااااق...وكل ما تمرين بمرحلة بتفترقين عن حد...


وبعد الزواااااااااج يمكن نادراً لو حصلتي حد تم وياااااج ...


عادي خذي الدنيا ببساطه ^_^

المزوحي::...

الدنيا لقى وفراق شرى ماتفضلت

وتسلم ع المرور الطيب..

ناعسة الطرف::..

اكيد نذكرها حتى لوكانت تناتيف ذكرى

والله يسلمج اختي..

قرموشه::..

للذكرى محطات ومااحلى

تلك المحطات التي تئخذ على محملها

بالذاكره وتجعلنا نبتسم...

مي تو والله

وعد::..

تسلمين غناتي ع المرور..

ظبيه::..

تسلمين غناتي ع المرور

لقى وفراق وهموم بالقلب تزداد
وش حالتي يومني فارقت اعز ناسي؟؟!!

مثل ماقلتي.........

ببساطه

أليمه إختي هذي الدنيااا لقااء و ودااع وصدقيني رااح تتلاقوون مره الثانيه لأن مستحيل الدنيا صغير وشراات ما ودعتيهم رااح تلقينهم<<<دووم ينقاال لنا والصرااحه ينطبق>>حبوبه ماأقول غير ربي يوفقهم وين ماكانوا وأكيد هم ذاكرينج وربي يوفقج ولايهمج

السلام عليكم والرحمه

اشحالج غناتي .. عساج بخير ؟
قريت كلامج وقلت فـ خاطري
ما نحس بـ غلا احبابنا .. الا يوم نفقدهم

وهـ الشي صار وياج الحينه
لكن عزايه الوحيد لج
انج تحمدين ربج اللي جمعكم .. ولو بـ لحظة وداع
تقدرين تذكرينهم فيها :yes:

تخيلي نفس بـ دون هـ الذكرى
كيف بـ تكون حالتج ؟!
هونيها وتهون عليج غناتي
والله يحرسج ويحميج .. ويريح قلبج يا الغلا

والسموحه عـ الكلمات
وربي يعطيج الصحه والعافيه
ويسلمووونيشن اليمتنا

اختج
عـذ الـروح بـة

http://upload.bindubai.com/download/...alam-oasis.gif

هاي الدنيــــــــا
لقــــــاء وفــراق

لقـــاء يسعدنـــا وفـــراق يؤلمنــــا

http://upload.bindubai.com/download/...line-oasis.gif

إستغلي كل فرصه وراوي ناسج و ربيعاتج كيف انتي تحبينهم .. محد ظامن عمره .. يمكن اليوم نحنا "احياء" .. باجر "اموات"

انا يدوتي تعبانه .. ونا وااااااااااااااااااااااااااااااااااايد احبها وحزينه لأني عارفه عمري مقصره اتجاهها .. طول عمري كان همي وناستي وبس .. كنت استغل كل فرصه اظهر فيها من بيت يدوه عشان اتحوط .. بس الحين بعد الي صار .. صرت ما اطوف فرصه إلا واكون معاها ..

بس بعد ما يكفيني .. أبيها ترجع مثل اول .. انا وايد ندمانه :(

وهذا درس عمري ماا بنساه .. ولازم كلحد يتعلم منه ..

انا مش راضيه عن نفسي لوايد امور حصلت لي .. اتمنى لو الزمن يرد سنه لورى .. كنت بكون احسن ..

تصدقين .. أنا وايد شخصيتي تغيرت من توفى يدي الله يرحمه .. للحين ما اصدق ان في ناس تموت . . دايما احس انه هو مسافر و بيرجع .. بس سفرته طووووييييله .. أنا متولهه على ايامه وايد .. ما تصدقين كيف الدنيا .. ما تحسين بقيمت الي يحبونج صدق .. إلا يوم .........


اسمحولي مابي اكمل .... صار الموضوع مزعج بالنسبالي !

[mark=000000]

هزايم::..

[/mark]

اشكرج ع كلامج الحلو...اتمنى

هالشي والله يوفق الجميع ان شالله

[mark=000000]عذبة الروح::..[/mark]

هيه والله مانحس ابهم الى يوم

يروحون عن دربنا وفجاه ندورهم

ومانلاقيهم..

الغلى اشكرج ع المرور الغاوي

ومالنا حل غير انه انهونها ..يمكن تهون

ويسلمونيشنات ع المرور عذبتنا:kcl:

[mark=000000]طير الغرام::..[/mark]

لقى وفراق :sadwalk:

حيــــــــل شال الخاطر من بعد

فرقاهم ..

اشكرج الغاليه ع المرور

[mark=000000]بوظبي::..[/mark]

صدقتي غناتي محد ضامن شوه باجر بيصير فيه..

احيانا نكون نحب حد ومانشعر بهالشي الى اذا

الي نحبهم يستويبهم شي ..

مانقدر يلساتهم ولا سوالفهم الى بعد تروح وتصير ماضي

ويبدى الحنين ايذكرنا بيلساتهم وسوالفهم وضحكاتهم

بااحلى ايام عشناها معاهم ..

تصعب علينا فرقاهم مانتصور ولا يجي فبالنا انهم رحلوا

للأبد يمكن انحس انه حلم ومانستوع الي صار

ننتضرهم مع انه مافي امل انه نلاقيهم ..شو بنسوي غناتي

هذي الدنيا لازم نتحملها بصعبها وسهلها..

زعلني ردج وحسيت ابه لنه موقف صارلي ف حياتي اكثر

من مره بجذب اذا قلت بصبر ع فرقاهم مع الايام بنساهم

لا بد انه اي ع البال ذكراهم .. اكيد في اشيا تذكرنا ابهم

اغاني ..اكلات ..سياير وغيييرها واايد اشيا

لا حياة دون وداع ودون دموع ..

الله يفرج عن الجميع ان شالله بس هالسنه مش غلسه

علي وعليج انا لاحضت انه ع كثار غيرنا هالسنه حيل نحسه

عليهم..

والسموحـــه

اليمه

هذا الشي الوحيد اللي لازم انكون متاكدين منه
مهما حبينا ناس وكنا معاهم دوووم اخر شي بنفترق
باي طريقه كانت المهم انه فراق
الله يعين كل من فارق احبابه
والله يهني كل من غاب عنا بحياته

دانة حتا::..

هذي هي الدنيا يالغلى مره تزعلنا

ومره تفرحنا بس ع كثر ماتاخذ تعطي

مانقول غير الى الي الله كاتبنه بيصير..

وماعدنا اعتراض ع مشيئة الله..

واشكرج غناتي ع المرور الطيب

حلووووووووووو

منصوري الدولة::

تسلم أخويه على ردك.. وبنتظار يديدك

يااااااه يا أليمــــــــه .. !!

ذكرتيني بذكريااات .. مادري اوصفها بإنها ذكريات أليمه .. والا انها ذكريات حلوه

ذكريات .. فقدت فيها ناااااس عزيزين وغاليين علي .. ناس خذاهم الموووت مني :bye2:




في نفس الوقت .. تذكرت ذكريات لي مع ربيعاتي ..

افترقنا غصبن عنا .. بسبة موقف صار وللأسف فرقنا عن بعض



هاي هيه الدنيا يا أليمه ... ذكريااات فراااق ... وذكرياااات حلوه

ومع هاي الذكريات ... بتتذكرين ناس .. وقفوا وياج مواقف أبد ماتنسينها



عسى الله لايكتب فرااااااق ... ويجمعنا ويا اللي نحبهم دوووم ... :fa35:

لحن الحياة::..

في هذه الحياة تختلف مفارقات الوداع

ولكن تبقى هي نفسها المشاعر مشاعر الحنين

والشوق ..

نكتمها في قوبنا وحين تغضب امواج الشوق تهدم

سد الاشواق لينساب الحزن في قلبنا

لنتذكر من اخذهم قطارهم بعيدن عن مسار قطارنا

ولكن تبقى الذكريات محاصره لنا

وبين الحين والحين نتذكر ايامهم الجميله ونبتسم مع

انهلال زخات من امطار اعيننا..

دمتي سيدتي