عرض للطباعة
السلام عليكم
اليوم تم اعلان من قبل مجلس الوزراء بتعديل الاجازه الاسبوعيه من
الخميس والجمعه
الى
الجمعه والسبت :narr:
ملحوظة: تمت إذاعة الخبر في الأخبار على قناة الشارقة الساعة التاسعة و النصف بتوقيت الإمارات .
الصراحه بالنسبه لي انا .. القرار هذا مووووول مب شي ..
ولي عوده بعد ما اشوف راي الاخوات والاخوه ..
نجـــــــــــ دبي ـــــــــــــمة
هالسالفه مب طايعه ادش براسي:nono:
شو الفرق بين الخميس والسبت ؟ ترى امبينهم الجمعه:doh:
السلام عليكم..
طبعاً.. اللي حطوا هالقرار.. كانوا يراعون مصالحهم الخارجيه.. ع اساس انه الخميس عدنا اجازه و برع يعتبر يوم عمل عادي.. و طبعا هم يخسروووون ملاااااايين بسبة هاليوم..!
و غالباً ما يكون السبت يوم خمول لانه برع هذي اجازتهم.. و اللي يشتغل في البنوك عارف هالموضوع.. يكون السبت يوم بدون شغل !
الخوف من باجر.. يخلون السبت و الاحد الاجازه.. تبعاً للمصالح !
كل حد مب راضي ع القرار.. !!
:no0:
مب حلو
حلاته الخميس اجازة
مادري احسه مب حلوه السبت اجازة
السبت معروف اول يوم في الدوام والناس كلهم مكتئبين وكارهين حياتهم
حرام تتغير مثل هالاشياء الحلوه اللي اتعودنا عليها
يالله شو انسوي بعد لازم نسمع كلام ولاة امورنا
بسم الله الرحمن الرحيم ..
مع الايام بنتعود ع الوضع ! ..
الله يستر من باجر ..
http://upload.bindubai.com/download/...rhf_hearts.gif
نجمة دبي
تسلميـــن ع الخبــر
:)
:
:
اختي حلم الطفوله
الفرق انه الامارات الحين تتعامل ويا كل اسواق العالم ( شركات عالميه و مصارف و اسهم .. الخ )
و في اغلب دول العالم الاجازه السبت و الاحد .. و احنا الخميس و الجمعه .. فاشغال الناس و الشركات واايد تتأثر ...
يمكن احنا ما نحس بالفرق لانه ندرس و تشتغل في اماكن حكوميه فـ باقي العالم ما يهمنا ..
بس بنسبه حق الناس اللي تعاملاتها عالميه .. بتفرق وياهم واايد
:yes:
و السموحه
http://upload.bindubai.com/download/...rhf_hearts.gif
مرحبا ..
هالقرار من زمان قالو بيطبقونه و اليوم سمعت انهم اعلنوا و بيتطبق ابتداء من اول سبتمبر ..
و أصلا وايد ناس عادي عندهم لأن اجازاتهم اصلا الجمعة و السبت ( مثل دوبال و بعض البنوك و الدواير المحلية ) ..
و المصالح الخارجية مثل ماهي مهمة للدولة تراها مهمة لنا نحن ( الشعب ) و الدولة تخسر ملايين الملايين بسبب الاجازة .. نحن اجازتنا الخميس و الجمعة و هناك اجازتهم السبت و الاحد .. ف 4 ايام من الاسبوع بدون شغل و الضغط كله يكون في هال 3 ايام ( الاثنين و الثلاثا و الاربعا ) ..
لازم نرتقي و نكون الأحسن في كل شي .. امر و انفرض علينا و هذا هو الوضع في كل دول العالم .. ف يا اننا نتم على مانحن عليه او نمشي وياهم عشان نوصل لمواصيلهم و نسبقهم .. !
:mar7aba:
.
.
شو هالقــرارات اللي تطــلع . . ؟!
ليــش نحن وين عايشــين . .؟! لايـكون في بــلاد برع ونحن ماندري . . .
وع ماتخيــل أنزل البيــت يوم الخمــيس . . وأرد العين يوم السبــت . .
أووووووف متى بتخرج . .
صدق قـرارات تقـهر وتييب الضغــط . .
.
:bye2:
هيه والله ما اعرف كيف الاجازه بالسبت
والمعروووف انه السبت يوم كئيب وممل :(
الله يعينا بس على هالقرارات اللي ما اتخلص ...
عليكم السلام ور حمه الله ..
القرار اشوفه عادي جدا ..
احنا اهم يوم عندنا كمسلمين هو يوم الجمعه و ها اليوم عيد بالنسبه لنا ..
سواء الاجازه كانت الخميس و الجمعه او الجمعه و السبت كله واحد ..
ترى قبل يوم كنا نحن في المدارس كانت اجازتنا بس يوم الجمعه و طول الاسبوع دوام ..
و اتغير الحال عقب ما خلصنا الخميس و الجمعه و حاليا ان شاء الله بيصير السبت ..
و نفس ما ذكرتوا انه مصالح الدوله و خاصه قطاع الاسواق الماليه و شركات
التأمين و البنوك و ارتباطاتهم الخارجيه ، فها اللي يجعل انه نلحق ع يوم الخميس
و نفس ما ذكر لماح ايصير الفرق 3 ايام بدل 4 ..
اول الايام بنحس فيها غيريبه ولكن مع الايام بنتعود ..
:sadwalk:
..
.
مــا باليـد حيلــه ,,
:mar7aba:
مــاادري لــيش .. :fa36:
بس أحــس انه عادي .. المهم يوميــن في الاسبوع .. :ice:
:bye2:
لايوجد رد
أحسن .. وايد حلو القرار
ما اتخيل اني بداوم يوم الخميس..):
سلام عليكم
والله انا اشوووق هالقرار سليم جداً وعادي وما فيه اي تحفظ :fa36:
.. يعني مصلحة الدولة فوووق كل شيء ، و الدولة تخسر ملايين الملايين بسبب الاجازة الخميس والجمعه .. في دولة قطر القرار هذا مطبق عندهم من سنتين تقريباً.
الواحد يتأمل خير دايماً ... :fa34:
شكرا اختي ع هالخبر وابنتظار المزيد
تحياتي :
اخوكم/ قايد الريم
وولد الحكومة سابقاً
تسلمون عالمرور والاراء المختلفه ..
لكن صدق .. ما باليد حيله ..
ومثل ما قال محب الشيخين .. بنتعود ..
شرات كل شي تغير وتعودنا عليه ..
نجـــــــــ دبي ــــــــمة
ضــد هالـقـرار .. عسـاه يخلـون اليمعـة بس اجــازة ولا السـبت..
ما احس انه فيه فرق.. لانا كنا نداوم الخميس والاجازة كانت بس الجمعه....
والمهم انه الاجازة يومين مب يوم...
مع الوقت بنتعود... ومصلحة البلد فوق كل شي....
تسلمين اختي على الخبر..
الشيء الحلو في القرار أنه اجازات القطاع الخاص والحكومي الأسبوعيه تساوت...ومن هالمنطلق نساء وايد يشتغلون في القطاع الخاص ويداومون وأزواجهم بالبيت وعيالهم هذا بالنسبة ليوم الخميس...ومع الوقت بنتعود وأنا أشوف القرار حلو بالنسبة لي لأنه يوم الجمعه كان يوم متعب لي ما يوحيلنا نتغدا الا ردينا بوظبي...الحين نقدر نستمتع بيوم الجمعه.
وعليكم السلام
القرار واييييييد حلو اشوفه
مشكوره نجمه على الخبر ...
صحيح انه شي غريب علينا
بس مثل ما قالوا الإخوان قبلي،، وما بزيد عليهم
احنا مأجزين الخميس والجمعة والعالم السبت والأحد،، بالتالي ما نتعامل وياهم الا 3 ايام فالإسبوع
اهم شي فالموضوع انه الجمعه اجازة،، وهيه اجازة المسلمين
والمهم انه ما نسمع عقب كم سنة يخلون الجمعة دوامات!!..
عـ العموم هذي قرارات ولاة الأمور،، وبما انها ما تعارض الدين فـ ما نعترض عليها
ومع الأيام بنتعود
مشكورة عـ الموضوع
تسلمون عالمرور .. ويعطيكم العافيه ..
شكلي من الحين بديت اتقبل الفكره ..
نجـــــــــــ دبي ــــــــــمة
أكيد بيتأقلمون عقب فترة .. لكن هم ينظرون للمصالح الاقتصادية وأمورهم اللي مرتبطة برع البلاد
وعالميا ... شكلهم عقب بيخلون الإجازة السبت والاحد
اليوم لمّا كنا نمتحن ,,
دخلت علينا المديره القاعه كـ العاده بجولتها التفقديه اليوميه وخبرتنا !
الخبر صعقنا أول شي ,, ويمكن يكون عادي ما شي فرق بين السبت و الخميس ..
.
.
بس الاكيد الاكيد ان هـ القرار هو مجرد بداية لتطبيقهم قرار اجازة السبت والاحد !
لان لكل شي مقدمات ,, وهـ القرار اتوقع انه انحط عشان الحين محد بيعترض عادي ,,
فـ القرار الياي بيكون اجازة السبت والاحد ,, و ذاك الوقت محد يقدر يعترض ..
.
.
ان شاء الله مع الايام بنتعود ,, واتمنى ان هـ القرار ما يكون مقدمة لاجازة السبت والاحد ,,
اللي هي طبعاً اجازة اليهود والغرب ,,
| نجمة دبي |
تسلمين ع نقل الخبر
ما اشوف انه الموضوع بيسبب ازمه
بالعكس,, الموضوع جدا عادي و يوم بتدخلون المجال الوظيفي بتحسون بقيمة هذا القرار الي بيريحكم من ضغوط العمل و بيوزع شغل 3 ايام على اربع ايام
و في نفس الوقت نظرة الناس بتتغير ليوم الجمعة الي يعتبرونه اغلب الناس يوم كئيب, مع انه المفروض يكون يوم سعيد لنا كمسلمين
خبرنا مستنا ان الجمعه و السبت اجازه
جان تقول دبي لازم تطور و تخلي السبت و الاحـد بعــد و تقــتدي بالــدور الاوربيــه !
من الحيــن طــلعت الاصــوات مطالبه بيــوم الاحــد . . الله المسـتــعــان
يــا جــمـــاعه . . الــموضــوع الحــين جــدا عــادي . .
بــس صــدقــوني هــذا تــمهيــد لــ اجــازة الــســبت و الاحــد
ليش يمهدون الاجازه للسبت والاحد ..
يبغون يسلون الناس عن صلاة الجمعه ؟؟؟؟؟؟؟؟؟؟
نجـــــــــ دبي ـــــــــــــمة
اذا الســالفه جذه عيل رافضين الفكــره .. حدهــم السبت وخلاص .. :nono:اقتباس:
المشاركة الأصلية كتبت بواسطة كـلـكـلـووش
الله ايكون فالعون ،،
مشكوره نجمة دبي
لا مب شي الصراحه ...
مـنـظورهم تـجـاري وغـربي بحـت .. وأغـلـب القـرارات الـيديدة تنـبني على هـالأسـاس...!.اقتباس:
يبغون يسلون الناس عن صلاة الجمعه ؟؟؟؟؟؟؟؟؟؟
الله يعينّا على باجر ..
يعطيكم العافيه ..
نجـــــــــــ دبي ـــــــــمة
مرحبا ..
ما اتوقع الاجازة يخلونها السبت و الاحد .. محد بيرضى ..
و أصلا حتى لو طبقو القرار غصبا عنا .. نسبة قليلة جدا من الناس بداوم دوام كامل يوم الجمعة .. اغلب الناس على الساعة 12 بيطلعون من دواماتهم عسب الصلاة .. فهذا يعني تقريبا 3 ايام اجازة لأن الجمعة مابيعتبر يوم دوام كامل .. !
يا اخي ردودك تعيبني :fa35:اقتباس:
المشاركة الأصلية كتبت بواسطة لمّــاح
شــرجاوي .. هذا الي اتوقعه يسـتوي !! :harhar1:
و أصلا حتى لو قررو ان الاجازة تكون السبت و الاحد .. مستحيل يمنعونك من انك اتصلي صلاة الجمعة و اتوقع أول إمارة ترفض هالشي هي إمارة الشارجة .. دايما امارة الشارجه سباقة في اعمال الخير و المجالات الدينية و الثقافية :)
بالنسبه لي الخميس و الا السبت ماتفرق
المهم الجمعه اتم اجازه و ماتتغير بعد عشان مصالحهم ،، بس ماعتقد انهم يسوونها
القرار عادي وحلاته
اخيرا بيعطونا اجازات اسبوعيه مثل الخلق والناس ..
نحن في البنوك وساعات انداوم بالخميس ..
يعني ما فيها شي حتى دوامنا بالخميس يكون نص دوام ..
المساله مساله تعود وانتوا راح تتعودون اب سهوله
وهالشي حلو للكل ان الرؤووس اتساوت
يعني لا حكومه احسن عن الخاص ولا خاص احسن عن الحكومه
يلسة الاهل والاصدقاء بتكون وحده ويا بعض واللمه راح اتكون جميله بيومي الجمعه والسبت
شو تبون احلى من هالشي
وسلامتكم /
اختكم/ الشوق
تسلمون والله ويعطيكم العافيه ..
من الحين تعودنا عالفكره ..
نجـــــــــ دبي ــــــــــمة