شو أنفع أكـون ؟

السلام عليكم

كيف تعرفون ان فعلا هالتخصص الي تبونه .. وان بناء على الشغله الي تطمحون لها بتتخصصون ؟

ما اعرف شو استوي ! .. ماعرف شو احب !
كل الميجرات عاديه بالنسبالي .. احس اني اروم امشي فيهم كلهم !

مالي ميول لولا شي من هالتخصصات

ما حبيت شي ..

اهلي و ربعي متلعوزين ويايه .. حتا ان ماما خلتني ارمس دكتوره نفسيه عشان اطلع بنتيجه
وما طلعت بـ نتيجـه !!

كل شوي اغير رايي ..

بناءا على شو بنيتو طموحكم ؟ .. بناءا على شو اخترتو هالمجال مب غيره ؟

أحس اني ضايعه
:sad:

شو تحسون انفع اكون ؟

ممممممممم

الصراحة انا بقول ولو اني اعرف اني مابفيدك وايد

اللي اعرفه ان اكثر المختصين في مجال او العباقرة والمخترعين ساروا على نهج معين او مجال معين بسبب فقدانهم لهالشي

فمثلا اختصوا دكاترة واستووا جراحين قلب بسبب وفاة شخص عزيز عليهم بسبب مرض في القلب ولم يتواجد علاج شافي فنفس الوقت فقرروا ان يختصوا بهالشي ويجتهدوا عسب مايصير لغيرهم مثل اللي صارلهم

يعني ابختصرلك اختاري مجال يفيد مجتمعنا وتحسين ان هالمجال ينقصنا


اتمنى قلت حرف مفيد

طارق

حبيت اضيف شي مهم

عليك بصلاة الاستخارة

ولاتكتفين بمشاورة الناس ...

حاولي تحتصرين المجالات وتقللينها يعني انتي قلتي شي انك ترومي تمشين في كل المجالات بهي الطريقة حيرتي نفسك اكثر واكثر

حاولي ان كانوا عشر مجالات

حاولي تحدينها الا خمس او اربع كل ماقلت كل ماقدرتي تختاري الافضل

طارق

الله يوفقك ان شاءالله

مشـكور اخوي طارق ..
فـعلا اقدر لك ردك .. كونك اول عضو عبرني ورد على الموضوع ..
جربت كل شي .. مافاد !! ..
صليت وما حسيت ابشي
كلمت دكتورة علم نفس .. وكل شوي اغير رايي ..

ماما اتقول بتيوزني لني لوعت لها جبدها هههه >.<"

----------

يستمر السؤال .. شو انفع اصير ؟

اممممممم..

هالسؤال ..نحن ما انروم انجاوبج عليــــه..انتي اللي تقدرين بس..
يعني انا من زمان ميولي طبيــــه .. فدرســـت مختبرات طبيـــــه.. و احب سوالف المستشفيــــات..

انتي شو ميولج.. اشوفج اتحبين التصوير..
انزين ادرسي اعلام....

او اي شي في خاطرج..
و عني انا ..كان في خاطري ادرس حتى جرافيك..بس بابا كان في خاطره اني اكون طبيبـــه ..فحققت له بس نص حلمــه.. يعني رغبت ابوي و رغبتــي..

شوفي انتي شو اتحبين.. و شو اهلج يتوقعونج اتكونين.., و كوني لهم الصوره اللي يبونهــــا بس بمعاييرج الشخصيـــــــه..

:)
شمـــــــه

طـارق .. تعتقد على طاري الاشياء الي نفتقدها .. تعتقد لو ادرس علم نفس زين ؟

شـمـه : أهلي يقولون الي ايعيبج !!
مااااااااااااعرفففففففففف شو استويييييييييييييي .. بتخبل بتازم ..

انا حاطه اعلااااااام .. بس بعدين .. قمت ماشوف عمري في الاعلااااام ..
انا انسانه موووووووووووديه لدرجه محد يتخيلها .. ف الكمنكيشن ما ينفع لي بعد

التصوير ماحبها كـ مهنه .. التصوير احبها كـ هوايه

اكره الادكيشن
اكره الفاينانس * بس الي اعرفه عدل اني اصلح حق البزنس* بس مابي اعيش طول عمري عشان البيزات
اكره الاشياء الطبيه *وايد دراسه* ونا مب متفيجه دوم
الدزاين والارت احس به سخيف لول
والباجين عاديين

----------

شووووووو انفع اصصصصصصصييييييييييييييييي ررررررررررررررررررر؟؟

عقب هالكلام اللي قلتيــــــه..

و ع حسب توقعات الارصاد الجويـــــه

و ع حسب تخيلات اهلج المستقبليــــــه..

, و في نظري..

تصلحين اتكوني ربة منـــــزل.. و زوجــــة قنوعـــــه.. و ريحي مخــج..


وتدرين ليــــــش.. لاني ماشي وظايف..


:)
شمـــه

ههههههههههههههههههههههههه هههههههههههاااااااااااااا ااااااااااااااي
ما بغيتي الا اناااااااااااااااااا!!!!!!!!!! !!!!!!!

واااااااااااااااااااااااا ااااااااع واااااااااااااااااااااااا اااااااااااااااااع واااااااااااااااااااااااا اااااااااااااااععععععع

جي ماشي سالفه اسير ازوج

الله قال *ولا ترموا انفسكم في التهلكه *

حلوه هاي .. اسميني انفجرت من الضحك

أم خدود ....الحمد لله على السلامه:laugh:

بالنسبه لي دخلت تخصص ما كنت أتوقع نفسي أصلا أدشه ... توكلت على الله

وحاولت أحبه ... لأني لو بدش شيئ بدون ما أحبه بكرهه وما بمشي فيه

بس الحمد لله مشيت فيه ...وأحس إني ما كنت بنجح إلا فيه ..واكتشفت إنه أحلى تخصص :inlove:

بالنسبه لج إنتي ...أحسج متردده باختياراتج وتحسين إنه كل التخصصات ما تناسبج أو أقل من قدراتج

ليش ما أدري؟؟:fa36:

مب مهم يكون هالتخصص سخيف أو انتي مب متفيجه له ...المهم اتحددين شو تبين هدف لحياتج

لأنه على قولة حريم أول ...البنت إذا ما نفعت بالدراسه ايوزونها أحسن :fa52:

فاختاري تخصص من الحين علشان ما ترمين بنفسج للتهلكه

وإن شاء الله تتيسر أمورج :laugh:

أحسج تنفعين تكونين fashion designer ولا محاميه:shutup: *مجرد راي*

حلم الطفوله
صح انزين .. انا متشتته و متردده وكل شي في هالعالم
ما عرف شو يناسبني اكثر .. ماعرف شو ابي اكون
بس المشكله بعدها ما انحلت ..
انا شو ابي اصييييييير ؟؟

ماعرف شو ابي اصير وشو هدفي .. كان اخر هدف لي اييب نسبه فوق السبعين في الثنويه العامه
:fa56:

الحين جي بس عايشه ..
لل الله يا محسنين حد يسلفني هدفه :tounge:

على العوم تسملين اختي .. ما قصرتي على الرد

--------


شـمعـة امل

هلا وغلا

اتصدقين انا من فتره قلت حق ماما هالشي .. جان اتقولي انتي تبين اتصيرين كل شي !!
بس للاسف ما عنا محاماه في جامعه زايد .. اعتقد في جامعه الشارجه

تدرين .. يوم رمست الدكتوره قالت لي * ماما جد قايلتنهلها ان الجامعه مب عايبتني*
قالت لي اتضيعين سنه ولا سنتين ... ولا كل سنوات حياتج متحسفه على جامعه ولا قرار واحد !!

الحين هالجمله اتوووون و تززززن
في عقلي .. بس ما ادري ليش عقلي رافض هالفكره ..
مرات احسها تصرف جنوني .. يعور القلب !!


الله يعيييييييييييين

ام خدود وربي بغيت اقولك عن علم النفس بس قلت يمكن بتفهميني غلط

دراسة حلوة وربي ..عقب الله يعين الاعضاء منك

طارق

موفقة يارب

هههههههه .. تقصد * الـعـــقـل* يعني ؟ .. تدري وانا اكتبها كنت اضحك لول

رجعت مره ثانيه وانا أحس إنج بتنجحين بهالتخصصين

المحاماة ....لأنج صدق بتعقدين بالقاضي من أول جلسه:fa51:

الإعلام ... وايد لايق عليج هالتخصص وفيه بعد كشف شخصيات ضيوفج يعني علم نفس

يالله قرري اليوم....تعبنا ونحن ندور لج تخصص :laugh:

مارووم افيدج بشي لاني يديده وما اعرفج عدل السمووحه
بس انتي شو تخصصج علمي ولا ادبي ؟؟

اعتقد بدخل اعلام .. خاطري استوي مخرجة برامج اذاعيه .. احط اغاني فليل لووووووووووووووول

بس ابويه يقولي استوي مذيعه اخبار .. عاد مادري يطنز ولا منصدقه لول

انا ويه علمي ؟

لا حبيبت ألبي .. انا ادبي .. إحم

أم خـدووود

تـدرين ان السؤال الي ماعرف أجاوبه
وأكـره المسّات يوم يسـألونه هـو
( شو تبـون تشتغلون يوم تخلصـون دراسه ؟ ) ..

موول مادانيه من يوم صغيـره ..!

مـب عارفـه شو أتخـصص .. هاي آخر سنة إلي .. الله يعين وتعدي على خير ..

يوم كنـت صغيـره .. كنـت أبى استوي مذيعه :fa46: ..

يوم كنت فـ 3 اعدادي .. كنـت أبى استوي ( طيـّاره ) أدري طموحي وايد كبير هههه
عقـب نقاشات عميقه ويا الأهـل .. شليت هالفكرة من بالي ..

أمـي .. كانت تباني دكتوره .. بس حسيت ان الطب يباله بارض وانا مليت من الدراسه
وماحطيتهـا فـ بالي أبــد ..

مس الانجليزي والرياضيات .. هالسنة .. والعام .. يقولولي نحـس يصلح لج
تكونين مذيعه .. أو دكتوره .. بس ماخذت عـ كلامهم مادري ليش !


يوم استلمت هالاستبيان مال napo ..
قبل لا افكر شو اتخصص مب عارفه وين أدرس حتى !!

كنـت أبى شي غريـب .. مب الكـل عافد عليه .. بس ماعرفت شـو

آخــر شي .. اختـرت هندسـه .. يمكن لان الوظايف عقب مش صعبه لهالتخصص
ويمكن لان لها مستقبل .. ويمكن لاني كنت احب الهندسه .. ويمكن لان اهلي رشحوها عقب الطب
ويمكن لان ولان ولان ..
المهم اني فـ النهايه حطيت هندســه ..!:fa56:

بس مش عارفه وين أدرس .. جامعة زايد مافيهـا هالتخصص
بقالي الـ AU أو جامعة الشـارجه .. واذا دارت بي الدنيا .. جامعة الامارات ..
والله مش عارفه :sad:

وللحيـن ماغيرت رايي .. لين عقب عادي تلقين فـ بالي شي غير ..!:fa44:

مثلج أنـا .. ما أثبـت عـ راي واحـد بسرعه :fa36:

باختصـار .. حالتي جريبه من حالتــج .. !

واللي عليـج انج تشوفين ذاتج بـ نفسج .. شوفي شو تحبين
من يوم صغيره لو تذكرين لـ شو كنتي تميلين .. شو الحلو بالنسبه لج
شو التخصصات اللي لهـا شواغر عقـب وشو منها يناسبج وشو الي لازم تدرسينه
عسب يكون هذا شغلج .. وجـــييي .!!

والسموحه جان مافدتج بـ شي ..:tounge:

اهلين بلوه
سهراااااااااااااااااانااا ااااااااه اشوووووووف .. شو ماشي دوام باجر

انا مستغربه ..

انتوا كلكم تسهروووون .. معقوله كل يوم كنتوا تضربون خيانه فيني
:tounge:
انا اليوم سهرانه و حاسه اني اتري السحور و باجر ارمضان لول
:unclesam:

على فكره .. انا من كنت صغيره وانا احب الارت .. اموووووووووت ولاحد ياخذ قلامتي و الواني
حتا اني ما ارضى حد يغير خرايطهم *حتا لو مطرطرين و متخيسين الوان*
وكنت من كثر ماحب الون .. ارقد الالوان حذالي
البنات يرقدون باربياتهم و العابهم و انا ارقد الواني حذالي شفتو كيف هههههه

بس الحين طبعا ..

التصوير و الرسم و النحت بيتمون هوايه عندي .. بس مش لدرجة اني اعتمدها شغله في حياتي

مرات افكر ادرس بزنس علشان افتح استيديو تصوير ولا غالري ..

مرات اقول اعلام وايد حلو .. وخاصه لي انا احب اشوف الناس و جي

توني مصليه استخاره للمره الثالثه .. وبشوف النتيجه باجر
* على فكره المرات الاولانيات ما ظهر لي ولا شي .. غريبه !!*

يالله عيل تيك كير و هاف فن ..

ومشكوره لعى الرد يا اموره وتصمحين على خير

ان شالله تتيســر امــورج :inlove:

ونتــرياج شــو قررتــي !!!

والسمــوحه

ما قررت شي !!

وحياااتج .. شي دوااام بس لايعه جبـدي لاني كنت اذاااكر حق امتحنانين ..
من عقب اجازه طويله .. لاني أبسنت يوم الاثنين بعد .. لول لاني راده من
السفر اليوم الي قبله فـ وقت متاخر فـ ماتفيجت انش الصبح لول ..
تخيلي عاد المخ كيف يستوي يوم اتين تذاكرين حق امتحانين عقب هالراحه كلها :fa51:
فـ قلت اقعد عـ النت اغير مودي ..

المهم ..
فـ النهايه الاختيـار بيدج .. وأدري انه تحـديد مستقبل وايد صعـب
اسأليني انا .. محطيه هندسه ومب مقتنعه فيهـا وايد .. بشوف لين عقب النتايج:fa56: ..

قلتـي تحبين الارت والبزنس .. اربطـي بينهم مثل ماقلتي .. ادرسي بزنس
وافتحـي غاليري أو اسيتديو :fa51: ..



.
.
مادري بج والله .. والله يوفـقج ..
وانتي من هله ديروطي ^.^

مسألة أختيار التخصص هي مسألة صعبة و أحيانا تكون أسهل من أي شي ثاني ...

ام خدود إذا شفتي كل شي متساوي بالنسبة لج في نفس الوقت بتحسين أن مثلا في شي أصعب من شي و لو بدرجة بسيطة انصحج تختارين الصعب اما عن السبب فهو ان الشي الصعب يحرك الحياة و بالتالي الشخص ما يحس بالوقت أو الملل.

طبعا إذا كان في تخصص يعطيج امتيازات اكثر من غيرها مثل عندج صديقات في نفس التخصص او يكون التخصص مهم اكثر من غيره فهذا شي اعتقد انه مهم.

اختي نحن مجرد مبتدئين مقارنة بالمستشارة النفسية اللي راجعتيها فنصايحها اكثر فايدة من كل اللي قلناه لكن في النهاية اتمنى يكون ردودنا صدى بالنسبة لج.

أنا فعلا ما اعرف شو ممكن تكونين ... ليش ما تكونين مستشارة نفسية و بعدين اراجع عندج :)

بعدج مــاقررتــي !! :fa46:

اتصقدون سرت عنده الدكتوره علشان اسوي الامتحانات وجي *اسمها ناديه بوهناد* جان تعرفونها ..
اني ويز ..

اخر شي اخترت كومنيكيشن و انترناشنال استديز .. والبارحه اخترت اعلام و آرت لول .. كله صعب الله يستر بس

الرد اشحقه ما يالس يتغير **

قصدي عندها رسينا على كمنكيشن و انترناشنل استديز .. وحزت الحزه غيرت واخترت الي مكتوب فوق

----------------

واشكر كل الي رد .. بس ياريت لو كل عضو تخصص يكتب لنا كيف اختار تخصصه **

ام خدود

عزيزتي وش رايج بالسلك الدبلماسي

:fa56:

يمكن تصيرين سفيرة .. و الا تشتغلين في الخارجيه

طيب وش رايج بالقانون و تصيرين محاميه

احس شخصيتج تناسب هالمجالات ..

لانها تبا وحده قويه و عندها لسان ( لا تفهمين غلط )

اقصد يعني تحب تناقش .. و تثبت رايها .. و شجاعه و منطلقه ..

و بعدين مافيها روتين .. كل مرة قضيه و كل مرة ناس يدد

:laugh:

مجرد اقتراحات .. و اللي يناسبج سويه

و صلي استخارة .. و ان شاء الله امورج تتيسر

اختج

ملك

:fa35:

:fa52:

سووري ما شفت ردج الاخير

يالله بالتوفيق

اللي اخترتيه وايد حلو .. الاثنين فيهم متعه و ابداع

و مافيها روتين ..

انا عن نفسي محتارة بين اثنين ..

اكاونتينج .. و الفايننس ..

شكلي باخذ دبل ميجر

بس عندي وقت طويل لين ما اقرر ..

اخلص جينيرال اول ..

:fa35:

دبلماسيه .. صعب علي اروح روحي برع ادرس * اغسل و انضف و اطبخ و ادرس * نفسيتي بتنهار لول

ومحاميه .. ماعنا محاماه في جامعة الا في جامعه الشارجه و العين .. وماما تكرهم هم الاثنين . . سمعت عن معهد في بوظبي .. بس بعدني مش متاكده

على العموم مشكووووووره على الرد يا حلوه

والله ايوفقج في الي بتختارينه
-------------


نتريه ردود ثانــــــــــــــيه !

السلام عليكم

ام خدود .. مادري ليش بس دووم اتخيلج اعلامية

اعلام وارت تخصص حلو و دراسته fun

الله يوفقج :)

.

.

امم كيف اخترت تخصصي؟

اول شي كنت ابا علم نفس بس محد كان موافق :Oo:

عقب قررت اخذ informationa managment system and accounting

بس يوم فكرت وين بشتغل و كيف بيكون شفت انه بيكون روتيني و ممل :sleepy:

كنت ابا graphics بس اعلام ممنوع:shutup:

ويوم رحت AUS عيبني الarchitecture بس AUS ممنوع و الجامعات الثانية طريقة تعليمهم للهندسة ما عيبتني نفس هناك

عقب سمعت كلام الناس وطحت في الدرب اللي انا فيه:fa39: السبب اللي خلاني اتحمس و اسمع كلامهم لانه هالتخصص مب موجود في جامعة زايد لاني مارتحت لهل جامعة:ohboy:

المهم اخترت طب اسنان .. والحين احس عمري متوهقة :fa54:

يقولون انه بس اول سنة جي .. ان شالله تكون بس اول سنة جي ولا بستخف:fa52:

وان شالله اقدر احب هالمجال

.

.

و الله يوفق الكل ان شالله ^_^

السلام عليـــكم


ذكرتيني بثاني سنه في الجامــعه.. يوم كنااا نبغي نتخصـــص,,

والله اني ما كنت ارقد الليل كله اقعد افكر
هاا تخصص مب حلوو لا ها مب
وفي كل تخصص كذا مجال
يعني الهندسه فيها شي معين والعلوم والاداه

انا كنت هندسه
بس ماكنت اعرف شو اتخصص
اتصل في ابوي اساله شو تباني اتخصص ,,((ابوي عنده بكالريوس علم نفس)) فقعد يرمسني يمكن ساعه كامله,, ماقالي شو ادخل,, بس قالي انته شوو الي تطمح له تستوي.. يقولي لاتنجرف ويا ربعك,, يمكن ربعك بيدخلون المجال الي هم يفهمون فيه وانته بيكون تفكيرك غير فيعني بتلعوز عمرك ع الفاضي,, ووايد كلام
والجامعه سوت لنا يوم تعريفي للتخصصات وهاي السوالف,, وكل دكتور شرح عن قسمه وشو المميزات
وانااااااااا فكري بعيد شو تتخصص يا خيال بن الحب

اتصلت ف اخوي اخبره,, يقولي شوف عمرك بشو شاطر,, احترت زياده

رديت البيت قعدت مع ابوي والوالده ,,
وقررت عقب اني اخذ هندسه ميكيانيكيه ورحت الجامعه ويبت لي الخطه الدراسيه وسويتها وكل شي
وكان ويانا في السكن خريج هندسه كيميائيه
فقلت لي ما اكلمه
فقعدت وياه ورمسته وجيه,,
فقلت يلاااااااااااا دام اني احب الكيميا خلنا ندخل ونشووووووووف

وكان على بالي الهندسه الكيميائيه كلها كيميا وهالسوالف

لووول بالعكس طلعت بلاووووووووووووووووووي كلها ماث وفيزياااااا,,
والحمدلله الحين امشي في الدراسه,, صح انها صعبببببببببببببه وايد بس يلاااا

اهم شي انه تخصص ناااااااااااااااااااااااا ادر ((عشان جيه انا اخترته)) حسيت انه مافي حد

تدري نحن كم واحد بالكلاس 4 بس وان كثرنا 7

يعني كشخه

والتخصص الي اخترتيه الصراحه احسه حلوووووووو

وبالتوفيق ان شاء الله

والسموحه طولنا عليج :)