من ذنـيـنـي الى الجميع

اخواني اليوم اكتشفت انه في حد يستخدم عضويتي

و قام الشخص هذا بالقيام برفع احد المواضيع القديمه بواسطة النك الخاص فيني

و ما ادري اذا قام هالشخص بمراسله اي شخص بواسطة الرسائل الخاص
او استغلال النك مالي في شي مب زين

انا غيرت الباسوورد بس ما ادري لا يزال هالشخص بامكانه استغلال نكّي ولا لا
يعني اذا وصلكم شي مب زين,, تأكدوا انه هالشخص مب ذنـيـنـي :nerd:

السموحة منكم

عُلِمْ سِيدي..
:fa42: :fa42:
بس كيف يقدروون يستخدموون عضويتك ؟؟

وصـــــــــــــــــــــــ ــــــــل ..

..

المتفيجة ..

علـــم طــال عمـــرك ...

بس أخبــرك .. بعدك ما عــرفت ... !

ترا هـ الظاهــرة منتشــرة .. يعني حـــاسبـــوا ...

أما عني
فأحيانا أسجل خروج بس ما يطلعني
ولما غيري يفتح عالمنتدى يدخله باسمي بدون ما يمر عكلمة المرور ؟؟!
مع أني أحرص أنه ما أختار "حفظ معلومات الدخول"
بالنسبة لي ما عندي مشكلة أنا أدخل النت من البيت واللي بيدخل المنتدى عقبي ضامنتهم..
ذنيني.. يمكن ها سبب المشكلة..

علـــــــــــــــــــم

بس كيف ممكن يسون جيه ؟؟؟
بس الصراحه عيب والف عيب

الحمدلله جنوني يحموني ويحمون نكي خخخ

علم اخويه ذنيني . .

اذا حبيت، تقدر تراسل عايش وهم، بيقدر يطلع رقم ال IP لكاتب الرد في الموضوع الي رفعه، و يقدر يقارنه بال IP مال باجي الاعضاء و يعرف منو

كــيف جذه !!! :fa36:

حبوبه دبي، ســألتي كيف جيه، انا بجــاوب . .

يقــولج يوم درجة الحراره في الجو تستوي 20 أو اقل، يبرد الرمل الي في البر و هذا يأثر على وايرات الكهربا و وايرات الاتصالات الي تحت الأرض :fa51:
therefore ( الله الله عالمخ و اللغه ) :nerd:
تتأثر شبكة الانترنت في الامارات و تصير لخبطه نحن مانحسبها، الي يحسبها هو الي يعرفلها و هم الي عندهم خبره في التلصص، هالعطل يخلي الواحد يدش بنك نيم غيره لأنه وايرات بيتهم تأثرت . . :fa46:
اقدر اشبه هالعطل باللبن، يوم تخضينه زياده عن اللزوم يستوي جامي، كله نفس الشي :fa37:

بس اهم شي الروحانيه و الإيمان بالله، هالأشيا تمنع حدوث هاللخبطه . . :crazy:

تفسير مقنع يا لماااح

صدق ولا تخــرط عليٌــه !! :fa46:

المتفيــزره عالعرقـووب ، نعم نعم، شكرا :fa46:

حبوبه دبي، لا صدق، ليش ماتدرين انه درجة الحرارة اتأثر على وايرات الاتصالات و الكهربا؟ وين عايشه :fa55:

تــوني ادري :glare:

صح صح كلااامه

اويييييييييه حبوبه دبي

ما تعرفين انه الحرارة تسوي بلاوي

لا لا مب معقوله

خلاااص انــزين لااازم تفضحــونااا

:woot:

تدري انا لما ابا ادش ايميل الكليه احصل عمريه فـ ايميل ثاني..

واكتشفت انه في حد يدش البروفايل مالي.. جان ادعي عليه انه يرسب..

الحمدالله ما استوى بي شي ..كنت شاكه بموضوع الحراره والوايرات بس الحين وبعد شرح لماح أتاكدت منه ..

نــملــة الــواحات، يمكن وايرات بيتكم متــأثره بالحراره هالكمــن يــوم . .
رحيــل، نعم نعم اختــيه

علم .....

لماح شو خص وايرات بيتنا بكمبيوتر الكليه؟؟..

لالا، الحراره اتأثر على وايرات بيتكم، و يمكن بعد الحراره أثرت على وايرات الكليــه فتحصليـــن هاللخبطه تستوي في سيرفر الكليــه عندكم . . :fa39:
جــربي مثلا ادخلي بنك نيم ذنيني و حطي باسورد اي كلام، يمكن يستــوي :fa46:

بجرب بس باسمك..

السلام عليكم

مساكم الله بالخير

تستوي في أحسن المنتديات

بالنسبة لمستخدمي الأجهزة المنزلية
يستحسن إنا ما نخلي الجهاز موصل بالنت لفترات طويلة دون مستخدم
إحتمال يدخل هكر و يسوي جوالع في أجهزتكم و اشتراكاتكم

لذلك من نحيد عمارنا بنخوز عن الجهاز و بنخليه موصل بالنت
أول شي نسويه (تسجيل الخروج) من المنتديات او الإيميل


بالنسبة لمستخمي أجهزة الكافيهات
أي موقع كنا مسجلين فيه يستحسن نسوي خروج عقب ما نخلص من شغلنا
و قبل لا نحاسب الكاشير لازم نمسح الCookies و الhistory


الإنسان معرض للنسيان في هاي الحالات بس عافاكم الله شي ناس
تحب تلقى هالفرصه علشان يدشون و يشوفون خصوصيات الاوادم
حد منهم مرضى
و حد منهم فضوليين

لذلك أنت الملام الأول و الأخير إذا ما تفشت خصوصياتك و اطلع عليها شخص غريب


حصل خير حبوب

ايواااا وجي السالفه وانا اقول بلاه ذنيني يالس يتمدح مواضيعي.. وكنت اشكره على كل رساله .. ظهرت هب انت هااااا

يالله خيرها في غيرها
p:

تغير الباسورد احسن شي تسويه

الحساس هههههههه حلوة منك اكيد هذا اخونا الذنيني لان لو غيره جان مامدحك تحصله يذمك

ان شاءالله خير يااخوي ذنيني ماصار شي وبما انك طرحت هالموضوع فابشر بالخير ياخوي

والسموحة منك

الســـلام عليـــكم...

.
.

معلـــومه طيبه يا عايش وهم..!!

بصراحه.. الكمبيوتر عندي مرات يتم شغال 24 ساعه..!! و غالبا ما اسجل خروج..

.
.

:fa51:

عيل انا مول ما اسوي تسجيل الخروج..

..اكيد مستخدم كمبيوتر الكليــــه.. !!

لمــاح .. سالفة الوايرات و الحراره كنت فاهمتنهـــــا بس شرحك يلخبط اللي ما يتلخبط..

افا عليك طويل العمر
بدون ماتقول ما اظن حد كان بيصدق انك اتسوي شي غلط
بس ان شاء الله تنحل مشكلتك بسرعه

تسلمون اخواني على ردودكم


عايش وهم

كمبيوتري يتم شغال 24 ساعة 7 ايام في الاسبوع 30 او 31 يوم في الشهر :fa46:

يمكن صدق حد مهكر على كمبيوتري :oh:

على العموم انا بسوي الي قلتلي عنه و ان شاء الله برد اقولك شو الي صار وياي :)

وصلت المعلومة من كل الاضافات
تسلمون . .

علم سيدي سوف يتم القبض عليه حاليا ^_^

انا من الله كمبيوترنا واحد من ربع اخويه ها اللي متعرف عليهم من النت مهكر عليه ( اونه شو بحسن نيه يبا يعدل كمبيوترنا وهو من الصوب الثاني يسير يدور الفايلات يمكن شي خاص وسرقو ايميلي وحليلي طبعا مال ياهو ولا المشكله هب هو اللي سارقنه بعد واحد من ربعة سارقنه كمبيوترنا سوى حق كل من هب ودب

حتى اخويه يوم ها اللي هكر عليه يطرشله اغنيه اوشي ماشغله علابتوبه لا يبه ويشغله على كمبوتر البيت ( مسونه فار تجارب ^_^)

انا مول ماسجل تسجيل خروج من المنتديات اللي مسجله فيهم وحتى مرات من غبائي بدال ماسجل خروج اقول حق اخويه اكيد ها اربيعك .......... (طبعا مايستوي من دون سبه ) اكيد يعرف كل نكاتي اللي مشتركة فيهم

خلاص من اليوم وساير بشجل خروجي دوم ( صباح الخير)

أنا كم مرة دشيت وأنسى أسجل خروووج

بس ما جد صارت هالسالفة

ذنيني .. الله يكووون فالعون

بس .. اذا غيرت الباس ما اظن حد يقدر يدش ...

السلام عليكم

انا الحين صارلي نفس الشيء ..
بس رد على موضوعي في واحة الاقتصادية ..
رد وقاعد يسب .. انا عمري ما اعطي حد في الويه واسب ..

اخاف يطرش رسايل ويرد على مواضيع ثانيه ويشوه سمعتي ...
فشو اسوي الحينه ؟؟؟

غيــٌر البـــــــاســوورد اخــويه ،،

تم التغيير ..
الله لا يسامحه اعوذ بالله منه

لا تحــاتي :fa51:

يمكــن امهكريــن عليــك ،،

سـو تسجيــل خـروج واظهــر من الـواحـات وريستـارت بعد :fa46:

عشـان تتطمــن اكثـر،،

وانـا اقــول بلااه الملهـم !! :Oo:

والله يخليـــك امســح ردك فـي واحه الريـاضه

http://oasis.bindubai.com/bin/showth...081#post331081


:fa56:

تم المسح ..
اعوذ بالله شو سوى فيني الحقير !!!!!

واروجوكم اللي شاف اي رد مخالف باسمي الرجاء اخباري ..

ان شالله :fa51: