عرض للطباعة
السلام عليكم
انا حاط الـ Opel فيكترا في بالي,,
شو رايك فيها كـ سيارة من ناحية:>> بما انك من ملاك هذه السيارة
الثبات
القوة
العزم
الراحة
الاستخدام على المدى البعيد >> قطع الغيار و الصيانه و خدمة الوكيل
و في النهاية كم سعرها تقريبا ؟؟
لموديل الـ 3.2
http://www.gmme.com/content_data/LAA...lery_800_2.jpg
السعر و المواصفات اقدر اييبهم من الوكالة ,,
بس انا ابغي راي حد مجرب السيارة
و الشكر لك مقدماً
الا ال 3.2 حلوه و قويه و ثابته وااااااايد ... بس من الداخل مافيها خشب و الجلد لونه اسود بس .. الضمان اللي بيعطونك اياه سنيتن بدون تحديد الكيلو .. زيد 1500 درهم و بيخلونه 3 سنوات او 120 الف كيلو ...
المكيف ماشالله الصراحه ما شفت مثله .. بااااااااااارد و يطلع بروده بدونه هوا ( آخ قلبي ذكرتني بها )
عيوب ال 3.2 ما فيها قومه و مشايه عالخط ( اتييب 270 )
و المكينه تخلط .. يعني يبالها تبديل بعد ما تخلط .. سعر المكينه 35 الف فالوكاله
قطع الغيار شي قطع ارخص من الكامري و الاكورد و شي قطع اغلى بوااايد من قطع الكامري و الاكورد ... خدمة الوكيل جيده بس مرات يتأخرون فالصيانه ... تجييكاتها ( كل 5000 كيلو ب 85 درهم ) و تجييك ال 30 الف لعنوا خيري ( 2850 ) ..
السياره مريحه بالنسبه للسائق و الراكب اللي حذاله .. لان الموتر ضيق من ورا
و 2006 شكلها غير ( الويه بس )
http://www.opel.de/res/img/content/s.../pic05_big.jpg
و سعرها تقريبا 127 الف .. بس انا انصحك بال 2.2 .. ما تصرف بترووول موووول ... الفل مالها ( سوبر ب 63 درهم ) و الفل كان يكفي ل مشوارين للفجيره :puppyeyes: ( مرتين ساير و مرتين راد ) و سعر ال 2.2 تقريييبا 100 الف
افففففففففففففف 127 الف
وايد بصراحة,,
بالنسبة للسعر شي سيارات تعطيني اشياء اكثر مقابل السعر
ممكن اني اخذ الباثفايندر اليديد او برادو باب واحد
و انا بصراحة ميزانيتي في الفتره الحالية ما تسمحلي اني اخذ سيارة بـ اكثر من 100 الف
بصراحة شي موتر صدق داش خاطري و هو الجمس بيك اب كبينه و نص 2500 الي ويا مكينه 5.3
ياخي اسميه شييييييييييي و سعره وايد حلو,, 99,000
و على فكرة صرفيته وااااااااااايد حلوه,, الـ 150 تمشيك فوق الـ 600 كيلو
مرحبا ..
ذنيني .. الجمس سييرا تراه فنان و سايقنه .. لكن الي سقته شويه غير ( عليه سوبر جارج و هدرز و زوايد ) .. مشيييييه ماعليه كلام !!
تفويلته 120 اضني واتمشيك 500 ( 500 كيلو مع الزوايد الي فوق .. تخيل !! ) انا بالنيسان افوّل تانكيين ب170 يمشيني الموتر بالكثيير 450 كيلو .. !
عندك حتى موتر يديد و حلو، دودج جارجر .. صرفيته حلوه و مشيه حلو و الوكالة محترمه (( الفطيم )) و الموتر سعره واايد ممتاز ..
عندك بعد الكدلك .. عندهم اسعار حلوة و ضمانهم حلو ..
اذا بتصبر لين الصيف بينزلون الجمس اليديد .. شوف كم سعره بيكون ..
الدودج جارجر شكلها من برع حلو .. ومن الداخل مارك تو ...
ذنيني خذلك جي ام سي بيك اب 3500 ( دبابه مب موتر ) ... و البرادو الكوبي تصرف اكثر من الجي ام سي ... و امسات شفت تاهو ف ليبرتي مال مدير المبيعات .. المكينه نفسها فورتك 5.3 بس شكل الموتر من الداخل و من برع ما علييييه كلاااااام ... اتريا الشفر احسن لك .. المواتر الامريكيه معروف عنها ما تصرف بترول شرا الالمانيه و اليابانيه
نصوور لو خبرتني كنت بييبلك دودج رام sst 5.9 و قوتها 480 حصان ... باعوها ب 33 الف
شرجاوي ..
صح من برع شكلها حلو و من داخل بسيطة ( بس مب لدرجة انها قبيحة ) ..
اذا حبيت ياذنيني، تقدر تاخذلك مني كووبر .. موتر صغير و مايصرف و ينفع حق التخشيشات بس لازم تحاسب يوم بتسوقه وايد خديّ في الشارع !!
اذا حبيت تقدر تاخذلك نيسان رقم 2 موديل 2005 .. نظيف بيكون..
لماح تبا تعذبه بالبترول .. يا ريال شو فتك .. والله بالوعه ... موتر ولد خالتي تم عندي اسبوع .. ذبحني البترول ... و الجارجر لما اتشوفها من برع ما تتوقع بتكون بهالشكل من الداخل ... لو ياخذ جراند شيروكي احسن
شرجاوي .. من ناحية بترول اسأل مجرب :harhar1:
بس الموتر ماعليه كلام، مريح و ينفع في كل مكان و حق كل الاوقات ..
الجارجر صح كلامك الي يشوفها من برع يتوقع شي احسن من داخل ..
عموما هاي هي المواتر الي في بالي الحين اذا حصلت شي بخبركم :)
الاستيشن اريح .. على الاقل ما فيه ونة الدفريشن شرا النيسان و الاستيشن شيك متحرك
الاستيشن صح مريح خصوصا كراسيه اريح عن النيسان ..
بس انا النيسان يريحني اكثر عن الستيشن .. و ونة الدفريشن هاذي عاديه و السبب هو الي يسوق السيارة اكيد لاعننها لعان ..
مادري، اشوف النيسان شبابي اكثر عن الستيشن .. و من ناحية المشي النيسان يروح عن الستيشن 8 !!
و من ناحية السعر، الستيشن 8 فل اوبشن ويا شاشة تقريبا ب 208 .. النيسان فل اوبشن بدون شاشه 160-165 .. خلنا نزيد بحد أقصى 10000 جيمة الشاشة يعني 175 بالكثير !! يتم ارخص عن الستيشن ..
عالعموم ذنيني .. تبا نصيحتي .. خذلك فكترا 2.2 والله ما عليها كلام .. ما تحصل سياره شراتها من مواصفات و سعر و اهم شي راحة البال ( خذ الموتر اللي يعيبك )
من ناحية المشي .. بالاستيشن مال ابوي ( 6 سلندر ) اروح عن الفتكات 2006 و 2005 سواء كانوا جير عادي ولا توماتيك ( اروح عنهم فالخط )
النيسان مقفول عال 195 و بعظهم 200 .. لكن مب كلهم اييبوون هالسرعة ..
اربيعي كان عنده واحد اييب 180 بزور و قوة .. !
اتكنسل، خذله بعد نيسان لكن من وكالة بوظبي .. مب مقفول و عادي يعق فوق ال 220 ..
بخصوص الفكترا .. السيارة زينه و ترا الناس اذواق لاتمشي على كلام فلان و علان لأنك انته الي بتسوق السيارة مب هم .. تقدر تسأل حد مجرب السيارة او انك تجربها بروحك و تستخير ..
بس شوف الفرق .. 4.8 280hp و خمس غيارات ,,, الاستيشن 4.5 و على ما اعتقد 230 حصان و 4 غيارات .. الفرق واضح و النيسان اخف من الاستيشن ... قوة النيسان الحقيقيه 220 حصان ( القوه اللي تطلع من التاير مب المكينه )
بعد صح ...
انا شخصيا احب النيسان، له مزته الخاصة في السواقة .. انته مجربنه اكيد، شو رايك فيه ..
؟؟
لا فيكترا و لا نيسان ولا ستيشن
الفيكترا غالية بالنسبة لحجمها و كلامك عن خدمة الوكيل ما يشجع
النيسان "بالوعة" بترول
الستيشن,, بيتغير و سعره غالي مقارنة بالسيارات المنافسة و خاصة الامريكي مع انهم افضل منها في كل شي
الجمس,, داخل خاطري و بقوة
بس اتريا اني اتخرج و ان شاء الله باخذها
ما اييب راسي غير الكبسول ( فديته ) صدق غير يوم تسمع الكتوف ( يا ويييييييل حالي ) ..
ذنيني الله يعطيك من خيرها و يكفيك شرها ( مقدماً ) ...
تقبل تحياتي ... اخوك راعي الفكترا ( سابقاً ) شرجاوي