::: كل منــك وكـــل ما فيــك غصب ينحب :::

الســــلام عليـــكم ورحمـــة الله وبركـــاته،،

بعـــد انقطـــاع طويــــل

ييتكم بقصه يديده من تأليفــــي ،،

اترككم معـــاها ..


ونحن اتجاه هذه الأحداث لنا ردة فعل بعضها صريح وبعضها غامض وبعض تصرفاتنا تعكس
شخصياتنا ،

تمر السنين والأيام مخلفه الكثير والكثير للذكرى وتمر علينا المواقف مر الكرام مخلفة ورائها عبر وحكم للأجيال
القادمه.


أنتهز الفرصه الآن لطرح قصه من قصص الحياه الكثيره.
فلتكونوا فيها حاضرين :) .


::::: الجزء الأول :::::

في حياتنا هذه لا يعلم كل منا ما المكتوب له ولا يعلم مل نصيبه في هذه الدنيا،

محمد كان في غرفته ومندمج في هالاب توب ماله وغارق في الكلام مع عشيقته : ما نبغي نقول عشيقته بس قلناها هالمره لانه هو متيم فيها ويحبها وايد
محمد يحب هالبنيه وانعجب فيها من زمان ، لانه شاف منها تصرفات وردات فعل عيبته وما أدري شو اللي خلاه يتعلق بهالبنت بالذات، يمر لانه قلبه حبها قبل ما تشوفها عيونه،
محمد يتكلم مع هالبنت واللي هي مزون من أكثر من سنه وبينهم معرفه ببعض، يعني كل واحد منهم يعرف تفاصيل حياة الآخر من كثر الكلام اللي دار من بينهم ، وكذا مره كلموا بعضهم في الموبايل بس كذا مره مب أكثر لانه مزون ما تبغي تتبع هالطريقه في التعارف ، وشويه مزون يطغي عليها الغموض .

هالمره محمد وهو يكلم مزون فيه رغبه وإصرار على انه يشوفها بأي طريقه من الطرق ، لكن في الجهه الثانيه مزون ما تبغي .

خلونا ندخل في تفاصيل الحوار :

"طـــــــال ليـــــلي وأنــــــا بك هيمـــــــــان " ( محمد) :
عطيني بس سبب واحد يخليج تقولين ما تبغين تشوفيني؟؟

" وداد القلـــــــــــــــــب " ( مزون) :
محمد في ألف سبب وسبب مب سبب واحد ..

"طـــــــال ليـــــلي وأنــــــا بك هيمـــــــــان " ( محمد) :
والعثره سويتهم ألف ...هذا بس عشان ما تشوفيني

" وداد القلـــــــــــــــــب " ( مزون) :
لا تفهمني غلط أنا مب قصدي جيه

"طـــــــال ليـــــلي وأنــــــا بك هيمـــــــــان " ( محمد) :
عيل شوه قصدج ...خبريني ...
" وداد القلـــــــــــــــــب " ( مزون) :
أنا بسالك سؤال ...
شو الهدف من أنك تشوفني

"طـــــــال ليـــــلي وأنــــــا بك هيمـــــــــان " ( محمد) :
شوفي لو ما كنت أحبج ما كنت بقولج ابغي أشوفج ...فهمتي

" وداد القلـــــــــــــــــب " ( مزون) :
هيه فهمت ..بس لو تقابلنا يمكن ما أعجبك وأطيح من عينك
يمكن تكون متخيلني شي وأطلع شي ثاني


"طـــــــال ليـــــلي وأنــــــا بك هيمـــــــــان " ( محمد) :
حطي في بالج شي واحد ..
حتى لو كنتي خسفه بحبج أكثر وما بغير فكرتي عنج لاني صدق حبيتج عرفت أخلاقج وعرفت
أشياء وايده عنج ما أظن في لحظه من اللحظات أنها تتغير .
ولو ما كنت أعزج ما بطلب منج هالطلب

" وداد القلـــــــــــــــــب " ( مزون) :
محمد ؟؟


"طـــــــال ليـــــلي وأنــــــا بك هيمـــــــــان " ( محمد) :
لبيه ؟؟

" وداد القلـــــــــــــــــب " ( مزون) :
لو خبرتك في يوم من الأيام اني انخطبت وبتزوج شوه بتكون ردة فعلك؟؟


"طـــــــال ليـــــلي وأنــــــا بك هيمـــــــــان " ( محمد) :
ما اتخيل انج تكونين لحد غيري
انا مستعد ايي اخطبج بس انتي اشري

" وداد القلـــــــــــــــــب " ( مزون) :
من صدقك؟؟

"طـــــــال ليـــــلي وأنــــــا بك هيمـــــــــان " ( محمد) :
هيه من صدقي

" وداد القلـــــــــــــــــب " ( مزون) :
وكيف بتخبر أهلك عني ؟؟

"طـــــــال ليـــــلي وأنــــــا بك هيمـــــــــان " ( محمد) :
في ألف سبب وسبب يخليني اقولهم اني ابغيج انتي بالذات مب مشكله هالشي

" وداد القلـــــــــــــــــب " ( مزون) :




"طـــــــال ليـــــلي وأنــــــا بك هيمـــــــــان " ( محمد) :
مزون خليني أشوفج ...محتاج اني أشوفج
بلييز لا ترديني

" وداد القلـــــــــــــــــب " ( مزون) :
 ...
اممم

يبالي وقت افكر ..

"طـــــــال ليـــــلي وأنــــــا بك هيمـــــــــان " ( محمد) :
فكري برحاتج بس أطلعيلي بنتيجه حلوه


ووانتهت المكالمه من بينهم بالسلام لانه محمد كان عنده مشوار لازم يخلصه

وهو يصكر النت تدخل عليه أخته خلود اللي مالجه البارحه ، وهي وايد قريبه من محمد لانها أكبر منه بسنتين

محمد ( وهو مبتسم ويطالع أخته ) : هلا والله هلا بالعروس

خلود ( وهي مستحيه) : :)
لا تحرجني

محمد : فديت اللي يستحون أنا

خلود : محمد ؟؟؟ بس عاااد

محمد : تفضلي تفضلي
أدري فخاطرج أشياء تقولينها ...( وهو يغمزلها ) تبين تفضفضيلي عن المعرس

خلود ( وهي تضحك ومنحرجه) :
حمووود يبالك ضرب

محمد :
عيوني لج أدللي
اشحالج ؟؟

خلود : الحمدلله ، بخير

محمد : شكلج مب راقده البارحه ؟؟

خلود : لييش؟
محمد : تفكرين في عبدالله

خلود ( وهي تتناول المخده تبا تضربه ) : بروح عنك ترا

محمد : ههههه هاللي ابغيه

خلود ( وشكلها زعلت ورايحه صوب الباب )

محمد ( وهو يسحبها من ايدها ) : تعالي تعالي اسولف معاج

ويلسها محمد ويلسوا يسولفون عن الملجه وشوه صار فيها وكيف كان المعرس حلو وكاشخ.
وكيف كانت خلود طالعه مثل البدر ليلة 14 وكانت خلود وايد مستانسه على انه أخوها وحبيبها يالسه يمدحها...

محمد: خلود تعالي ...
جني سمعت انه عبدالله شايفنج قبل ما يخطبج

خلود : هيه ليش ما تدري

محمد : بصراحه ما كنت أدري ...
سمعت بس من قوم اميه ...وانتي الحماره ما خبرتيني من قبل

خلود: شو اسوي وانته دومك لاهي بهالنت ...
ما أدري شو فيه هالكثر هامنت

محمد ( وهو يضحك ) : لو تدرين شوه فيه جان عذرتيني
انزين خبريني كيف شفتوا بعض ..

خلود ( وهي تبتسم) : اوكيه بخبرك

محمد : من نييب طاري عبود ابتسمت
يا حظه فيج

خلود : لو سمحت لا تقول عنه عبود ...

محمد : بعــــد؟؟؟
يا حظه فيج ...يالله خبريني كيف شفتوا بعض

خلود : ههه...ما أحيدك فضولي جيه
بخبرك...
تحيد العام يوم رحنا العمره ويا اميه انا ومنى اختي وسالم
في هالسفره شفنا بعض

محمد: اهااا..
كملي...

خلود: في المطار ونحن نتريا الطياره كانوا يالسين صوبنا هو وامه وخواته وهو وايد كان يطالعنا ...
وما كنا متوقعين انهم راح ينزلون معانا في نفس الفندق بعد..
المهم،،
الصدف جمعتنا وايد ، ونحن راكبين الاسنسير ولا نازلين منه ولا رايحين نصلي
وكانوا ويانا في نفس الطابق وتدري بأمك وعوايدها تصادق أي حد يصادفها
وضربة وياهم صحبه ...
هو وايد كان يستحي يوم يشوفنا بس كان مبين عليه ومن نظراته انه فيه شي

محمد : فيه شي يعني شووه؟؟
خلود: يعني نظرات إعجاب ...فهمت
محمد : قولي جيه

خلود : ولما وصلنا البلاد استمرت علاقة اميه بامهم وكذا مره وديتها عندهم ودوم اطرش منى توصللهم خبز خمير
ولا هريس ولا من هالوجبات الحلوه اللي تسويها اميه ...
وجيه..

محمد: كنتي تحبينه ؟؟
خلود: ..( وهي مب عارفه شوه تقول ) وايد تعطي في الويه
يا بويه انا بنت واستحي

محمد : ههههه...انزين انا اخوج من شوه تستحين
جاوبيني

خلود: اممم...اللي من بينا كان اعجاب ممكن تقول جيه

محمد: ليش ممكن أقول جيه

خلود: ما ادري ، كل ما اشوفه كنت أحس بنبضات قلبي أكثر
احس بقلبي بيظهر من مكانه ، احس برعشه في جسمي
شعور غريب ...كنت استانس لما اشوفه


محمد : شعور جميل ...

لحظــــة صمـــت..

خلود: المهم ...فخاطري شي اقولك اياه ...
محمد : تفضلي ..وكلي لج آذان صاغيه

( خلود دايما قريبه من محمد ومحمد قريب منها ، دومها من يوم هم يهال تقوله عن كل اللي فخاطرها )

خلود: محمد...( وهي متردده ومب عارفه كيف تبتدي)
أحس بشي بس مب قادره اسوي شي

محمد: شوه فيه ؟؟؟ خوفتيني؟؟

خلود: منى ؟؟
محمد : شوفيها منى؟؟

( منى هي أختهم أكبر من خلود بأربع سنين )
خلود : أحسبها كانت تبغي عبدالله .
محمد( وهو مستغرب): وشو اللي خلاج تحسين بهالشي..
خلود( وهي متجهه صوب الدريشه وتشوف المنظر): هي كانت وايد تكلمني عنه .. ودوم كانت تقولي انها شافته
يوم كنا في العمره...
ودوم تقولي انها تحس بشي ...
ويوم تقدمولي مرضت هاكي اليوم وانا حسيت فيها وقلتلها بعد..
جان تبينه انا ما عندي أي مشكله ..قالتلي لا انا ما ابغيه هو اختارج انتي مب انا

محمد: والله ما تخيلت هالشي بمنى...

خلود: أنا مب عارفه شو اسوي؟؟
ما ابغي اكون سبب في احساس اختي بالتعاسه
ما ابغي اشوفها مضايقه عشاني

محمد: يوم انتي ما تبين اضايقينها ليش وافقتي على عبدالله...؟
خلود: كنت برفضه ...بس هي منعتني..
قالتلي اذا مب انا اللي باخذه فأنتي أولى من غيرج فيه
وقالتلي ان رديتيه بزعل منج
وحلفت لي اني ما ارده

محمد : بس بعد المفروض تسوين اللي فبالج
خلود: محمد انا تعبانه لا تزيد همي
محمد: اووه مب انتي بغيتي رايي وهذا رايي
خلود: انزين والحين ...
أطلق يعني..؟
محمد : لا انا ما قلت جيه
خلود: عيل؟؟
محمد: خلاص الحينه اللي صار صار ودام منى قالتلج هالشي يعني هي بتتقبل الوضع
خلود : كيف بتتقبل الوضع وهي رايحه العياده الحينه ويا اميه..
محمد: ليش شوه فيها بعد؟؟
خلود : من فليل ما رقدت ترجع وجبدها تعورها؟؟
محمد: يا ربي على هالبنيه دومها جيه حساسه على اقل شي بتتعب
خلود: اتمنى لو الارض تنشق وتبلعني ...

محمد: تعرفين شو تسوين ؟؟
خلود :شوه اسوي
محمد: حاولي تتفاهمين وياها وتكلمينها حتى لو تتطلقين ترا اختج المفروض تكون عندج اهم من أي شي ..
وصدقيني لو هي صدق تحبج ترا بتمنعج من الطلاق بس هالخطوه اللي راح تسوينها راح تحسسها انج معاها مب ضدها ولا انج تبغين تسلبينها الشخص اللي عجبها ..هالشي بيخليج كبيره فعيونها
وبتضحي عشان سعادتج صدقيني..
بتتقبل الفكره.

خلود: بشوف ...
محمد: وان شاء الله ما راح يصير الا كل خير
خلود : محمد...؟؟
محمد : عيون محمد أدللي..
خلود: يوم أسولف معاك أحس انك أكبر عني مش انا اللي أكبر عنك
محمد: احم احم...
هالشي لازم تحسين فيه
خلود ( وهي تتطالعه بنظره استغراب) : لازم؟؟
محمد: هيه لازم
لاني ريال وانتي بنيه ..والبنت ناقصه عقل
خلود ( وهي تضحك) : وايد عليك تحسبتك بتقول شي الحينه


وراحت خلود بعد ما فضفضة لأخوها محمد...
واتجه محمد في نفس الوقت لموبايله عشان يتصل بعمر صديقه وحبيبه وأعز صديق عنده

محمد: السلام عليكم
عمر: وعليك السلام والرحمه بوجسوم اشحالك؟؟
محمد : شوي شوي علي شوه تبا الفكه مني بسرعه بسرعه ترمس
عمر: هههه...لا لا كله ولاانته عاد
منوه بيونسني غيرك
محمد: لا والله يعني ما تباني الا عشان وناستك
عمر: هيه عيل؟؟
محمد : فقتك
عمر: فقتك انته يالسبال
محمد: تراددني بعد يالجلب
عمر: ههههه..بس حمود مالي خلق
محمد: سلامات شوه فيك شكلك صدق طفران
عمر: وايد بعد مب شويه
محمد : افاااا...ليش شوه صاير
عمر: بس احس اني ضايق وايد
محمد: شوه اللي مضيقنك...
عمر: ااخ ...ما اعرف شوه اقولك
محمد: قول ...ان ما قلتلي بتقول حق منوه..
عمر: باختصار ابا اعرس
محمد:هههههه...هذا اللي مضيقنك
وبعدين شوه تبغيبه العرس
انا ما فكرت اعرس
عمر: انته مب حاس باللي فيني عشان جيه ترمس عكيفك
محمد: صدق والله ؟؟ تبا تعرس ؟؟
عمر: هيه عيل يالسه اسولف تشوفني
محمد: يالله من اليوم بخلي خالوه تخطبلك
عمر: لا بويه ما اميه تخطبلي ابغي اخذ اللي فبالي
محمد: اللي فبالك؟؟
لتكــوون....؟؟
عمر: هيه هي اللي ارمسها ، انا احبها وهي تحبني
محمد: من صدقك انته؟؟
عمر: من صدقي...
بنت ما شفت منها أي عيب
مؤدبه ومحترمه غير عن باقي البنات
اهم شي اني مرتاحلها واني احبها
انا ليش اقولك اني ابغيها..لاني حسيت اني ما اقدر استغني عنها
واخاف حد ياخذها مني

محمد: بس انته بعدك تدرس
عمر: ادرس واشتغل ترا
محمد: تشتغل صح ، بس انته مهتم اكثر بدراستك
عمر: يعني ما اعرس؟؟
محمد: ما قلتلك لا تعرس بس يبالك وقت لين ما تكون نفسك
عمر: وتضيع البنت مني؟؟

محمد: شوف ابويه اللي الله كاتبنه بيصير، ومحد ياخذ غير نصيبه
وودر عنك هالضيقه وخلنا نظهر شويه
عمر: ماشي خلاف

واتفقوا محمد وعمر انهم يظهرون ويتمشون ويغيرون جو ، وقرروا يروحون السينما يشوفولهم فيلم يضيعون الوقت فيه

في هالوقت كانت خلود مع منى اللي منسدحه على سريرها من اثر المرض اللي ياها ، باتت طول الليل في عذاب في لوعت جبد وترجيع ، وراحت العياده وعطوها جلوكوز والحينه هي تريح على سريرها
خلود كانت حاسه بالذنب اتجاه منى ، لانها كانت تعرف ان منى معجبه في عبدالله اللي يصير الحينه خطيبها
لكن موقف منى مع خلود ومنعها من رفض عبدالله كان هو الفيصل،
خلود حاسه وعارفه ان منى سوت هالشي وجبرت خلود على الموافقه لحبها لأختها ، لكن اللي منى كانت تبغيه العكس
وهي الحينه في حالة صراع مع نفسها ، هل ترضيها ولا ترضي أعز الناس عندها

خلود: منى ... شو تحسين بعمرج الحينه؟؟
منى : لا تكلميني مب قادره أرمس
خلود: أعرف انا سبب اللي فيج
منى( وبكل تعب وألم ) : لا ...
خلود: انا ...لا تقولين لا...
منى انا ما ابغي عبدالله ...ما ابغي اشوفج جيه
بالنسبه لي انتي اهم من عبدالله
منى: خلود ارجوج سكتي
ما اقدر اتكلم
خلود : لا ما بسكت
لاني ما ابغي اشوفج جيه
منى : ارجوج خلود
خلود: منى انتي اختي واي شي يضايقج يضايقني
منى: لا تتحسبين اني مضايقه لانج خذتي عبدالله بالعكس انا مستانستلج
بس اللي ضايقني اني ما كنت في باله وتوقعت عكس هالشي
خلود: انتي تحبينه؟؟
منى : عيب عليج يا خلود؟؟
كيف احب ريل اختي
خلود : ما فهمتي علي...اقصد اني كنتي تحبينه
وصعب الواحد يحب شخص ويطلع هالشخص ما يحبه
منى: خلود...خليني فحالي
خلود: ما بخليج فحالج لان حالج من حالي
منى: اووهووو...خلود طلعي وفكيني
خلود: انزين ...
بطلع بس بخبر عبدالله اني ما ابغيه لانج انتي حياتي وما احب اشوفج جيه
منى: خلوود؟؟ تخبلتي ( قالتها بعصبيه )
خلود: لا بكامل قواي العقليه..
برتاح يوم بشوفج بخير
منى: انا بخير ما فيني شي
ومب مضايقه لانج خذتي عبدالله كل واحد ياخذ نصيبه في هالدنيا
ويمكن يكون نصيبي شخص ثاني
الواحد ما يدري شوه مكتوب له في هالدنيا
خلود: :)
( وهي تيلس عدال منى وتبتسم لها )
خلود : منى؟؟؟
منى : عيون منى؟؟
خلود: صدق والله ما يضايقج هالشي
منى: اذا انتي مستانسه فانا بكون مستانسه بعد
خلود: ربي لا يحرمني منج


في الجهه المقابله وبعد حجز المقاعد للسينما،،
يلسوا محمد وعمر يتريون في الاستراحه ، وكل واحد منهم لاهي بموبايله،،
محمد يسولف ويا اربيعه حمدان وعمر يالس يكلم ربيعته اللي تونا تكلمنا عنها
واللي اسمها عليا...
عليا: عمر لا تتصل فيني انا طالعه ويا خواتي
عمر: وين طالعه؟؟
عليا: ما اقدر اقولك شي الحينه ..اخاف حد يشوفني
عمر: رمسيني جني اربيعتج...
عليا: ما اروم
عمر: وبعدين ليش تطلعين بدون ما تاخذين شوري
عليا:يا سلام
يوم بتستوي ريلي هذيج الساعه بشاورك
عمر: ان شاء الله قريب
عليا: يالله عيل باي
عمر: باي

وصكر عنها عمر وقام ويا محمد ودشوا صالة العرض ،
محمد منشغل ويا ربيعه حمدان ويسولف معاه وعمر منقهر منه لانه مطنشنه ويسولف ويا اربيعه
وهم يصعدون على المدرجات ، عمر لمح وحده ،،
وتم متردد ومتوتر،، هذي مب جنها عليا
يلس محمد على الكرسي اللي حجزه ويلس عداله عمر ،، تم يفكر بهاللي شافها بس عليا قالت انها ويا خواتها وهذي يالسه مع ريال ،، تم يفكر والوسواس يلعب براسه،
قام من كرسيه مره ثانيه وطلع برع الصاله ،
ورجع مره ثانيه بس عشان يشوف هالبنت
رجع وهو يتصل بعليا

ولما صعد الدرج مره ثانيه صعد وهو يشوف البنيه
فجاه شافها شلت موبايلها اللي كان يرن
وصكرته في ويهه
الحينه تاكد هذي عليا
تم قلبه يدق بالقووو ضغطه بدا يرتفع رجع ويلس مكانه عدال محمد
بعده العرض ما بدا
رجع واتصل مره ثانيه عالرقم
وشاف الموبايل اللي يولع جدامه عند البنت وصكرت البنت موبايلها وانقطع الاتصال عنه ،
امبلى هذي عليا ...لكن مع من ؟؟
قالت مع خواتها ...بس الحينه مع شاب
منوه هذا الشاب ...
هل هذي اكيد عليا
صار متوتر وسرحان

على هزات محمد انتبه اللي كان غافل
محمد : عمر شوه فيك
عمر: هلا هلا...ما فيني شي
محمد: كيف مافيك شي ...شوه فيك محمر
عمر: اسكت عني ...


وبدا عرض الفيلم
لكن عمر ما كان مع العرض كان مع حركات هذي البنت ويا الشاب الي وياها
طول وقت العرض وهو يشوفهم ...
معقوله هذي عليا ...ولو هذي عليا ممكن يكون هذا اخوها...
ياترى هذا اخوها ولا منوه...
كيف اخوها ويحضنها ...
تنرفز عمر وهو يشوف هالموقف ...
كيف اخوها ياكلها ويشربها
يمكن تكون هذي تشبه عليا...ويمكن اكون ظالم عليا
يمكن هذي مع زوجها

وتم على هذي الحاله لين ما خلص العرض
طبعا كان عمر مطنش محمد في كل اللي يقوله ولا جنه يسمع شي من محمد

تم متتبع لحركات هالاثنين اللي ما فارقهم طول فتره العرض ...في النهايه نزلوا البنت والشاب من المدرجات وتوادعوا بالسلام وكل واحد منهم راح فطريج

تبع البنت بنظراته ورجع يتصل واخيرا شلته وهو يشوفها جدامه تشل التلفون
عليا: هلا عمر ...مب قلتلك لا تتصل خواتي معاي
عمر: وين خواتج...؟؟
عليا: الحينه بروح صوبهم توني طالعه من الحمام
عمر( وحالته يرثى لها من الصدمه اللي شافها جدام عينه وهو يمسح جبهته): عليا؟ صدي وراج
عليا ( وهي تلتفت وراها ) : عمر!!!
عمر: هي عمر....شفتج وشفت خيانتج ...
ما كنت اعرف اني لعبة فايدج
تفف عليج

وراح عنها وحالتة ما تسر عدو ولا صديق
راح وهو متجهه لسيارة محمد ومحمد كان يتبعه من بعيد لبعيد لانه حس ان عمر مب طبيعي

وركبوا السياره،،
محمد( وهو يصد صوب عمر): عمر ...هون عليك
عمر( ودموعه اللي تسيل من عينه كانها وادي) : شفت يا محمد شفت اللي استوالي
محمد: وانت الي كنت ناوي تزوجها..
شفت كيف الله بين لك حقيقتها عسب مره ثانيه ما تتهور وتاخذ الامور بالساهل
عمر: ما توقعتها جيه ...
مووول ما توقعتها جيه
ما قصرت وياها فشي ليش خانتني
محمد: لا حول ولا قوة الا بالله
خلنا نروح نصل يالعشا والله بيهون عليك
عمر: لا ما عليه بصلي فالبيت ...نزلني البيت ...ما ابغي اشوف حد
محمد: اللي تامر فيه..بس ريح عمر
عمر: الله كريم ( وهو يمسح دموعه )



انتـــظرونـــــــي في الجزء الثــــاني

بس لا تحرمونــــي من تعقيباتكم...:fa35:

وعليكم السلام ورحمة الله وبركاااته

مســـــــا ء النور أختي بهجة ، الصراحه راجعه للساحه بقوة وان شاء الله تستمرين في تألقج وابداعاتج المتميزة .....

أم بعد ...
فعلا في حياتنا هذه لا يعلم كل منا ما المكتوب له ولا يعلم مل نصيبه في هذه الدنيا، كلام جميل ومنطقي.

بس اصدقين تعبت من القرايه .... ماشاء الله عليج كم خذتي من الوقت يوم كتبتي هالقصه brgll: .

لو كنت حكم جان عطيتج مليوووون صوت من عندي . . .

اممممممم وماعندي شيء اقوووله غير انج ما تحرمينا من مواضيعج الحلوة وبنتريا الجزء الثاني.

ولد حكومتج :puppyeyes:

بـــــــــــــدايــه جمــيله ..
ونتريــــــــــــــــــــ ـــــا التكــملــه .. ^__^

:fa35:

نتــرقب الجــزء الثـــاني ،،

مــاشالله عليــج ..

هلا أختي بهجه

محمد شخصيه محبوبه متفهمه عاطفيه
عمر في موقفه مع عليا يبين لنا شلون ان مش البنت دوم تكون ضحية الشباب
خلود ومنى <<< الله يديم المحبه امبيناتهم

بدايه أكثر من رائعه

بس مو كأنه الجزء صغير :kcl:
مزووون

نتريا الجزء الثاني ,, متابعين للقصة :yes:

روووووووووووعه القصه وايد حلوه

ماشالله مبدعه فالخيال هاللي يستوي بهالايام والله

في انتضار الجزء القادم^__^

بصراحه روعه



حتى اسلوبج حلو



لا تتاخرين علينا بالجزء الثاني

منوه بيونسني غيرك
محمد: لا والله يعني ما تباني الا عشان وناستك
عمر: هيه عيل؟؟
محمد : فقتك
عمر: فقتك انته يالسبال
محمد: تراددني بعد يالجلب
عمر: ههههه..بس حمود مالي خلق

حبيبتي القصه تجنن وحلوه بس اتمنى اتكون هالكلمات بعيده عن القصه مثل السبال والجلب

^_^

واتمنى ما تتاخرين فالجزء الثاني

بتم احلم فيه :(


انتظر على احر من الجمر

السلام عليكم...

وايد حلوة القصه لا تتأخرين علينا بالجزء الثاني....ننتظر,,,,,,,

أختي بهجه طولتي علينا
:kcl:
وعسى المانع خير

أشكـــرك كل من رد على القصه وشارك بالرد

واعذروني على التأخيـــر

انشغلت وايد عن تنزيل الجزء الثـــاني

قريب بنزله

"أميرة الأساطير"

شاكره لج ردج وملاحظتج عالعين والراس :fa35:

وايد وايد حلووه القصــه..

نتريا التكملــه..

نتــرقبهــاا ^_^

شمه

حبوبة دبي

تسلمووون عالمشاركه

" الجزء الثاني"


نزل عمر من السياره ومحمد كمل طريجه للمسيد عشان يصلي العشا،،
عمر دخل البيت وهو مضايق وما يبغي يكلم حد او يشوف حد

ام عمر كانت في الصاله يالسه ويا عيالها
ام عمر: هلا ابويه عمر...
زين يوم ييت ...بنحط العشا الحينه
عمر: (وهو موطي راسه ما يبغي امه تحسبه ولا تشوف عيونه محمره) لا اميه متعشي برع
( وعلى طول صعد لغرفته فوق)


في بيت هل محمد
خلود كانت يالسه في الصاله وتتصفح مجله من المجلات
وفجأه يرن موبايلها
وهي تشل الموبايل وتشوفه ، شافت رقم عبدالله هو اللي كان متصل فيها
خلته شويه يرن عسب تتغلى عليه وبعدين ردت عليه
خلود: السلام عليكم
عبدالله : وعليكم السلام والرحمه
اشحالج؟؟
خلود : الحمدلله بخير
انته اشحالك؟؟
عبدالله : انا بخير دام اسمع هالصوت
خلود( استحت خلود وارتسمت ابتسامه شفافه على شفايفها ونشت من مكانها وراحت تدخل غرفتها)
:)
عبدالله: وينج اليوم؟؟
ما اتصلتيلي ولا طمنتيني عليج
خلود: موجوده
عبدالله : الله يخليج وين موجوده
ولا تتصلين ولا تسألين
ولهت عليج
خلود : ولهت عليك العافيه
عبدالله : وليش توله عليه العافيه ليش بعض الناس ما يولهون عليه
خلود: ( وهي تضحك ضحكه خفيفه ادل على انها مستحيه وما تقدر ترد عليه)
عبدالله: ليكون تستحين مني؟؟
خلود: لازم..
عبدالله: شوه لازم انتي بعد
ليش انتي مب مرتي الحينه على سنة الله ورسوله
خلود: هيه
عبدالله: انزين خلاص..شاركيني مشاعري ولا بعد بتتغلين لين العرس
خلود: ههه
لا مب قصدي بس شوي شوي بتعود عليك وبصير مثل ما تبغي
عبدالله: عراحتج
انا تهمني ر احتج وبس
خلود: وانا بعد تهمني راحتك

وفي هاللحظه تدخل منى على خلود كانت بتكلمها في موضوع بس شافت خلود وهي تبتسم وتكلم عبدالله
حست بنغزه فقلبها وعلى طولت رجعت وصكرت الباب

راحت عطول على غرفتها ودخلت الحمام ويلست اتصيح
ما كانت تبين لحد انها كانت تحب عبدالله مب حب بالمعنى الصحيح نقدر نقول اعجاب ..

حست فيها خلود بس ما قدرت تقطع المكالمه اللي من بينها وبين عبدالله لانه اول مره يتصل فيها عموبايلها من بعد الملجه،

وكملت حوارها مع عبدالله،،
عبدالله : خلود حبيبتي بطلب منج شي
خلود: تفضل
عبدالله: حبيبتي انتي الحينه زوجتي صح
خلود: هه وانته شو تشوف
عبدالله: شوه اشوف بعد
مب يالس اسولف
بغيتج كل ما بتروحين مكان ولا بتطلعين تخبريني
خلود: ان شاء الله
ولا يهمك
عبدالله: خلود ..
خلود: نعم
عبدالله: ما تدرين اشكثر اعزج
خلود: اشكثر تعزني
عبدالله: احس غلاتج فقلبي غير...
خلود: غير؟؟
غير عن منوه؟؟
عبدالله: مب قصدي حد
بس انتي فحياتي شي خيالي
خلود: والله.؟
عبدالله: قبل ما اشوفج ...كنت مب ناوي اعرس وحتى في دربنا للمطار اميه كانت تطريلي العرس وانا اقوللها
ما ابغي وهي لا الا تخليني اعرس وكنت معاند معاها
وفجأه لما شفتج في المطار ما ادري شو استوابي فز قلبي
خلود: والله ؟؟ ما حسيت بهالشي
عبدالله: انتي يمكن ما حسيتي
بس لو لا حظتي نظراتي لج في كل مكان وكل صوب بتحسين
حتى لو لا حظتي اني كنت اتعمد اطلع في نفس الوقت اللي كنتي تطلعين فيه
خلود: كل هذا وانا ما ادري
عبدالله: لو بتمين معايه تراج بتكونين فعيوني
خلود: لوو...ليش هذي لو مب انا الحينه معاك
عبدالله: بس بغيت تعرفين هالشي
خلود: عسى الله لا يحرمني منك


المشاعر اللي كانت بين عبدالله وخلود مشاعر متبادله
خلود تحب عبدالله بس شوي متأثره بسالفه أختها منى
وعبدالله كان يحبها لدرجه انه ما يبغي بأي حال من الأحوال يتركها


في الجهه المقابله ،،
كان عمر في صراع مع نفسه اللي كانت تايهه في متاهات هالحياه،
كيف عليا خدعته وهو ما يدري بشي، كيف كانت تلعب بمشاعره، كيف كانت تبادله هالحب
وهي بالاصل تجذب عليه
ليش سوت جيه،، ليش ما قالته من البدايه انها ما تبغيه
المصيبه انها كانت تموت فيه وكل لحظه تتصل فيه
ليش سوت جيه ، وهو اللي كانت تفصله بين خطبتها شعره،

راسه كان يلتف عليه، مب عارف من وين يبتدي ولا كيف ينتهي
وتقطع حبل افكاره رنة موبايله ولا عليا اللي متصله،

فخاطره وهو يشوف الرقم يكسر التلفون ، بس هذي ما تستاهل الواحد يضحي عشانها

حرقت التلفون عليا وهي تتصل وهو مجرد شخص جامد لا يحرك ساكنا ماسك الموبايل ويشوف الرقم وسرحان بحبل افكاره
اتصلت اكثر من 8 مرات وهو ما يرد عليها
اخيرا بعد ما يأست طرشت له مسج،

" عمر لا تحكم عليه بالظاهر بس اسمعني قبل ما تحكم علي"

ابتسم عمر باستخفاف من طريقتها
وقال فخاطره احلمي ارد عليج

بعد مرور عشر دقايق عالمسج ،
رجعت واتصلت فيه، لكنه نفس الشي ما رد عليها

وعقبها طرشت هالمسج
" عمر رد علي ارجوك"

وتوالت المسجات والاتصال لكنه ما حرك ساكن
واخر شي غلق موبايله وغط في نومه من كثر التعب والالم اللي حس به،،

الحب اللي عاش فيه عمر مع عليا حب مافيه غش ولا خداع
بدالها المشاعر بمشاعر صادقه..وما كان يجذب في كل كلمه قالها
حبها من كل قلبه،،
هي بعد كانت تحبه وتموت عليه بس شوه اللي غيرها عليه

من هالموقف عمر كره يسمع أي سالفه عن البنات
كره يروح المراكز ولا يطلع أي مكان فيه بنات
صار يتفادى يشوف أي بنت
صار يكره الجنس الناعم
ودومه من الدوام للكليه ومن الكليه للبيت ونادر اذا بيطلع مع محمد

في الجهه الثانيه،،

منى بدتت تتأقلم مع وضع أختها خلود، وتقبلت الأمر
وكانت وايد اداري مشاعر خلود،
وخلود كانت تسوي نفس الشي
ما كانت تبين ابد لمنى بمدى حب عبدالله لها عسب ما تضايق منى او تجرح مشاعرها بدون قصد


والحينه خلونا مع محمد اللي تعب ويأس مع حالة مزون اللي مب عاطتنه مجال انه يشوفها
مع انها كانت تكلمه عالتلفون على فترات متقطعه وما اطول معاه،،

مره من المرات محمد كانت منسدح عفراشه ويشوف التلفزيون،
تقريباً عالساعه 11 و45 دقيقه شاف موبايله يرن وابداً ما توقع المتصل
كانت مزون متصله،
فز قلبه استغرب من اتصالها ما توقعها تتصل غريبه
مب من عوايدها تتصل لا ومتصله بهالحزه تردد قبل ما يرد عليها
وبعدين رد بس ما رمس بغى يتأكد من المتصل
أول ما سمع صوتها سلم عليها وكلمها ،
محمد: وعليكم السلام
هلا والله بمزون
مزون ( وهي خايفه ومتوتره): محمد انته بخير ؟؟ انته فالبيت ولا وين؟؟
فيك شي؟؟
محمد: شوي شوي عليه ..انا فالبيت
مزون ( وهي شويه وبتصيح ): اخ راسي يعورني ..ما ادري شوه فيني
فزيت من نومي من الخوف عليك
محمد ( وهو متشقق من الوناسه ): ليش حلمتي اني مت؟؟
مزون : فال الله ولا فالك
محمد: ههههه
ياليت دوم تحلمين بهالاحلام عشان اسمع صوتج
مزون: محمد ما اقدر اكلمك اكثر بس بغيت اطمن عليك
محمد ( وشكله انقلب 180 درجه ) : شوه بتصكرين؟؟
مزون: هيه
محمد: انا ما صدقت اسمع صوتج
مزون : كفايه جيه
يالله باي
محمد: باي

وصكرت عنه مزون، كانت خايفه لحد يشوفها ولا يحس فيها من اهلها
في الجهه المقابله محمد كان يفكر بطريقه يقدر يشوف فيها مزون
هالبنت وايد داخله مزاجه أسلوبها وكلامها غير،
احساسها غير، تحفظها على نفسها غير
من سنتين وهو يحاول انه يشوفها بس هي ما تبغي
دايماً تقوله انها مب حلوه ، بس قلبه يأكده العكس
دايماً تقوله انها بتصدمه بشكلها بس هو يقوللها الشكل مب مهم

في نفس الوقت طرشلها مسج

" مزون ودي اشوفج"

دقايق وردت عليه بهالمسج

" لا تفكر بهالشي مستحيل "

ورد عليها بهالمسج

" خاطري اشوفج، ولو مره ولا تحاتين ما بيتغير شي من بينا بالعكس
غلاتج بتزيد"

وردت عليه
" محمد ما اقدر، لا تحرجني
اخاف غلاتي تنقص ما تزيد"
ورد عليها محمد بهالمسج
" افاا، ما تعرفين محمد انتي
بس الظاهر مالي خاطر عندج"

وردت عليه:

" لك كل الخواطر ، بس انا خايفه "

ورد عليها
" لا تخافين مني ولا من ردت فعلي بالعكس بحبج اكثر
مزون انتي تدرين اني طلبتج من سنه بس ما رديتي علي
حتى بغيتج ادليني بيتكم بس ما رديتي بعد
مزون انتي تحبيني مثل ما احبج ولا لا"

بعد تفكير طويل ردت عليه
" امري لله، بخليك تشوفني
بس عسب تعرف اني احبك"

اهني استانس محمد وايد ، شكله ما صدق يتريا الموافقه من زمان
واتفق معاها عالمكان والزمان والتفاصيل كلها
بات طول الليل سهران يفكر كيف بيكون الملتقى

واتصل بعمر يبشره بالخبر
وكانت الساعه 3 بعد منتصف الليل

طبعا عمر راقد وفي عز رقاده بعد
عمر: الوو
محمد: ويه عالراقد، حد يرقد هالوقت
عمر: شوه تبغيني شراتك ارقد الفجر
محمد: هه..ببشرك بس
وافقت
عمر: منوه اللي وافقت..
محمد: مزون وافقت تشوفني ما تدري اشكثر انا مستانس
عمر: ههه....صدق انك متفيج
ما عندك سالفه
محمد: ما عندي سالفه؟
الا عندي سالفه ونص
عمر: ودر عنك سوالف البنات وبترتاح عن عقب تندم
محمد: أي بنات اصلا انا ما عرفت غير مزون وان شاء الله هي زوجة المستقبل
عمر: هههه..شوفها قبل عقب قرر
مب هي تقولك بتنصدم
شوفها قبل يمكن تكون معوقه ولا شي فيها
محمد: فال الله ولا فالك
عمر: انا اتوقع وياك عن تنصدم وابتلش فيك
محمد: لا ان شاء الله مهما يكون اللي فيها بتحمل وبحاول اني ما اجرح مشاعرها

وصكر محمد عن عمر وهو يفكر بالموعد،
وتم يوسوس وايد من تأثير كلام عمر عليه،،

وقرب الموعد وصار اليوم الثاني،،
محمد في غرفته متسفر ويدخل كندورته ويتعطر وشل الموبايل في ايده
وتدخل عليه منى،،
منى: ما شاء الله حمود وين رايح؟؟
محمد ( وهو يتلفت وراه) : منوه ها حمود؟؟
منى: عن العبط منوه ادور بعد
منوه غيرك يعني؟؟
محمد( وهويعدل نفسه ) : احم احم...الريال اللي جدامج اسمه محمد
منى:ههه ..والنعم بوجسوم
محمد: الله ينعم بحالج...فديته جاسم مب جسوم ولدي ان شاء الله
منى( وهي تضربه ضربه خفيفه عجتفه) : بلاك خقاق مستوي اليوم
محمد: مستانس وايد
منى: شوه سبب الوناسه هاي
محمد: بشوف ربيعي من زمااان ما شفته
منى: أي سي
حلوو..
بس اللي بيشوف ربيعه يتكشخ كل هالكشخه
محمد: لازم لازم
اقولج من زمان ما شفته
منى: الله يهنيك فيه
محمد: امين
تفضلي ادللي ..
امري ..عيوني لج
منى : يايه اشوفك بس
محمد: والله ؟؟
مب فخاطرج شي
منى: لا ...
:)

وطلعت منى عن محمد اللي طلع بعدها بدقايق

في الجهه الاخرى
كانت مزون على أعصابها ومتوتره كيف بيكون اللقاء الاول
اتفقت معاه انه يشوفها من بعيد لبعيد في محل من محلات بيع الاكسسوارات
لانها كانت ناويه تروح لها المحل مع اختها
وخبرته اول ما تطلع اطرشله مسج
وقالتله شوه كانت بتلبس واول ما تكون في المحل اطرش له مسج


وصار كل شي على حسب الاتفاق
وابتدى العد التنازلي
وابتدت دقات القلوب اتزيد

محمد كان مرتبك وخايف
هو يشوف وحده جدامه متغشيه
بدت نبضات قلبه تتسارع
واقترب منها وسلم بصوت هادي
عشان محد يحس وهو يخطف صوبها
في لحظتها التفتت له وهو صد صوبها
وشلحت غشوتها وشافها وابتسم
وهي استحت وشردت عنه وراحت صوب اختها


محمد على طول طلع من المحل وراح يركب سيارته
ما تخيل الي شافه
ابد ما توقع هالشي
ما شاء الله عليها رغم اللي فيها حلوه
بس ابد ما توقع اللي حصل معاه


بتركم تفكرون باللي ما توقعه وبنكمل في الجزء الثالث

" الجزء الثاني"


نزل عمر من السياره ومحمد كمل طريجه للمسيد عشان يصلي العشا،،
عمر دخل البيت وهو مضايق وما يبغي يكلم حد او يشوف حد

ام عمر كانت في الصاله يالسه ويا عيالها
ام عمر: هلا ابويه عمر...
زين يوم ييت ...بنحط العشا الحينه
عمر: (وهو موطي راسه ما يبغي امه تحسبه ولا تشوف عيونه محمره) لا اميه متعشي برع
( وعلى طول صعد لغرفته فوق)


في بيت هل محمد
خلود كانت يالسه في الصاله وتتصفح مجله من المجلات
وفجأه يرن موبايلها
وهي تشل الموبايل وتشوفه ، شافت رقم عبدالله هو اللي كان متصل فيها
خلته شويه يرن عسب تتغلى عليه وبعدين ردت عليه
خلود: السلام عليكم
عبدالله : وعليكم السلام والرحمه
اشحالج؟؟
خلود : الحمدلله بخير
انته اشحالك؟؟
عبدالله : انا بخير دام اسمع هالصوت
خلود( استحت خلود وارتسمت ابتسامه شفافه على شفايفها ونشت من مكانها وراحت تدخل غرفتها)

عبدالله: وينج اليوم؟؟
ما اتصلتيلي ولا طمنتيني عليج
خلود: موجوده
عبدالله : الله يخليج وين موجوده
ولا تتصلين ولا تسألين
ولهت عليج
خلود : ولهت عليك العافيه
عبدالله : وليش توله عليه العافيه ليش بعض الناس ما يولهون عليه
خلود: ( وهي تضحك ضحكه خفيفه ادل على انها مستحيه وما تقدر ترد عليه)
عبدالله: ليكون تستحين مني؟؟
خلود: لازم..
عبدالله: شوه لازم انتي بعد
ليش انتي مب مرتي الحينه على سنة الله ورسوله
خلود: هيه
عبدالله: انزين خلاص..شاركيني مشاعري ولا بعد بتتغلين لين العرس
خلود: ههه
لا مب قصدي بس شوي شوي بتعود عليك وبصير مثل ما تبغي
عبدالله: عراحتج
انا تهمني ر احتج وبس
خلود: وانا بعد تهمني راحتك

وفي هاللحظه تدخل منى على خلود كانت بتكلمها في موضوع بس شافت خلود وهي تبتسم وتكلم عبدالله
حست بنغزه فقلبها وعلى طولت رجعت وصكرت الباب

راحت عطول على غرفتها ودخلت الحمام ويلست اتصيح
ما كانت تبين لحد انها كانت تحب عبدالله مب حب بالمعنى الصحيح نقدر نقول اعجاب ..

حست فيها خلود بس ما قدرت تقطع المكالمه اللي من بينها وبين عبدالله لانه اول مره يتصل فيها عموبايلها من بعد الملجه،

وكملت حوارها مع عبدالله،،
عبدالله : خلود حبيبتي بطلب منج شي
خلود: تفضل
عبدالله: حبيبتي انتي الحينه زوجتي صح
خلود: هه وانته شو تشوف
عبدالله: شوه اشوف بعد
مب يالس اسولف
بغيتج كل ما بتروحين مكان ولا بتطلعين تخبريني
خلود: ان شاء الله
ولا يهمك
عبدالله: خلود ..
خلود: نعم
عبدالله: ما تدرين اشكثر اعزج
خلود: اشكثر تعزني
عبدالله: احس غلاتج فقلبي غير...
خلود: غير؟؟
غير عن منوه؟؟
عبدالله: مب قصدي حد
بس انتي فحياتي شي خيالي
خلود: والله.؟
عبدالله: قبل ما اشوفج ...كنت مب ناوي اعرس وحتى في دربنا للمطار اميه كانت تطريلي العرس وانا اقوللها
ما ابغي وهي لا الا تخليني اعرس وكنت معاند معاها
وفجأه لما شفتج في المطار ما ادري شو استوابي فز قلبي
خلود: والله ؟؟ ما حسيت بهالشي
عبدالله: انتي يمكن ما حسيتي
بس لو لا حظتي نظراتي لج في كل مكان وكل صوب بتحسين
حتى لو لا حظتي اني كنت اتعمد اطلع في نفس الوقت اللي كنتي تطلعين فيه
خلود: كل هذا وانا ما ادري
عبدالله: لو بتمين معايه تراج بتكونين فعيوني
خلود: لوو...ليش هذي لو مب انا الحينه معاك
عبدالله: بس بغيت تعرفين هالشي
خلود: عسى الله لا يحرمني منك


المشاعر اللي كانت بين عبدالله وخلود مشاعر متبادله
خلود تحب عبدالله بس شوي متأثره بسالفه أختها منى
وعبدالله كان يحبها لدرجه انه ما يبغي بأي حال من الأحوال يتركها


في الجهه المقابله ،،
كان عمر في صراع مع نفسه اللي كانت تايهه في متاهات هالحياه،
كيف عليا خدعته وهو ما يدري بشي، كيف كانت تلعب بمشاعره، كيف كانت تبادله هالحب
وهي بالاصل تجذب عليه
ليش سوت جيه،، ليش ما قالته من البدايه انها ما تبغيه
المصيبه انها كانت تموت فيه وكل لحظه تتصل فيه
ليش سوت جيه ، وهو اللي كانت تفصله بين خطبتها شعره،

راسه كان يلتف عليه، مب عارف من وين يبتدي ولا كيف ينتهي
وتقطع حبل افكاره رنة موبايله ولا عليا اللي متصله،

فخاطره وهو يشوف الرقم يكسر التلفون ، بس هذي ما تستاهل الواحد يضحي عشانها

حرقت التلفون عليا وهي تتصل وهو مجرد شخص جامد لا يحرك ساكنا ماسك الموبايل ويشوف الرقم وسرحان بحبل افكاره
اتصلت اكثر من 8 مرات وهو ما يرد عليها
اخيرا بعد ما يأست طرشت له مسج،

" عمر لا تحكم عليه بالظاهر بس اسمعني قبل ما تحكم علي"

ابتسم عمر باستخفاف من طريقتها
وقال فخاطره احلمي ارد عليج

بعد مرور عشر دقايق عالمسج ،
رجعت واتصلت فيه، لكنه نفس الشي ما رد عليها

وعقبها طرشت هالمسج
" عمر رد علي ارجوك"

وتوالت المسجات والاتصال لكنه ما حرك ساكن
واخر شي غلق موبايله وغط في نومه من كثر التعب والالم اللي حس به،،

الحب اللي عاش فيه عمر مع عليا حب مافيه غش ولا خداع
بدالها المشاعر بمشاعر صادقه..وما كان يجذب في كل كلمه قالها
حبها من كل قلبه،،
هي بعد كانت تحبه وتموت عليه بس شوه اللي غيرها عليه

من هالموقف عمر كره يسمع أي سالفه عن البنات
كره يروح المراكز ولا يطلع أي مكان فيه بنات
صار يتفادى يشوف أي بنت
صار يكره الجنس الناعم
ودومه من الدوام للكليه ومن الكليه للبيت ونادر اذا بيطلع مع محمد

في الجهه الثانيه،،

منى بدتت تتأقلم مع وضع أختها خلود، وتقبلت الأمر
وكانت وايد اداري مشاعر خلود،
وخلود كانت تسوي نفس الشي
ما كانت تبين ابد لمنى بمدى حب عبدالله لها عسب ما تضايق منى او تجرح مشاعرها بدون قصد


والحينه خلونا مع محمد اللي تعب ويأس مع حالة مزون اللي مب عاطتنه مجال انه يشوفها
مع انها كانت تكلمه عالتلفون على فترات متقطعه وما اطول معاه،،

مره من المرات محمد كانت منسدح عفراشه ويشوف التلفزيون،
تقريباً عالساعه 11 و45 دقيقه شاف موبايله يرن وابداً ما توقع المتصل
كانت مزون متصله،
فز قلبه استغرب من اتصالها ما توقعها تتصل غريبه
مب من عوايدها تتصل لا ومتصله بهالحزه تردد قبل ما يرد عليها
وبعدين رد بس ما رمس بغى يتأكد من المتصل
أول ما سمع صوتها سلم عليها وكلمها ،
محمد: وعليكم السلام
هلا والله بمزون
مزون ( وهي خايفه ومتوتره): محمد انته بخير ؟؟ انته فالبيت ولا وين؟؟
فيك شي؟؟
محمد: شوي شوي عليه ..انا فالبيت
مزون ( وهي شويه وبتصيح ): اخ راسي يعورني ..ما ادري شوه فيني
فزيت من نومي من الخوف عليك
محمد ( وهو متشقق من الوناسه ): ليش حلمتي اني مت؟؟
مزون : فال الله ولا فالك
محمد: ههههه
ياليت دوم تحلمين بهالاحلام عشان اسمع صوتج
مزون: محمد ما اقدر اكلمك اكثر بس بغيت اطمن عليك
محمد ( وشكله انقلب 180 درجه ) : شوه بتصكرين؟؟
مزون: هيه
محمد: انا ما صدقت اسمع صوتج
مزون : كفايه جيه
يالله باي
محمد: باي

وصكرت عنه مزون، كانت خايفه لحد يشوفها ولا يحس فيها من اهلها
في الجهه المقابله محمد كان يفكر بطريقه يقدر يشوف فيها مزون
هالبنت وايد داخله مزاجه أسلوبها وكلامها غير،
احساسها غير، تحفظها على نفسها غير
من سنتين وهو يحاول انه يشوفها بس هي ما تبغي
دايماً تقوله انها مب حلوه ، بس قلبه يأكده العكس
دايماً تقوله انها بتصدمه بشكلها بس هو يقوللها الشكل مب مهم

في نفس الوقت طرشلها مسج

" مزون ودي اشوفج"

دقايق وردت عليه بهالمسج

" لا تفكر بهالشي مستحيل "

ورد عليها بهالمسج

" خاطري اشوفج، ولو مره ولا تحاتين ما بيتغير شي من بينا بالعكس
غلاتج بتزيد"

وردت عليه
" محمد ما اقدر، لا تحرجني
اخاف غلاتي تنقص ما تزيد"
ورد عليها محمد بهالمسج
" افاا، ما تعرفين محمد انتي
بس الظاهر مالي خاطر عندج"

وردت عليه:

" لك كل الخواطر ، بس انا خايفه "

ورد عليها
" لا تخافين مني ولا من ردت فعلي بالعكس بحبج اكثر
مزون انتي تدرين اني طلبتج من سنه بس ما رديتي علي
حتى بغيتج ادليني بيتكم بس ما رديتي بعد
مزون انتي تحبيني مثل ما احبج ولا لا"

بعد تفكير طويل ردت عليه
" امري لله، بخليك تشوفني
بس عسب تعرف اني احبك"

اهني استانس محمد وايد ، شكله ما صدق يتريا الموافقه من زمان
واتفق معاها عالمكان والزمان والتفاصيل كلها
بات طول الليل سهران يفكر كيف بيكون الملتقى

واتصل بعمر يبشره بالخبر
وكانت الساعه 3 بعد منتصف الليل

طبعا عمر راقد وفي عز رقاده بعد
عمر: الوو
محمد: ويه عالراقد، حد يرقد هالوقت
عمر: شوه تبغيني شراتك ارقد الفجر
محمد: هه..ببشرك بس
وافقت
عمر: منوه اللي وافقت..
محمد: مزون وافقت تشوفني ما تدري اشكثر انا مستانس
عمر: ههه....صدق انك متفيج
ما عندك سالفه
محمد: ما عندي سالفه؟
الا عندي سالفه ونص
عمر: ودر عنك سوالف البنات وبترتاح عن عقب تندم
محمد: أي بنات اصلا انا ما عرفت غير مزون وان شاء الله هي زوجة المستقبل
عمر: هههه..شوفها قبل عقب قرر
مب هي تقولك بتنصدم
شوفها قبل يمكن تكون معوقه ولا شي فيها
محمد: فال الله ولا فالك
عمر: انا اتوقع وياك عن تنصدم وابتلش فيك
محمد: لا ان شاء الله مهما يكون اللي فيها بتحمل وبحاول اني ما اجرح مشاعرها

وصكر محمد عن عمر وهو يفكر بالموعد،
وتم يوسوس وايد من تأثير كلام عمر عليه،،

وقرب الموعد وصار اليوم الثاني،،
محمد في غرفته متسفر ويدخل كندورته ويتعطر وشل الموبايل في ايده
وتدخل عليه منى،،
منى: ما شاء الله حمود وين رايح؟؟
محمد ( وهو يتلفت وراه) : منوه ها حمود؟؟
منى: عن العبط منوه ادور بعد
منوه غيرك يعني؟؟
محمد( وهويعدل نفسه ) : احم احم...الريال اللي جدامج اسمه محمد
منى:ههه ..والنعم بوجسوم
محمد: الله ينعم بحالج...فديته جاسم مب جسوم ولدي ان شاء الله
منى( وهي تضربه ضربه خفيفه عجتفه) : بلاك خقاق مستوي اليوم
محمد: مستانس وايد
منى: شوه سبب الوناسه هاي
محمد: بشوف ربيعي من زمااان ما شفته
منى: أي سي
حلوو..
بس اللي بيشوف ربيعه يتكشخ كل هالكشخه
محمد: لازم لازم
اقولج من زمان ما شفته
منى: الله يهنيك فيه
محمد: امين
تفضلي ادللي ..
امري ..عيوني لج
منى : يايه اشوفك بس
محمد: والله ؟؟
مب فخاطرج شي
منى: لا ...


وطلعت منى عن محمد اللي طلع بعدها بدقايق

في الجهه الاخرى
كانت مزون على أعصابها ومتوتره كيف بيكون اللقاء الاول
اتفقت معاه انه يشوفها من بعيد لبعيد في محل من محلات بيع الاكسسوارات
لانها كانت ناويه تروح لها المحل مع اختها
وخبرته اول ما تطلع اطرشله مسج
وقالتله شوه كانت بتلبس واول ما تكون في المحل اطرش له مسج


وصار كل شي على حسب الاتفاق
وابتدى العد التنازلي
وابتدت دقات القلوب اتزيد

محمد كان مرتبك وخايف
هو يشوف وحده جدامه متغشيه
بدت نبضات قلبه تتسارع
واقترب منها وسلم بصوت هادي
عشان محد يحس وهو يخطف صوبها
في لحظتها التفتت له وهو صد صوبها
وشلحت غشوتها وشافها وابتسم
وهي استحت وشردت عنه وراحت صوب اختها


محمد على طول طلع من المحل وراح يركب سيارته
ما تخيل الي شافه
ابد ما توقع هالشي
ما شاء الله عليها رغم اللي فيها حلوه
بس ابد ما توقع اللي حصل معاه


بتركم تفكرون باللي ما توقعه محمد وبنكمل في الجزء الثالث

وين التكملة...شوقتينا نعرف شو صار

السلام عليكم وحمةالله وبركاته

مشكوووووووووووووووووووووو ووورة أختي على القصة الرائعة

نتريا التكملة

بليييييييييييز لاتبطي علينا

امممم..

ياا ختي ما بغيتي اتخلصين الجزء غير عندج الحبكــه..
ليش شو فيهــا ..حولــه؟!!

نتريا التكمله ..

بصـراحه ما رمت اتريــا لين الجزء الثالث

عشـان اعرف شو فيها مزون

على طول دقيت على بهجه الروح وخبرتني شو فيها :fa35:

:

:no0:

وانـــا بعد فـخــاطري اعــرف بلااهــاا !!

:boxed:

نتــرقب الجــزء الثــالث ،،

خيــال الــروح : خبـريـنـااا انــزيـن ! :ttmasha:

لالا مـا بخـبركم brgll:
اتريـوا الجــزء الثــالث

:

مــا يستوي .. يا كلنا انعرف يا ولا حــد..


يعني نحن اعيال البطــه السوده.. ترى كلنــا نتريا قصتــج..


:(

بهوجه بس عااااد لا تحرقصينا واااااايد ....كملي القصه !

مشكله إلي ما عدهم واسطات عشان يعرفون التكمله !

نترياج الغاليه

تسلمووون كلكم

عسى الله لا يحرمني منكم

لا تستعيلون والله بخبركم

بس بعدني ما كتبت الجزء

اصبروا شويه

" خيال الروح" عن الخبال ..:narr:

توني قريت الجزء الثاني ^__^

ابا اعرف شو فيها امممممممممم

اتوقع عكس اللي قالته لمحمد بتكون حلوه ههههههه

ما اقدر انتظر زود

مزون عميه :no0:

ما توقعها دبه :shock:
:bye2:

وقمنا نقرا قصص والله

يلا كمليييييييييييييييييييي

السلام عليكم

بهوجه الله يخليج لا تستوين مثل تمر حنا بمنتديات نسيج ....ذالتنا مذله على قصة انت لي من 4 سنين

بهوجه الغاليه ....نتريا التكمله عاااااد:yes:

السلام عليـــكم ،،

اسمحــــولي كلكم عالتأخيـــر

ابصراحـــه مب قادره اركز ومب قادره اكمـــل القصه

فبختصر الدرب ،،

ما بكمـــل القصه وراح انزللكم قصه كامله بأجزائها وايد أحسن

وأتمنى من أحد المراقبين انه يغلق القصه لحيـــن أشعار آخر


واسمحـــــــــــــــولـــ ـــــــي

افا ليش عاد..


انزين بس قولي شو فيها مزوون..

احس تم هالشي في خاطري.. بس قولي عقب كملي القصــــــــــه.. بليـــز!!!!

شمـــوووتـــي

ما يستوي اقول شوه فيها جيه بحرق القصه،،

مزون مافيها الا العافيه ،،

بهجة الروح .. كان الود تكملين قصتج اللي بديتيها لانها من بنات افكارج ..
كيف تهون عليج ما تكملينها )= حرام الكل يتريا ..

بغلق الموضوع على حسب رغبتج .. بس اول ما تبين تكملينها خبريني ..

الله يحظفج ..