معصبببببببببببببببببببببب ببببببببببة ...

:narr: :narr: :narr:

ما عندي ون تو .. خلاص مشفرة اليوم .. :narr:

تونا رادين من السيتي .. مع بابا و ماما و اختي .. و عند الإشارات .. اشوف لكم ضرابة!! ..

إي اي ضرابة هي؟؟

ضرابة بين شباب :narr: تكفيخ و ترفس .. :narr: اي ليييييييييييييييييييييييي ييييييييييييييييييييييييش ؟؟؟


ليش هالوقاحة و جدام خلق الله .. اي ليش ؟؟ اي هاي الرجولة ولا شو؟؟؟ شو ها !!! عكروا لي مزاجي .. اي ما احب العنف آنا .. ما يصير جي .. ياخي تضاربوا بعيد .. روحوا اي مكان بعيد .. و شو سالفة الضرايب بين الشباب ؟؟؟ اي ليش تتفاهم بالضرب و التكفخ؟؟؟ اي ما عندكم اسلوب ثاني؟؟ اي ليش ها كله؟؟

سبحانك ..

انا ما لاحظت لين ما ابوي هرن عليهم .. وقف ابوي السيارة و نزل ... بيروح عندهم .. و آنا زخيت موبايله و يلا اتصل بالشرطة .. اي ما احب هالمصخرة .. :narr: :narr: :narr: :narr:

مو من حقي ازعل؟؟ بلى و مليون بلى .. شو ها ..

هاي المرة الثانية اشوف ضرابة بين شباب .. اول مرة يوم اني نزلت بالمدينة المنورة ..


معصبة معصبة .. :narr: :narr: :narr: :narr:

جزيتم خيراً

ياني فضول ... بدي اعرف شو المشكليه :terms:

اي ما اعرف شو صار ..

اول ما نزل ابوي من السيارة .. انحاشوا الجماعة ..:narr:

بس والله لو طولوها دقيقة .. الشرطة بيكونون هناك :narr:

بس ما عليه ... :narr:

والله فشــــــــــــــــله شوهو سمعة البلاد
وانتي ما شاء الله ما عندج ون تو طووول

:)

لا ما عندي ون تو .. كلللللللللللللللش في هالمواقف عندي على طول ردة فعل جاهزة ...

ماشي تفاهم ..

اي اتذكر ايام الكلية واحد طفربنا .. اي ليش تلاحق ما تستحي على ويهك .. حتى الحين رقم السيارة في راسي .. في الذاكرة ..

اي حشرنا .. رايحة رادة على جوانب الباص . اي فك عنا .. ما شي .. خذيت الموبايل .. و بقوة ويه فتحت له الستارة .. بمعنى انا متصلة بالشرطة .. و كنت اركز على رقم السيارة .. و نوعها .. و كلش انحاش و صيح ويلات ..

اي يا ناس انتوا ليش جي تحشرونا؟؟ لو ان راعي الباص ارتبك .. و طلع عن الطريج و سوا حادث .. اي شو تستفيدون ؟؟؟

سبحانك ..

بس هذولي .. للأسف نظري ضعيف .. بس والله لو اعرف رقم السيارة ما بينفك مني :narr: .. بس ربج ستر

فاتني والله جان دقيتيلي عشان اشجع..

لهي الدرجة مقهورة منهم !!!!!

مب زين العفو عند المقدرة يمكن السبب كاين جايد

......
صارتي نفس المشكلة من فترة قصيرة لكني انا الطرف المشارك

كان الطرف الثاني يتباهي بنفسه ويتعنتر ويقول بتبلغ بلغ ماتهمني الشرطة

لكن في المركز ...صار مسكين وعلى نياته... سبحان الله ...دوام الحال من المحال

....

مــن حقج واللـه تزعلين ..
ونا بسوي مثلــج بعد ..
الصراحــه شوهوا صورة البلاد ..



مثلــج معصبـه:narr:



وتسلميـن عزيزتي عـ الطرح .. :fa35:

كل الود..
قرمــوشة :ttmasha:

هلا يحليلي ياهل .. :)

هههههههه .. ما عندي رقمج والله .. و ما مداني وقت اتصل عند اي حد غير الشرطة!! .. تفكير سريع ..

اهلين اخوي طارق ..

اي منقهرة بنسبة 100% ...

لسببين ..

أولا اخاف العنف .. لدرجة كبيرة .. ابوي ضحك على ردة فعلي ..لأنه يعرف درجة الخوف اللي عندي من العنف ... بشتى انواعه ..

طبعا العفو عند المقدرة .. طبعا ولا خلاف في ذلك ..

لكنه منظر بشع .. اي إذا الطلاب انفسهم يتضاربون تكفيخ في الساحة .. اشوح بنظري و اروح الحجرة بسرعة .. ما احب العنف ياخوي ..

مهما كان السبب .. اي حتى هم يقولون " كتم الغضب مطلوب" .. مو؟؟ اي ليش اعفي عنهم و هم ما احترموا لا الناس ولا انفسهم حتى؟؟

اي ما عليه .. خلنا من سالفة الإحترام .. ردة فعلي دايما جي .. موبايلي و الشرطة .. و انتهى .. يخوفني اخوفه ..:kcl:

هلا اختي قرموشة .. :)

لا تعصبين خلاص .. انا هديت الحين .. بعد ما فضفضت .. :)

المهم انج هديتي النفس بعد الفضفضه .،.،

ياما بنشووف .،.، العالم قامت تاكل لحم بعضها .،.، كل شي بالعنف وكأنه قاعدين ف الغابه .،.، وشعارهم " البقـــاء للاقوى"

هانت عزيزتي .،.، وما عليـــج

الحمدلله على كل حال ,,

مشكورة اختي عيون الليل لتواجدج في فضفضتي .. :)

جزيتم خيراً

:narr: ستـــردي سـتــردي يـا بنت الحــلال ... :narr:

:narr: شــ دعوه يــا معـوده ... خذي المـوضوع بـ أخلاق ريــاضيــة :narr:
:narr: ترا الدنيـــا يوميـــن ... :narr:

:narr: وهـــاييــل الله يهــديــهم .. شوهــوا سمــعة البــلاد .. :narr:
:narr: بس يالله .. يمكــن الســالفــة خطيــرة :narr:
:narr: لكــن بعــد مــا توصــل للـ ضرابــة فـ الشارع :narr:


:narr: والسمـ ـوـح ـة:narr:
. . .

:narr:

اي اخلاق رياضية موجودة عندي و الحمدلله ..

بس آني كنت خايفة .. ما احب الهوشة والضرايب خاصة بين الشباب ..

و كرد فعل كنت باتصل دايركتلي بالشرطة .. ما شي ون تو ..

اي مهما كان سوء التفاهم .. ما يتكافخون بالشوارع و جدام خلق الله ..

:sad4: ... ما ينفع هالحجي عندي .. :ttmasha:

بس ان شاء الله ما اشوف هوشة ثانية .. :nono:

سبحاانه ربج كنت يايه ارد على الفضفضه بالجمعه لكن مدري وش إلي صار إن الرد ماظهر
المهم
عالساعه عشره إلا ربع كنا طالعين من الخوانيج قاصدين مستشفى الأمريكي فسلكنا تقاطع مردف و ورقه و الراشديه
يقولج الوالد مستعيل لأن الأمريكي حدث ولاحرج موعدك مع الحواادث مايثبت ويوم الجمعه اخس فضاربها دووس جان تظهر لنا سياره جدامنا الوالد يديم مافي فاايده علق على التدييمه ماشي اي فايده جان يضرب لهم هرن بعد لابسينه عااد إهني انسى تسلم من يد الوالد وخاصة إن كنا مستعييلين
وعلى يمينا سياره اخس مش طايعه تعطينا درب>>على فكره حنا باليساار والكل يعرف اليساار وش حقوقه
المهم خطتهم هذي السيارتين إن يخلوونا بالوسط فمايقدر الوالد لايخطي يساار ولا يمين وعدينا اليوتيرن إلي يفرنا عالراشديه ووقفونا ووقف موتره قدامنا عندالإشاير ينزل لج من السياره الثانيه مش إلي كنا دييم لها وااحد مشطت ومستحمق والوالد منقهر لأنه هو وش شغله :narr: يقول له وهو قاعد يوااجع>>مش داري من بالسياره<<هذي زوجتي:nono: شو قصدك زوجتك يعني الشارع لكم
يوم قرب وشاف إن الوالد والوالده قداام قاعدين عرف إن عايله مش شباب جان يقولج كلنا عياال داار وحده أنا اهني:hist: رغم العواار قاعده اضحك ووصلت:cop: الله يابها بروحها تقدم الريال مع الشرطي ولحقناهم الشرطي تم يتعذر للوالد وابويه:no0: الله يهدي الشباب


يعني انا الصرااحه بقولج ليه نشووف هذي منااظر
وااحد دم عيال الداار حر على الدقه نتعصب ونشل الدنيا
ثانيه شبابنا لو حد ديم لك افسح له الطريق قبل لاتحصل لك ضربه على ويهك
ثلاث غيبه الدوريه عن بعض المنااطق
وغيره وغيره
بس أنا لين ألحين مش مصدقه يعني سبحاان الله صار الموقف قدامنا لو كان بيه حيله كنت رااح انزل للموتر إلي كان قدامنا وكنت بتفااهم مع البنات قصدي مع زووجته:nono:

:narr: يقهروووووووووووووووني لو طلعووا كل وااحد يتستر على الثاني:narr:
والسمووحه

بسم الله الرحمن الرحيم

اختي هزايم ..

الحمدلله على كل حال .. رغم انه مثل هالأمور مزعجة جدا ..

اشكر حضوركم الطيب ..
جزيتم خيراً

عزيزتي
تبين الصج الموقف ما يستاهل كل هالعصبيه
خليها للمواقف الكبيره

بسم الله الرحمن الرحيم

اقتباس:

---

عزيزتي
تبين الصج الموقف ما يستاهل كل هالعصبيه
خليها للمواقف الكبيره

---

:) .. لا اتوقع ان الكثير ممن يتفهم موقفي .. او محاولة فقط للتفهم .. على كل حال .. طرحت الموضوع لحالة الغضب الذي كان فيني .. لا اقل او اكثر ..

اشكر حضوركم

:hist:
خخخ سمحيلي فديتج بس تذكرت البنات اللي تضاربن في السوق

مره الله يسلمكم كنـا في الكارفور وخلصنا شغلـنا وظهرنا ويوم نحن ظاهـريـن
نسـمع صدعه وصريخ وحشره
جـان نــشوووف ونشـوف قـولوا شـوه .؟!!
:boxed:
بـنـات أو بالأصـح حـريم يـضاربن جدام الله وخلقـه
لااا وبـعد فيها مــــــط كشيش مب الا تكفيـخ
خخخخ والله يوم اذكر اشكالهن اموت من الضحك
مـادري شـو كـان السـبب .؟!!

،،،

هاي وحده والثانيه بعد في البـلدية نـفس الحـالة
بس هالمره أكـبر ( الله يستر عليهن بـس )
:nono:
،،،

الريـايـيل ياحيـهم يوم بيضاربون بس عاد اشعنه البنات يضاربن في السوق وجدام خلق الله
والله فضيحه وكبـيـرة عند القـبـايـل
الله يـهـديـهن بس ويـصـلح بالهـن
،،،

السموحووو منج طويلة العمر
ويامرحبـاني

بسم الله الرحمن الرحيم

في اغلب الحالات .. لربما بالنسبة لي تخف الحدة عند مشاجرة النساء " و شد كشيش!!" .. و لربما مثلما قلت يكون منظرهن مضحك بدلا من ان يكون مأساويا ..!!

لكن المخيف في تعارك الشباب .. أنه لربما ستكون هنالك حالة وفاة او ما شابه ذلك!! .. او حالات اصابة او غير ذلك!! ... لا ادري و لكن هكذا اتصور .. لذا ينتابني حالة رعب و خوف كبيرين جدا اكثر مما يتصوره احد!! .. اول رد فعل لدي هو الإتصال بالشرطة !! .. فقط .. او ان يتكفل احد في ابعادي عن المكان .. مثلما فعل اخي عندما كنت في العمرة .. طلب مني الرحيل بعيدا جدا قدر المستطاع فما كان مني فقط إلا سد اذناي بيدي و تغميض العين و الجلوس على الأرض!! .. العجيب ان النسوة اللواتي كن معي لم يتحركن ساكنا بل كن يضحكن على " الضرابة " و على الحالة التي انا فيها!! ..

لذا .. اتمنى ان يتفهم الجميع موقفي العصبي .. فهي ليست سوى حالة انعكاس الخوف لدي إلى غضب عارم لأنهم هددوني بعدم وجود الأمان .. فكان الأمر طبيعي جدا ان اتصل بالشرطة من " غير ون تو!"

مسموحة الغالية ..
جزيتم خيراً