يوميـاتكم

الـسـلام عليـكم


شخباركم ان شاء الله مستانسين

طبعا " الموضوع باين من عنوانو " .. كل عضو يدخل يكتب يومياته و اهم الاشياء الي صادفته

وعااااااااد إن شاء الله الموضوع ما يتصكر وينعق في سلة المهملات ..

• نـشيـت الساعه ست ونص الصبح معنّه ما عندي دوام

• تميييت لين الساعه ثمان ونص في الشبريه ما أبا أقووووممم

• نشيت صليت وتريقت:14: وتميت اقرا جرايد و اتطالع تلفزيوووون إلين الساعه 11

• الساعه حدش ونص يت كوتش اختيه اونه مسوين جمناستك في بيتنا ويلست العب وياهم رياضه :fa51: لين1 .. طبعا انا ابنجر كل اشويه .. والله يسوون حركات صعبه .. والبشاكير اخر شي قامو يلعبون ويانا كان اكبر مصخره

• من الساعه هنتين لين الساعه ثلاث كنت يالسه اتغدى واسولف وي بابا

• الساعه ثلاث الظهر إستوا حدث مهم ألا وهو حطيت دهن في شعري :narr: :cop: :narr:

• تمو اخواني يتحرطمون لايعه جبودهم من الدهااااااان :argue: جان انعزل ويلست اقرى مجلات :sadwalk:( تميت اقرى مجلات قارتنها من زماان )

• و الساعه اربع ونص لين خمس وربع غسلون شعري .. كنت احس ان الدهن ماخاز استهلكت شامبو كامل وعلى فكره للحين اشم ريحة دهن .. شكلها ما علقت في شعري .. علقت في خشمي :3:

• والحين يالسه على النت

• تعشيت من lentore.. كان خاطري اسير هناك اتعشى بس مشغوووووووووله :fa39:

• من الساعه سبع إلين الحين تقريبا 12 ونا يالسه على بروجكت >> عليه 30% و تسليمه باجر الساعه وحده.. لازم اكتب 2000 كلمة ونا الحين واصله 996 .. ماحب اسهر احس عمري بدوخ :nono:

تصبحون على خير .. بنش الفير اكمل شغلي ابرك لي إحوليت لول

موضوعج حلو كفكــرة ولكــن ينقصــه هــدف ..

الأعمــــــار بيد اللــــه ولكن اعتقد أنه عمــره قصير!

- وعيت من الصبح وع الساعة سبع سرت الدوام. (اسعى يا عبد وأنا أسعى معاك)
- رديت الساعة وحدة ، تغديت وقعدت ع الواحات.
- عالعصر ساروا عني معرض الوظايف وأنا خبر خير. (يمكن كنا نقدر نضيف نقاط لموضوع الحساس)
- أخذت قيلولتي العــصر مع أحمداني - أمه فدبي وأنا البديل-
- من ساعة تقريباً ناشة وحدرت الواحات. (ما نستغنى)
- اللي أعــرفه أن وراي شغل ولازم أخلصه!

فســرد يوميــاتنــا .. هل عطينــا حق لأنفسنــا ، شغلنــا وأهلنــا ؟ أم أن هنــاك خلــل..
هــل كل يوم يمــر علينــا نحقق فيه ولو جزء بسيط من انجازاتنا؟ أم أن شريط الأحداث كفيل بأن يوضح لنــا ما حصدتــه أيدينــا..

تسلمــين الغاليــة ع المــوضوع

نــايس واللــه ..

- الساعــه 6 وعيـت من النــوم .. وصليت .. وبعدهــا اتريقت وسرت الجـــامــعه ..
- من الساعه 8 الين 12 وانــا في محاظراتــي .. وبعــدين يلست شويــه مع البنــــــــــات .. (دق سواااااالف )

- رديت البيت وتغــديت .. وعــلى طــول عـ النت (واحــات بن دبي ) :ice:
- امممم .. يلست أكمــل برزنتيـــشن الفيزيــاء ..
- سرت الســـــــوق .. من الساعــه 4 الــين 6.. وفصلــت لي عــباه ..
- رديت .. ووحدرت الواحــــات again .. وكمــلت برنتيشــن الفيزياء .. وتونــي مخــلصــه ..
- ومازلـت أتحوط في ربــوع الواحــــــــــــــــــــ ات .. وأرمــس ربيعتي عـ المسن .. :ttmasha:


وهـــــــــــــذا يوم الاحـــد .. 24-4-2006:fa35:

الأحــد : 23 - 4 - 2006

1. وعيت من الرقاد الســاعة 9 ونص
2. سرت معرض الوظـــايف من الساعه 12 لين 2
3. بعد المــعرض سرنا مول الإمـــارات واتغدينا حتى الساعه 4
4. رديت البــيت تعبان فرقدت لين الساعه 8
5. قمت وكــان عندي امتحان ماث فذاكرت لين 11
6. يلست عالنت لين الساعه 4 الفجر :boxed:
7. ردقت

اقتباس:

---

فســرد يوميــاتنــا .. هل عطينــا حق لأنفسنــا ، شغلنــا وأهلنــا ؟ أم أن هنــاك خلــل..
هــل كل يوم يمــر علينــا نحقق فيه ولو جزء بسيط من انجازاتنا؟ أم أن شريط الأحداث كفيل بأن يوضح لنــا ما حصدتــه أيدينــا..

تسلمــين الغاليــة ع المــوضوع

---

امممم .. لكل ماسبق الغاليه :yes:

يوم الاحد 23-4-2006

- قمت من الرقاد الساعه 9 ونص واتريقت وسرت الجامعه ..
- من الساعه 10 لين 12 عندي كلاسات ...
- وبعدين من 12 لين 2 عندي بريك ...يلست شويه سوالف ويا رباعتي وعقب اتغدينا وسرنا عند السير شويه ...
- ومن الساعه 2 لين 4 ردينا للارف
- وصلت البيت الساعه 4 ونص وسيييييده رقدت ..
- قمت الساعه 7 وكلت لاني كنت ميته من اليووع وعقب يلست اذاكر
- خلصت الساعه 10 وعقب يلست عن النت ليييييين 4 لان اليوم اجازه ما عنا شي :fa35:
- وعقب رقدت

1 - نشيت الساعه 7 الصبح عسب ادرس بس تميت لين 8 احوط فالبيت :ice:

2- بديت ادرس من الساعه 8 لين 12 وبينهم كم دقيقه بريك عقب تغديت ( سلطه بس لول )

3 - يلست اسولف ويا قوم امي :fa35: وجي واتطالع التلفزيون

4 - العصر سرت اسوي بوكيه عند ألوها عقب سرت السمتشفى اسلم على ام ربيعتيه مسويه عمليه
ما طولت رديت البيت بسرعه عسب ادرس

5 - ردقت ساعه ونص يمكن ورديت ادرس لين فليل وعقب تعشيت

6 - واحين ومادري شو مسهرني brgll: قلت بشوف احوال المسن والواحات من 4 ايام ماحدرت

وثااانكس ع الموضوع الحلوو

.
.
.

الـسـلام عليـكم ورحمة الله وبركـاتـه

ياحي هالمواضيع الغاويه
:kcl:
شـكرا ً يـ أم خدود
’’

امم يومياتيه لـ
اليوم : الثـلاثـاء
الموافـق : 25\5\2006 م
السـاعـة : 3:07 pm

* نشـيـت سـاعه 15 : 7 وبالغصـب ،، راجعت شويه التاريخ ورحت المدرسه.
* السـاعـة الثامنـة صـبـاحـا ً امتـحـنت امتحان تاريخ كان سهل بس يباله تركيز ، عقب ماخلصت كملت رقاديه لين ما خلصت الحـصـة .
* الساعه عشر وخمسة عشر دقيقه رحنـا لحضور محاضرة وكانت عن الاعـاقة السمعية في الامارات
كانت حلوه بس هب مرتبـه .
* السـاعـه الواحدة ظهرا ً انا هنيه خلاص سطلت وغفيت طشونه ونشيت على صوت المعلمه
:nono: .
* الساعة الثانية ظهرا ً رديت من المدرسـة وصليت ودشيت الواحات والحينه بسير أقـيل طشونه لين العصر .

’’

وبكمل إذا الله أعـطانا عمر بأذن الله
السمووحووو
:fa35:

الحمدالله
:fa35:
’’’

اممم رديت أكمـل يوميـاتـيـه
:kcl:
* نـشـيت الساعه السـادسـة والسابعة والخمسون مساء ٍ وعقب رحت السوق من
السـاعـة الثـامنـة مساء ٍ .

* ردينـا البيت الساعه العاشرة مساء ٍ ، قعدت ويأ الأهل طشونه وتعشينا وقعدت وسولفت ويأ شيبتيه .
* قعدت في الواحات ، وبسـير أرقـد فيه رقااااااد ، ورايه يوم حافـل .
’’
تــصـبـحـون على خيـر
:bye2:

http://upload.bindubai.com/download/...alam-oasis.gif

موضوع حلو
.
.

اليوم بعده مابدا عندي brgll:

يوم الثلاثا 25/4

-صليت الفير ورديت رقدت

-قمت الصبح 7:25
عقب غيرت رايي وقلت طاف اول حصه >> وجودنا كعدمه الصراحه :fa36:
>> ومن حظي انه الدكتور كان غايب ههههه

المهم رقدت مال ساعه إلا ربع زياده
وعقب قمت ع الساعه 8 وربع

-اتزهبت وشليت كتبيه ونزلت تحت اتريا الباص
دقايق وانا ف الجامعه

-الساعه 9 كان عندي لاب خلصته ع الساعه 11
11 ونص رديت السكن

- زهبت شنطتيه وحطيت أغراضي >> لنه برد بوظبي >> الأربعا عندي أوف
ريوق + غدا >> تو إن ون :fa34:

قعدت اجوف التلفزيون اشوي
وخبصت ف الفوتوشوب عن خاطريه :smartass:

- ومن 2 وشي رقدت لين 4 وشي

- الباص كان ع الساعه 5 وشي
درب ممل وطويل بس يوم اربيعتيه اتكون معايه ما احس بالملل

- وصلنا بوظبي ع المغرب وأبويه كان يترياني اهناك

- وصلت البيت >> قعدت مع أهليه
مر الوقت بسرعه واتعشيت

- حدرت النت جيكت ايميلي وحدرت الواحات

- 3 ييت برقد ماياني ارقاد ورديت حدرت الواحات لين هالوقت

ههههه جني قلت قصة حياتي >> شكلها افيوزاتي ضاربه يبالي أرقد :yes:


http://upload.bindubai.com/download/...line-oasis.gif

انا البارحه نشيت الساعه 7 .. تلبست وجي و الساعه ثمان ونص ظهرت سرت الجامعه
رديت البيت خمس ونص .. رقدت من الساعه ست ونص الين اليوم الساعه ست الا ربع والحين الساعه ست وعشرين دقيقه .. ولاذاكرت هيومانتيز ولاشي .. عندي امتحان طوووووويييييييللللل الساعه وحده .. اففففففف

- نشيت 6:10
-طلعت من البيت 6:47 ورقدت في السياره
-وصلنا المدرسه 7:09 وانقهرت من الشرطيه يعني محد ورانا ليش لازم نجدم السياره افففف
- دشيت وسلمت وتميت اسولف لين وصلت ربيعتي وطلعت برع اقولها شيييييي
- 7 : 35 بدينا الحصص
-8:15 عندي امتحان
- 9:15 بريك كلت ومشيت تحت احصل علامتي مال عربي فاينل سويت اوكي
- 9:30 - :3010 بزنس
- بعين كان عندي فري لين اخر اليوم صدق ملللللللللل بس وناسه في نفس الوقت
- رديت البيت
-رقدت لساعه
- نشيت سرت كلاس بلاتييس مال رياضه
- الحين اجوف فلم
- بعدين بطلع اتصور وبتعشا وهمممممممم ماعرف

طوط طوط .. طوط طوط
ام سعيد موعتني الصبح ..

ياأحلى صباح ^_^

نشيت بعد الشور تريقت ..

و ظهرت حليلي سرت الدختر عندي جراحه جلع ضرس ههههه
وصلت 9.30 ز تميت يالس اتريا و جان القى ريال اعرفه و تميت اهذرب معاه ..

يا دوري و دخلت و جان اتقول الدكتوره وين الاشعه وقلت الها اويه نسيته في البيت
ذكي وايد شو امودنك عيل دام انته ناسنه ..

ممم سويت اشعه و ييت مره ثانيه ..

دخلت غرفه و يت و ضربتني ابره و عقبها الثانيه ..
و كل ما اتحرك ويع و يع ايني و ضربتني الثالثه ..
كانت مواطنه و زاغت و زقرت دكتور غيره
ياني هذاك و ممرضتين وكلهم واجفين ع راسي
ساير متعصم ادري مافيه بالسفر والعقال عسب اتبهدل .. :fa34:

و تموا يتضاربون ويا ضرسي يبون يجلعونه
و هالدكتور تم يبا يجلعه ايعورنه اقوله وقف وقف ..
وشويه تم يقولي حق الدكتوره قصه عيوز في لبنان
وانا مدمج معاه في القصه .. :shock: عجيبه كانت العيوز
في القصه و مره وحده ير الضرس و بقمت مره وحده
و عقب تم يعورني وانا اضحك هههههه لانه قص عليه ..

قالي يا قلوب ما ينفع معاك الا السرقه ..

و عقب يا الدكتور الثالث لانه ها ما قدر
و ثلاثتهم داروا عليه و جلعوه ..
الثالث قصاب انا اصارخ و هو ما عنده رحمه
بس الحمد الله افتكيت منه .. :bye2:

الساعه 12.30 رديت البيت
و صليت و يلست عالفوتو شوب

و عقب ما صليت العصر رقدت و خلاف نشيت عالساعه 6 تقريبا

و كلت ايسكريم ويلست ويا ام سعيد .. :ice:

و عقب المغرب رديت يلست عالنت

والحينه بسير باسكن روبنز الدكتور نصحني
اونه اتعلث فيه
:harhar1:

---
:kkk: ليش يومياتكم قصيره ويوميتي طويله
سين سؤال ذكي شويه ..
هل لازم اليوميه اتكون عناوين بدون تفاصيل
خخخخخخ :fa39:

اقتباس:

---

دخلت غرفه و يت و ضربتني ابره و عقبها الثانيه ..
و كل ما اتحرك ويع و يع ايني و ضربتني الثالثه ..
كانت مواطنه و زاغت و زقرت دكتور غيره
ياني هذاك و ممرضتين وكلهم واجفين ع راسي
ساير متعصم ادري مافيه بالسفر والعقال عسب اتبهدل ..

و تموا يتضاربون ويا ضرسي يبون يجلعونه
و هالدكتور تم يبا يجلعه ايعورنه اقوله وقف وقف ..
وشويه تم يقولي حق الدكتوره قصه عيوز في لبنان
وانا مدمج معاه في القصه .. عجيبه كانت العيوز
في القصه و مره وحده ير الضرس و بقمت مره وحده
و عقب تم يعورني وانا اضحك هههههه لانه قص عليه ..

قالي يا قلوب ما ينفع معاك الا السرقه ..

و عقب يا الدكتور الثالث لانه ها ما قدر
و ثلاثتهم داروا عليه و جلعوه ..
الثالث قصاب انا اصارخ و هو ما عنده رحمه
بس الحمد الله افتكيت منه ..

---

قلوب دبي brgll: يحليلك .. :sad4:

الؤلؤ المكنون لا تضحكين هب زين .. P:
بس الحمد الله ع كل حال ^_^

اقتباس:

---

المشاركة الأصلية كتبت بواسطة قلوب دبي

الؤلؤ المكنون لا تضحكين هب زين .. P:
بس الحمد الله ع كل حال ^_^

---

سامحني brgll: بس الموقف كله درامي .. تخيلت كل شي .. عسب جي قاعدة اضحك :hist:

اقتباس:

---

المشاركة الأصلية كتبت بواسطة قلوب دبي

:kkk: ليش يومياتكم قصيره ويوميتي طويله
سين سؤال ذكي شويه ..
هل لازم اليوميه اتكون عناوين بدون تفاصيل
خخخخخخ :fa39:

---

لول .. عادي تروم إتطولها انزين .. لا عادي تروم تكتب بالتفاصيل اذا حبيت ..

• نشيت اليوم الصبح الساعه 5:45 منصدمه طبعا مثل ما تشوفون في ردي القبلاني لأني رقدت يوم كامل ولاحد وعاني عشان ادرس كان عندي امتحاااان .. هذا ونا موصيه وايد ناس يتصلون و يوعوني :narr: واول شي سويته اني ادش النت .. وللحين مب مستوعبه السبب الي خلاني ادش النت .. كان المفروض آكل الكتاب ولا على الاقل افكر في اي يدار بضرب راسي فيه

• الساعه ثمان كان عندي كلاس ماث .. وأحمدك يا رب .. أول مره في حياتي انجح في امتحان الماث بفارق عشر درجات عن درجة السقوط هيهيهيهي

• من الساعه تسع لييييييييين 12 اذاكره واخر شي لاعت جبدي وسرت اتغدى الساعه 12

• من الساعه 1 لين 2 كنت امتحن .. وكان الإمتحان زُوين

• بعدين جدمت كلاس الدين وخذته بعد الامتحان على طول وخلصنا الساعه 3

• الساعه ثلاث ونص وصلت البييييييييييتتتتتتت :fa34:

• دخلت النت ساعه وحده اجيّك بعض السوالف

• الساعه ست ظهرت سرت مكان مايخصكم فيه :negab:

• الساعه ثمان خذت لي عشى من Johnny Rockets ورديت البيت

• الحين الساعه تسع وربع اتريا ناس يتصلون عشان اخمد .. ما اروم انام إلا يوم ارمسهم :cop: .. وينهم يقرون الرمسه عشان ينتفخ راسهم :ice:

افكر اسهر اليوم .. بس فيني رقااااااااااااددددد :nono:

اللؤلؤ المكنون : اتس اوكي هو كان كوميدي و كان رعب نفس الوقت ^_^

ام خدود : طانكيووو تراني ايلس اهذرب وايد من جي ريتها يوميتي طويله ... o_o

---
تكمله اليوميه مالتي

** سرت مريكاتو السينما كالعاده ما اداني غير سينما اللي اهناك ,,
شفت فلم كان سخيف و رديت .. Thats all ^_^

** والحينه اهني يعني بس بتمومض بماي و ملح و بيلس طشونه عالنت و خلاف بسير ارقد ..

اليــــوم غـــــير..

- من الصبح عالدوام .. غريبة مب حاسة أن اليوم الأربعه
- رديت من الدوام وتغــديت
- بطلت للوالد النــت - مطيح بالنت أخــس عني!! - لا واللــه كان عنده شغــل
كانت ع الســاعة 2 الظهــر ، ومن حــزتها اعتكفــت بغرفتي!!
- يلست عالوحــات لينمــا طلعت عيوني - أدخل المواضيع الجديمة والحق عاللي فاتني- تقريبــا لين خمس ونص العصر
- وفي سبـــــات لين الساعة تسع - الناس تروح الفراش وأنا أنش منه-
- ما بغيت أظهــر من غرفتي - يدوب تعشيت- ورديت للغرفــة..
- بعد التشطيبــات منــي منــاك حدرت الواحــة.

اليوم صدق غــير- مو محسوب من عمري-

:kcl:
مـرحبـا السـاع والله
’’
يالله يوميه اليوم كان حافل وشغـل وزحمـه
:sad4:
صح ماشي كانت اليوم مدرسه * إجـازة *
’’’
يومياتيـه لـ
الـيـوم : الإربـعـاء
الـتـاريخ : 26 \ 6 \ 2006 م
السـاعـة : 2:15 am

* نشيت ساعه تسع ونص ورديت ارقد ووعتنيه ختيه ساعه عشر ونشيت وخلصت روتينيه اليومي
وظهرنا من البيت ساعه 11 ونص وخطفت محل الكمبيوتر يعدليه شي ، وعقب عقونيه في الصالون الحنـا ويأ البنوتات الـست وكل وحده تشوفنيه الي في الصالون اونه هذي ماالتج
:boxed:
وايه بنت يابوك لحق عليه .

* عـقب ظهـرنـا وودينا البنات الـبيـت وسـرت أنـا أتحـنـى ولقيت هناكي الأهـل ، تحنينا وردينا البيت ساعه ثلاث ونص .

* عقب قعدت على الواحات وأنسخ كمن شي لسي دي .

* رحت وسلمت على شيبتيه وسولفت وياه وأقردنه طشونه خخخ
brgll: .

* عـقب رحنـا القـاعـة ( قاعة الـعـرس ) نشيك حـق باجر ونتأكد إن كل شي أوكـيه ، وعقبها سرت عند العمه لـ الكارفور وعقبها رديت البيت .

* وجاااان يزقرنيه الشيبه هاا بتسيرين عنديه دبي ؟ لا لا بويه مافيني أبا أرقد من وقت تعبانـه
:doh:
أمـحــق رقـده جانيه أرقد ساعة تسـع .

* قعدت شويه ويأ الأهل نخطط لـبـاجر ، وعقب زقرت اليهال الصغاريه ويبت فرشهم وفرشتلهم عنديه في الحجره ورقدتهم خخخ والحين يالله رقدي ويأ هالشخـير
:hist: الله يعيني.

* والحينه قاعده ع النت ، وبس خلاص تعبت بسير أرقد ورايه ربشه باجـر .
’’
اووف تعبت صدق ان يوميه حافـل يعني وايد شغل فيه
وقلووب حشى عمليات هب جلع ضرسين
brgll:
..
تصـبـحون على خـيـر
:bye2:

من ثلاث شهور تقريبا و أنا ماشي بنظام واحد هو إن أدرس ساعتين و بعدين أسوي نيسكافيه و أدخن زقارتين و بعدين أرجع أدرس ساعتين و كشي أساسي لازم كل يوم أدرس 12 ساعة هذا النظام صعب أتخلى عنه.

مع نهاية كل شهر لازم أشوف التلفزيون مرة وحدة و هي لبطولة العالم للدراجات النارية مشكلتي إن أشجع بطل العالم فالنتينو روسي و يوم ينتهي السباق و يفوز فالنتينو روسي أحس بالفرح فقلبي يعني مهارته في قيادة الدراجات النارية صعب أوصفها كلها فن و دقة و بعد نهاية السباق أعرف متى بتكون السباق القادم و في أي وقت بالمناسبة يوم الأحد بيكون السباق في تركيا فاللي حاب يشوف السباق يحط قناة الجزيرة الرياضية على الساعة 12 الظهر تقريبا.

باقي الأيام يكون فيها غسيل الملابس أو أسير السوبر ماركت إذا كان ناقصني شي أو محل الزقاير و أشتري لي مؤونة حتى 10 أيام :)

مافي أحداث مهمة كل شي ثابت و مكرر يمكن تكون حياة مملة في نظر البعض لكن الحقيقة في ملايين يتمنون يعيشونها ... من عنده فلوس يدخن باكيت كل يوم قيمته 18 درهم :)

الخميــس
27- 4 - 2006

- نشيــت ع الســاعه 2 الظهر و تسبحت وشربتلي رد بل ع الرييج :sadwalk: ...

- 2:45 تغديــت عيش و لحم و عقب الغدا اكيـتد فواله و قهوه و جااي و اقرا الجريده :fa37: ...

- 4 نقزنـا فالحــوض ليــن ال 6 :hist: ...

- 6:30 خلصنـا سبوح و غيرنـا و وتكشخنا وتجحلنا و انطلقنـا جدااا المرينــا "ركنوو عالــ نــا" هههه

- 8:30 دخلنــا السينمه "Scary movie" هلكنــا من الضحك :hist: ... يمدحونه الفلم ..

- ع الــ 10 طلعنــا من المرينــا و ردينــا البيت ..

- وصلت البيت ع الــ 11 و تعشيـت

- من عقب العشــاا لين الحيـن ع النــت و مثل كل يــوم بصلي الفير و برقد :yes:

و السمــوحه

البارحه شفت فلم هندي ... ماعندي شي اقولكم عنّه .. غير انّه كان يوم تعيس وللحين احس بالتعاسه منّه :sadwalk:

والله اكره الافلام الهنديه .. الحين بتم اسبوع مكتأبه .. انا الغبيه مادري شو خلاني اشوف فلم هندي :doh:

البارحه اليمعه :

• 9:00 نشيت من رقادي

• 10:30 تزهبت وتلبست وسرت اتريق واقرا جرايد

• 12:00 يو ربعي ( الحبايب عازمات عمارهن على الغدا في بيتنا ) *تغدينا الساعه 12 ونص * :nono: وللحين مب مستوعبه اني ما فصلت الريوق عن الغدا بـ أكثر من خمس ساعات !!

• 2:20 ظهرنا سرنا قراند سنما انشوف Final Destination وطول الفلم انزاعج جنّا مخروعات

• 4:00 رديت البيت

• يلست على النت العب قن باوند وارمس ربعي لين سبع ونص المغرب

• 9:00 بديت اذاكر وخلصت الساعه مادري كم

• تميت اطالع تلفزيون الين الساعه ثلاث فليل ورقدت .. وجي كانت عيوني ونا احارب النوم :puppyeyes:

الخميس الساعة 9م : وصلت الأمارات بعد بعاااد دام أسبوع

الساعة 10:30م : قاعد في ماك اتعشاا ماك ارابيا

الساعة 11:30 وصلت بوظبي بس ماسرت البيت .. سرت البحر

الساعة 12:30 وصلت البيت وقااعد ليين 2 انتظر أبوي وامي يوصلون عسب اسلم عليهم وانام

الساعة 3 نمت لييييييييييييييين الساعة 11 من يوم الجمعة

سبحت وأكلت حلوى مع فنجان قهوة .. وسرت المسييد

الساعة 1:45 احتضنت الفراااش ونمت ليييييين المغرب

قمت من نومي وسرت بوظبي معزووم على العشاا

....

تسلميين اختي ام خدوود على الموضووع الجميييل ..

نشيت جي 6
طلعت من البيت 6:45
وصلت المدرسه سبع وشي
كنت سايره اول حصه ولا يت مس مال سياحه وهزبتني:narr: من القهر رديت عليها .. محتشره علي اوني انا شردت عنها وعن الابله الثانيه لاني مب مخلصه شغلي يوم الاربعا ومابا شغل زياده وانا وحليلي يوم الاربعا لساعه ونص ادورها دورت في كلاسها 3 مرات وفي كل كلاسات السياحه 1 ونزلت تحت عند مال المدرسات 3 مرات وقالولي محد .. ويلست تقولي جذابه انا والمس الثانيه كنا يالسين تحت هناك .. والله مب مشكلتي انا سألت الابله الى عند الباب تزقركم وقالتلي محد وقلتلها تسأل كم من بنت الحينه جدامي لو ماتصدقنيييييي افففففففففف انقهر يوم اتعب على شي بعدين يقولولي جذابه:narr: في الاخير اتأسفتلي وقالتلي اصدقج
بعدين سرت للحصه الاولى وطلعت المس عطتنا فرييييي ف اشتغلت على السياحه المأرف الى مايستاهل يوم قالولي جذابه اففففففف .. كان عندي 3 فريي اليوم:fa34:

اخر حصه كان كول بس يلسنا نسولف وهمممممم

دق الجرس بروح البيت اتريا اختي الصغيرووونه حليلها كسرت خاطري كانت تعبانه:fa36: والدريول القليل الادب الى صدق يباله كف اكرررررررررررررررررررهه خايس افففففف طول الدرب يرمس في التليفون وماعنده احترام حقنا ولا بعد حاطلي التليفون على جتفه ويرمس وراسه معواي!!!!!! وقلتله المره اليايه لاترمس في التليفون يوم تسوق .. بكل وقاحه قالي ليييييش؟! واطالعني بهالنظره البايخه مالته .. ورديت عليه مب معقوله عندك ليسن وماتدري انه خطر .. جان يضحك ويقولي لا مب خطر انا برمس في التليفون .. اففففف عصبت وقلتله لو مب خطر سير قول حق ابويه انه مب خطر وطلعت من السياره اتحرطم ادعييييييييييي انه ناطورنا سمعني لو ماكان راقد عشان يظرب هالخايس بكساااااااات افففففففففف اكرهه دريولنا اكرررررررهه .. انسان خقاق بايخ قليل ادب ابداااااا مايحترم اي حد خصوصا لو كنتي بنت:narr: :narr: :narr: :narr: ماتتخيلون هالانسان كيف ماعنده اخلاق ... ناطورنا الى يستوي خاله مايحترمه ابدا ابدا ابدا . هذا المتخلف اصلن يحترم منو!












وايد تحرطمت لاني مغيييييييييييضه:nono:

السـلام علـيـكم ورحمة الله

’’
:fa35:
يوميـاتـي
لـيوم : الـخـمـيـس
التـاريـخ : 27 \ 4 \2006 م
,,

* نشيت الساعه 11 ونص .
* بدلت وتلبست ورحنا الصالون على الساعه 12 وشي .
* رحنا الصالون ونحن حاجزين ساعه 1 وآخـرونا لين الساعه 2 وسرت وهزبت البوس لانهن أخرنا .
* ظهرنا من الصالون الساعه 6 وشي وسرنا القاعه .
* وصلنا القاعه وشيكنا على الفواله والطاولات وسرت أنا وشغلت الأشـرطـه قبل مايوصلون العـرب .
* ساعه سبع ونص بدوا المعازيم يوصلون .
* من الساعه 7 ونص لين 11 وانا رايحه راده في القاعه اسميني ماقعت كله امشي
والنتيجه كانت ريولي يعورنيه .
:bye2:
* الساعه 11 زفينا المعاريس لين البيت .
* الساعه 11 ونص قعدنا وسوينا ريلاكس وطرشنا عشى ( كنت بمووت من اليوع ) .
* عقب العشا قمت وغسلت الطحين اللي على ويهي
:hist:
ورحت ورقدت اووف كنت هلكااانه بمعني الكلمـة .
’’’

هذا ليوم الخمـيـس
:bye2:
’’

السلام عليكم

بعد إذن مشرف القسم

يللااا يا حلوين جدامي على واحة الأصدقاء و التعارف .. :sad4:

السلام عليكم

امم اليوم شو سويت

الساعة 7 و نص وصلت الجامعة
احلى شي اخر ايام ادش الكلاس اخذ درجاتي انصدم واطلع :yes:
.
بعدين عــ الساعة 10 طلعت من الجامعة ورحت قصر الثقافة عشان حفل جائزة الشارقة للتميز
بس حمدالله وصلت عــ الوقت كانوا شوي و بيبندون الباب :doh:
.
مادري شو بلاني اليوم مزاجي واييد رايق :yes:
جان اقول ليش ما اروح المدرسة اسويلهم مفاجأة :fa34:
جان اروح ,, ويوم وصلت كانت الفسحة
.
اول ما دشيت كانت مديرتنا عند الباب
حيليلها كيف رحبت فيني :fa35: ,, صدقت عمري انا :fa34:
و تمت تلف فيني بين الصفوف و خلتني اسلم على كل البنات :kcl:
عقب جان توديني عند الابلوات و تقول حق اليداد جوفي هاي حبيبتي من اول دفعة اللي تخرجوا :smartass:
ههههههه اصلا محد استانس كثر البنات طلعتهن من الحصه ههههههه حليلها :kcl: و جي تميت نص ساعة وطلعت
.
عقب رحت اشتري باتشي من ميركاتو وبعدين رحت باسكن روبنز :ice:
و بس رديت البيت
.
ومن عقب شوي بيكون اليوم كله دراسة عندي امتحان احياء باجر :fa36:

احــس ان الـــيـوم بــيــكون يــوم واايــد صــعــب . .
مــــتــنرفــز لــدرجــه فــظيــعه
عـــادي اتـــضـارب ويــاه اي حـــد !

البـارحه:

6:40 نشيت من رقادي

8:00 في الجامعه إليييييين الساعه 4

4:15 وصلت شي حق عمة ربيعتي و يلست عندهم ساعه :leia:

6 مادري 7 سرت الجم :fa51:

8:30 عندي موعد في الصالون

9:19 كنت في البيت :fa48:

10:00 رقدت