الدرس الأول في التصوير الضوئي (أنواع آلات التصوير)

السلام عليكم ورحمة الله وبركاته ...

اقدم لكم دروس مبسطة عن أساسيات التصوير الضوئي ... وإن شاء الله راح نتابع مع بعض لين ما نوصل لدرجة الاحتراف في التصوير.

راح نتطرق لوايد أشياء بداية بأنواع آلات التصوير ومروراً بالمفاهيم وبالتقنيات لين ما نتمكن من فن التصوير إن شاء الله

--------------------------

بسم الله الرحمن الرحيم ...

عنوان الدورة : أنواع آلات التصوير وكيف تختار آلة التصوير المناسبة

كلنا نحتار يوم نبا ناخذ لنا كيمرة ... شو نوع الكيمرة اللي باخذها وشو مواصفاتها وكم سعرها ووايد أشياء نفكر فيها قبل ما ناخذ كيمرة ... هذا الموضوع بيساعدك ان شاء الله انك تحدد اللي تباه واللي تحتاجه.

آلات التصوير مصنفه الى عدة أقسام في منها على حسب الحجم وفي منها على حسب الخصائص وفي منها على حسب طريقة العمل او التقنية الي تشتغل بها.

راح ناخذ تصنيف واحد يفيدنا في اختيار الكيمرة اللي بناخذها وهو التصنيف حسب الخصائص، تنقسم آلات التصوير الى 5 اقسام حسب الخصائص اللي تميزها :

1- APS أو كاميرا 35 ملم
2- مدمجة ( Compact ) أو بعدسة عاكسة أحادية ( SLR )
3- ذاتية الضبط البؤري ( Autu-Focus ) أو يدوية ( Manual )
4- عدسة ثابتة ( Fixed Lens ) أو عدسة متغيرة الطول البؤري ( Zoom Lens )
5- تقليدية أو رقمية

بنعرف كل واحد بتعريف بسيط عشان ما نطول عليكم ...

1- APS أو كاميرا 35 ملم

الـ APS معناه Advanced Photo System ... هذا نظام يديد من الكيمرات فكرته او هدفه تسهيل عملية التصوير "وزنها خفيف" وفيها خصائص يديده ... زينه حق اللي يدور على كيمرا سهلة وما تعور راسه.

كاميرات 35 ملم طبعاً هذه الكاميرات معروفة من زمان والفلم مالها ارخص من أفلام ال APS .
وهالنوع من الكاميرات يحبونه المصورين المحترفين.

2- مدمجة ( Compact ) أو بعدسة عاكسة أحادية ( SLR )

الفرق واضح طبعاً الكاميرات المدمجة حق الاشخاص اللي يبون يحصلون على صور زينه وبسهولة وما يعور راسه في الخصائص وايد وهي خفيفه طبعاً ... اما الكاميرات بعدسة عاكسه احادية فهذه الانواع يحبها اللي يبون يبدعون في التصوير والمحترفين وميزتها انك تقدر تتحكم بالعدسة وتغيرها بعدسات ثانية وتغير الفلاش وغيرها من الإضافات.

الحين اكثر الشركات تصنع كاميرات بعدسة عاكسة احادية مع امكانيات نظام APS


3- ذاتية الضبط البؤري ( Autu-Focus ) أو يدوية ( Manual )

ذاتية الضبط البؤري يعني روحها الكيمرة فيها خاصية التركيز وتوضيح الصورة اما اليدوية فالمصور روحه يضبط الفوكس او التركيز مالها ... واليدوية المحترفين يستخدمونها اكثر شي ويقدرون يتقنونها لانها يبالها وقت لين ما تضبط التركيز وتتعلم عليه

4- عدسة ثابتة ( Fixed Lens ) أو عدسة متغيرة الطول البؤري ( Zoom Lens )

الكاميرات المدمجة نوعين عدسة ثابتة وعدسة متغيرة الطول البؤري
النوع الاول عدسته واسعه والاشياء تبين صغيرة من المكان اللي تشوف فيه في الكاميرا
اما النوع الثاني طبعا تعطيك حرية اكبر في التصوير وتشوف المشهد بطريقة افضل.

5- تقليدية أو رقمية

هذه واضحه طبعاً :fa46: ... التقليدية يعني بوفلم والرقمية يعني الديجيتال

راح نذكر الايجابيات والسلبيات لهذه الخصائص في الدرس الياي إن شاء الله

المصدر اللي اعتمدت عليه في هذه المعلومات هو كتاب التصوير الضوئي- التقليدي والرقمي من تأليف م. ابراهيم الفضيلات

اتمنى انكم ما ضعتوا في الشرح الأول ... واي ملاحظات او استفسارات اتمنى انكم تخبروني

ما ادري هل تبوني اكمل الشرح بهذه الطريقة يعني بالعامية او اني اتكلم بالفصحى احسن ..؟؟

والسموحه ... :fa42:

الســـلام عليـــكم..
.
.

مـــاشاء الله .. درس تفصيـــــلي... مفيـــــد...

بنكـــون متابعيـــن ان شاء الله ..:fa42:

وربي يعطيـــك العافيــــه.. :fa35:
.
.

تسلم لنا الأنــامل .. :blush:

وعليــك السلاام والرحمــه ،،

احــب هالمــواضيــع وااايد :fa35:

كمــٌل بهـالطــريقه وان شالله الكــل راااح يستفيــد ،،

تسلــم هالانـــامل اخــويه ،،


نتــرقب المــــزيــد
تـــابع ،،

:fa51:

ما شــاء الله ، ها اللي كنـا نتـرياه من زمـان ، خبرااااتكـم ..

الدرس الأول حلو ، بس الصراحه أنا ضعت لانه مصطلحات غريبة وانا مب عارفة شو السالفة !
بس عمـوما هو حلو في حال بغينا نشتري كيمـره يديدة .. بانتظـار الخصائص ،،

بس سؤال .. الحين كيـف أعرف كيمـرتي من أي نـوع من هالأنواع ؟
مع أني أشـك انها تتصنف تحت شي من هالانـواع خخخ !

اممم أنا أفضـل بالعاميـه لانه يوم أشوف اللغة العربية الفصحى في دروس مثل هذي أحس إنها منسـوخه فمـا أكلف عمري أقـراهاا .. وعاد انت واللي يريحـك

وبس ، واصل أنا بتابــع .. يزاك الله خييــــر ..،

أسلوبك مبسط وسهل ،،

ان شاء الله بكون من المتابعين،،

ومنكم نستفيد

كل الاحترام..

صدى جوفي

شوق القلوب

الله يعافيج اختي ... وان شاء الله تستفيدين

شكراً على المرور

حبوبة دبي

الله يسلمج اختي .. وان شاء الله راح اكمل بنفس الطريقة

تسلمين على هذا التواجد

العجيبة

بالنسبة للمصطلحات ما عليج راح نفصلها ان شاء الله في الدروس اليايه لا تهتمين لهم وايد الحين

انزين الحين انتي اللي لازم تخبرينا شوع نوعه ... او تحت ي قسم يكون ...
هل تقدرين تغيرين العدسة ..؟
هل هو تقليدي ولا رقمي .. ؟
هل فيه زووم ..؟
هل فيه خصائص يديده غير عن الكاميرات الجديمه اللي بس اضغط الزر وفلاش وصورة وخلاص ..؟

صدى جوفي

الحمد لله ... وان شاء الله راح اتابع في الدروس اليايه على نفس الطريقة

اسعدني هذا التواجد ...

والسموحه ...

هل تقدرين تغيرين العدسة ..؟

:fa46: لا ، كيف يغيرونهـااا ! :fa56:

هل هو تقليدي ولا رقمي .. ؟

رقمـي = ديجتـال .. صـح ؟ :woot: يعني رقمـي

هل فيه زووم ..؟

هييـه

هل فيه خصائص يديده غير عن الكاميرات الجديمه اللي بس اضغط الزر وفلاش وصورة وخلاص ..؟

ما أدري إذا فيه خصائص يديدة ، أنا أعرف الخصائص الجديمة عشان أعرف اليديدة !!
صح أنا ما أسوي شي غير أضغط الزر وفلاش وصورة وخلاص !
بس مرات أستخدمها بدون فلاش في بعض الأمـاكـن ..


:ohboy: ما أعـرف ، ما أحس إني أصنفها في شي من هالانواع ! شو الراي ؟!

حلو والله .. إن شاء الله يستفيديون الاعضاء
نتريا الدروس الثانيه

اعتقد انها من الكيمرات المدمجة الرقمية متغيرة الطول البؤري تشتغل على نفس نظام الـ APS

:fa46:

انزين شو نوعه او اسمه او رقمه ...

اذا حابه تتابعين معانا الدروس اول بأول ... تلاحقي عمرج وجهزي بيزاتج عسب تشترين كيمرة ثانية :fa42:

الف شكر على التواجد اختي ام خدود :fa42:

حلــو والله .،.، اتمنى اتعم الاستفاده على الجميــع .،.،.،

ويــــن مس عُـلا عنك :nerd:

عيون الليل ...

ان شاء الله الكل يستفيد ...

هيه والله ... الله يذكرها بالخير ... ما قصرت وشرحت لنا كل اللي تقدر عليه

مشكوره على تعقيبج

http://upload.bindubai.com/download/...alam-oasis.gif

تسلم ع هالبادره الطيبه منك
وإن شاءالله الكل بيستفيد وأنا منهم ^_^

http://upload.bindubai.com/download/...line-oasis.gif

تسلم يا الحاضر على بادرتك الطيبة,,

و ان شاء نستفيدون من المعلومات الي بتعطينا اياها,,

ربي يوفقك :nerd:

ما اوصيك نبغي درس خاص عن التصوير بالطريقة اليابانية, لماح يقول انك ابدعت فيه :tounge:

تـعـال تعــال
يــعـنــي تبــانــا نــشــتــري كيـمرا يـديده الحيـنه ..؟؟!!
:fa32:
؟.؟

اممممم لا لا شـي حلــو ومفـيد
وبــشوف هالعله اللي عنديه شو من الطـبـش
:fa34:

؟.؟

وووأبـرك تستـمر عـلـى هاللـغـه ،،
وتســلم وماقصـرت يـ طـويـل الـعـمر

تنفيذ موفق أخي :laugh:

في انتظار بقية الدروس

تحياتي

السلام عليكم ..

ماخبرتني يالحاضر إنك ناوي تعطي دروس ولا جان سوينا دورة وخلينا
رسوم الإشتراك رمزية عشان محد يتعذر بس يالله ماعليه
خيرها يغيرها وإن شاء الله الفايدة تعم على
الجميع وعقبال ماصور شراتك
في المستقبل
البعيد

يعطيك العافيه
:fa42:

يثبت

:)

ماشاء الله عليك
درس حلو و فيه معلومات غاويه ..
بنكون من ضمن المتابعين لك ..
بالتوفيق

قلوب دبي

اتـــابع هذه الدرووس
تُــشكر سيدي