هل ساموت............................

السلام عليكم
والله يا اخوان مو عارفه شلون ابتدئ بس دام الواحه اسمها فضفضه يعني الواحد يفضفض
مدري ليش هالايام وايد افكر بالموت........مدري ليش
وحقيقة فكرة الموت مو قادره ابعدها من راسي بعد ما زرت المقبره:shocked:
الصراحه انا زرت المقبره عشان اشوف قبر واحد من الاهل مع اخوي العود لانه هالشخص انسان عزيز علي اخوي وجيه وقلت له بروح معاك
ويوم وصلت المقبره مدري ايش صار لي الصمت الي يلف المكان والسكون شئ مرعب
يعني الكثير من القبور الكثير بعضها عليه اسم والبعض الثاني فقط حفره مغطاه بالتراب
حسيت بوحده غريبه........يعني خلاص هنيه بيكون مكاني بيوم لا اهل لا اصدقاء لا شئ انا وعملي بس
يلست افكر فيهم اقول بقلبي اكيد كان لهم احلام يا تري حققوها والا الموت كان لهم بالمرصاد
من منهم الحين قبره روضه من رياض الجنه ومن منهم قبره حفره من حفر جهنم والعياذ بالله
من زرت المقبره صار لي 3 اسابيع وللحين مو قادره انسي...........صرت اخاف اموت لا لشئ ولكن كيف بقابل رب العالمين وانا وايد مقصرة بواجباتي الدينيه
ابي ارجع طبيعيه مثل قبل بس مو قادره

اخـتيه:
تـدريـن انـا احيـان شـراتج ، يـوم اشـوف جنـازه احـد من الاهـل،
ايلـس افكـر ، واتضـايج ، ويمكـن يدخلـنا الوسواس.. ونحـس بأنـا راح نمـوت
وهـالشي يسـتمر عـندي ايـام وايـام..
عـزيزتي :
الـموت حـق.. وكـل من عليـها فـان ، فأسـتغلي هـذا الخـوف بـتقربج إلـى الله اكـثر..
لأن المـوت وتذكـر المـوت يسـاعدان الانسـان ع المسـارعه في الـتوبه ورضا الله..

اخـتيه:
اوصيج بقرايـه القراًن..
وصدقيـني ايـام وراح يـروح هالـخيال من بـالج

تـحياتي لج
هـموم

اول شئ وجود هموم يشرفني وايد
انا يوم شفت القبور صراحه تخرعت يعني محد محد بالمقبره الكل نساهم , يعني ولا ادمي موجود غير الهندي الي يدفنهم

سبحان الله غناتي يمكن كلامج صحيح يعني يمكن هذي الزياره تذكره لي من رب العالمين عشان التزم من الناحية الدينية اكثر وجذي
بس المشكله كله صرت افكر اني اذا نمت ماراح اقوم واذا مشيت السياره ماراح ارجع البيت افكار سوده واتعوذ من ابليس بس ماشي فايده

الحمدالله رب العالمين والصلاة والسلام على خاتم الانبياء والمرسلين واحبكم في الله اجمعين وبعد :

أختي العزيزة وعد الحياة سفينة ركبناها بغير إردتنا وسننزل منها بغير إرادتنا ......ولكن

نعم كلنا سنموت وكلنا بإذن الله سندخل الجنة لأننا مسلمين ايتها الغالية استعيذي بالله وحافظي على الصلوات واذكري الله كثيرًا ولا تخافي من الموت بل استعدي له ولمقابلة الكريم المنان رب الجنان الله الذي لاإله إلا هو سبحانه عالم الغيب والشهادة ...........

تسلم اخوي ناصر كلامك وايد يريح
تصدق انا عارفه هالحقيقه ودايم اكررها علي هلي وجذي انه الموت حق
بس مدري ايش صاير فيني
راح اتعوذ من ابليس اعوذ بالله منك يا ابليس

أختي وعد

تقربي الى الله عز وجل

دائما عندما تخافين من الله سبحانه وتعالى لانه شديد العقاب ..تذكري وزيدي حبك لله سبحانه وتعالى لأنه الغفور والتواب والكريم وارحم الراحمين ف نفس الوقت اجمعي بين الشعورين

أختي الكريمة

مُنِعن النساء من زيارة القبور وذلك كما جاء في حديث النبي عليه الصلاة والسلام(لعن الله زائرات القبور)

فادعي الله ان يغفر لك ولجميع المؤمنين والمؤمنات الأحياء منهم والأموات

اللهم طهر قلبي من النفاق واعمالي من الرياء

اللهم ارزقني حسن الخاتمة

عزيزتي وعد ...
الموت علينا حق ... وعلى كل انسان ان يحاسب نفسه بعد كل ليله ينام فيها .. هل اخطأت في حق احد .. هل اسأت لاحد .. هل انا متدين من احد ..
هل امي وابوي راضين عني .. يعني محاسبة النفس ..
.
.
.
عزيزتي هذي المحاسبه وهذاالخوف .. خل يكون بالنسبه لج دافع كبير في حياتج ...
علشان تمشين وانتي مرفوعه الراس .. ويخليج تتمسكين بدينج اكثر واكثر
.
.
.
فالانسان مصيره التراب ..
المهم خاتمة الانسان في الدنيا كيف راح اتكون ..
ونحن نطلب من الله مسك الختام

نبراس الليل وشوق كلامكم عذب وجميل
باذن الله التزم اكثر ونكون كلا من اهل الخاتمه الحسنه

تسلمون لي والله كلكم يا من شارك علي فضفضتي

http://upload.bindubai.com/download/6eer/nnnn.gif

" ألا بذكر الله تطمئن القلوب "

اللهم أحســـن خاتمتنـــا جميعــــاً

ما عندي أي إضافه ع كلام الإخوه غير هالعبارتين ^_^

http://upload.bindubai.com/download/6eer/6eerline.gif

السلام عليكم ورحمه الله وبركاته...

((ألا بذكر الله تطمئن القلوب))

بتردين مثل قبل وأحسن...كلنا نمر بهالشيء لفقدان عزيز..أو لتذكر الموت...وأنا عن نفسي أمر وايد بهالحالة,,كثري من قراءة القرآن وصلحي الأشياء الي تحسينها غلط في حياتج...وبرتاحين نفسيا ان شاء الله...

وبتشوفين أنج بتعدين هالمرحلة عزيزتي.

طير الحب و طير الغرام
اشكركم وقفتكم
وفعلا الحمدالله احس روحي شوي شوي تخف عندي الحاله

تحياتي لكم:fa47:

الخوف من الموت شي مفيد اذا مازاد عن حده لانه الواحد يوم يتذكر انه بيي اليوم اللي بيموت فيه يحاول يكثر من الطاعات استعدادا لهذا اليوم ..

اللهم أحيني ماعلمت الحياة خيرا لي و توفني ماعلمت الوفاة خير لي .. آمين

السلام عليييكــم ..

اممم المـوت ، الموت حقيقة لا مفـر منها
سواء فكـرنـا فيه أو لا ، سيأتي سيـأتي .. عاجلا أم آجلا،
في أي لحظة وفي أي مكان .. العلم عند الله ..

لكـن ..

عشان ما نخـاف من المـوت ..
لازم نكـون مستعـدين له أتم استعداد ..
نستقبله في أي زمان وفي أي مكان بلا خـوف ..

انـزين كيـف ؟

عيشـي كل يوم كـأنه آخـر يوم في حيـاتـج
حطـي في بـالـج انه " عمـرج يوم واحـد بس "
في هاليـوم لازم تسوين وتسـوين وتسـوين
سـويلـج أي شـي يخطـر على بالج " بتكسبين منه حسنات " في نفس اللحظة
لا تأجلي شـي لانه يومج واحـد ، ولازم تجمعين أكبـر قدر من الحسنـات
اذا خطر في بالج شـي يكسبج سيئـات ابتعـدي عنـه ، اتركيـه
أكيـد هالشي ما بيي بسـرعة بعـد ، بس بعـد خفـي من السيئات ..

اذكـري الله .. وخلي لسانج دوم رطب بذكره ، لا تنسينه ما بينسـاااج

وشـو بعـد ؟

قبـل النـوم .. اعتبـري نفسـج بتموتيـن خلاص ما بتقومين من هالنومه
عيل لازم تقـرين قـرآن ، الأذكـار .. أو حتى كتاب مفيـد ..


يمكـن ولعل وعسـى لو حسيتـي عمـرج وايـد مجمعه حسنـات بتحسين عقب ان خوفج من الموت أقل
وبالعكس بتشتاقيــن لـربـج ، بتحسـين انج متولهة لمعرفة حسـابـج ومكانـج وين ؟!


وهيـك ..

الله يرزقنـا حسـن الخاتمـه ان شاء الله

بالرغم إني في عمري مازرت المقابر ( من غير إنه نطوف من بعيد ) لكن من فترة وأنا أفكر بالموت
لدرجة إني ما أرقد الليل واتقلب وايد وأقول الحين بموت وأهلي بيدفنوني ...
مع إنه هالشي يخليني اتقرب لله أكثر .. لكن حياتي صارت وسواس وهم من كثر كا أفكر بالموت ..
أقول ليش وليش .. عوذ بالله

ما راح ازيد على كلام الأعضاء ..
ابدي صفحة يديدة في حياتج و حاسبي نفسج وتقربي من ربج بالطاعات ..
وحاولي تلهين نفسج بشغلة او شي معين تحبين تسوينه ..عشان تشيلين فكرة الخوف من الموت شوية من راسج ..
:)
وموفقة باذن الله ..
..
.

واللللللللللللله العظيم ردودكم هذي تخليني احس انكم اخواني وخواتي تسلمون لي والله
الحمدالله خفت الحاله يعني صارت الحين انام بغرفتي مثل اول لانه ذيج الفتره كل يوم انام عند حد امي اختي اخوي الي احصله :sad:
بس الحمدالله احس نفسي احسن الحين مع انه للحين تجيني لحظات اني اذا نمت ماراح اقوم وابتدئ اتخيل امي وهلي وابتدئ اصيح واروح افتر بالبيت كله اشوفهم وارجع غرفتي خوف من اني ماراح اشوفهم مره ثانيه

بس الحمدالله احسن الحين
اشكركم كلكم والله