بناية.. بيت.. الخليج..عيمان..

السلام عليكم..


يا جماعة عمركم سمعتوا .. بناية في منطقه سكنيه..؟؟:kkk:

اشقايل بلدية عيمان تسمح انهم يبنون بناية فمنطقة سكنية..

عيال الفريج ما قصروا ساروا وقدموا شكوى فجريدة الخليج..

بس البارحه شفت الهنود يكملون شغلهم..

ليش جي ..؟؟ ما يخافون على حرمات غيرهم..

صدق موضوع ما ينسكت عنه..

:narr:

نسيت الشوارع اللي صوب مدارس البنات .. من متى وهم يعدلونها..من سنتين..

الين الحين ما شفنا اي شي..

والله منظر الشوارع اررررررف..

:mar7aba:
.
.
.
فركــوشه : شهيق زفيـر شهيق زفيـر . . خليـج relaX
وبعديـــن لاتوقفين في ويــه التطور في عيمــان . . p: >> امزح والله . . .
الحيــن ماشي اراضي يبنــون فيها غير في منطــقه سكنيــة . . .؟!
ارض الله واسعـــه . . .
وبعديــن هذيل اللي ساروا جريــده الخليــج ورمســوا . . .لو يتريون من اليوم لين الاسبووع الياي مابيتغير شي . . . يعني شو بتسوي الجريـده. .
افضــل يرمســون الشيــخ ولا تكون عندهم واسطــه قويه عشان يكنسـل هالشي . . على الاقــل يدوروون مكان زين حق البنيــان مب في نص الفريــج . . ماتخيل فريــج وفنصــه بنايه . .احس شكــله يضحك brgll:
.
.
.
:bye2:

فديت دبي واهل دبي واموت اموت واحيا شوي..

والله هالامر يعود الى بلدية عيمان وانصحكم بتوجيه الشكوى

الى "بو راشد" او "راشد الخرجي"..

او النتقال الى دبي فلن تواجهوا اي مشكله ف بلدية دبي

"امـــــــــــــdxbــــــــ ـــوت ف دبـــــــــــــــــــdxbــ� �ـــــــــــــي"

والله زين .. عقب يوم تبين ادلين حد عبيتكم .. تقوليلهم الفريج الي فيه بناية :fa34: مايضيع

الله يعينكم الصراحة ،، شو ماعندكم قوانين في عيمان؟؟؟؟؟؟؟؟؟؟؟؟؟؟؟؟؟؟

أولا عيمان فيها قوانين وعن الطنازة !!!!!!!!!!!!!!!!!!!!!!!

الموضوع جاد وليس موضوع للمزاح وتقييم امارة عجمان !!!!!!!!!!!!!

وعلى فكرة أمر الشيخ راشد بن حميد النعيمي بدراسة الامر ووقف بناء البناية الا لدوريين فقط لااكثر

والسموحه منكم

واتمنى إنكم تبتعدون عن الطنازة في هي الأمور

عالأقل حشموا أهل الدار

بناية في فريج :shock: هاي ماستوت ولا بتستوي

وين بلدية عيمان ؟؟؟ وكيف تسمح بهالمهزلة؟؟؟؟ شي عجيب

عيل اصحاب البيوت شو بيسوون ... والبناية مكشوفة عليهم :nono:

اقتباس:

---

وبعديـــن لاتوقفين في ويــه التطور في عيمــان . . p: >> امزح والله . .

شو ماعندكم قوانين في عيمان؟؟؟؟؟؟؟؟؟؟؟؟؟؟؟؟؟؟

---

ليش المسخرة علينا :sadwalk:

سبحان الله :nono:

الله كريم .. :no0:

وعليكم السلام والرحمه

انا سمعت عن طاري عيمان brgll: دخلت على طوووول قلت وزعوا بيوت وأراضي سكنيه

شو السالفه اختي فركوووشه ؟؟؟
واالله انا استغربت من الموضوع الصراحه ، بالعقل كيف بناية في منطقه سكنيه..؟؟ بس اختي انتي ما حددتي المنطقه وين ؟؟؟ بعدين مشكله اذا سكنوا البنايه وافدين ، بتحصل مشكله كبيره :narr:

وبخصوص الشوارع توهم في منطقة مشيرف بادين يشتغلون فالشوارع ، والمفروووض من قبل :doh: بس ماعرف ليش هالتاخير :sadwalk:

الله يستر من الياي :puppyeyes:

مشكورة اختي عالموضوع ، ويعطيج الف عافيه

اخوووج :bow:

لو سمحتوا.. من غير تطنز..


طارق حتى لو كانت كانت طابقين.. ما يستوي..


ولد الحكومه يعني لازم احدد..

وعن الشوارع الله يعين.. لو تسير اتشوف الشوارع اللي صوب الصناعيه..

ولا اللي صوب سوق الايرانيه..


وتسلمون عـ ردودكم..

اقتباس:

---

المشاركة الأصلية كتبت بواسطة المتفيزره عالعرقووب

وبعديـــن لاتوقفين في ويــه التطور في عيمــان . . p: >> امزح والله . . .

---

يعنــي كلامي كــله طنشـــتوه ولا جنكم شفتــوه وركزتوا على هذي الجمــلة . . غريب امركم والله . . .
على العمووم اسمحوولنا . . . المفروض من الاساس ما ادش هالموضووع . .
اخااف تعتبرون كلامي بعد كله طنازه عليكم . .

:sad4: حصل خير جماعة والمتفيزرة ما اتقصد .... وعن الزعل اختي متفيزرة !!!! ماصار الا الخيييييييييييييييييييييي يييييييييييييييييير :bow:

فركوشه :daleel:

عن الشوارع ، حدث ولا حرج .. بس صدقوني لا تلمووون بلديه عيمان ، الشوارع المتكسرة سببهااااا مشروع الصرف الصحي ، لانه الشركه نصبت وسرقت البيزات ...

أن شاء الله كل شيء بيعووود شرات قبل وأحسن ، وهذا طبعاً الكلام مب من عندي ، مصرح سمو الشيخ راشد بن حميد النعيمي رئيس بلديه عيمان


والسموووحه :yes:

:nono:

لالالا اظني هم فكروا بالأيام اليايه
يعني مستحيل يخلوون البناايه إجاار على اي نااس
يعني منطقه سكنيه اكييد دارسين الموضوع وماخذين بعيين الإعتباار ان المنطقه كل عواايل<<انا مااحاتي غير هذا شي لو أجروا على روسيين و لا عزاابيه


ربي يوفقهم لما فيه الخير

فركوشة ...

البناية من طابقين بتكون بنفس ارتفاع فيلا طابقين ..يعني الارتفاع راح يصير طبيعي

والشيخ راشد بن حميد النعيمي شكل لجنة فنية لمسح الأراضي في عجمان بشكل كامل ووضع خطط جديدة لتطوير المشاريع العقارية في عجمان


المتفيزرة ...كلامك معناه كبير وهذا مااغضبنا اتمنى ان تبتعدي عن مثل تلك الاساليب التي قد لاتليق بشخصك

نبراس الليل ،،،
عالعموم حصل الخير وكلكم اخوه :sad4: .

لا تشل فخاطرك اخوي :puppyeyes:

نبراس..

ما قلنا شي .. بس امنوه اللي بيسكن فـ هالبنايه..؟؟

المتفيزره.. حصل خير اختي..

وتسلم ولد الحكومه.. عـ تهدئة الجو..

العفو يابنت العم :kcl: وهذا وجابنا

انزين بسألكم,, الفريج جديم ولا يديد
لأنه اذا جديم "يمكن" تكون خطتهم انها يحولونها الى منطقة " تجاري سكني"

و ثانيا الا هي بناية ام طابقين ما اعتقد انها بتسبب ازمة و او مشاكل لسكان المنطقة ,,

احيد في فريجنا الجديم,, بنوا حذال بيتنا بناية من سبع ما ادري ثمان طوابق,,
صح انه فريجنا الاولي جديم, بس على هذيج الايام كانوا سكان الفريج الأصليين اغلبهم موجودين

احيد انهم بنوا عند بيتنا بناية ثامر في عيمان جان تعرفونها,, الي عند مطحنة هاشم و احيد انه هالبناية صدق سببت لنا ازمه اخر شي سوينا مظله عوده في الجهة الي صوب البناية خخخخخ

الله يعينكم على البناية,, نحن يابوا النادي المصري عند بيتنا فـ احمدوا ربكم مليون مرة في اليوم لأنه الله ما ابتلاكم بالنادي المصري,,

من شاف مصايب الناس, هانت عليه مصيبته لول :doh:

بس جان تبغون الصراحه,, وايد مستفيدين منهم,, المدرسين الي هناك كلهم يدرسون اخويه في البيت,, و مرات اخوية يسير عندهم و اسعارهم رمزية لول,, بس اهم شي لازم نطرش لهم "لحمة" و "فراخ" عسب نكون اوكي وياهم :ice:

:cop: افااااااااااااااااااااا ،،، اهل عيمان زعلوا علينا

السمووووووووووووووووووحة منكم ،، كله ولا زعلكم .. ولكم مني :fa35:

وان شاء الله تنحل مشكلتكم :sad4:

الله يعين



مسكين ذنيني والله أحيد بيتكم الجديم ،، صح كانت البناية مطلة على البيت ..

انشالله تتطور عيمان للأحسن .. :)

يسلموا على الموضوع :)

اقتباس:

---

المشاركة الأصلية كتبت بواسطة لبن مثلج

:cop: افااااااااااااااااااااا ،،، اهل عيمان زعلوا علينا

السمووووووووووووووووووحة منكم ،، كله ولا زعلكم .. ولكم مني :fa35:

وان شاء الله تنحل مشكلتكم :sad4:

---

:yes: ليش اختي لبن نزعل عليكم ، بالعكس انتوا وقفتوا ويانا وما قصرتوا .....
يعطيكم الف عافيه :bow:

الســلام عليكم..
نبــراس .. البنايــة مش - تقليد- طابقين .. يقولك ســت طوابق! وتطــل على شعبيــات (مبــاشرة!!!)

حتــى حرمــات بيوتنــا مالهــا قيمــة عندهم !! والله .. حبكــت هالمنطقــة السكنيــة يعني ..

وعسب هالبنــايت والدواير - ما أدري على شو نــاويين - رصفــوا شوارع - قار- دامدارهم!! وأنتــوا أدرى بالمنــاطق -الوعــرة- بعيمــــان حتى رصيف مثل الأوادم ما عندهم ..

الأراضي اللي ناويين يبنون فيها أبراج - تشبيه بليغ- كــان أولى يعطونهـا للمواطنين بدال ليعقــونهم فالسيح ..

معــاكم عيمــان بدت اتطــور من بناياتهــا ودوايــرها .. وفكــرة تشجــير الشــوارع واايد ايجــابيــة .. لكــن ســالفة هالبنـــــايات ما ينسكــت عليهــا الصراحة..

ذنيني .. المنطقــة السكنيــة يديدة .. وبعدهم يوزعون فيها أراضي لين نوصل أم القيوين brgll:

حركه مب يديده
أحيد ناس انعرفهم .،.، بنوا حذاهم بناية من 3 او 4 طوابق .،.، ووحليلهم تموا يشتكون من اول ما حطوا اول طابوقه إلين ما خلصت وسكنوا فيها الناس ولا حد سوالهم سالفه .،.،.، وفوق هذا كانوا يعانون من تسرب المجاري من البنايه وتنزل ف بيتهم .،.، بس لانه البنايه لواحد معروف ف عيمان ما سوولهم شي .،.، وعقب ما انسكنت البنايه ما كانوا يقدرون ايلسون ف الحوي .،.، وقاموا يسوون مظلات إلين تقريباً الشمس غابت وما قامت تدخل البيت لوول .،.،. آخر شي وحليلهم استخلفوا الله واتحولوا .،.، لانه بعد هالبنايه صارت بنايه ثانيه حذاها واستوت الدنيا وايد مصخره هناك .،.،.

الواحد شو بيروم يسوي إذا كانوا اصحاب هاي البنايات هوامير ومحد يقدر يوقف ف ويهم .،.، صح أنه اصحاب هالبيت ناس معروفين بعد ف عيمان لكن على قد حالهم .،.، الله فكهم

الله ايعينكم .،.، مالكم الا تتحولوون مثل ما سووا غيركم

اقتباس:

---

ذنيني .. المنطقــة السكنيــة يديدة .. وبعدهم يوزعون فيها أراضي لين نوصل أم القيوين

---

صدى brgll: ...

واللهِ مهزلة الصراحة .. ما يصير جي .. خبط لزق و يلا نبني و نعمر !!!

اي حتى هالأبراج الموجودة مالها داعي .. منو بيسكن فيها يعني ؟؟؟ اكيد الأجانب .. و المواطنين يتلفتون يمين يسار و يلا يلا يحصلون لهم قطعة ارض في آخر عيمان :nono:

تطور في العقل مش تطور عمراني و بس .. لازم تخطيط .. و وضع النتائح ..

عندكم الإعلام .. زخوا كمن صحفي .. و اشتكوا .. و اخبار الإمارات ما تقصر ... :gof:

اقتباس:

---

المشاركة الأصلية كتبت بواسطة اللؤلؤ المكنون

اي حتى هالأبراج الموجودة مالها داعي .. منو بيسكن فيها يعني ؟؟؟ اكيد الأجانب .. و المواطنين يتلفتون يمين يسار و يلا يلا يحصلون لهم قطعة ارض في آخر عيمان :nono:
:gof:

---

بالعكس اختيه

اعرف واااااااااااااااااااايد شباب اشتروا شقق في الابراج اليديده

عيال عمتي من بوظبي,, و 3 منهم اشتروا شقق في ابراج النعيمية

لأنهم وايد اييون عيمان,, و في نفس الوقت صعب عليهم ياخذون بيوت في عيمان غير بيوتهم الي في بوظبي,, و الشقق الي في الشارجة اسعارها وايد غالية,,

اشوف انه الابراج هذه وايد بتساعد الشباب الي دخلهم ما يسمحلهم انهم يبنون بيوت

و حتى انا عن نفسي,, ناوي اني اخذ شقة في احد هذه الابراج اذا تزوجت و في نفس الوقت بعتبرها كـ استثمار للمستقبل,, اقدر ابيعها في المستقبل بسعر اعلى


و ثانيا البلاد لازم تتطور,, الين متى بنتم على عمارات الـ 4-5 طوابق

انا مع التطور العمراني في عيمان,, لكني ضد انهم يسوون الابراج هذه في المناطق السكنية

السلام عليكم والرحمه ,,,

أعتقد أنه هالموضوع طرح مب عسب الطنازه مثل ما قلت اخوي نبراس الليل بس أنها شكوى وتبى حل كل مدينه وتعاني من مشاكل وتختلف القوانين من منطقه لأخرى يعني ما كان له داعي أختي أليمه أنه ينتقلون أهل عيمان لدبي ,, :3:

اقتباس:

---

أولا عيمان فيها قوانين وعن الطنازة !!!!!!!!!!!!!!!!!!!!!!!

الموضوع جاد وليس موضوع للمزاح وتقييم امارة عجمان !!!!!!!!!!!!!

وعلى فكرة أمر الشيخ راشد بن حميد النعيمي بدراسة الامر ووقف بناء البناية الا لدوريين فقط لااكثر

والسموحه منكم

واتمنى إنكم تبتعدون عن الطنازة في هي الأمور

عالأقل حشموا أهل الدار

---

صدقك أخوي نراس الليل ,,

واذا كانت هالبنايه راح تشكل مشكله كبيره وبيبنونها اكثر عن طابقين أو ثلاث ,, أكيد الشيخ راشد مدير البلديه راح يجوف لها حل ,,


تنينه:narr:

شقق ... بالنسبة لي ما احب الشقق .. بيت و حوي افضل لي من ان اقعد في شقة بين اربع طوف!!!

و مب من كثر سكان الإمارات عسب نبني هالبنايات !!!

و غير جي سالفة هالبناية .. قريت بجريدة البيان .. و شفت الصورة .. موقعها كلش غلط و البناية خلاص بتخلص يعني!! بس لمسات اخيرة و انتهى الموضوع ..

سؤالي .. وين البلدية عن هالمصخرة!!

الناس راحوا و اشتكوا للجريدة .. و الجريدة ما قصرت ... كل اللي قدروا يسوونه على لسان احد المسؤولين بالبلدية فيما معناه انه ما راح يسكن فيه عزابية!! اي اوكيه ذولي محد .. بس البناية بتطل على الناس في بيوتهم!!:narr: