ناس تصيح على رصيدها وناس تضحك عليهم

السلام عليكم ورحمة الله وبركاته ،.،





ناس تصيح على رصيدها اللي انسحب من الاتصالات



وناس تموووت ضحك علييييييييهم



السالفة انه :



يوم الأحد اللي طاف (قبل أمس) حدث عطل في شبكة الاتصالات



وكل من يطرش مسج على رقم



يزيدون رصيده ،.، اللي وصل مياااااااات واللي آلااااااااف



والله قهر وأنا آخر من يعلم



المهم



أمس الاتصالات عقب ما صلحوا العطل ،.، شوفو شو صار وانقعووو ضحك :fa56:



سحبت من كل طرشو مسجات الرصيد اللي خذووه ،.، ومو بس جيه



فوق هذا كله سحبوا رصيدهم الأصلي ،.، واللي صرف الرصيد كل ما



بيدخل رصيد راح يسحبون عنه لين ما يسترجعووووون حقهم



وبعد ،.،



اللي راح يقطع بطاقته الاتصالات راح تشتكي عليه



والمطلوووب منكم :



تخبرونا كل واحد منكم كم رصيد دخل وكم سحبوا عنه ،.،



وعادي بس بنضحك ،.،

:fa56: :fa56: :fa56: :fa56: :fa56: :fa56:

لوووووووووووووووووووووول



:..:



:..:



:..:



:laugh: :laugh: :laugh:



معكم من الاتصالات مراسلتكم :

أمــــــريـــــــن

السلام عليكم ...

صباح الخير اختي امرين

انا مب من الناس اللي آخر من تعلم ... انا بعدهم ههههههه توني ادري بالموضوع :fa46:

جان زين عيل لو خبرتينا بالرقم كنا بنطرش لهم مسج ... وخلهم بس يزيدون الرصيد ...هههه عقبها خلهم يسحبون لين ما يقولون بس .. اهم شي الواحد يرتاح :fa56: يوم يوهقهم

والاتصالات هالايام عليهم حركات :rock:

ومشكوره على الخبرية :blush:

والسموحه

الحاضر الغايب

مممممممم

يعني أنا طلعت أحسن منك وفي ناس ماتدري بالسالفة.. الحمدالله

جاااااان استانس

وأحسن لك انك ما دريت .., والله لتقعد شهر تسب وتلعن فيهم


أشكر مرورك

انا ما طرشت حق حد وما زادوا ولا نقصوا بس اخوي سحبوا عنه 9 ربيات..

اول شي ما ندري ليش عقب عرفنا ..
وتسلمين حبوبه..

حليييييلج والله

وحتى لو أخوووج صرف رصيده
كل ما يدخل بيتمون يسحبووون عنه

أخوووو نملوووووه .. أول وااااحد
يالله .. هل من مزيد ...

شو السالفة يا ناس

مب فاهم شي !!!!

وأنا اتحرى عمري آخر من يعلم إلا بطلع انا من يعلم ونص ....

ذنيني

وباختصار ،.،
الاتصالات خربت وقاموا الناس يدخلون رصيد مجاني
وألحين بعد ما صلحوا العطل
سحبوا من كل شخص أي رصيد دخله

أنا دريت بالخبر يوم الاثنين الصبح :fa46:

ربيعتي طرشت مسجات و وصل رصيدها 390 درهم
بس ما استخدمته و لما سحبوه منها زادوها 12 درهم :fa42:

و ربيعتي الثانيه وصل رصيدها 500 درهم
و لما سحبوه صار -100 درهم :fa55:

همس الشفايف

أكيد زادوها بالغلط .. ألحين بخبرهم يجيكووون مرة ثانية

هههههههههههه

توني ادري بالسالفه
مو انتي اخر من يعلم

هيه مزووووووووون

يا ريتني كتبت خبر مهم ادخل وشوووف

ههههههههه

هي خبرووووووووووونيييييييييي ييي

بين الساعه هنتين و اربع الفير !!

وحده وصل رصيدها فووق الـ 800 !!

بس ليش اتصيحين ؟؟

جي ابكم تترسين رصيدج انتي؟

على فكره البطايق اليديده مافيهم بركه .. احس بسرعه يخلصوووووون >.<

أم خدود

حبيبتي .. انا كل يومين بطاقة وجيه
والبطايق اليديده قوم بو 25
صج ما فيها بركة

شي قوم بو 40 بعد .. لكن ما أشوفها عندنا فالكلية

أشكر مرورج

الســـلام عليـــكم...

..

يحليـــلكم و الله ...

ههههه.. فرحوكم...و غصصوا عليكم عقبها... :fa51:

بس صدق.. شعور وناسه.. الواحد يتكلم و يزيد حسابه..!! :fa46:

شوق القلووووب

وناسة بس .. عيل حد يصير رصيده ميااات وما يستانس

أشكر مرورج حبوبه

والله احس انه الاتصالات قاصده هالحركه
انا هذيج الحزه حليلي راقده و فجأه اسمع حد يوعييني ربيعتي اونه قومي عبّي تلفوونج رصيد انا عاد مسطله مب فاهمه السالفه و خبرتني اياها وعقب فتره استوعبت قلت يالله بعبييها
مابقوولكم كم استوا رصيدي .... المهم سويت بلاااوي بهالرصيييييد
ولكن البارحه استوت حفله صراااخ عدنا في الجنااااح
تخيلو حليلي انا فحااالي ويالسه برووحي و فجأه اصرخ و إلقى حسابي المستحق 111.55- درهم متخيلييين والله شوي و بصيييح

ويلست ادعي عربيعتي لين ماقلت بس وكل ما ادعي عليها تقوولي انا اشد عنج سحبوا عني وايد بعد و حسابها المستحق وايد بعد

ولا نحن بعد نستهبل دقينا حق الاتصالات و تخبرنااهم عن اللخبطه اللي صارت عندهم جان يقوول الموظف لربيعتي انتي ساحبه رصيييد قالتله هيه قالها كم قالتله 50 درهم و الحبيبه موصله ألف و ميتين درهم وجان يقوولها بينسحب عنهم اليوم فقالتله ربيعتي اونه انتوا تصرقووون بالملااايين و محد يحاسبكم و مستخسريين علينا اللي خذناااه الموظف شوي و بياكلها ...

حليلنا والله مساااكين

المتفيزرة

لا تعليــــــــــــق

اضحكي وانسي وبضحك عليج

ههههههههه

ههههههههههههههههههههههههه ههه

امس اربيعتيه كانت تقولنا عن السالفة
وكل ربيعاتي اللي عدن مبايلات احتشرن اونه ليش ماخبرتينا ومن ها السوالف
طبعا انا واربيعتيه اللي خبرتنا السالفة ماعدنا مبايلات جان اقولها انا وانتي مانحاتي شي

هي امها ستوى رصيدها 300 واخوها 500
ويوم رديت البيت سألت اخويه قال زين اني ماعبيت رصدي لنهم اصلا بيسحبون الرصيد كله واللي صارف منه بيشلون عنه يوم بيحط رصيد واليوم يلسنا نظحك على هيل وبعدين ربيعانا اللي احتشرو قالو عيل زين ماعبولنا
واللي قالت الله يحبني واللي الت انا اصلا ماكنت ابا ومن ها السوالف
لاكن صدق ظحكنا عليهم قلتلهم لو ماشلوهم جان قلتو ليش ماخبرتونا ومن ها السوالف

شو هالبخل.. زيين خلوا الناس مستانسة بالرصيد .. لازم تسحبون :glare: خلوها هدية يعني بطريقة غير مباشرة :fa56:

مب كفاية شلوا الرصيد بو الـ 30 ..
الله موسعها عليهم ليش يضيقونها على الخلق :tounge:
وايد اتحرطمت انا:fa51:

يمكن تكون حركة ذكاء من اتصالات ويخدعون البعض ..،، لكن أنا عندي فاتورة مش مدفوعة ....

ههههههههه
النـــاس ماصدقــوا
:fa56:
انــا سمعت من اخــويه الخبــر وقــالي اربيعــه وصل 3000 شكله بيتغصــص الريــال الحينــه :fa46:

والــوالده وحليلها ع نيــاتهاا اونه الاتصــالات امســويه هالحــركه عشــان العيد الوطنــي :glare: مــاتدري شو السالفه !!

الاتصــالات لااااازم اترد حقهــا ولا بتمــوت عليـــنااا كفــايه هالبطــايق اليديده :fa52: والله شرات ماقلتــو سريع اتخلـــص !!!

يالله زيــن الحمدلله مــاكفخت رصيــد ابلااااش :fa46: ولااا كنت متغصصه الحيــنه

....

2700 = 39

انا ما سمعت بالسااالفة الا بااجرهااا ...
وقلت يااحظهم ..
لكن اليوووم أشوووف نص البنات في الجااامعه يصييحوووووون .. وكل ما أسألهم لييش ؟؟
رصيدنااا سحبوووه واستوي (- شي ) ..

المتفيجة

رسالة نصية بأرصدة وهمية لمشتركي «واصل»




تلقى عشرات المشتركين في خدمة الاتصال «واصل» المدفوعة مسبقاً امس رسائل نصية من الرقم (666666)، تفيد بإضافة رصيد إلى حسابهم بمبالغ تراوحت بين ألف درهم إلى أربعة آلاف، فاعتقد بعضهم انها حملة ترويجية لمؤسسة اتصالات بمناسبة العيد الوطني، وقام عدد منهم بالاتصال بالمؤسسة للتأكد من صحة الرسالة التي افادتهم ان ما حدث خلل في نظام خدمة الرسائل النصية على مستوى الدولة، وأن الشركة تعمل على تدارك الخطأ وسحب الأرصدة مشيرة إلى أنه في حالة استخدام جزء من الرصيد فسيعتبر ذلك ديناً على المستهلك وسيتم خصمه فيما بعد.

أحم طارق بيتكلم

في نفس الليلة الساعة 2:45 صباحا قلت بظهر من البيت وبما اني هاليوم موقف السيارة برع البيت

جان اشوف ولد أختي مع واحد من ربعنا يالسين ويطالعون في تلفوناتهم جان اقولهم

كلنا عندنا تلفونات جان يقولون واونه كل واحد يطالع فالثاني ويضحك ويقولون مسكين مايدري

جان اقولهم شو السالفة قال ربيعنا انا معبي رصيدي 700 درهم جان اقوله الله يزيدك

قال لا ببلاش قلت فيه الخير اللي عطاك قال لا في طريقة تزيد رصيدك اطرش مسج والخ

جان اقوله ياعم والله باجر بيسحبونه عنكم قال لا وماعليك :glare: قلتله نفس سالفة المسجات

بالعيد طرش قد ماتبي وماينقص من رصيدك شي اخر شي في اليوم الثاني رصيد حسابك -40

وفي اليوم الثاني تلاقيت ويا ربيعي قالي سمعت عن سالفة الرصيد قلتله هي

قال رصيدي امس 700 واليوم قصوه عني جان اضحك عليه قال والله استفدت قلتله كيف

قال اتصلت خارج الدولة ويلست اتكلم 6 ساعات :shocked: ولما قصوا عني صار 45درهم مع العلم ان رصيدي كاين صفر قبل مااسوي الحركة ...


حليلهم اتصالات
من مااعلنوا عن الشركة اليديدة استخفت

ومبروكين البعض وهاردلك للبعض

والسموحه على القصة :fa46:

طارق

حرام عليهم والله ماخلوونا نستااانس بالرصييييد

الله يسامحهم
مب كافي إنهم خلو البطايق من 30 درهم ------> 25درهم

والله مب حاله ...

الحمد الله الله نقذني ....خخخخخخخخخخخخخخخخخ

هاردلك يا حلوييييييييييييين ...

لوووووووووووول

مسكين حالكم والله

تغمظوون

ههههههههههههههههه
انا خبروووني بس مادخلت
بس ربيعاتي اللي مدخلات الرصيد .. وحده اطالبوها ب 70
والثانيه 100
ههههههههههههههههههههههههه هههه
ضحكت عليهم من الخاطر

صدج حركااااااااااااات

انا بس حصلت 436 درهــــــم.. واصله اخر شـــــــي
و كان فرصيدي ذاك الوقت 22 درهم..

و عقب سحبوه تم في رصيدي 13.13 درهم..
والله انقهـــــــــــرت.. بس ع الاقل جددت اشتراك بطاقتــــــي لين 2007 :)

و بعدين الرقم كان 444444 مب 6666666

يالله ان شاء الله دوم تخترب .. و يستوي عندهم عطــــل بس ان شاء الله ما يجكون حد..

مساكيــــــــن اللي سحبوا عنهم بالماينـــس.. يعني لازم يدخلون 100 او 300 درهم عسب يوصلون لصفر..

خخخخخخخخخخخخخ
والله حاله مسكين حالج ...من 436 درهــــــم الى 22
خيرها بغيرهاااااااااااا

سلام عليكم ورحمة الله وبركاته

امرين خخخخخخخخخخخخخخخخخ يسلمووو على الموضوع

صراحه انا اخر واحد ادرى خبرونى على الصباح انه ناس يلست طول الليل تطرش ولى نششوهم من الرقاد ولى راحو المحطات مال الوقود لى كانوا راجعين بيوتهم ومخلصه البطاريه خذو يديده اصليه يكيكيكي

انا خبرنى احد اصدقائى انه وصل رصيده الاولى 300 والثانى 1000 درهم نعمه هاااااااااى يوم خبروهم انه بيسحبون الرصيد من عندكم كله تقول حد ضاربنهم عظام سخووو ولا واحد نطق

يكيكيكيكيكيكيكي ولى فى الكافتيريات الهنود على طول الليل خلووه الاكله مكانه ويلسوو يرمسون اهاليهم برع

على العموم مشكوووووووره على الموضوع وربى يخليج وماقصرتى

بحر الموده

بسم الله الرحمن الرحيم ..

ما لهم حق يسحبون الرصيد ما دام الخلل من عندهم ..

ما يندرى منو اللي يستاهل !! ..

مع السلامة ..

شكرا على هذا الموضوع
الصراحه أنا أخوي خبرني البارحه عن الموضوع و هو متحسف أنه ما استخدم الطريقه
بس بعد ما خبروه باللي صار لربعه من سحب الرصيد قعد يضحك و يقول الحمدالله أني ما استخدمت الطريقه و إلا بينسحب رصيدي، المهم ربيعتي سوت الحركه و لين الحين كل ما تدخل رصيد ينسحب منها لين ترجع المبلغ كله

صدق المثل اللي يقول مصائب قوم عند قوم فوائد

اشكـــــــــــــــــــــر مروركم اخواااااااااااااني

فردا فردا

بدووون ذكر أي اسم

وتفاعلكم ويا الموضوووووووووووووووووع

وصدق الاتصالات استخفت وعليها حركاااااات

:fa56:


هههههههههههههه


الحمدلله اني كنت نايمه وما حسيت بالمسج يوم وصلني

ويوم رحت اليوم الثاني اشوف كل ربيعاتي
رصيدهم فوق ال 500

والي 800

والي اخوها موصل 5000

والي اختها 3000


وانا ميته قهر

و3 من ربيعاتي الي فالشله
وحده يوم وصلها المسج شافته ونامت :ghostface
والثانيه تعرف بس ما كانت فايجه
واالثالثه حسبت بيسحبون عنها رصيد وانه عبط :fa56:

هههههههه واليوم الثاني كلهم منقهرين لي ما طرشواا
بعدين قلنا الله ما رايد
شي ما طبيعي كلهم مسوين طاف والي ما سمع اكيد في شي :fa36:


:fa54:


وفالاخير

نحن ضحكنا

اهاهاه

وعرفنا انه بيسحبونه ع طول

خيبتهم الي 5000 مزطه :fa46:

لانه اذا ما سحبوا الرصيد الاتصاللات بتخسر :fa54:
ومحد بياخذ بطايق


والي جدد بطاقته 4 مرات
والي عليها مستحق 300

والي :fa44:



حليلهم



والحمدلله الله ما راد اكون منهم:fa51:

لوووووووول

نحن الشباب في السكن متخبلين ..

كل واحد موصل رصيده 7000 وشي

انا قلت لهم مالي خص هاي الاتصالات لو تموتون ما يضيع حقها ,,, لانه قبل بعد استوى نفس هالشي بس غير يعني الي يدخل بطاقه رصيد جديمه على طول تدخل في حسابه واخر شي سحبتها الاتصالات

يعني الاتصالات حقها ما يضيع

والله يعين الي سحبو رصيدهم خخخخخخخ اسلفكم لووول

ما وحشتك

اضحكي غنااااتي وخذتي راحتج عليهم
تقريبا نفس احساسي

أشكر مرورج

خيال الحب

كم بتسلف
هههههههههه

أشكر مرورك