بـعــرفـكـم عليـهــم بالصــور !!

السلام عليكم

من فتره سرت انا وربيعتي ويا خالوه مركز دبي للتوحد لانها مشرفه عليهم هناك
وانا ماكنت اعرف شو يعني توحد :fa52: .. ع بالي نوع من انواع الجنون او التخلف لكن طلع شي ثاني
طلعوا ناس طبيعيين بس مايقدرون يندمجون ويتواصلون ويانا

أول ما يلست تخبرنا عن كل واحد يلسنا نصيح , صدق والله عورولي قلبي :fa36:

التوحـد : يعني انهم مايحبون يختلطون بالناس ولا يرمسون ولا شي .. مب بلمان .. بس مايعرفون يرمسون وكله يحبون ايلسون بروحهم وفي منهم كانوا ما ايلسون الا فالظلام
وكل واحد له حاله خاصه نادرا ً ماتشوفون اثنين نفس الشي .. وعادي مايفرحون لشوفة امهم او يختلطون باللعب ويا اليهال أو يستغربون إذا حد صاح أو زاعج .. كله واحد
لهم عالمهم الخاص ومايحبون حد يشاركهم فيه :fa41: ..

وهالشي يستويلهم من وايد أسباب والسبب الرئيسي هو انه هالمرض وراثي

تقول خالوه في واحد اول ما يابوه تعود علينا وجي .. لكن كل ما يجوف حد غريب
يركض ينخش في الكبت عسب اييلس فالظلام ويتم يصييح ويصيييح بدون صوت :sad:

ع فكره : يوم ترمسهم يفهمون عليك بس مايبدون اي اهتمام
وكل واحد منهم له اهتمامات يعني مثلا ً هالولد

http://planets.uaeplanet.net/upload/1137945913.jpg

http://planets.uaeplanet.net/upload/1137946114.jpg

( اسمه مجد , لبناني )

يحب الترتيب : يعني مره كنا يالسين ع الطاوله شفته قام فجأة .. اتحسبه بيشرد قمت وياه
طلع انه سار بيعدل المخده اللي ع الكرسي لانها مب في مكانها ..

وإذا شاف ورقة كلينكس ظاهره برع القوطي يركض يدخلها :laugh: .. مره كان يلعب ويركض
شاف ورقة الكلينكس برع القوطي دخلها ع السريع فـ تحرك القوطي بكبره .. جان يرد ويعدله
وايد حبووب ولو مايرمس وبعده هذا مايعرف يكتب ويقرا .. وإذا يبا شي يسحبك لين مكانه :rock:

http://planets.uaeplanet.net/upload/1137946497.jpg

( اسمه بيفن , باكستاني )

هذا من يشوف اهله يتم يصييح ومايبا يسير وياهم :shutup: .. قلتلكم ان كل واحد له اهتمامات
هذا يحب يشم الأشياء : أي شي يشوفه أول شي يشمه ..
أول ما ييته الظاهر انه أول مره يشم ريحه عطر .. تم يشم شيلتي
ويزخ ايدي ويشمها مسكين .. وعقب يوم تعود علي يتم يأشرلي ع قلبه انه يحبني :fa35: هههه

http://planets.uaeplanet.net/upload/1137947308.jpg

( هذا اسمه كريشتا شي جي , هندي )

لكن هذا يعرف يكتب ويقرا .. لكن مب وايد يعني كم كلمه ويكتب اسمه وجي بس بعده مايرمس
وهذا يحب يرتب : لكنه يرتب كل شي على حسب لونه .. ياخذ كل الألعاب ويحط كل لون بروحـه :sleepy:
على الرف .. وسيده يلاحظ إذا في شي متغير ويرد يعدله ..

وفي وايديييييين بعد لكن هاذيلا اللي رضوا اني اصورهم
بس هاذيلا اللي من زمان فالمركز يعني تعودوا شوي .. بس في ناس في مكان خاص
بعدهم مايقدرون يختلطون مع الناس :sad: ..

ادعووولهم والله غمضوووني
صدق إنـا ناس عايشه للوناسـه بس وماندري ولا نحس باللي يعانيه غيرنا

.
.
.

الله يعينهم ان شاء الله .. وييسر امورهم

مشكورة اختي الياه على الموضوع

أول مرة اسمع عنهم الصراحه
الله يكون فعونهم
وشكرا اختي على الموضوع

وعليكم السلام و الرحمه
الله يعينهم على ما ابتلاااهم و يصبر أهاليهم
بس اختي ماقدرتي تعرفيييين من شوه هالمرض .. يعني له اسباااب ولا جيه يطلع
وله خص بالوراااثه ولا لا؟؟؟

انا استغربت انج ماعرضتي صور لموااطنين من البلاااد هل ها يعني انه ماعدنا هالمرض في الامارات ولا انه في حالات و انتي ماشفتييها ...؟؟..

مشكوووره اختي على هالصور ..
وصدق يغمضوون ..

اختج
:inlove:

الحاضر الغايب
امين ياربي مشكوور اخويه ع مرورك
ودمت سالم

عاشق القلم
حتى انا والله كنت اسمع عنهم .. بس ماعرف شو مشكلتهم بالضبط
ويوم عرفت صدق غمضوووني :sad: ..
ومشكوور اخويه ع الــرد

المتفيزره ع العرقوب
امبلا حبوبه ترا كتبت انه وراثي .. وبعد في اسباب كثيره ..
لا شي عندهم مواطنين بس مايرضون حد يصورهم :rock: .. وفي منهم كبار
يعني حصلت بنت عمرها 18 مواطنـه ..

والله يسمع منج حبوبــه

.
.
.

تسلمين اختيه الياه عالموضوع

اول مره اسمع عنهم الصراحة

الله يكون فعونهم ويشفيهم ان شاءالله

انا مره سامعه عن واحد فيه مرض التوحد
وهذا سالفته انه من ايي فلييل لازم يركب فوق البيت ..يعني اهله مايخافون عليه ولا يدوروونه لانه يعرفوونه انه فوق البيت عالسطح يعني ..

الله يصبرهم يارب وبإذن الله معوضين بالدار الآخره
تسلمين يالشيخه أنا قريت عنهم لكن تحريتهم منقوليين يعني اشكالهم مش كذى

يحليـلهم..
الـلي يشـوف مصيبه غيره.. تهـون عليـه مصيبــته..

الله يكـون في عونـهم ويشــافيهم..

اليـاه:
شكراً

هـموم

الله يعينهم ويعين أهلهم الصراحة حالتهم صعبة ..

التوحـد توهـا كلمة يديدة بدينـا نشوفهـاا وحتى مرة كاتبين تعريفها في فاتورة الكهربا ..

بس ما قلتي لنـا شو يقدم لهم المـركز ؟ فيه ناس تخلصوا من التوحد ولا لا ؟

ومشكوورة أختي ع الموضوع ..

مشكوره إختي على الموضوع

بصرااااااااحه أكبر انجاز قامت به الدوله إنها فتحت مراكز مخصصه لهالحالات إلي بالفعل بحاجه للاهتمام والرعايه وصارت وسايل الإعلام من خلال برامجها تعرف الناس على هالمرض وأعراضه وكيفية التعامل مع الأشخاص المصابين بالتوحد.

والمشكله إنه بعض العايلات تخاف تعترف بانه ابنها مصاب بالتوحد وترفض بشكل صارم تسجيله بهالمراكز فتسجله بمدارس عاديه ويعتبر الولد أو البنت من ضمن الحالات الخاصه ويدخل فصول التربيه الخاصه ولما الأخصائي النفسي يأكد بإنه الولد فيه هالمرض يعترض الأهل وتستوي مشاكل .

الله يوفقهم بحايتهم والحمد لله على كل حال

وعليـكم السـلام ورحمـة الله وبركــاته

مجمـوعـة من بنـات صفنـا كتبـوا عـن هـذا الموضـوع ( التـوحـد )
المفـروض نحمـد الله سبحـانه على النعـم اللـي نحـن فيهـــا, ونـدعيلهم
ربـي يشفيـهم ويعينــهم وييسـر عليـهم أمــورهم

حلـو سـؤال الأخت العجيبـــة..وش يقـدم المـركز لهــم؟!
وش هي نتـائج اللـي صــارت؟!


اليـــاه..
أشكـرك على الموضوع الـرائـع
وننتـظر كـل جـديد من روائعـــك

السـلام عليكم ..
تسلمين اختيه الياه على الموضوع، عرفنا شي يديد ..

الله يعينهم و يصبرهم ..

السموحه

هزاايم
هيه حتى انا تحريتهم جي أو متخلفين لكن طلعوا شراتنا عادي
بس مايقدرون يتواصلون ويانا :fa36: .. الله يسمع منج اختيه ومشكووره ع الرد

هموم الحب
هيه والله صدقـج .. امين ياربي
ومشكووره وايد

العجيبه
المركز يهيئهم ويخليهم يتواصلون ويا الناس .. ويعلمونهم الكتابه والقرايه وكل شي من اول ويديد
وهي في وايد تحسنوا بس مايشفوون شفاء كااااامل :shutup: .. لكن يرمسون وجي ويعرفون كل شي
بس يتم ولو أثر بسيط .. ومشكووره حبوبه ع الرد

.
.
.

مرحبا اختي الياه
صراحة انا شفت مركز من مراكز التوحد عندنا في جميرا.. بس الحين تغير مكانه ..
سمعت انا عن هالمرض ..
الاعراض والنتايج تكون اجتماعيه اكثر شي.. يعني الانسان ينعزل بعالم خاص فيه ..
فالله يعينهم ويصبرهم ..
تسلمين اختي الياه

حلم الطفولة
صدقج والله :sleepy: .. تقولي خالوه في ناس كانوا يبونهم يتمون في المركز مايردون البيت
لين مايشفون .. مع انهم والله مامنهم ضرر ولا يضرون حد :fa36: .. بس يحبون يكونون بروحهم
لكنهم يحتاجون لرعايه واهتمام ..

الله المستعان اختيه ومشكوره ع الـــرد

دموع قلم
الحمدالله على كل حال .. والله يعافيهم ان شاء الله
ومثل ما قلت ان المركز يهيئهم لكل هالاشياء وللتواصل ويا الناس .. بأساليب مختلفة ومخصصه
حق هالمرض ووايد منهم اتحسنوا وبدوا يرمسون لكنهم يحتاجون لفتره :fa42: ..
ومشكوره اختيه ع الـــرد

لمّــاح
الله يسلمك اخويه ويسلم غاليك .. والله يعافيهم ان شاء الله
مشكوور ع الــــرد ^_^

.
.
.

انا من مره شفت فقناه الشارجه عارضيه

كانو يعلومنهم واسلوبهم حلو ويا المريضين

الله يعينهم ويوفقهم بدنياهم وبآخرتهم

يزاج الله خير اختي الياه عالموظوع الحلو

انا حظرت presentation
رباعتي كانو مسوينه
وكان يتكلم عن مرض التوحد

وااايد غمظوني يحليلهم
واكثر شي يحبون الحركه الدائريه
يعني عادي تجوفينه يركز في المروحه مده طويله ساعه ساعتين وبدون مايحس بمرور الوقت
او يمسك خيط ويتم يحركه حركه دائريه

وهالنوع من الاشخاص عندهم شي بديهي
الا وهو انهم يعرفون الايام والتواريخ
يعني اذا هو متعود يسوي شي يوم السبت
كل سبت بيعيد نفس الحركه اللي يسويها
وبدون محد يذكره او يقوله ان اليوم السبت

الله يكون بعونهم وبعون اهلهم ويشفيهم من هالامراض

عليج السلام والرحمه
وتسلمين اختيه على هاللفته و المبادره الحلوه .. استغفر الله كلنا ساهين بدنيانا ملانين اندور انجرب شي يديد .. مافي احلى من الواحد يهتم بالمرضى و كبار السن :inlove:

غمضوني .. بس يله عسى ان تكرهو شيئا و هو خيرا لكم .. ولا اعتراض على خلقة الله

نسأل الله العفو والعافية وان يشفيهم الشافي

الحمدلله الذي عافانا مما ابتلى به كثير من خلقه

شكرا على هذه اللفتة والمعلومات

جزيتي خيرا

طارق

السلام عليكم


أحب أشكر اختي الياه على هذا الموضوع الطيب

مرض التوحد هو مرض منتشر بكثرة بين الأوساط الغربية فكلما إنفتح العالم على بعضه و تطور كلما زادت هذه الحالات المرضية "النادرة نعم" و لكنها بتزايد مذهل و يعني مرض التوحد باختصار (الصعوبة بفهم معنى الحياة) هو مرض ذهني و إعاقة في آن واحد و توصف إعاقة أولائك المرضى على أنها إعاقة ثلاثية الأبعاد و أبعادها الثلاثة تتمحور حول المثلث الصعب و هو

التفاعل الإجتماعي
الإتصال الإجتماعي
الخيال

فكما ذكرت أختنا صاحبة الموضوع أن لكل فرد حالة خاصة بعضهم لديه حالة من الأبعاد الثلاثة و بعضهم لديه أكثر و تختلف باختلاف المحيط و عامل الوراثة إذ لعامل الوراثة في هذا المرض نصيب كبير ..

أما عن أسباب هذا المرض فهي لا زالت مبهمة الى حد ما بالنسبة للطب النفسي الحديث و لا زال الغموض يكتنف جزيئات العقل (و ليس المخ) التي من المفترض أن تتعرف على العالم الخارجي بفطرتها و تلقائيا إلا أنها ترفض النمو و الخروج من تلك البوتقة الخانقة (لذلك يعتبر هذا المرض إعاقة) على الرغم من كونه مرض نفسي أو ذهني .

فنسأل الله أن يشفي كل من ابتلي بهذا المرض ..

أحييكم .

اخوكم عايش

تسلميـــــــن اختيــه ع البـادره الحلــوه :fa42:

تدريــن انا اعــرف عن هالحـاله بــس مــافكـرت انــي ازورهم واشــوف حالتهم ،،

الله يعــافيهم يــارب ،،

وان شالله تتحســن حــالتهم للأفضـــل ،،

شكـــرًا اليــاه ،،

والسمــوحه

عنود الريف
لا السبب الرئيسي وراثي وخلل في الجينات شي جي .. او يكون من العوامل الخارجية للبيئة
الرصاص والملوثات ووايد اشيا :fa36: .. وفي اشيا حتى الطب مب عارفها
صدق الله يعينهم .. ومشكوره حبوبــه ع الــرد

ريم العين
هيه معاملتهم وااايد طيبه :fa35: .. وحتى ألأساليب اللي يستخدمونها وياهم وايد اوكي
ويحبونها بسرعه .. امين ياربي ومشكووره ع الــرد

بنت الدلع
ها اللي ترمسين عنه هو سلوك لشخص واحد فقط .. كل مريض فالعالم له سلوك معين يسويه
مافي اثنين نفس الشي ألا ناادر .. بس صدق يعورون القلب :sad: ..
مشكووره حبيبتي ع الــرد ويزاج الله خير

.
.
.

الياه
تسلمين ع الموضوع
و ربي يشفيهم و يصبر اهلهم

بسم الله الرحمن الرحيم ..

وعليكم السلام والرحمة شيختي الكريمة ..

الصراحه عن نفسي ما ادري بهذا المرض ولو اني اميل له وبشده ..

الله يعافيهم ويعافي مرضى المسلمين ..

شكرآ عـ الطرح أخي الياه ..

ربي يحفظك ..

محب الشيخين..
الله يعافيك ويعافينا من هالمرض.. بس هذا اعــاقة مب مرض

التوحـــد.. كتبت عنــه بحث طويل عريض يوم كنت فالكلية.. وكان قبل ما

ينفتح مركز التوحد فالشارجة..

وأحب أضيف على موضوعج يالياهـ..

نسبة اصابة الذكور بها المرض أكثر من الانـــاث..

وأهم شي عند المتوحدين هو الروتين.. عسب جي يصعب عليهم التأقلم بالأجواء اليديدة..

ومثل ما قلتي عن الولد اللي يعدل المخدة ويدخل الكلينكس تراه متعود على شي وما يقدر يتخيله غير شي

وأغلبية المتوحدين ما يرمسون.. واللي يرمس منهم يكرر الكلمات

وعندهم عادة تكرار بعض الحركات بعد...

بطبيعتهم الحواس تختلف.. مثل ما قلتي أنه واحد وايد عنده حاسة الشم.. منهم من ما يحس بالحرارة أو

البرودة يعني عادي عنده يشل كوب حار وهو مب حاس بحرارته

عندنا طفل متوحد من معارفنا .. بس اجتماعي ما يعرف الرمسة عدل بس يفهم لنا دومه يكرر الرمسة

وحركاته بس عنده موهبة سماع الالحان .. حافظ ألحان الأغاني .. يعني احنة نبدي له اللحن وهو يكمل

اليـــاهـ مشكوورة عالموضوع

صدى جوفي

يــزاك اللـــه خيــــر ..

انزين يعني مافي علاج لهالمرض ؟؟!!
يعني مثلا يعالجونهم علاج نفسي اكيد لانه المرض مش عضوي صح ..

و كل واحد علاجه بيكون غير عن الثاني لاني مثل ما شفت انه المرض له اشكال مختلفه و بالتالي المفروض الاسباب اتكون مختلفه من شخص لآخر

بس كيف هالمرض وراثي يعني ؟؟ احسه يميل للأمراض النفسيه اكثر من الوراثيه

مشكوره عالمعلومااات و الله يشفيهم و يصبر اهلهم