يدتيه من الحريم لوليات راعية جميرا

يدتيه من الحريم لوليات راعية جميرا
بخبركم عن سوالف يدوه الله يعطيها العمر شموسة الامارات يدتيه من الحريم لوليات راعية جميرا وسوالفها كلها مال لول

وعندها فلسفة عجيبه في تفسير الأمور

والحين بجلب وياكم موسوعة يدوه الفلسفيه:

1) الحريم و مرض السكر
تقول الوالده الحريم ما ياهن السكري و الضغط إلا من قل الحركه و اليلسه و الهيازه و البشاكير

2) أمراض الدم
أول العرب فيهم قمل يشرب الدم الخايس ومن إتنظفت العرب عفدت إبهم هالأعواق إلي ما ريناها في
عربنا لوليين(شفتو فايدة القمل).

3)الجن و المس
لول الدنيا فضا و الفرجان متباعده و كل فريج فيه كمن خيمه ينعدن عالصبوع, والجن سكون في الخلا
لكن من يانا الخير زادو الأوادم و زادت البيوت وعدو على بقع الجن, عاد الجن ما حصلو بقعه يسكنونها
قامو و سكنو في الأوادم

4)رغوة الحمام
دخلت ختيه الصغيره الله يعزكم الحمام و ترست البانيو ماي و رغوه, يوم دخلت يدوه الحمام و شافت الرغوه قالت يالله بالستر بلاه مايكم وارم

5)البر و الموتر
يوم سرت فيا يدوه الع**ه غرز الموتر و الهندي ما عرف شو يسوي نزلت أطالع السالفه, جان أقول ليدوه إنزلي شوفي الموتر , لقيتها يالسه في السيت الجدامي و تدز التابلون بريولها قلتلها شو تسوين؟ قالت: أدز الموتر حق يظهر

6) الفتاين و الهزاب
تقول يدوه لا تفتنون على الأوادم و إته**ونهم لأن رب العالمين قال: الفتنه أشد من القتل.



و هاي سوالف يدوه و فلسفتها
ملاحظه: عقب ما تقرون الموضوع إدعوا ليدتيه بطولت العمر فديت روحها

و السموحه

مشكوره ع السوالف الغاويه

بلاه مايكم وارم<<<<عيبتني

الله يطول بعمرها وعمر يداتنا

حليلها والله
تذكرني بيدتيه اسميها يوم أبيت عندها أشوف العجاايب>>يعلني أفدااها

ربي يحفظها يارب ويطول بعمرها والله سوالفهم غاااويه صج فيها حكم لكن بطريجه حيلوه يوصلونها

سلمتي يالشيخه ولاهنتي عالسوالف

الله يحفظج ويطول بعمر يدتج

بس تعالي علوم وسوالف يدتج لا يعلى عليها:laugh:

الســــــــــلام عليـــــــــــكم...

يا ســــــــــــلام... أشحلاتها سوالف العيايز و خراريفهم...

الصغاريه هالايام.. لا بيسمعون هالسوالف ولا بيعرفون... قله منا من يحفظ هالقصص الحلوه..

الله يرحم يدتيه و يرحم جميـــــع أموات المسلمين...

ويطول في عمر يدوتج شمـــاسي..

..

ههههههههههه... عاد ما عيبتني الا سالفه الماي الوارم... :fa46:

ربي يحفظها لكم ان شاء الله .. :)

:laugh:

الله يحفظ لكم اياها يا شمسه

..

والله يدتج عجيييييييييبه الصراااحة ..
الله يخليييها لكم .. ويحفظهاا

الله يعطيها الصحه والعافيه ويطولج بعمرها ..

مشكوره شمسه على سوالف يدوتج الصراحه مت من الضحك يوم قريتها والله يطولج بعمرها

الله يطول بعمرها ان شاء الله....

الله ايخليكم يارب

وان شا الله بكتب لكم عنها وسوالفها

ســوالف عليــها بعد :fa51:

الله يحفظهــا ويخليــها لكم ان شالله :inlove:

ونتــريا ســوالفهــا اليديده عاد
...

والسمــوحه

الحريم و مرض السكر
تقول الوالده الحريم ما ياهن السكري و الضغط إلا من قل الحركه و اليلسه و الهيازه و البشاكير(( عاد
تدرين ف هذي صدقت لان امايه ويدتيه كل مره يقولون نفس الكلام)) ههههههههههههه
يحليلهم والله ... اللله يطول ف عمارهم ويطول ف عمر يدتج
قولو آآآآآآمين

الله يطول بعمرها.....

الله يطول بعمرها ويحفظها لكم ان شاء الله

سوالفها حلوة ماشاء الله

عجيبه سوالفها يدتج

الله يرحم يدتيه

والله يطول بعمر يديتج ويخليها لكم

يا حيهـــا يدتـــــج ..

وسوالف الشيبـااان والعيــايز دووووم تصــدق وما قــد خابــت لأنهــم يتكلمووون عن خبـــرة ..

ونحــن وايـــد مرتــاحيــن هــب شراتهــم .. وايــد تعبـــوووا

الله يحفظهــم لنــا ولا يخلي كل بيــت منهـــم


شكـــراً أختـــاااه ( المتميـــزة ) وفي انتظـــارج من جــديـــد ( اجباري )

والسموحه

..

يا هلا والله براعية جميرا ثراها من ربعنا ...
انتي بس خبريني منو هي ؟؟ وبسير عندها اتسمع سوالفها ..انا يدوتي حليلها توفت من زمان حتى ما شفتها ولا ابويه شافها .. بيي بسمع السوالف من يدتج ربي يطول بعمرها يا رب ..ويخليها له لكم...

بس عيبتني سالفة القمل.. ويييييييه الا قبل خياس .. عشان جذي متيمع القمل جداهم .. بس نحن الحين نظاف بس عافانا الله مرضى..

تسلمين الغاليه على الموضوع الطيب ..
وسلمي على يدتج ...
والسموووحة

فديتها يدتج عليها سوالف فنانه


ويعل ربي يخليها ويحفظها لكم
ويعل ربي يطول في عمرها