ألأسامي

حبيت اشارك معاكم بهذا الموضوع ..
وأتمنى من الكل يشارك ....


شو قصة أختيارك أو سبب اختيارك للأسم اللي مشارك فيه ؟؟
وشو يعنيلك هذا الأسم ؟؟
يمكن تستخدم الأسم في مكان ثاني غير المنتدى ؟؟
في أحد من برع المنتدى يعرف الأسم ؟؟



عن نفسي ....
في يوم من الأيام .. قاعد مع ربيعي , وكنت تعبااااان حييل وقاعد اتكلم معه واعق كلام مو مفهوم أو أستهبل عليه .. سألني شوفيك ؟؟
قلتله : ماشي .. بس قاعد أهوجس .
قال لي : هواجيس السكارى مشكله .
قلتله : لألألأ .. هذي هواجيس مشتاق
وعجبني الأسم ..

وهذا الأسم صار أسمي الثاني وجزء مني .. . خاصة بعد ماشاركت فيه في واحات بن دبي:fa41: :fa41: ..

واخواني .. وربعي ... وأهلي كلهم يعرفون أن هواجيس مشتاق أهو أنا ..

وأكثرهم مسجلين هذا الأسم في تلفوناتهم ....


وشكرا

انا عن نفسي كنت يالسة انا واختيه وكنت ابا اسجل فالواحات
بس ماكان فبالي نك محدد عسب اشارك فيه فسألت اختيه شو رايج
اسجل بنك الدلوعة قالتلي وسجلت يعني ماشي بيني وبين النك نيم اي سالفة
والحينه اللي البيت يوم بيون يتمصخرون عليه يقولون اونها مسميه عمرها الدلوعة ^_^

اممممممممممم ..كلمة (متفيجة ) دااايما على لسااني ..

وفي الجاامعة الكل يعرفني بهذاا الاسم (المتفيجة) ,,
هايالمتفيجة ويين بتسيييريين ؟؟ المتفيجة عندج كلاس ألحيينه ؟؟؟ ..... وهكذاا (أشك أن اسمي ماا يعرفوونه )

المهم .. لما بغييت أسجل في الواااحاات قلت مااشي الا اسمي الثااانوي .. فديييته والله ..

وهاااي قصتي مع النك نيم ..

سلااااااااااااااااااااااا ااااااااااااااااااااام ...
المتفيجة ...

اما عن نفسي
فتكلم عن اول نك استخدمه في الواحات وهو((أم عيسى ))
فجأة طرا عبالي هالاسم وقلت بشارك بهالنك مع انه مايعنيلي شي وبعدين بدا هالنك يركب عليه والكل يناديني ام عيسى مع انه كبير عليه وبعدين دشيت المنتدى بنك ثاني وهو (المتفيزره عالعرقووب )) مادري هالاسم وايد عيبني وادري البعض مب فاهمنه لنه شوي صعب يعني مفردااته بدويه شوي ولانه احب قعداات البر و العراقيب فدشيت بهالنك
وعفكره اخواني لين الحين معلقين عليه اسم ( ام عيسى ) وحتى مسجلين هالاسم بتلفوناتهم اونه خخخخ

موضوع حلو انا عن نفسي

كنت مسجمل باسم طارق في بدايتي بالواحات

بالمختصر نبراس الليل ..لقب من اختي الله يحفظها ان شاءالله

واكثر ربعي يعرفون اني القب نفسي نبراس الليل

في الفترة الاخيرة حبيت اغير لقبي لكن شفت ان هاللقب لصق فيني للابد

اخوكم
طارق

سيدة الحب اسم عرفت فيه في موقع سيد الحب وانا كنت سيدة الحب

كنت احل المشاكل المتعلقة بهاي الامور والكل كان يقولي حقا انت سيدة الحب وحبيته

وسجلت فالواحات رغم كل كتاباتي تكون بسم حالمة بس انشرها اهني بسم سيدة الحب

وبس تلك هي القصة

سيدة الحب

الدلوووعة .... المتفيجة .... المتفيزره عالعرقووب ... نبراس الليل ... سيدة الحب ...


مشكورين أخواني عالمرور ...


بس أتمنى من الكل يشارك




أخوكم ___ هواجيس مشتاق ___

هلااا


القصة الله يسلمك انه هالاسم من دشيت الجامعه اسمي واسم 3 بناات فالشلة (سيم سيم)
وعشاان يفرقوون مبينا سموووني أمرين
وهذا أول اسم دشيت فيه المنتدى فكرت أغيره .. لأن وااايد يشوفوونه غريب ويقرونه بالغلط
يعني أمرين ==>>> قمرين

:inlove:

و بعتبر احــــلى اسم عندي ..!!


والسمووووحة

شكرا أختي أمرين عالمرور ...

السلام عليكم
الموضوع حلو
انا يبت هالاسم من عند ربيعتي كانت
اتقولي دانة الامارات بس شفته كبير عليه
فقلت اصغره وصرت دانة حتا وهالاسم استخدمه
في كل مكان اسجل فيه
تســــــــــــــــــــلم اخوي عالموضوع

انا ياييبه اسميه من هزييم الرعد>>>>سوااالف
نو يايبتنه من اسم الفرس هزييم إلي عندنا ولأنيه دومي عيووز متكسره وكل أمرض فهزاايم صار لقبي هو هزيمة القدر عليه وسمعته من الوالد >>ربي يحفظه<<
إلي ينادوني الوالد و إخوانيه والهندي إلي بالإسطبل>>>منقوود عند الجماعه الهندي يعرف اسم البنت والله سوالف

تسلم يالشيخ عالموضوع ولاهنت
والسمووحه عالإطاله

شكرا ( دانة حتا و هزااايم ) على الرد


وتسلمون على رايكم


__ هواجيس مشتاق ___

شو قصة أختيارك أو سبب اختيارك للأسم اللي مشارك فيه ؟؟
مره كنت قاعده انظر للشمس الظهر فجاءة حسيت بوهج قوي ظاهر من الشمس.. فحسيت ان في خاطري اشياء وايد ابي اظهرها قوتها شرات قوة وهج الشمس ولكن هي وهج الخاطر

وشو يعنيلك هذا الأسم ؟؟
يعني لي شي كبير ما اقدر اوصفه

يمكن تستخدم الأسم في مكان ثاني غير المنتدى ؟؟
في كل منتدى اشارك فيه استخدم نفس الاسم

في أحد من برع المنتدى يعرف الأسم ؟؟
الاغلبيه العظمى من اصدقائي ومعارفي يعرفوني بهالاسم

وهج الخاطر


شكرا على الرد

81 مشاهد !!!!!!!!!!!!!
13 رد !!!!!!!!!!!!!!
شو هذا البخل اللي فيكم ؟؟ظ

81 مشاهد !!!!!!!!!!!!!
13 رد !!!!!!!!!!!!!!
شو هذا البخل اللي فيكم ؟؟