إندووووووك إنته!!

السلام عليكم ورحمة الله وبركاته

إندووووووووووك إنته!!!!!!!:wacko:

كلمه لا إرادية رددناها لا إرايا على طول شهر رمضان وكل الفضل لإعلان رز العلمين

كلمة تخرج تلقائيا مع كل موقف يثير فينا العجب العجاب

مواقف حياتيه .... يوميه ...بالمدارس ...بالعمل ..وحتى في الشارع ...

ببدأ اتكلم عن أول موقف:nerd: ....

ويمكن ما يلاقي هالموقف استحسان البعض ...لكنها حقيقة بمجتمعنا الحالي

كافي إنها خلتني أقول : إندوووووووووووووووووووووك إنته؟؟:wacko:

لصغيره كبرت :fa35: ...

وانتقلت من لعبة باربي لفلة لألعاب الجيم بوووي ورست على ألعاب بليه ستيشن (9999)

انتقلت من قناة آرتيز وسبيس تون لقناة نجوم وقناة الأفلام وبرنامج أوبرااا الكوبرا:ghostface ...

حولت نظرها جذريا من محل الألعاب لمحلات الباديات وصرعات الموضه

انتقلت عيونها من مجلة ماجد لمجلة لمجلة سبيس تون لمجلة فتيات لمجلات الأزياء والمكياج وعروض برنامج لمسات والمزيوونه :love:

البنت كبرت ....لحد يقولها كلمه تجرح مشاعرها :fa43: ....

خلوها تراها تمر بمرحلة مراهقه ... أي كلمه بتأثر بدراستها...

البنت كانت تسمع يا طيبه وتردد أغاني فله...وينك يا صدى الونه ؟:fa51:

ومن فتره مهووسه بالعامري وتقلد نانسي وودها ومنى عينها تكون عدها غمازة إليسا؟؟

واليوم بتموووووووت على برتني وبتتخبل على هذا وادندن بالانجليزي ومرات بالفرنسي :oh:

وتكبر البنت ...

ومن الإعدادي يكون عدها موبايل برنه خطييييره ولاب توب وإيميل بنك نيم رهييييييييييب :fa56:

وتكبر البنت

ولما تمشي ويا أهلها بالمولات تشوف حمود وجسوم وتوم وحماني ... ربايعها من الكيج ون للحين

تكبر البنت ولحجاب استوى اسكارب والويه توووه متج والعباه أوووفر والعطر منتشر إفري وير:glare:

وتكبر البنت ... وأول ما تبدي تعبر عن حريتها ...

تقول : أبا أكمل تعليمي برع ...جامعاتنا هنا أرف ما فيهن تخصصات عدله ؟ توم نصحني بجامعة ...؟؟؟

يمكن أكووووووووون وايد بالغت ....يمكن أكون واااااااايد تخيلت .......يمكن أكون وايد هذربت:shutup:

لكن هالحاله هي الحاله الأكيده لبناتنا عقب كم ؟؟؟؟؟؟ شهر سنه حول ؟؟

البنت هي البنت:fa35: .............طبعا ...........ولكن؟؟ يمكن تتأثر وتقلد وبالتالي تتغير ؟؟

السؤال إلي ببالي الحين ؟؟:fa39:

الاختلاط في بعض المدارس الخاصه الحين .... دوره سلبي أو إيجابي على البنت تحديدا؟؟

كلنا نتمنى إنه بناتنا يكتسبن لغات فنحاول إندور لهن على أرقى المدارس الخاصه المعروفه ...لكن؟؟

هل تأيدون الاختلاط بهالمدارس الخاصه ؟؟ وشو رايكم بهالموضوع؟؟:fa51:

حق الرجال والنساء... والكل يفعل مايشاء

ذهبوا الرجال حقيقتا ...والموت قد اخذ الحياء

ماالفرق اليوم احبتي . ..بين الرجال والنساء

هذا يقول هذي تقول ...والكل يفعل مايشـــاء

...طارق محمد ...

مجرد ابيات كتبتها هنا ولي عودة بإذن الله تعالى

..
موضوع جميل ويستحق النقاش

لااؤيد الاختلاط

.. لي عوده .. ^_^ .. جئت لإسجــل إعجابي فـ موضوعج الكريم

:: المقاتل ::

من رااي ان الاختلاك شي عادي .. لأنه اذا البنت ما كانت في مدرسه مختلطة .. ظروف الشغل بتخليهااااا تشتغل مع الرياييل .. فمن الاحسن تتعود .. وهذا مب يعني أني مع المدراس الخاصه .. لااا طبعااا ..

وبعدين كل شي يعتمد ع تربيه الاهل .. (وحيااااااااااااااء البنت نفسهاا .. ) ,,

,, المتفيجة ,,

وعليكم السلام

اممممم والله ماعرف شو بقووول
الحين كل شي يضر و ينفع بنفس الوقت
فمااعرف شو اقوول عن الاختلااااط في المدارس الخاصه

انا من وجه نظري ان المدارس الخاصه بغض النظر عن مساوئها
إلا أنها وايد نافعه عيااالنا
يعني من حيث التعليم و المنااهج المطوره و الاساتذه
يعني بعطييكم مثاال عن عيال اخويه
روضه و خالد عيال اخويه
يدرسوون في مدرسه الزهوور الخاصه (( إذا تعرفوونها))
لغتهم في الانجليزي توووب وماعليها كلااام .. ماشالله عليهم يرمسوون اوكي و بطلاااقه
بس اللي يقهرني في الموضووع كل ما اسأل روضه منو ربعج اتقولي فلاان وفلاان و فلاان و فلاانه

خيبه كلهم اولاااد >> بتقولون صح يهال و مايفتهموون
بس ولو الدنيا دنيه ومافيها خير حتى لو مدرسه بس الدنيا مافيها خير
انا ما ارفض فكره الاختلااط بس لازم اتكوون في حدوود لها الشي

ولي عوده للتعقيب في هذا الموضووع

السلام عليكم


الاختلاط في الصفوف.. في القسم .. انا ضده
وما اوافق اللي يقول ان الاختلاط في المدارس يساعد البنت انها تتعود
على هالجو عشان يوم تشتغل بيكون مختلط
يوم بتشتغل البنت بتكون اكبر تفكيرها بيكون انضج
اوكي يمكن الفكرة هاي فيها وجهة نظر بس بعد فيهاسلبيااات اكثر
.
اكثر المدارس الخاصة تكون مختلطه لين الصف الثالث او الرابع
و عقب يفصلونهم .. هني ما اجوف انه فيها شي لانهم يهال
و عقب يوم يفصلونهم يكونون باقسام منفصلين
مالهم خص ببعض .. هني ما اجوف فيها شي و ما اجوف انه اختلاط
.
حلم الطفولة عيبتني طريقة سردج للموضوع :)

هالموضوع يباله يلسه عدله وعقل صافي ..
انا الحين مب قادرة اركز .. فان شاء الله لي عوده

نبراس الليل ....شرفت الموضوع وأكيد بانتظار ردك:laugh:

ميس الريم ... تسلمين على الرد عزيزتي

المقاتل ... أكيد بانتظار عودتك ...بس لا اطول واااايد:fa42:

المتفيجه ...اختلاف الرأي لا يفسد للود قضيه ...بس ما فهمت ردج بالضبط ؟؟ :fa35:

السلام عليكم ورحمة الله وبركاته ...

أندووووووك أنته صدق العيال كبرت ،،
الصراحه أنا شخصياً لا أؤيد الأختلاط بتاتا لأنه جيل اليوم غير عن أمس وأول أمس
والزمن الحين غير عن قبل يمكن قبل كنا أنشوف الاختلاط عادي لأنه الأطفال كان تفكيرهم محدود
بس الحين كل شي تغير طفل في سن الخامسه صار داهيه في الكمبيوتر الي نحن ما عرفناه الا من دخلنا الجامعات والكليات ,,
التطور ،، العلم ،، الإعلام ،، البيئه ,, هاي كلها أختلفت بحيث أنها بدت تسهم في خراب المجتمع ولو بنسبة بسيطه ،،
أما عن اللي يقول أنه الأختلاط يفيد البنت في المستقبل يعني يوم تشتغل أو تظطر أنها تحتك بالجنس الآخر فهالكلام باطل ولا أساس له من الصحه .. يعني وايد منا درسوا في مدارس حكومه وكليات حكومه خاصه بالبنات والحين الحمدلله متوظفات ونظطر للتعامل مع الزملاء من الذكور .. ما أشوف وحده تعقدت والا يتها حاله نفسيه وتروعت من الشباب .. أبد
بالعكس البنت يوم تكبر وتوصل للمرحله الي تحتك فيها مع الشباب أتكون فاهمه وواعيه لعواقب أي تصرف يبدر منها يعني الي يؤيد الأختلاط بحجة أنه يعود البنت على هالجو والبيئه فهو اعتقاد خاطىء بنظري,,,

أندووووووك أنته جني أستويت وايد أهذرب
( على فكره ما ادري ليش بديت أحس بشكلي يكون غلط يوم أقول أندوك أنته مع أني متعوده أقولها قبل الإعلان بس الحين الكل يتراواله أني متأثره أو أقلد الاعلان ،، حليلني مظلومه )

بالنسبة لي .. اؤيد الاختلاط قليلا ولكن طبعا بحدود وبمراقبة شديدة ..
فاذا توفرت المراقبة الذاتية والخارجية وبحدود معينة عندئذ يسمح بالاختلاط ..

ولكن كما نرى الان فبالتأكيد ارفض ذلك بشدة .. لان الان لا ارى اي حدود
او اي مراقبة من الاهل على الابناء في المدارس الخاصة ..

أشكركِ على الموووضوع ^_ اندوك انته _^

المتفيزره على العرقوب

يقولج يا عزيزتي المدارس الخاصه سلاح ذو حدين

تكسب الاطفال لغة بتفيدهم بحياتهم اليايه خصوصا بالتخصصات اليديده والمطلوبه بنفس الوقت
ولكنها بعد تاخذ عنهم لغتهم الأصليه وقيمهم العربيه لو الأهل ما اداركوا وعالجوا هالموضوع

وبانتظار ردج حول نقطة الاختلاط بالمدارس الخاصه:laugh:

عفاريتووووووووووووو:blush: وعليكم السلام والرحمه

يقولج من عرف لغة قوم أمن شرهم ....وبهالزمن الانسان ما يقدر يمشي أموره بدون لغات:fa55:

والمدارس الخاصه هي الأنسب لتعليم اللغات كونها تختص بتعليم اللغة كعامل أساسي بدراستها

وتدريس الأطفال فيها مب غلط ...لكن الاستمرار بالتدريس مع وجود اختلاط عقب الرابع

أحس به بيفتح بيبان يمكن نستغني عنها وخصوصا للبنت تحديدا ... وين لجنة حقوق المرأة عني:Oo:

عفاريتووو عيبتني طريقة ردج للموضوع:blush:

عنود الريف ....بانتظارج وعسى الله يوفقج بامتحاناتج:fa42:

الجنيه .... إندووووك إنته ؟؟ الجناويه ردت على الموضوع :fa51:

نظرتج لهالموضوع وطريقة ردج عليه مقنعه واااااااااااااايد

العيال كبرت ...وبهالمرحه صاروا يعرفون إلي ما يخطر لا عالبال ولا عالخاطر:nerd:

على الأقل الولد بيدرس وبيسافر يكمل تخصصه ودراسته وبيتوظف ويحتاج للغة تفيده

بس البنت حتى لو درست بمدرسه حكوميه خبرتها بالحياة الحين تأهلها تتعلم اللغة أسرع عن قبل

يعني رادارها يلقط اللغات عن بعد:fa32:

مرحبا بج عزيزتي وشرفتي الموضوع بردج:laugh:

الإختلاط لمصلــحــة مالك الجامعــــة والغــرب

الإختــــلاااط مأســـــاااااة

شكـــراً حلم الطفولــة والود ودي أزيـد في الكلااام لأن موضووعج جداً راقــي وبإسلووب رائع بس أخاف أجاري اللي كتبتـيـه وأشوه جمال صياغتــج

موفقــة خيــر
..

حلم الطفولة مشكوورة على عرض هالموضووع
أما عني فأنا لا أؤيد المدارس الخاصة (خاصة الانجليزية)
من خلال تدريبي فمدرسة انجليزية
لاحظت تفرقة عنصرية كبيرة بين العرب والاجانب
والبنات :fa55: كبار وصغار
والانجليز يعلمون اليهال مفاهيم خاطئة وعادات سيئة
(أكيد لامن ديننا ولا من ثوبنا)
وكان عندهم سمر ليلي وعطو اليهال ياناصيب يبيعونه:wacko:
ولما بنت سعودية (grade 3) قالت للمعلمة أنه حرام
ردت عليها : ها بس اعتقاد لما نعتقد انه لو شاركنا بنربح اذا عندنا حظ بنربح
والله يعلم البنية شو حطت ببالها عقب
ومدرسة الدين "هندية" مب ذيج الكفاءة
ومديرة المدرسة كانت معترضة على تدريبنا في المدرسة
وقالت عنا "witches" عسب لابسين عبي سود
مب جنه كادة من ورا اللي لابسين عبي سود
وغيره وغيره
(ونعيد ونقول مب كل المدارس نفس الشي)
من جي مابدخل عيالي فالمستقبل مدارس اجنبية
الأهم القيم والدين
والانجليزي يكتسب مع مرور الوقت

والسموحة
صدى جوفي

الموضوع حلو

الاختلاط زين لكن انا مب وياه
وحتى لو ما اختلطوا وايد بنات اونه مالهن شغل بهالسوالف
وعقب من تدخل الجامعه وتتعرف على البنات تتخترب البنيه ليــــــــــش؟
لانه عقلها صغير فكل شي يرجع للتربيه وعقلية البنت نفسها
وهذا رايي انا ..والســـــــموحه

الملهم
احلى منصوري
صدى جوفي
دانة حتا

شاكره لكم آراؤكم وتواجدكم بين الردود