عرض للطباعة
السلام عليكم ورحمة الله وبركاته
الكل يتفضل ويكتب ليش اختار اسمه في المنتدى..
أنا ببدأ..
أنا اخترت "اخت اختي" لأني اتعرفت على وحدة من سنتين كانت مجرد صديقة، لكن ألحينه هي أكثر من اخت كبيرة. وهي أكثر وحدة أعزها وأقرب الناس لي. فدخلت المنتدى أول ما عرست، ودخلت بهذا الاسم. عسى ربي يحفظها :inlove:
يالله دوركم ألحينه.. أتمنى الكل يشارك :)
مرحبا ملايين ولا يسدن
ممممم
انا كنت مسجلة من زمان في منتدى بن دبي
بس نسيت الباسوورد
فدورت لي على نك يناسب شخصيتي
بما اني اصغر وحده في البيت
ودلوعت الكل خاصه بباتي الله يحفظه >> بس مب دايما :glare:
فاخترت بنت الدلع :fa35:
تسلمين اخت اختي عالموظوع
اظن انه انطرح قبل
إذا انطرح قبل.. أنا آسفة ما كنت أعرف
عالعموم.. مشكورة اختي بنت الدلع عالمرور :)
العفو حبيبتي
وحتى لو انطرح so what
الموظوع حلو ومسلي وحلو ان الواحد يسوي له update
ثانكس مره ثانيه ^_^
العفو اختي.. انتي المشكورة اختي :)
الله يحفظج
بصراحة تواجد حلو وموضوع مسلي وإذا عن نفسي انا في الكويت موجود على طول في هذا الاسم في الاذاعة والمجلات والجرايد فصار هذا اسمي شيء قريب مني وكان عندي لقب بس خلاص انتهى .............على العموم الله يعطيج العافية وموضوع:fa47:
مشكور عالمرور اخويه ناصر الخالدي
للقلم عشاق
وانا عاشق القلم
شكرا على الموضوع الحلو :fa47:
في الدنيا سبع عجايب .. أعتبر نفسي ثامنها لذلك أنا العجيبة !
ويا مرحبا بكم
.:اخت اختـي:.
تسلميـن فديتج ع الموضــووع الحلـو والمسـلي
وسـبب اختيـاري لهـذا الاسم لأنه الاكثريـه يسموونـي
دهـن العــوود لأني استعمل واايــد دهن العـــوود واحـب
وااايــــد الدهـــوون وهالسـووالـف..
مشكووره وماتقصريـن وبانتظـار يديدج دوووم
السمووحه
حبيت شخصيــــة هـ الإنســــان فـ قلت بدخــل بـ اسمه
ولو إنه ما نوصـــل لـ قدره ومستـــواه
وثــانكس عـ الموضـــوع
^_^
فـ البدايه كنت ابا اسم ثاني الي هو قانص الغيد . . بس كان مأخوذ :glare:
مادري شو خلاني اختار اسم غرشوب
:vampire:
و السموحة
ام خدود .. احس نك نيم funky وبنفس الوقت صار له نكهه معينه في الواحات
حتا اني ابي اغير نك نيمي لـ عـسـل ,, بس متردده !!
مشكوره حبوبه على هالموضوع ..
ـ
الياه
والله مب ع الشاعر لول اصلن هو ظهر من عقب ما قمت اشارك بهالنك بفتره .. والله !!
بس حبيت النك لاني قريته فـ وحده من قصايد ( سالم الجمري ) الله يرحمه
وعيبني :inlove:
له حس حلو وانت تقراه
وبما انه هالنجمه كانو يعرفون منها زمان اول جهة الشمال وانا من الشمال فـ قلت زين بعد
.
.
.
مشكور عالمرور اخويه عاشق القلم.. اسمك غريب
الثقة في النفس شيء جميل :)
مشكورة عالمرور اختي العجيبة
مشكورة عالمشاركة اختي دهن عود :)
اخويه خطاب، هل هذا الإنسان معروف؟
مشكور عالمرور
مشكور عالمرور اخويه غرشوب
لا تغيرينه.. أحس نيك أم خدود أحلى
مشكوررة عالمرور :)
اسم جميل
مشكورة اختي الياه عالمرور
بسم الله الرحمن الرحيم ..
وعليكم السلام والرحمة ..
عاد انا دخلت بكذا نك !!
المكي و سيف الاسلام و ابو عبدالرحمن الاماراتي و محب الشيخين ..
المكي : اسم خالي الله يرحمه وكنت انا الوحيد اللي اشبهه وربعه دوم يسموني عـ اسمه ..
سيف الاسلام : اسم المجاهد السعودي خطاب ولكن فيه مداح او تزكيه عـ النفس فغيرته عن ادخل فـ الشبهات ..
ابو عبدالرحمن الاماراتي : مثل ماقلت غيرت سيف الاسلام بهذا الاسم وهو عـ رايء الشيخ ابو بكر ..
محب الشيخين : الصحابي عمر ابن الخطاب وابو بكر الصديق رضي الله عنهم ..
شكرآ عـ الطرح وعذرآ عـ الأطاله ..
كل التوفيق والى الأمام ..
الله يرحمه.. لاحظت إنك مايل للأسامي الدينية..
مشكور عالمرور
بسم الله الرحمن الرحيم ..
نعم لئني كنت مشرف عـ القسم الأسلامي فاليكن اسم عـ مسمى ..
بخصوص الأخ خطاب فهو يقتدي والله اعلم بالمجاهد السعودي ثامر بن صالح السويلم ( خطاب وسيف الاسلام ) ..
مع السلامة ..
مشكور اخويه
منو هذا اول مره اعرفه .. كنت دوم اتحراك مسمي عمرك على عمر بن *|الخطاب|*
مشكور اخويه الخطاب عالتوضيح..
بس ممكن تعطينا نبذة بسيطة عنه..؟
لأني أنا واختي أم خدود حابين انعرف عنه..
شكرا
ان شـــاء الله ... بإذن لله ... راح أنــزل موضــوع عنــه فـ أقــرب فــرصــة
اول شي دخلت بـ نك نيم ((زائرة الليل)) .. لاني ما كنت اعرف بأي نك أسجل فـ خذت نك نيم ربيعتي هي تلقب نفسها بها اللقب .. بس عقب فتره حسيت اني استخدم شي مب لي ..
و بما اني احب نادي الاهلي موت .. اخترت اهلاويه للأبد..
كان نــكي قــبل الفـتــى الحــزيــن ..
حســيته مب لايـق ..
سويـــتــه الــفــتــى ..
بعــدين دقــت فـ راسي اغــير النــك .. و نفس الوقــت ذنيني اللي هو نصوور سابقا كــان يبي يغــير بعـد .. و غـيرته ويــاه لـ كـلـكـلـووش ..
لا تسألوني عن المعــنى .. شفت صوره ع المسن .. لـ أبــله عــطيات و هي تيــبب .. كولولولولوش ,,
و انا يالس اقولها طلعت وياي كلكلووش
فــ مشت الســالفه وخخخخ
ســـلام
كـلـكـلـووش
اخترت الملهم اممممم ...
لان احس ان ها الاسم لايق علي وعلى صفاتي ^__^
احب اكون ملهم القلوب .. ملهم الافكار .. ملهم اي شيء ^__^
شكرا على الموضوع
صدى جـــوفي
كنت مسمية عمري صدى جوفي من 2003
مع بداية كتــابتي للشعر
وأول ما فكرت أدخل الواحـــات سميت عمري بها الاسمـ
ووايد أحــ:fa41: ـبه..
وما أظن أني بغـــيره إلا إذا انتشر
بالنسبة لخطـــاب
هو مجــاهد .. حــارب مع الشيشـــان ضد الروس
السلام عليكم ...
أول شي حبيت أقول ... انا نزلت موضوع قبل مده في الواحة المفتوحة وللأسف ماحصلت وايد ردود ..
.
.
أخترت هذا الأسم في يوم كنت راجع من دبي مع ربيعي ويومه كنت تعبان حيييييل زقاعد أهذي بكلام ماله معنى .. ربيعي قالي شوفيك ؟؟
قلتله :هذي هواجيس ؟
قالي : هواجيس سكران
قلتله : لألألأ هذي هولجيس مشتاق
ومن يومها هذا الأسم ملازمني وأكثر ربعي وأهلي مسجلي هذا الأسم على رقمي
شكرا