مسجات في موبايلي

السلام عليكم
اللي أريد أطرحه كلام يمكن مايعني لكم شي،، لكن حقيقة ضايجتني وأحب أوضح لكم أمر .. الكثير
غافل عنه .. وياليت لو حد يشاركنا بالكلام اللي بينطرح الحين ... مش من أجل زيادة عدد الردود
على موضوعي ولكن حد يشاركني الراي ..

بصراحة موبايلي هاليومين ... ماشي مسجات غير عن أمرين

الأمر الأول عن الرسول صلى الله عليه وسلم .. وأظن كلكم تعرفون أمر الاستهزاء به عن طريق
الدنمارك .. وأبسط شي نفعله المقاطعة ... من غير الدعاء و و ...
الأمر اللي ضايجني إنه توصلني مسجات يستحلفوني بالله ... إني أطرش المسج اللي وصلني لعشر أشخاص وهالشي في ذمتي وإلا بيحدث أمر لي بيحزني والعكس صحيح ..
( إنه شخص حلم الرسول صلى الله عليه وسلم ) ووصاه أن يسلم على الناس
وبالتالي كل واحد يوصله المسج يطرشه لعشر أشخاص
هل هذا كلام يعقل ؟؟؟

تذكرت الأمر حدث تقريبا قبل 7 سنوات ..يقول لك اطبع على أوارق ووزع ... هذا نفس الشي لكن على طريقة الكترونية ..!!



الأمر الثاني بمناسبة تشكيل الحكومة اليديدة ... والنكت اللي قامت تطلع على اللي اختاروهم
وكل شويه مسج بشكل ... والله يستر من الياي ... الأمر اللي خلى واحد يتصل لبوراشد يشتكي
من هالشي وطبعا الحين بيراقبون الأجهزة مثل ماسمعت ..

الله يســـتـر من اللي يـــاي :glare:

ان شالله يــراقبــونهم ويشــوفــولهم صــرفه مصخــوهــا تــرى :fa55:

نحــن مــابيدنــا شــي انســويه !!

تسلــم يالمـــزوحــي ع المـوضــوع حتــى انــا واصلنــي كمــن مــسج عنهــم !!

الصراحه هالموضوعين مهمين .. بس موضوع اهانة الرسول عليه الصلاة والسلام اهم بكثير من اي شي ثاني .. واتمنى هالاستهزاءات توقف عند حدها .. لان فعلا مصخوها ..

وبخصوص المسجات .. اللي منتشره هاليومين .. هي عن ( نور ) الله يرحمها .. اللي جتلوها في الشارجه ..
الله يصبر ريلها واهلها يارب ..


تسلم يالمزوحي عالموضوع القيم ..



نجـــــــ دبي ـــــــمة

انا ماداني هالسوالف .. والله استغفر الله هالمسجات الدينيه الي تنتهي وانشر وايد اتوهق ..
ونا صراحه ماحب اضربهم طاف .. احس مسجات دينيه ما انطرش انطرش مال وله وشوق ومادري شو ونحن في زمن ضايع .. يعور القلب :fa36:

فـ اضطر اطرش :blush:

الصراحه الصراحه
بالنسبه لي اذا تلفوني فيه كردت طرشت اما اذا ما فيه اسوي طاف

تحياتي لك اخوي المزوحي

اللي أقصده يطرشووون مسج ديني وفي ذمتك لين يوم القيامة ... يعني أنا عندي 5أرقام في الموبايل
وأطرش حق عشرة كيف .. يعني كل واحد مرتين .......
وثانيا ماله معنى يقولون إنه بتحزن وبتستوي لك مصيبة إذا مانشرت
ومب قضية المسجات الثاني نطرشها والدينية لا .. لكن أقروا المعنى ..
يعني لو مسج دعاء ( الجمعة ) ممكن

أنته وايد اتوسوس ..
مستحيل بييك شي من مسج !!

تدري انا ثلاث مرات وصلنّـي هالنوعيه من المسجات ( ويبوني انشر حق عـشــره ) تدري شو اسوي؟
ارد اطرشهن عشر مرات للي طرشولي XD

* بالنسبة للمسجات اللي فيها في ذمتك فأنا سمعت شيخ يقول انك لا تحاسب عليها .... والله اعلم
الله يهدي الجميع ........

أنا بصراحـــه مطنشه ولا ارد أطرش هالمسجات لعشره

كم بطرش ؟؟ :fa46:

السلام عليكم ,,

كثرت هالنوعيه من المسجات ,,
وخاصه ( انشر ترى بتسمع خبر زين ,, أو في ذمتك ليوم القيامه ,, وغيرها وغيرها ) :fa51:

في البدايه كنت اطرش ,, ومن قامت تكثر هالنوعيه ما قمت اطرش ,, رصيدي كله بيخلص على المسجات :fa36:

:
.
,,,

أم خدود اعنبوا مايسوى ... أنا كذلك سمعت شيخ يقول مب زين هالشي ...
يعني ورد عن الرسول صلى الله عليه وسلم هالكلام ...

عني انا اطنـــــش .. و ما اطرش اي شي.. متفيجـــه.. انزين حتى بالايميل يقولك طرشه لعشره.. متفيجه والله .. اقرا و امسح..

و عن الوزاره الصراحـــه ناس فاضيه لو ما كانوا قد و في محل مسؤولية جان ما اختاروهم و انا سمعت اليوم بوراشد في الاذاعـــــه..
يعني ناس اتشوف اموركم و اطور دولتكم انتوا ليش زعلانيـــــــن..

والله صدق ناس فاضيــــــن..

السلام عليكم

انا استغرب من اللي يطرشون هالمسجات والإيميلات،، مثل ما قلت هالسالفه صايره من 7 سنين ويمكن اكثر

على ايام ما كنا نعرف الكمبيوترات والموبايلات http://planets.uaeplanet.net/images/smiles/wassat.gif

يحلفونك ويقولون في ذمتك،، اذا الدين مب اكراه،، هل هذي المسجات غصب؟؟

حتى فيه ايميلات تحمل كلمة" لا اله الا الله"،، ما يصير تقولون في ذمتك ولازم تطرشها لـ عدد معين! فما بالكم بقصة واحد حلمان فالرسول!

المشكلة وايدين ايمانهم ضعيف،، تحصل واحد ما تعرفه يطرشلك،، بس عشان يطرشه لـ 30 شخص http://planets.uaeplanet.net/images/smiles/lol.gif

ما ادري شو الذنوب اللي على اللي الّف هالقصة،، الله يعينه

::

اما بالنسبة للحكومة اليديده،، فـ هذيل زعلانين ليش شلوا ربعهم اللي ما منهم فايده http://planets.uaeplanet.net/images/.../thumbdown.gif

ليش تشوفون اساميهم واصولهم،، عالأقل بيسوون شي حق البلاد،، والله يحفظهم

مشكور عالموضوع أخوي// الله يحفظك http://planets.uaeplanet.net/images/smiles/original.gif

ناس متفيجه ياخويه..

تــعبنا !!! وكـــل مــره شي

مشــكورين على الـمشاركة

حتى انا طرشولي مسج وقالولي اطرش 10 مرات بس طرشت 5 لاني ما قدرت اطنشه