موضوع يهم كل مواطن غيور ..

السلام عليكم ورحمة الله وبركاته

من بعد غيبة طويله ارجع لكم .. ولكن بحزن عميق ومؤلم :narr:

قريت اليوم مقاله للاخت ميساء راشد وكانت تكمله لمقاله نشرتها في السابق مضمونها الصحافه الاجنبية في الدوله ومدى وقاحتها من خلال ماتنشرها من مقالات وافتراءات على البلاد والمواطنين..

بعد ماتقرون هالرابطين ... خلونا نتناقش ولو لمره ونوصل لاتفاق ايجابي ونوصل صوتنا للمسؤولين بخصوص هالموضوع لانه قام يكبر وياخذ مجراه السياسي والاجتماعي السلبي.. :kkk:

http://www.albayan.ae/servlet/Satell...e%2FFullDetail


http://www.albayan.ae/servlet/Satell...e%2FFullDetail

السلام عليكم ..

هالشي جديم و من زمان وكل يوم يتكرر ..

ليش ماسمعتي البث المباشر الي يذاع في إذاعة 103.8 على ما اعتقد ؟؟

مابظلمهم وبكون واقعي شويّه، 98% من الشكاوي كلها على المواطنين و الدولة (بحكم انه برنامج البث المباشر) و الي يقهرني اكثر شي هالهنود الي يرمسون انجليزي .. اذكر مره يخبرني واحد، هندي اتصل محتشر ليش البلاد فيها قانون الكفالات ؟؟ و كان يُـطالب الدولة بإلغاء الكفالة .. يعني عادي يدش الدولة بدون كفيل ويشتغل فيها و يعيش و و و ...

هذا غير جريدة ال 7days المملوكة ل .... .. أستغرب والله العظيم استغرب كيف صاحبها مواطن و يسمح باللي ينكتب فيها ؟؟ :boxed:

الجريدتين الي ماعليهن كلام، Gulf news و Emirates today ..

و على فكرة في الجرايد الاجنبية يوم يكتبون خبر و فيه مواطن .. يطلعون المواطن على انه نكره ..
على سبيل المثال مره قريت مقاله تقول .. كان الحادث كبير و المتسبب في الحادث مانزل حتى عشان يشوف المتضرر ... الخ و على فكرة المتسبب كان مواطن .. الجملة الي لونتها بالاحمر هيه أساس المشكلة، البعض يمكن يحسبها عاديه لكن انا اشوفها كأنها تأكيد على ان هالافعال ماتطلع الا من المواطنين ..

أبــداً ماشي رقابه .. عموماً تسلمين اختيه على هالموضوع .. :puppyeyes:

هذا اسلوب هالجرايد!.. استبيان وخرابيط.. وآخر شي مسوينـه
على 100 شخص.. ونصهم عمال الجريده،، والكلام مب موجه
للجرايد الاجنبية بس!!

حتى الجرايد العربيه.. بياعين حجي ويستغلون الكلام اللي بيسوي حشره
ومشاكل.. واللي يتكلم بهالطريقه عن بلادنا اقوله،، والله في بلادكـــــــــم
تحلمون تحصلون حد يعاملكم بهالطريقة او تحسون بالأمان اللي عندنـــا

ومثل هالأشكال لازم يكون هناك حد يوقفهم عند حدهم.. واستغرب يوم يتكلمون
ويتفلسفون هالأجانب.. الله يخسكم انتوا تسجنون الناس اذا ضربوا جــلاب!!.. و
احين تتكلمون عن سوء معاملة وشتم!

ماقول غير انه هالأشكال صدق ما ينعطون ويه.. والله قمت اكره هالاجانب
يتصرفون بطريقه غير طبيعيه،، ومصخوها في حريتهم الزايده!

الله يعين وان شالله يلاقون حل لـ هالأشكال!

مشكوورة عالموضوع

لماح::

يمكن الموضوع جديم بالنسبه لبعض لكني البارحة يوم قريت المقاله حسيت اني بركان وبينفجر لاني من زمان اكره الاجانب ووجودهم في البلاد ، وقاموا يصدقون عمارهم يحسون ان البلاد بلادهم ،، وحدة بريطانيه اتخبرني واتقولي انا مولودة في دبي مافكر ارد بريطانيا .. هاي بلادي :puppyeyes:

والي عرفته من فتره ان الاجانب الي ساكنين في المرابع (او المنطقه الي هناك) طرشوا ناطق رسمي باسمهم للبلدية عشان يطلبون منهم شارع خاص لمنطقتهم (مستعمرتهم)

الموضوع اكبر من انه يكون جديم ولا يديد ،، الموضوع اشبهه بالتحدي ،، هاي الفئه قاعدة اتحرض واتخطط لاشيا ثانيه انتو غافلين عنها ... والدليل على ذلك انهم قاموا يعلنون نواياهم ... ممكن يكونون عنصر تخريب في البلاد من كثر مايشوهون سمعتنا وخدماتنا وغيره ... قاعدين يدخلون في امور الدوله ومايحقلهم ... ليش السكوت ،، كم بنسكت عنهم ...

الواحد منا يوم يسير بلادهم يبهدلونه ويذلونه في المطارات والاجراءات ،، فما بالك اذا ييت انت واتكلمت في خصوصيات الدوله ؟؟؟؟؟؟؟؟

عايشين احسن حياه .. امان ومناصب ورفاهية ... مايحاصلونها في بلادهم وفوق كل هذا يايين يسبونا في بلادنا .. :narr:

اسهر معي ليلة... الموضوع لازم ينظرون له بجديه تاااااامه ... والمسؤولين لازم يتحركون وحطون حد للموضوع ..

يوم الهنود يسوون مسيره في الشارع بدون استئذان ،، ويوم اجنبي يغلط على البلاد والمواطنين ... باجر بيطردونكم وبيقولون هاي بلادنا ...

لبن مثلج ..

الي قصدته من أن الموضوع جديم، هالشي دايماً يتكرر و من زود ماتكرر تمنيت لو اقرا او اسمع او عالأقل احس ان هناك ناس حاسه بالخطر الي يهددهم .. لكن لاحياة لمن تنادي، مشغولين تراهم يتابعون نجم الخليج و و ستار اكادمي و و و ..

كلمة الحق تنقال، أنا شخصياً أكثر ناس احترمهم من هالأجانب هم الانجليز .. لكن يبقى هالانسان وافد وغريب و يُعتبر كالقنبلة الموقوته في أي لحضه ممكن ينفجر و يضرنا ..

اقتباس:

---

الموضوع اشبهه بالتحدي ،، هاي الفئه قاعدة اتحرض واتخطط لاشيا ثانيه انتو غافلين عنها ... والدليل على ذلك انهم قاموا يعلنون نواياهم ... ممكن يكونون عنصر تخريب في البلاد من كثر مايشوهون سمعتنا وخدماتنا وغيره ... قاعدين يدخلون في امور الدوله ومايحقلهم ... ليش السكوت ،، كم بنسكت عنهم ...

---

الموضوع مش بس تحدي، إنما الموضوع عبارة عن سطو مسلح و جريمة إغتيال للهوية الوطنية مع سبق الإصرار و الترصد و قضية إحتلال و إستغلال للدولة و لمواردها .. قبل فتره مئة عامل احتجوا وقامو بمضاهرة بدون سبب و سدو شارع الشيخ زايد و ارتبكت حركة السير وهي اصلا مب ناقصه .. 500 عامل انقطعت عنهم الكهربا لمدة نص ساعه اتحجو و قامو بمضاهرة بالاضافة الى اعمال تخريبية خربوا سكن العمال الي هم فيه، هذه البداية لأن الاخ الكعبي يشرف في الوقت الحالي على بناء مجمع لسكن العمال عبارة عن مجمع كامل فيه جميع وسائل و سبل الراحة ( مثل المرابع العربية و مجمعات اعمار ) يضم 15,000 عامل و بيبنونه في بوظبي .. بالعقل، نحن 100 عامل مارمنالهم و سدولنا شارع الشيخ زايد .. مابالكم لو عالأقل 5000 عامل من هال 15000 عامل احتجو ؟؟ او نفترض انهم كلهم احتجو و قامو بمضاهرات ضدنا .. منو بيوقفهم عند حدهم خصوصا وهم كلهم متيمعين في بقعة وحده .. لاجيش ولا شرطة ولا حتى القنبلة النووية بتنفع و قصورها دولة الامارات تجتل واحد فيهم بتقوم القيامة و بتدخل جمعية حماية حقوق الانسان و السفارة الهنديه و الباكستانية و الايرانيه و خالتنا امريكا أكيد بيكون الها ضلع في السالفه و بنطيح في مشكلات سياسية و اقتصادية نحن في غنا عنها .. !

هذا واقع انفرظ علينا ولازم انعيشه .. دولتنا تعتمد على الاجانب اعتماد شبه كلّي و المواطن اصبح في دولته غريب .. الأجنبي عنده مسكن ببلاش و اذا ماعطوه يقدر يحصل و بسهوله بيت في أي مكان و بأسعار منافسه لأن الي بيأجرله البيت من بني جنسه و المواطن بيعيش و بيخيس في بيته الي صقفه يخر ماي ..

لكن يبقى هناك بصيص أمل .. ولو انه صعب المنال لكنه مب مستحيل ..

الوالد قال لي قبل 30 سنه الشباب يوم كانو يتوضفون، مدير الدائرة الحكومية أجنبي و مدرا الدواير و رؤسا الاقسام و مدير الموارد البشرية كلهم وافدين و المواطنين ينعدون عالأصابع .. لكن اليوم العدد زاد و اكبر مثال بلدية دبي و اتصالات و غيرهم الكثير ..

على المواطن انه يفرض وجوده و لازم يحط في باله ان الدنيا دار اختبار ولازم ينجح في هالاختبار، يجد و يجتهد و يبني و يعيش لين مايوصل لمنصب أو لمرحلة تخوله بتحمل المسؤولية و إصدار القرارات حزتها بيكون بمقدوره انه يخدم البلاد ولو بالقليل وبيقدر ينظفها من هالوصخ ..

و بخصوص الرقابة على الجرايد هاذي .. الطريقة الوحيده هي بإرسال رسالة لديوان الشيخ محمد مع نسخة من نفس الرسالة الى القرقاوي و بعض من الي يهمهم الأمر و لازم تكون موقعه من قبل كمن شخص عشان يعرفون المصدر و صدقوني مابيقصرون وياكم :yes:

وازيدكم من الشعر بيت:

http://www.albayan.ae/servlet/Satell...e%2FFullDetail

وعليكم السلام والرحمة ،،،

... دولة الامارات تواجه ضغوط شديدة من الدول الاجنبيه والسبب الاجانب الموجودين عدنا فالبلاد ، لانهم مب عايبتنهم القوانيين الي حاطتنها الدولة !!! :fa39:
.
.
.
صدقوني جماعة الخير الدولة مب مقصره فيهم وسوت كل شيء عشانهم بس عشان ترضيهم وعلى كل هذا انحصل انتقادات واسعه منهم ومثل على ذلك " جمعية حقوق الانسان " بس ماتيسر اترمس هندي الا على طووول راح هناك واشتكى عليك !!!
.
.
.
خلوني اخبركم بسالفه اتضحك :hist: :

...... ما أدري في سالفة صايرة تقريباً قبل اسبوع وبالتحديد في دبي ... جان حد سمع عنها ايقولكم في سائحة إيطالية خاطرها تسكن في برج العرب بس يوم راحت هناك لقت سعر الحجز مرتفع وايد وما قدرت تسكن هناك ... شو سوت الحبيبه راحت ويابت تقرير من المستشفى على انها فيها حساسية من الحناء ، ادريبكم بتقووولون شو دخل الحناء في السالفة. :puppyeyes:
السائحه تفتشت عن طريق موظفه في المطار وهالموظفه كانت متحنية ، وأدعت السائحة انها أصابتها حساسية بسبب الحناء وقامت واشتكت على الموظفه وقالت اذا ما سكنتوني في برج العرب لمدة اسبوع راح اشتكي عليكم brgll: يا شرطة دبي. بس محد سوالها سالفه:fa36:

والسموحه منكم :boxed:

كشره:: شكرا عالاضافة والمشاركة

لماح-لماحكو: ردك الثاني اعطيه عشرة على عشرة ... ومثل ماقلت المواطن اصبح غريب في بلاده ،،ولو قريت مقالة اختنا الاخيرة بتحس بمدى المها هي وغيرها من الصحفيين على الي يستوي في بلادها .. وشوف الادب والذوق عدنا نحن العرب والمسلمين ،، ماذكرت اسم الصحيفة لكن في المقابل الصحيفة التعيسة اطاولت علينا وزيادة بكل وقاحة وجراة ... على راي واحد من الكتاب ،، اليوم اطاولوا على المواطنين والخدمات باجر بيطاولون على الشيوخ في عقر دارهم ،، والي عقبه بيطالبون بالبلاد :bye2:

انت تدري ان المواطنين :narr: من هالقضيه ..

بس اقتراحك في محله ... لكن كيف ممكن توصل الرساله ؟؟؟

وانا ان شاء الله بكلم الاخت ميساء وبتاكد منها شو اخر التطورات اوالمساعدات الي ممكن نحن انقدمها لها (انسانه محترمه وواعيه وجدا متعاونه)

على فكرة:: صورتك حلوه (انت راسمنها في الكلاس من الملل ولا رسمة حد من اليهال عندكم) :hist:

قايد الريم::

جمعية حقوق الانسان في الامارات ؟؟؟

بالعكس نحن المواطنين محتاجين جمعيه لصالحنا تاخذ حقنا من الاجانب..

وهذا الي كان ناقصنا هنود .. ويشتكون علينا (عجب عجاب)

اما الايطاليه هاي فزين يوم طنشوها ... على كل دقه ساروا واشتكوا وطالبوا بتعويضات ... ماشي شغل يايين يكدون من ورا المواطنين يتحرونا نشرب بترول (على قولتهم)

قـــايد الريم و لبن مثلج ..

دايماً اردد و اقول هالشي يوم اشوف شي مايعيبني ..

الوافد يوم حد يظلمه او تستويله مشكله عنده حد يلجأله، يا يلجأ لسفارة بلاده، أو يلجأ لجمعية حقوق الانسان، أو للشرطة بشكل عــام او الشرطة قسم حماية حقوق الانسان ( أو حماية حقوق الوافدين بالاحرى ) هذا طبعاً غير وسايل الاعلام الي بكل سهوله بتنشر مشكلته لأن المحررين و الصحفين و الكتّاب اجانب و هو اجنبي بالاضافة الى ان الرقابة ضعيفه عليهم و محد بيراقبهم ..

اما المواطن .. اممم ابغيج انتي تذكريلي بس دايره وحده او مؤسسه تهتم بالمواطن بس بشرط ماتذله او تشهر به ..

لبن مثلج ..

اقتباس:

---

بس اقتراحك في محله ... لكن كيف ممكن توصل الرساله ؟؟؟

---

ان شاءالله باجر بتكون الارقام كلها موجوده .. بطرشلج اياها عالخاص ..

اقتباس:

---

وانا ان شاء الله بكلم الاخت ميساء وبتاكد منها شو اخر التطورات اوالمساعدات الي ممكن نحن انقدمها لها (انسانه محترمه وواعيه وجدا متعاونه)

---

عندج الاخت عاشه سلطان بعد ممتازه ..

اقتباس:

---

على فكرة:: صورتك حلوه (انت راسمنها في الكلاس من الملل ولا رسمة حد من اليهال عندكم)

---

سر المهنة :harhar1:

لماحكو ::في الانتظار على المدار .. وان شاء الله الموضوع هذا ياخذ حقه من قبل المسؤولين

صباح الخير .. يافتاح ياعليم يارزاق ياكريم

لبووون اخاف تنفجرين عقب ماتقرين هالكلام :narr: :cop:
الله يعين بس @@ حقارة في حقارة

[web]http://www.albayan.ae/servlet/Satellite?c=Article&cid=1148143364372&pagename=Alb ayan%2FArticle%2FFullDetail[/web]

اقتباس:

---

المشاركة الأصلية كتبت بواسطة لبن مثلج

قايد الريم::
جمعية حقوق الانسان في الامارات ؟؟؟
بالعكس نحن المواطنين محتاجين جمعيه لصالحنا تاخذ حقنا من الاجانب..
وهذا الي كان ناقصنا هنود .. ويشتكون علينا (عجب عجاب)
أما الايطاليه هاي فزين يوم طنشوها ... على كل دقه ساروا واشتكوا وطالبوا بتعويضات ... ماشي شغل يايين يكدون من ورا المواطنين يتحرونا نشرب بترول (على قولتهم)

---

... مرحبا اختي لبن مثلج اشحالج عساااج طيبه ...
جمعية حقوق الانسان ما انحطت في اي ابلاد الا تخدم الاجنبي بالاخص ، ومثل ما اتفضلتي احنا محتاجين حد يأخذ حقوقنا لان الاجانب لاعبين لعبتهم في البلاد ومحد ايقولهم شيء :fa36: . بس الله المستعان وقمنا انشوف الغلط ونسكت:shutup: .

تسلمين اختي لبن :yes:

[QUOTE=لمّــاح]قـــايد الريم و لبن مثلج ..
دايماً اردد و اقول هالشي يوم اشوف شي مايعيبني ..
الوافد يوم حد يظلمه او تستويله مشكله عنده حد يلجأله، يا يلجأ لسفارة بلاده، أو يلجأ لجمعية حقوق الانسان، أو للشرطة بشكل عــام او الشرطة قسم حماية حقوق الانسان ( أو حماية حقوق الوافدين بالاحرى ) هذا طبعاً غير وسايل الاعلام الي بكل سهوله بتنشر مشكلته لأن المحررين و الصحفين و الكتّاب اجانب و هو اجنبي بالاضافة الى ان الرقابة ضعيفه عليهم و محد بيراقبهم ..

اما المواطن .. اممم ابغيج انتي تذكريلي بس دايره وحده او مؤسسه تهتم بالمواطن بس بشرط ماتذله او تشهر به ..

مرحبا لماحكوووو .. اشحالك عساك طيب ...
الصراحه كلامك صحيح وسليم ، المواطن ما فيه حد يهتم في ويوم يروح يشتكي محد يعبره ويسويله سالفه :fa36:
والسموحه

كشرة:: شكرا على تواصلك وعلى الاضافة الي فجرتني :narr:

قايد الريم ولماح ... الاخت ميساء قالتلي اذا عندكم رساله وتبون اتقدمونها للشيخ محمد طرشولي اياها وانا بوصلها ... فشورايكم نكتب رساله رسمية وانطرشها على بريدها ؟؟؟

وخبرتني ان المسؤولين بيتخذون خطوة ايجابية وقوية ..

وتراها وايد استانست لاني خبرتها عن الواحات والاعضاء الي مسائين من هالقضيه .. الواحات استوت مشهورة ومهمة brgll:


يالله امنو يبا يشارك في الرساله؟؟؟؟؟؟؟

اختي لبن ثلج ...

والله بادرة طيبه منج ، والصراحه انا اشكرج وااايد على اهتمامج بالقضية ... أحيييج والله .

انا الصراحه اضم صوتي لصوتج :yes: .. بس نتريا لمحاكووو واذا الشباب يبون بعد خير وبركه !!!