باركوا لي يا شباب

السلام عليكم و رحمة الله و بركاته ...

كانت رحلة صعبة بكل معنى الكلمة من دبي و حتى دوسيلدورف و أستغرقت 6 ساعات كاملة في الجو في آلمانيا بارد بشكل كبير و درجة الحرارة أقل من واحد سليزية

المهم باركو لي بسلامة الوصول:laugh:

صح ممكن واحد يتساءل كيف كتبت هالموضوع و انا في المانيا الاجابة يا حبيبي سهلة ضبطت كمبيوتر الكافيه على اللغة العربية و الكيبورد مب مشكلة بالنسبة لواحد محترف مثلي لأن مكان كل حرف عربي في الكيبورد مثبت في دماغي بسوبر غلو يعني أقدر أكتب و أنا مغمض عيني و مع هذا و أنا اكتب الموضوع كنت أغلط بحرف أو اثنين أكثر من مرة:fa36:

الهم الحين أنا أستأذن منكم و انشالله أحاول أكتب لكم كل ماكنت فاضي لأنكم الشي الوحيد اللي يذكرني بالوطن:fa41:

أخوكم الثعلب الرمادي

وعليكم السلام ورحمة الله وبركاته..
الحمدلله على السلامة يا الثعلب الرمادي
وان شاء الله ترد بالسلامة للبلاد..
شو مودنك المانيا.. دراسة صح ..؟
بالتوفيق خيّو..
..
.

الحمدلله عالسلامه اخوي ..

اترد بالسلامه ان شاء الله ..


:)


نجــــــــ دبي ـــــــــمة

الثعلب الرمادي ..
الحمدلله ع السلامه يااخوي ..
وخلنا نعرف يومياتك ... ومغامراتك الجويه ... في المانيا

خويتك/ الشوق

الحمدلله على السلامة يا اخوي

و ربي يعينك على البرد :(

موفق ان شاء الله ....

:)

بسم الله الرحمن الرحيم ..

وعليكم السلام والرحمة ثعلبنا ..

الله الجو بارد وألمانيا .. صدقني حاسدنك ..

وإن شاء الله ترد سالم غانم وهالله هالله بالصوغه !!

ربي يحفظك ..

الثعلــــب الرمــادي..

وعليـكم السـلام ورحمـة الله وبركــاته


الحمـدلله على الســلامــة وربــي يسلمـك من كـل شــر دائمــا
إن شـاء الله تقضـي أجمـل الأوقـات في ألمـانـيـا وربـي يسهـل
أمــورك, ونتمنـى نقــرأ يـوميـاتـــك ومغـامـراتـــك ولــو بعـــد
عـودتـك من الـواحـات

:)


يـــحفظـــك ربـــي..

السلام عليكم ورحمة الله وبركاته

الحمد لله على السلامه يا خوي :fa54:

السلام عليكم ورحمة الله وبركاته

اخوى الثعلب الرمادى .. الحمدلله على السلامه

ربى يحفظك وين ماكنت وترد للوطن سالم غانم

الحمــدلله ع السلامه يــاخويه..

الحمدلله على السلامة :)

الحمدلله عالسلامة ومبروك عليك بما ناك تبي احد يبارك لك على وصولك

ان شتاءالله جو ممتع تعيشه في المانيا

ولاتنسى الصلاة هناك

ان كانت السفرة للدراسة فبالتوفيق يارب
وان كانت للسياحة فوقت ممتع اتمناه لك اخوي

والسموحه على القصور

اخوك
طارق

مـــــــــوفق إن شاء الله يا أخـــــــــــوي :)

الحمدلله ع السلااامه ،،
:fa51:

الحمدلله عـ السلامه
.
.

فرحتي لا توصف برؤية كل هذه الردود فشكرا لكل من اهتم بقراءة الموضوع و الرد عليه ,,, بصراحة أنا هنيه للدراسة و تحديدا تخصص الهندسة الميكانيكية لكن العائق الوحيد هو اللغة فحتى الحين مب متمكن منها بدرجة كبيرة لكن بعد كم شهر من دراسة اللغة في ألمانيا أتمنى تنتهي هذي المشكلة و بعدين أقدر أبدأ دراستي الجامعية بثقة أكبر الدراسة في ألمانيا تاخذ وقت طويل و السبب أن اللغة نفسها تحتاج وقت طويل للدراسة لكن الدراسة هناك ممتازة مع إنها متطلبة في أغلب الأوقات الله يعينا:fa46:

أخوكم

الحمدالله على السلامه اخوي

انشالله تكون سفره موفقه
وترد بشهاده عاليه ترفع الراس

take care

حمدالله على السلامه
ولا تقطع الواحات وماعليه بنسجل تنقيعاتك لا تخاف

ترجع للوطن بالسلامه ان شاء الله

أخواتي دانة حتا و بنت الدلع ...

شكرا اهتماكم بالرد على الموضوع ... و بالنسبة لأختي دانة حتا أنا مب فاهم شو يعني (بنسجل تنقيعاتك لا تخاف):fa36:

شكرا لكم مرة ثانية:laugh:

اخوي الثعلب الرمادي
انت قلت انك محترف والكيبورد مب عربي
فاذا حصل ونقعت في الكتابه انا بسجلها عليك
فحاسب يوم تكتب عن يطلع حرف بالغلط
والسمووحه الشيخ

دانة حتا الأخطاء تصير أثناء كتابتي للرد لكن أنتبه لها و أصلحها قبل ما أرسل الرد ... و شكرا على التوضح أختي :)

:fa35: الحمدالله على السلامــــه .. وصراحه جو ألمـــانيـــا بارد جــدا وأعتقـد درجة الحراره عندكم 6 تحت الصفر وثلـــج عندكـم لأن أهلي توهم رادين من هناكـ .. !!

:fa52: ونحن عكسـكم مووووليــــه .. حـــر موووووت ( :Oo: لاهوووووب ) :rock: احسدكم على البرد ههههه .

السموحه على الإطالـه ،،

.. المقاتل ..

مرحبا أخوي المقاتل ...

أنا بصراحة في أقصى غرب ألمانيا مع حدود بلجيكا تقريبا الجو عندنا بارد بس مب بارد بدرجة كبيرة و بعد ينزل عندنا مطر من فترة لفترة أعتقد الثلج ينزل على شرق و شمال ألمانيا يعني برلين و بريمين و هالمناطق.

تصدق صح إن الجو بارد و الطبيعة حلوة بس الحياة هنيه مملة .. أنا أحب العين أكثر حتى لو كان جوها حار :)

و شكرا لردك أخوي المقاتل

الحمــدلله على السلامه اخونـــا الرقيـــب .،.،.،
ولو انــها متأخره :fa46:

ماشالله غيــرت العلم وحطيت علم ألمانيــــا .،.،.،

اتمنـــى لك التوفيــــق بالدراســـه :nerd: والغربــه صعبه صحيح بـــس الي يبـــا الشـــي لازم يتعب شويــه عشــان يحصــله وبترجع بين فتره وفتره الامارات وبتزور أهلك

على فكـــره حتى انا حـــالي من حالك .،.، الكيبورد عندي مافيــه عربـــي .،.،.، بس مثلك انا محترفـــه حافظه أماكــن الحروف :fa42:

والســموحـــه

الله يسلمج أختي عيون الليل:laugh:

ذكرتيني باسمي القديم الرقيب كاتسويا سيوي بس هذا كان قبل سنوات طويلة ... الحين اسمي الثعلب الرمادي و انشالله يوم أخلص الدراسة برد أغيره للفهد الكاريبي الأسود:laugh:

الأخت عيون الليل لها معزة خاصة عندي و يمكن كل عبارات الشكر ما توفيها حقها ... أذكر إني قبل كم سنة رسبت في الثاني الثانوي القسم العلمي و عدت السنة فدايما كنت أسأل أختي عيون الليل عن الدراسة و طريقتها و التعامل مع المواد العلمية و كانت تنصحني دايما بأحسن طريقة و ما كانت تبخل علي بوقتها أبدا و بعدين قطعت عن المنتدى لفترة طويلة بسبب الثانوية العامة و يوم رجعت للمنتدى كانت هي أول شخص سألني عن نتيجتي في الثانوية فكل الشكر لج أختي عيون الليل لو إنه أقل بوايد مما تستحقين.

انشالله أحقق نتيجة طيبة في المانيا:laugh:

شكرا لج أختي عيون الليل