..لا ااتقول فاااشل..

السلام عليكم والرحمه

:mar7aba: :mar7aba:

اخواني واخواتي من الاعضاء وايد نسمع الناس اتقول انا فاشل
او فاشله حتى احنا احيانا نقولها وتطلع منا على طول اذا حاولنا انسوي
شي وفشلنا فيه..مرات كثيره انسوي اشياء ونفشل
فيها وعقب ننحرج وما انسويها مره ثانيه هذا الفشل اللي نتعرض له
دايما يكون نقطت توقف عندنا الفشل بالنسبه لي هو اني ما ارجع احاول
اسوي اللي فشلت فيه وشخصيا انا ااعند اذا شي ما رمته صح اني اقوول انا
فشلت فيه لكن ارد احاول ..ويصير عندي نوع من العناد
ليش ما نحاول انا نحول فشلنا في شي الى سبب نجاحنا في شي ثاني او حتى الشي نفسه

ليش من اول ما يغلط شخص او الاطفال بالاخص في شي كانو يحاولون
يسونه انقول على طوول انت فاشل..هذي الكلمه تخلي الطفل او الشاب حتى
انه خلاص يثبت الفكره في راسه انا فاشل وما اقدر اسوي هالشي..خلاص ما بحاول..
وانا فاشل وبتم فاشل على طول..

لا اتقول انا فاشل قول وين الغلط اللي سويته عشان افشل لا تاخذ كلام الناس واتخليه
يمشي حياتك واتعيشها فشل في فشل وانت تقدر اتكون اكثر من ناجح

وفي النهايه نصيحه اذا حد قال انت فااااشل قووله
لا اتقول انا فاشل وشوف شو اقدر اسوي واضربه باقرب شي عندك

وانتو شو هو الفشل برايكم
والســــــــــــــــمووحه

وعليكم السلام ورحمة الله وبركاااته

الفشل هو مضاد لكلمة النجاح، ويشار إلى الفشل بأنه حالة لا يستطع الفرد تلبية أهدافه الراغب فى تحقيقها.

في نظري انا مش عيب الانسان يفشل سواء فدارسته أو عمله او في اختياره لشيء أو اتخاذه لقرار معين بس ما يكووون الفشل من تعمد الشخص نفسه او فستهتارة ولا لامبالاة. الفشل يعني لم تفعل شيئاً لحد الان ... الفشل يعني لن تستطيع الوصول لهدف ما

طبيعة الانسان الفشل أو النجاح ، فالانسان يسعى دايما الى النجاح ومافيه شيء لو فشل مره ومرتين وثلاث فالنهايه بيوصل الى طريق النجاح ...


.
.
.
.
والسموووحه

اشكرج اختي دانا عالموضوع المميز لج مني ارق تحية :yes:

المـوضوع هذا شدني كثيرا .. !
تذكرت مواقف كثيره أثرت في شخصيتي، لـي عوده لكتابة رد مفصل و أمثلة من حياتي :)

تسلمين على هيــك موضوع :harhar1:

وعليكم السلام والرحمة ..

في رايي ان محد فاشل ..
ولكن من يدعي الفشل .. انما هو يقصد الحظ ..
فاذا الحظ معه سيقول انه ليس فاشلا .. والعكس بالعكس ..

هذا رايي ^__^ ..
وشكرا على الموضوع ..

سلاام

أشـكـرج يـ عـسل على هالمـوضـوع الحلــو


هممم فـي مقـولـه تـقـول :-
سـقـوط الإنـسان ليـس فـشـلا ً ولكـن الفـشل أن يبـقى حـيث سـقـط


مول مـب زيـن أن الـواحـد يقول ( أنـا فشلت ) وحلو أنه يقـول ( الله ما وفقني والحـمدالله على كل حال )

الفـشـل مايـوقـف كـل شـي بالعـكـس لأنـك إذا فشـلـت فـي تجـربـتـك الأولـى بتـعـرف سلبـياتـك
وبتـقـدر تتـفـاداهــا فـي الـمــرة الثـانيــه وبهـالطــريـقـه بـيـكـون فـشـلك طـريــق لنـجـاحــك :yes: !!


<وأهـم شـــي?>
ان الـواحـد يـرضى باللـي يصيـبـه مـن بلـى ويـدعـي ربـه والله بيعـوضـه ان شـاء الله

:fa35:
والسمــوحـــه


.
.
.

هممم يقـووولوون

failure is the first steP to success

الفشـل .. هو أول خطوه للنجـاح ..


يعنـي انت بعد ماتفشـل اتخذ من هالفشل دافـع عسب تتحـدى نفسك
أو تتحدى الظروف الي خلتك تفشل .. وتثبت لنفسك انك قدها .. وجـي تزيد ثقتك بنفسك

آينشتـاين .. قبل لا يخترع الكهربـا .. كانت تجربته فـ البدايه فـ لمبه ..
تدرون كم مرة جرب يشغلها ؟ 999 مره !!وكل مره كان يفشل .. تدرون شـو قال ؟
قال انا أعرف 999 طريقه تخلي اللمبـه ماتشتغل ؟ .. منو يعرف كثري ؟

يعني شـاااف فشـله بطريقة ايجابيه خلت هالفشـل نجـااح من ناحيه ثانيه !

وبعد .. يمكن الله قدر انك تفشل هالمره عسب تعرف وين الغلط
وتتجنبـه بااجر فـ أشيا ممكن تكون أكبر من هالشي اللي فشلت فيه هالمره ..

واهم شي تذكره .. انك ان فشلت تذكر ان ها ابتـلاء من رب العالمين
ومثل مانعرف ان الله اذا حب مؤمن ابـتلاااه ..
واذا صبر هالـ عبد .. بالتأكيـد رااح يعوضه ..

هاللي أقـدر أعلق عليه فـ موضوعج ..وان شالله أكون أفدتج ..
تسلمين الغاليه على الموضـوع .. وخصّـه ان هالايام شي وايد * مستسلمين *

وعليـكم السـلام ورحمـة الله وبركـاته

هنـاك إضافـات رائعـة من الأعضـاء استفـدنـا منهـا
ونشكـرهم على نقـل هـذه المعلـومـات المفيـدة..


أحيـانـا يفشـل المـرء في أمــر مـا, فـ يتـذمـر ويغضــب, لكـنــه لا يعـلم بــأن الفشـل الـذي أصـابــه
كــان خيـرا لــه ولحـياتـــه, وإن نجــح في ذلك الأمـر لـتعرض لمـواقـف وأمــور سيئــة, فـ يـؤجــل
الله سبحـانه نجـاحه.. {عسى أن تحبوا شيئا وهو كره لكم, وعسى أن تكرهوا شيئا وهو خير لكم}

لتعـلم.. كلمـا تـردد عبـارة.. أنـا فاشــل.. أنـا لا أستـطيــع.. سـ يدفعــك ذلك بـأن تكــون إنسـان فـاشــل,
وعنـدما تـردد عبـارة.. أنـا نـاجح.. أنـا أستـطيع.. سـ يدفعـك ذلك بأن تكـون إنسـان ناجـح في كل شيء


أشكـرك أختـي دانـة حتـا على الموضـوع الجميـل
وننتـظر المـزيد من مشـاركـاتـك وإضـافـاتـك

:)

دموووع قلم
ماقلته صحيح فالانسان يتسرع بالحكم ع الاشياء
فيغضب على ما يصيبه ولكن لا يفكر بانه قد يكون شر له

بلوة حلوه
مع حق فاينشتاين يفخر بانه يعرف 99 طريقه في حين ان الناس
تعرف طريقه واحده لصنع اللمبه

الياه

سـقـوط الإنـسان ليـس فـشـلا ً ولكـن الفـشل أن يبـقى حـيث سـقـط
هذا الكلام صحيح :yes:

ولكن احيانا تكون السقطه قويه جدا فتاثر على السخص ولا يستطيع الوقوف


الملهم
صحيح الكثير من الناس تعتمد ع الحظ وتنسب له كلمة الفشل

قايد الريم
ثانكس ع الاضافه الرائعه

لماح
نتريا الاضاااافه وينك

في رايي انا ان الفشل هو اختيار الشخص للطريق الخطأ الذي يؤدي إلى الهدف ..
فمثلا اذا كان الانسان عنده هدف وهالهدف مب معقوله يكون له طريق واحد .. بالعكس في الطريج السهل وفي الطريج الغلط .. فاختيار الشخص للطريق الصح هو اللي بيوصله للهدف.. ما يمنع ان يكون هذا الطريج يكون حافل بالعثرات ولكن العثرات اعتقد لها فايده من خلال التعلم.. فالانسان لازم يكون ايجابي .. وانا قريت في كتاب الشيخ محمد بن راشد .. كيف الانسان يحول فشله من تاثير سلبي الى تأثير ايجابي .. والصراحه غيرت اشياء كثيرة انا كنت اشوفها واايد سلبية بالنسبة لي.. لكن الانسان يقدر يخلي من السلبي الى ايجابي ويحاول يكلم العقل ويحط في باله ويردد كلمات ايجابية عشان يوصل للنجاح ..

اسمحولي على الاطاله وتسلمين اختي دانة حتا

اختي عنود الريف
كلامج صح ..الواحد يوم يقوول شي ايجابي تتحول
حياته الى شي ايجابي ...
وشكله كتا ب الشيخ محمد بن راشد ممتع وحلو يبالنا نقراه
بس بعد في وايد ناس بعدها من يوم صغار يقولون لهم انتو فشله ويصدقون
انهم فشله .. ويعتبرون انهم جذا لين ما يكبرون
فاعتقد ان الواحد منا لازم يحاسب ع كلامه وخصوصا مع اليهال

اقتباس:

---

المشاركة الأصلية كتبت بواسطة دانة حتا

الياه

سـقـوط الإنـسان ليـس فـشـلا ً ولكـن الفـشل أن يبـقى حـيث سـقـط
هذا الكلام صحيح :yes:
ولكن احيانا تكون السقطه قويه جدا فتاثر على السخص ولا يستطيع الوقوف

---

همممم :kkk: مافي شي اسمه ما اقـدر !!

لو تيلسين تفكرين بتلقين أن أكثر الناس الناجحيين هم أكثر الناس اللي يتعرضون للفشل ..
وبعدين بالعكس ترا الفشل لـه متعـه خاصـته صدقيني ؟ :ice:

يخلي الانسان يتحدى نفسه عشان يحس بمتعة الانتصار والنجاح في الأخــير .. فـ تكون هالفرحـة مضاعفه

ما بتفلسف عليج زياده !
بس لي كلمة اخــيره *إذا حد منكم فشل في جانب من جوانب حياتـه حاولوا تشغلون افكاركم
بالنجاحات اللي حققتوها من قبل وخلوا هالفشل اللي تعرضلكم فرصـة عسب تنضجون اكثر
وتكبرون* .. :yes:

لان اليأس اللي يحسبه الإنسان الفاشل ويتم متمسك بهالشعور
هالشي طبيعي بيأثر عليه حتى لو كبر ولو صار عمره 100 سنــــه ..

فـ ليــش نتريا هالـ 100 سنـه تعدي عسب نحاول ننجح مره ثانيـه ونبتسم
نبدأ من الحين احسن < والا انتي شـو رايــج ؟ :fa35:

.
.
.

ممكن اضيف ؟؟

ليش العيب في ان الانسان يفشل ..
ولكن العيب في ان يعاود الفشل ..
او ان يعاود وفي نفس المجهود ..
فالذي يذاكر ساعتين في اليوم .. ثم يفشل في الامتحان ..
عليه ان يزيد ساعات المذاكرة .. فالفشل مجرد تنبيه لوجود خلل في النظام ..
واذا ما صلح الخلل استمر وان عاودت النظام مرارا وتكرارا ..

شكرا مرة اخرى على الموضوع ^__^ ..

السلام عليكم


اختي الكريمة دانة حتا

بالنسبة لي ..

الفشل هو الإقتناع بالفشل

إن كلمة فشل بحد ذاتها أشبهها بقيد يضعه الكائن على جوارحه و هو على قناعة بأنه ليس بحاجة لحل ذلك القيد فيرمي مفاتيحه في البحر فعلى إثر القناعة و مداها يتأثر الإنطباع الأول و من الطبيعي أن تكون التجارب اللاحقة فشل في فشل لأن البداية كانت قيد لا يحررنا من الفشل .

شخصياً لا أخجل من أن أقول عن شخصي "قد فشلت" و لكن أخجل أن أقول عن شخصي "فاشل" لأني إن نعت شخصي بهذا اللقب و كأني أقول ساعتها أني فاشل في جميع أضرف الزمان و لكن إن قلت "قد فشلت" فذلك يعني أني إبن آدم و وارد أن أقع في الفشل و لكن هو ليس بمبدأ سوي أن أحكم على نفسي في الغد أو بعده .

قالت لي جدتي رحمها الله .. الإنسان طبيب نفسه ..

و هو طبيب نفسه في كل الأمور حتى و إن أصابه داء التقيد بالفشل فهو الوحيد القادر على تحرير نفسه من ذلك القيد و لا توجد هناك عقاقير عند الطبيب تعالج عن هكذا داء نفسي لأنه هو من أقنع نفسه بهذا المنطق و هو الوحيد الذي يستطيع أن يحرر نفسه فالحكاية كلها (فخ من قناعة) من يقع به ينعت نفسه بالفاشل و يعيش حياته كفاشل و من تعداه (نعم قد يفشل) و لكنه يتعلم من فشله أنه ليس بفاشل إنما مجرب و صاحب خبرة .


كل ما كتب بعيداً عن شخص صاحب الموضوع .. إنما شدتني الفكرة و أردت أن أشارككم .. فعذراً على المساحة و شكراً لفكركم ..


أخوكم عايش وهم

السلام عليكم والرحمة ، ،

اختيــه دانـه ،

مـوضوعج حـلو و شدني وايــد . .

كل انسـان معـرض للفشــل في حيــاته ، مستحيل ايكـون هنـاك انسـان مر في حيـاته بدون ما يفشـل ، لانـه هو انسـان ومعرض للاخطاء و الفشـل ،
والمـفروض انـه الواحـد يتعلـم من غلــطتـه وحتـى لو فشـل مرتين ولا ثلاث ما ييأس . محد وصـل لمكـــانه بدون ما يفشـــل .

مريــت بمواقــف و فشــلت فيـها و اتعلمــت منهــا وايــد ^_^

شكــرا اختيـه و السموحـه ع المـداخـله .

اضافااات راائعه الصرااحه من الأعضااء بعااود القراايه ماشاء الله عليكم ربي يحفظكم ويوفقكم
وبي يسلمكم ولايهينكم

هزاايم
مرحبا فيج اختي وننتظر مشااركتج
ويانا في النقاااش


مسافر للجفا

تسلم اخوي ع المرور
ومعاك حق الواحد يوم يفشل يتعلم من فشله وهذااا احسن نوع من انواع الفشل

برجع لارد ع البقيه
السمووحه

عايش وهم

معااك حق وجهة نظر سليمة

الملهم

تسلم ع الاضاافة

اليااه
كلامج صحيح
بعد التفكير بنلقى انه ما في شي اسمه مستحيل
اذا قدر الانسان يطير خلاص ما بقى شي